Heyrðu, ég er nú kona og er alveg sammála þér. Maður er vanur að konur séu líka stjórar, til hvers að vera að pína sig til að nota stýru?

Þetta er alveg hárrétt hjá þér. Það er engin ástæða til þess að fara að búa til kvenkynsútgáfur af öllum orðum - við erum ekki Þjóðverjar.

Annað tengt þessu sem fer alveg sérlega í taugarnar á mér er þegar að menn tala um “menn, konur og börn”. “Menn” er auðvitað tegundarheitið og ekki heiti karlkyns manna eingöngu, rétt eins og “steypireyður” en tegundarheiti og ekki aðeins heiti á kvenkyns stypireyðum eingöngu.

Miklu frekar kvenremba hjá rauðsokkum sem vilja sér endingu fyrir konurnar. Stjóri, maður,,,,, karlmaður kvenmaður,,,, bleh, ég nenni ekki svona bulli…. við erum öll jöfn, þó ýmsir fornaldarhugsandi vinnuveitendur og karlaklúbbarottur vilji annað… =)

Ég myndi segja að sagnirnar að stýra og að stjórna séu nánast sömu merkingar. þú getur ýmist stýrt (látið fara á e-a leið) eða stjórnað (látið gera e-ð) það að láta eitthvað fara á einhvern veg getur léttilega þýtt það sama og að stjórna einhverju(m). Því ef maður stýrir einhverju(m) þá hefur maður stjórn yfir honum/því og stjórni maður eihverju(m) þá getur maður stýrt því.

Ég veit að þetta var langt frá því að vera skemtilegt aflestrar.

ég held að málfræðilega sé það rangt. en mér finnst að það ættu líka að vera til kvenkynsorðin yfir starfsheiti, því ég er soldill femínisti. ;)

Mér finnst þetta alveg skemmtileg pæling hjá þér. Sé ekki hvernig þú lest karlrembu út úr þessu… þú ert bara að velta þér upp úr bókstaflegum merkingum orðanna, sem er fullkomlega eðlilegt, og reyndar nauðsynlegt að gera þegar menn fara að hjala um að breyta almennri notkun okkar fagra tungumáls.

Mér finnst bestur punktur þinn sá að “að stýra” og “að stjórna” er síður en svo sami hluturinn.

Ég man þegar ég var yngri kom Íslenskukennarinn með góða spurningu sem ég pældi mikið í seinna. Hvort er rétt að segja “frú Forseti, Vigdís” eða “herra Forseti, Vigdís”, þegar orðið “Forseti” er óneitanlega í kvenkyni? Eftir áralangar vangaveltur yfir því hvort Íslenska tungan væri á villigötum eftir kvenréttindabaráttuna, komst ég persónulega að þeirri niðurstöðu að “frú Forseti, Vigdís” væri fullkomlega eðlilegt með hliðsjón af þróun menningar og máls í gegnum tíðina. Einnig má alltaf leika sér með uppröðun orða og virðist hún yfirleitt ekki einu sinni skipta nokkru sköpuðu máli. Merkingarlega er því “Frú Vigdís, Forseti” nákvæmlega það sama og “Frú Forseti, Vigdís”.

“Eru konur ekki líka menn?” var ég einhvern tíma spurður að. Jú, vissulega.

“Þessi manneskja, er bílstjóri.” - Hvernig getur þessi setning verið vitlaus hvað varðar kynin? :) “Manneskja” er í kvenkyni, en “bílstjóri” í karlkyni. Ég sé ekki betur en að þetta sé fullkomlega eðlilegt í Íslenskri tungu.

Og seinast en ekki síst, það að skrifa “Íslenska” með stóru Í-i er sérviska, ekki vanþekking á málinu. :)

Einfallt mál. Við ættum ekki að þurfa að nota orðið stýra vegna þess að karlmenn eiga að ráða, máli mínu til stuðnings vitna ég í Aristoteles sem sagði að karlinn væri skynsemisvera konan tilfinningavera. hvílíka visku hef ég aldrei áður heyrt.