Varðandi NATO fundinn eru svo mörg ríki búinn að hafa samband til Íslands og tilkynna hugsanlega hópa sem eru á leiðinni á klakann til að mótmæla.

Íslendingar eru ekki þeir sem lögreglan er hrædd við í kringum Nato fundinn, heldur erlendir aðilar.

Við fengjum líka ekki að hýsa fundinn ef löggæsla væri ekki trygg.

Sé ekki vandamál hér. Miklu frekar vandamál í getuleysi íslendinga við að mótmæla t.d. bensínhækkunum o.s.frv.

kv
gg

Ef ég gæti myndi ég fara í sjálfboðaliðavinnu hjá lögreglunni á meðan á fundinum stæði ef ske kynni að kommarnir og hasshausarnir færu að beita ofbeldi í mótmælagöngu sinni.

Atlas

“Ég vil að þetta land stjórnist ekki að nokkrum útvöldum aðilum sem voru kostnir fyrir 4 árum síðan.”

Ertu þá semsagt að óska eftir beinu lýðræði? Eða viltu frekar fá kosningar á t.d. ársfresti?

„Þú hefur greinilega skilið mig sem einhvern ólátasekk sem drepur hund nágrannans þegar hann geltir um næturnar.“

Af málflutningi þínum má ráða að þú teljir það í lagi að beita ofbeldi ef maður er ekki sáttur við ríkjandi ástand. Hver er munurinn á því að skjóta hundinn „í mótmælaskyni“ og að valda eignaspjöllum og/eða manntjóni í mótmælaskyni?

„Ég er ekki að réttlæta það að fara út á götu og drepa nokkra lögreglumenn bara vegna þess að ríkistjórninn er búin að banna gula mállingu (ég hata gula mállingu btw ;). “

Það var og. Hvenær er þá löggan réttdræp?

Þú spyrð “Er þetta kefið sem þú villt koma á?”. Kerfi þar sem minnihlutahópar þurfa ekki að gera neitt nema mótmæla þá fá þeir það sem þeir vilja upp í lófana. Als ekki. Ég vil að þetta land stjórnist ekki að nokkrum útvöldum aðilum sem voru kostnir fyrir 4 árum síðan. Og 4 ár eru ansi mikið miðað við hversu fljótt hlutirnir eru að gerast, sérstaklega eftir 11 sept.

Það er afskaplega mikil einföldun að halda því fram að landinu sé stjórnað af „nokkrum útvöldum aðilum“. Vissulega eru nokkrir menn, t.d. ráðherrar og alþingismenn sem koma að mjög mörgum ákvörðunum, en það er barasta alls ekki rétt að þeir ráði öllu. Það er afskaplega eðlilegt að þessir menn skipti sér af málunum, það er þeirra vinna sem þjóðin réði þá til að sinna. Vissulega hefur fulltrúalýðræði ýmsa galla. Það er þó samt sem áður besta kerfið sem menn hafa fundið hingaðtil. „Vsja vlast' sovetam“ æptu byltingarmenn í Rússlandi í byrjun 20. aldar, „Power to the People“ skrifar þú í byrjun hinnar 21. Hvað eiga þessi slagorð sameiginlegt? Jú kallað er á að völdin færist til sovétanna annarsvegar og fólksins hinsvegar. Bæði vísa í einhverjar óljósar hugmyndir sem reynast svo tóm vitleysa við nánari skoðun. Það er almenningur sem kaus þingmennina sem við höfum í dag. Á þá að fá almenningi vald til að taka völdin af sjálfum sér?

Þú spyrð að því hvernig ég skilgreini lýðræði. Lýðræði skilgreini ég svo að stjórnendur sæki umboð sitt til þjóðarinnar til að stjórna í hennar þágu og í samræmi við þær reglur sem settar eru, þ.e.a.s. stjórnarskrá og mannréttindasáttmála. Ég get ekki annað séð enn að þeir stjórnarhættir séu viðhafðir hér á landi.

„Lýðræði er þegar allar skoðanir eru teknar fram og skoðaðar, síðan ákveður meirihlutinn hvað á að gera, en á að taka tillit til minnihlutans. Þegar illa er traðkað á litltá minnihlutans Á HANN AÐ MÓTMÆLA og MEIRI HLUTIN Á AÐ HLUSTA Á HANN. Meirihlutinn á ekki einfaldlega að hunsa hann eins og oft er gert.“

Nei, þar er ég alsendis ósammála. Sérhver maður hefur tiltekin réttindi, þ.m.t. málfrelsi og skoðanafrelsi. En þó að þú hafir málfrelsi þá hvílir engin skylda á mér til að hlusta á þig, kommúnistar hafa rétt á því að tjá sig en það þýðir ekki að mér beri skylda til að lesa „The Militant“, eða að peace4all þurfi að lesa fréttabréf félags íslenskra þjóðernissinna. Kommúnistar og peace4all hafa rétt á sínum skoðunum en þeir eiga ekki rétt á því að ég sé sammála þeim.

„Önnur spurning til þín, háttvirti Bumburumbi. Hversu mikið helduru að stjórnendur landsins hlusta á þig ef þú ferð að mótmæla eitthvað sem þú telur al-rangt? Og skiptir það nokkuð máli þóttt þið eru 3000 sem eru sammála þér? “

Það fer nú barasta eftir því hverju ég er að mótmæla og hvernig ég geri það. Ef ég færi niður á Austurvöll og byrjaði að æpa og góla „Power to the People“ eða „allt vald til sovétana“ þá á ég ekki von á því að neinn myndi hlusta á mig. Ef ég settist hinsvegar niður og skrifaði grein í Morgunblaðið þar sem ég færði rök fyrir skoðun sem ætti hljómgrunn í þjóðfélaginu þá þykir mér líklegast að einhver af ráðamönnum landsins myndi lesa hana. Það er hinsvegar ekkert gefið að þeir séu sammála eða fari eftir því sem ég skrifa. Það er hreint og beint fáránlegt ef ráðamenn ættu að þurfa að ráðganst við alla áður en ákvarðanir eru teknar eða finnst þér það valdníðsla að Alþingi ráðgist ekki við ritter og peace4all áður en útlendingum er veittur íslenskur ríkisborgararéttur? Hlutverk stjórnkerfisins er m.a. að vinsa úr þær skoðanir og kröfur sem mark er takandi á. Ef það væri ekki gert væru engar ákvarðanir teknar. Það segir sig hinsvegar sjálft að eftir því sem fleirri menn eru um eihverja skoðun þess meiri líkur eru á að tekið sé mið af henni. En þó að 3000 manns væru sammála mér um eitthvert málefni þá er ólíklegt að það hefði mikið að segja ef afgangur þjóðarinnar væri alfarið á móti því.

„Og þegar mótmæli enda í ofbeldi, sem þau gera sem betur fer ekki oft hérna á landi, er það öruglega vegna þess að fólkið telur að það er verið að brjóta alvarlega á sér.“

Og hvað með það að fólki finnist að verið sé að brjóta á sér? Er það einhver afsökun fyrir því að brjóta á öðrum? Mér finnst óréttlátt að þurfa að borga afnotagjald af Ríkissjónvarpinu sem ég horfi aldrei á. Finnst þér þá í lagi að ég kveiki í Útvarpshúsinu í mótmælaskyni? Mér finnst óréttlátt að borga 1000 kr. í Hvalfjarðargöngin en vestfirðingar fá frítt í göngin fyrir vestan. Eiga skagamenn þá að hefja skæruhernað gegn vestfirðingum?

„Ég veit ekki hvort það hefur komið nóg og skýrt fram í greininni minni, en ef við gefum fólki vald, þá þarf fólk ekki endilega að slást við lögreglu. Vona að þú skilur hvað ég er að meina“

Nei, það kemur hvergi fram í greininni hjá þér, hvorki skýrt né óskýrt. Þar kemur hvergi fram hvaða vald þú ætlar að færa „fólkinu“ né heldur hvaða „fólki“ þú ætlar völdin. Ef þér þykir „fólkið“ ekki nógu ábyrgt til að kjósa sér þingmenn til fjöggura ára, hvernig í ósköpunum ætlarðu að halda því fram að „fólkið“ sé nógu ábyrgt til að fara með einhver önnur óskilgreind völd?

Bumburumbi.

Það er rétt. Það besta sem hægt væri að gera er að tala um þetta í stað þess að byrja að ganga berserks-gang fyrir framan NATO fundinn.

Það er nú hægt að ræða það lengi hvort það er nú nauðsinlegt að halda þennan fund og hægt að eyða ennþá meiri tíma í að tala um hvort Ísland ætti yfirhöfuð að vera í NATO…

Ég er allavega ekki einn af þeim sem ætla að mæta með molotov-kokteil á þennan fund!

–krizzi–