Alveg sammála þér. Stundum getur fólk orðið svo tillitlaust. Fólk sem öskrar á fólk sem er bara að gera vinnu sína á bara bágt.

Gullbert

Ég vinn í bíói, og lendi oft í því að fólk kemur með krakkann sinn í bíó á kannski barnamynd eins og monsters.inc eða eitthvað, og það segist ekki þurfa borga, það er bara halda krakkanum company og því þarf það ekki að borga! Þetta er svo fáranlegt, fólkið tekur eitt sæti og sætið kostar 800 kall!
Síðan kom einu sinni kona á mynd sem var klukkutími og korter og kvartaði yfir því að þurfa borga fullt verð fyrir svona stutta mynd! Ég ætla ekki að vera með einhverja karlrembu en oftast eru það konur sem kvarta.

botnleðja sagði það best

fólk er fífl

Góð frásögn Clara.

Það verður ekki af okkur skafið eiginhagsmunasemin og frekjuhátturinn, á sér á köflum engan líka.

Kæra, kæra, það er nýjasta tískan og annar hver maður rífst um peninga fyrir dómstólum og lögfræðingar lifa góðu lífi.

Almenn kurteisi fer halloka að ég held, því fólk hittist varla inni á heimilunum svo mikið er að gera.

kv.
gmaria.

Ég vinn við að afgreiða og hef gert það síðast liðin þrjú sumur. En ég hef aldrei lent í því að nokkur maður hafi verið svona ókurteis.

Það jaðrar við að maður kalli þetta geðveiki. Það er allaveganna ekki eðlilegt að reina að gera úlvalda úr mýflugu svona innan um bláókunnugt fóllk. Eini gaurinn sem ég þekki sem hugsanlega gæti látið svona er Íslenskur þjóðernissinni. En ég held samt að ef hann hittir fólk af asískum uppruna þá mundi hann aldrei láta svona.

Ég var einu sinni að bíða eftir afgreiðslu í nemendaskráningu (HÍ). Einn af þeim sem var verið að afgreiða varð alveg hoppandi vondur yfir því að borga einhvern 100 kall (eða 200 kall) fyrir einhverja útprentun. Eftir dúk og disk þegar starfsmaðurinn náði loks að fletta honum upp til að geta prentað út vottorðið (eða hvað það var) þá leit hún upp og sagði hissa “Ertu í guðfræði!”.

Ég held að allir viðstaddir hafi lagt á minnið hvernig maðurinn leit út til að lenda ekki á honum sem presti í framtíðinni.

Annars tók hann þessu kommenti vel og hló með.

Sumt fólk er svo upptekið af sjálfu sér að það fattar ekki að annað fólk er til. Það hugsar eins og var fyrir löngu síðan; það er miðja alheimsins. Þetta er greinilegt merki um óendanlega heimsku.

Ég er sammála “Fólk er fífl”

Með því versta sem að afgreiðslufólk lendir í er þegar fólk er að kvarta yfir verðinu á hinum ýmsustu vörum, eins og afgreiðslufólkið ráði því eitthvað.

Ég var einu sinni að vinna á video leigu og oftar en ekki var fólk að kvarta yfir verðinu á sígarettum, eins og ég hef eitthvað með það að gera. Það er náttúrulega bara fáránlegt að standa inní video leigu klukkan 23 og kvarta yfir því að sígaretturnar eru dýrari en í t.d. Bónus. Það endaði bara með því að ég var farinn að segja: “Vilt þú þá ekki bara fara í fyrramálið og kaupa sígaretturnar þínar þar?”

Merkilegt.

Einhvern veginn skil ég aldrei hvernig fólk getur verið svona ókurteist. Ég er sjálfsagt svo vel upp alinn. Mér var strax kennt það vera kurteis sætur strákur. En ég vinn í stórri sérverslun og maður þekkir oft ókurteisutýpurnar strax og maður sér þær. Það geta verið eldri menn, ca 60-80 ára, konur í pelsum og með of mikið ilmvatn, gamlar konur sem halda að þær þurfi ekki að bíða í röð osfrv. Hinsvegar er fólk á mínum aldri 21-25 ára yfirleitt mjög kurteist og fólk alveg upp að 60, þá eru dónalega kynslóðin tekin við. Ég get ekki annað en hlakkað til þegar kynslóðin fædd 1920-1940 er dettur út!!

Okkur er kennt að brosa framan í dónana og svara alltaf kurteislega, það getur verið gífurlega erfitt með svona pakk. Ég vann á kassa í Hagkaup nokkur síðustu sumur, alveg ótrúlegt hvað maður er mikill skítur í augum sumra. Man sérstaklega vel eftir gömlum manni, með ljóta húfu og svona dúsk ofan á, og var að versla í Hagkaupinu mínu, og fór á minn kassa. Upphæðin var að mig minnir 6500 kall. Karlinn neitar því alfarið, og biður mig að renna öllu í gegn aftur, það var ekkert að gera svo ég renndi öllu í gegn aftur. Aftur kom 6500 kall. Þá varð maðurinn eldrauður í framan af reiði og spurði mig hvaða svindl væri í gangi hjá mér og baðmig að renna þessu aftur í gegn. Ég neitaði því og fór yfir kassakvittunina með honum. Hann var eitthvað að tuða yfir einhverju uppþvottavélardufti sem hafði að hans mati hækkað einhver ósköp síðan hann verslaði síðast. Að lokum borgaði hann og sagði svo reiður við mig “ég kvarta undan þessari þjónustu” ég sagði á móti “góða helgi sömuleiðis” og brosti sætt.
Verslunarstjórinn minn var mjög ánægður hvernig ég leysti þetta.

Já maður kann svona 100 sögur af ókurteisu fólki í verslunum. Ég var til dæmis að vinna í Hagkaup í Skeifunni á kassa og það var hræðilegt.
Það leið ekki sá dagur sem að fólk var ekki með stæla við mann.

Smá listi yfir óþolandi kúnna.

1. Fólk sem raðar 2 ltr. flöskunum standandi sem hrynja svo yfir mann.

2. Fólk sem fattar ekki að færibandið sé sjálfvirkt með skynjara og er alltaf að draga dótið sitt aftur á bak á bandinu. Og glápir á mann eins og maður sé að hrekkja það.

3. Fólk sem kvartar yfir verðinu við saklausan afgreiðslumann sem ræður engu um það.

4. Fólk sem kvartar yfir því að það pokarnir séu svo dýrir, og það ætli sko ekki að borga fyrir að vera gangandi auglýsing fyrir Hagkaup.

5. Fólk sem spyr mann afhverju það séu ekki bara apar að vinna vinnuna manns, þetta sé bara að skanna inn. (þá svaraði afgr.daman: “afhverju sækir þú ekki um þá?”)

6. Fólk sem öskrar á afgreiðslumanninn og kallar hann öllum illum nöfnum útaf því að hann bað um væri sett 1000 á kortið en var óvart bara gert akkúrat.

7. Fólk sem eipar yfir því að það sé spurt um Fríkort.

8. Fólk sem gleymdi að nota Fríkortið verður brjálað yfir því að maður spurði ekki.

9. Fólk sem er með handkörfu setur hana á borðið og ætlast til að maður tíni uppúr henni.

10. Fólk sem kemur með lófasveitta smápeninga og lætur mann telja úr lófanum á sér *hrollur*

11. Fólk sem geymir peningana sína í umslagi oní nærbuxunum.

12. Fólk sem dundar sér við að raða í pokana, kemur svo og skrifar ávísun og er í 10 mínútur, og allir í röðinni orðnir brjálaðir.

13. Fólk sem býður ekki góðan daginn á móti.

14. Fólk sem ignorar LOKAÐ skiltið, fattar ekki afgreiðslufólk þarf líka að borða eða fara heim.

15. Fólk sem setur kortið á sjálfvirka færibandið og það fer undir borðið, stoppar bandið og það þarf að spenna það upp. Stupid ppl.

16. Fólk sem leyfir krökkunum sínum að halda á kexpakka eða leikföngum í kerrunni, og svo vilja þau EKKI sleppa því og fá brjálæðisköst.

17. Fólk sem klórar mann þegar það er að rétta peningana.

18. Fólk sem verður tryllt ef maður þarf að skipta um rúllu í kassanum.

19. Fólk sem lætur mann reikna allan strimilinn á reiknivél því að það trúir ekki að þetta skuli vera svona dýrt!!

20. Fólk sem fer bara í búðir til að fá útrás á afgreiðslufólki afþví að það fær það ekki heima hjá sér!!

NIÐURSTAÐAN: fólk er fífl !!

ps. var að spá í að skrifa bók um óþolandi kúnna, haldiði að einhver myndir kaupana?

JESÚS!!!! Loksins kemur almennilegt umræðuefni!!! Ég líkt og u.þ.b. 90% fólks af x-kynslóðinni hef unnið við afgreiðslu og það er einhver sá mesti viðbjóður sem ég hef upplifað!!! Fólk er slefandi fífl og örvitar! Það er eins og fólk skilji mannasiði og almenna visku eftir við hurðina! (Vá fullt af upphrópunarefnum :-) )
Ég tók einkum eftir þessu þegar ég vann í Á.T.V.R., því fólk gersamlega hatar ríkisstarfsmenn! “Af hverju er þetta svona dýrt?” “Hvar er Eþíópíska uxaskítsvínið sem ég smakkaði á Krít 1987?” “Af hverju eru ekki fleiri kassar opnir?” “AF HVERJU, AF HVERJU, AF HVERJU???”
kveðja,
haukurst

Menn sem koma þar sem ég er að vinna eru einmitt yfirleitt karlar á aldrinum 60 ára og uppúr. Og ég verð að segja að ég minnist þess ekki að nokkur maður hafi verið hreint og beint ókurteis við mig né nokkurn af samstarfsmönnum mínum. Þó er einn fasta kúnni sem er mjög óvinsæll því að hann vill alltaf velja efni og ruglar þessvegna oft eitthverju sem búið er að raða vel. En ef maður biður hann (eða annað fólk sem gerir þetta) bara að hjálpa sér að raða því aftur þá gera menn það.

Gott fólk gott fólk….

ég get ekki annað en glott þegar ég les þessa vitleysu sem að þið hafið mörg hver verið að setja he´rna inn, mega eldri konur sem ekki nota debetkort með yfirdráttar heimild ekki lengur telja klinkið sitt????????
Ég get að sjálfsögðu tekið undir það hvað vrðar um almenna kurtreisi hjá fólki það vantar heilmikið upp á hana hjá mörgum…og ábiggilega ykkur líka.
Ég vinn á skíðasvæði og ef að ég myndi láta ýmsa af þeim hlutum sem þið virðist láta fara í taugarnar á ykkur pirra mig þar, þá væri ég endalaust að fussa og sveija yfir því að allir gætu nú ekki látið eins og hinn fullkomni maður, hlýtt öllum fyrirmælum og farið eftir settum reglum…en fólk verður bara að hafa sína hentisemi og ungt fólk eins og við, sem ráðum okkur með skóla í þjónustustörf verðum bara að taka því.
Við erum öll mensk og höfum okkar slæmu og góðu daga. Sumir eiga við alvarlegri vandamál að strýða, til dæmis verður einn af hverjum fjórum fyrir einhvers konar geðtruflunum á lífsleiðinni. Núna áðan var ég að hlusta á frábæran fyrirlestur hjá Héðni Unnsteinsyni, einmitt um þetta;

Taktu því rólega og reyndu að skilja fólkið í kringum þig, þú átt bara eitt líf svo ekki vera að eyða því í óþarfa flækjur.

dont vörrý bí heppý,
LárusH

Þetta eru aldeilis sögurnar hjá ykkur krakkar mínir. Satt að segja hafði ég ekki hugmynd um að helmingurinn af þessu væri til. Ég held samt að ég hafi smá skýringu á þessu öllu saman.

Þetta fólk sem er komið yfir sextugt veit að lífi þess er í raun lokið, og það er yfirleitt búið að sóa því og hefur ekki fengið út úr því nærri allt það sem það hefði viljað. Það öfundar ykkur unga fólkið af að eiga ennþá æsku, heilsu (og náttlega kynlíf), og hugsar sem svo að æskunni sé sóað á hinu ungu (og heimsku). Og oft tekur það biturð sína út á ykkur.
Ég veit þetta af því ég er nýlega kominn úr hópi hinna ungu og orðinn gamall (30+).
En ég þakka fyrir að ég menntaði mig og þarf ekki að vinna svona vinnu eins og þið. Reyndar hef ég aldrei unnið í búð, og núna allavega er ég feginn.

Já, ég er alveg sammála þér um hvað fólk getur verið dónalegt. Ég hef verið að vinna í Hagkaup til dæmis, og sumt fólk held ég að hafi bara alls ekki komið til að versla heldur eingöngu til að getað nöldrað yfir einhverju. Það var alveg ótrúlegt hvað fólk gat verið leiðinlegt og ótillitsamt. Svo var kærastinn minn einu sinni að vinna upp í Bílabúð Benna í Kringlunni og þá komu foreldrar þangað með börnin sín og sagði þeim að leika sér þarna á meðan þau færu að versla, og skildu krakkana bara eftir eins og þetta væri einhver gæsluvöllur. Og krakkarnir voru að djöflast í Porche-unum og voru á svona dóta Porche að klessa utan í bílana… ég meina hvað eru þessir foreldrar að spá?

En svo hefur maður líka náttúrulega lent í alveg ferlega lélegu afgreiðslu fólki sem virðist ekki hafa tíma til að aðstoða mann því það er að kjafta svo mikið. Svo hef ég líka lent í því þegar ég var við kassa í Hagkaup að stelpan sem var að afgreiða mig var að kalla yfir til stelpunnar á næsta kassa yfir atburði helgarinnar… ég meina, ég hafði engan áhuga á að vita hjá hverjum hún væri að sofa hjá….

Já, fólk er dónar!!!

Yfirgangssemi …

Ég hef unnið sem þjónn í mörg ár, bæði í fastri vinnu og með skóla. Eitt það mest pirrandi er þegar maður er að hella í glösin hjá fólki!!!

Ég hef mikið unnið erlendis og þar gilti 3 cl reglan. Mörg stór samkvæmi höfðu s.s. pantað koníak eða líkjör fyrir hópinn, t.d. 600 x 3 cl. Þess vegna skiptir máli að maður fari ekki mikið yfir upphæðina þegar maður á að reikna út í lokin. Vandamálið var að maður hellti í glösin fyrir hvern og einn, og á þeim tímapunkti var fólk komið vel í glas eftir fordrykk, hvítvín og rauðvín. Þannig að maður reyndi að hella cirka 2 cl í glösin því að það vara garanterað að einhverjir píptu: “mér finnst nú minna í glasinu hjá mér en hjá honum, eða hann hérna hliðina á mér er farinn heim svo að ég fæ bara hans …”. Þannig að þegar uppi var staðið var maður nokkuð viss um að maður var búin að hella svona nokkurn vegin því sem maður mátti í glösin og allir kúnnarnir ánægðir, héldu náttúrulega að þeir hefðu fengið aðeins meira en þeir máttu:)

Annars kann ég fullt af sögum. Ég hef unnið mikið erlendis og lent á mörgum Íslendingum, sem í 90% tilfella hafa ekki vitað hvers lensk ég var.

Leiðinlegustu íslensku kúnnarnir voru tvímælalaust saumaklúbbsstelpurnar (í kringum þrítugt), fjölskylduhóparnir, s.s. tvö til þrjú hjón sem skella sér saman í helgarreisu til Evrópu (ótrúleg samkeppni og sýndarmennska), og síðan má ekki gleyma unga fólkinu sem telur sig vera vip.

Eitt besta dæmið var að eitt sinn kom kvörtun frá tveimur ungum framakonum frá Íslandi. Þær kvörtuðu yfir mörgu, starfsfólki, aðstöðu, dónaskap … Það sem þær aftur á móti vissu ekki, var að ég var á staðnum, mundi þess vegna vel eftir þeim, því að þær komu einmitt þegar verið var að loka. Þær voru að daðra við þjóninn, þann sem þær síðan kvörtuðu yfir. Þær kvörtuðu ekki augliti til auglitis, heldur hrósuðu þær öllu við okkur. Svo kom svaka kvörtun frá þeim. Þær lugu upp á þjóninn, þær lugu um aðstöðuna, héldu því fram að þær hefðu fengið borð annars staðar og það hefði verið ömurlegt (það var ég sem vísaði þeim til borðs, og þær fengu mjög gott borð). Dónaskapur þjónsins var þvílíkur, þær lugu upp á hann, og það bjargaði honum seinna að ég hafði staðið rétt hjá og heyrt allt, hlustaði á þær daðra við hann. Þetta voru týpískar íslenskar stelpur í fínni vinnu, héldu að þær ættu heiminn, og að þær gætu bara logið upp á saklaust fólk og haldið að þær kæmust upp með það!!!

Eftir þennan atburð, allar kvartanir voru teknar alvarlega, voru Íslendingar ekkert sérstaklega vel liðnir á þessum stað.

Og þegar maður er kominn inn á þessa braut. Íslendingar í útlöndum geta verið ótrúlega leiðinlegir kúnnar!!! Það er eins og að þeir haldi að þeir eigi heiminn og smella bara fingrum og þá á allt að snúast um þá. Þeir virða ekki opnunartíma, tuða yfir öllu, ekkert er nógu gott fyrir þá, og svo drekka þeir eins og svín (eru umtalaðir fyrir það). Og það besta, þeir hafa ekki hugmynd um að þjóninn þeirra skilur ALLT sem þeir segja!

Nei, fólk kann ekki mannasiði. Allavegna getur hver sá sem nokkurn tímann hefur unnið við þjónustustarf verið sammála um það! Ég er með mörg dæmi en nenni ekki að þylja þau öll upp.

Ég reyni oftast núna að brosa sætt og vera hress og kát og kurteis við þjónustufólk, sérstaklega kassafólk! En það leiðinlegasta er þegar maður er að reyna að vera svona hress og fær engin viðbrögð… Þá veit ég ekki hvort þjónustufólkið er svo bugað af ókurteisinni í fólki að það tekur ekki eftir kurteisinni, eða hvort það sjálft sé ókurteist og fúlt…

En bottomline… Fólk kann ekki mannasiði og ég veit ekki hvort það mun einhvern tímann læra þá..

Formáli:
Einhvern tímann fyrir langa löngu var ég að vinna á agnarsmárri veitingastofu. Hún var svo lítil að við buðum bara upp á kaffi, kakó, gos, safafernur og vöfflur.
Þarna vann ég 2-2-3 vaktir á móti ungri stúlku.
Einn daginn, fyrsta dag minnar vaktar, vildi svo leiðinlega til að kaffið kláraðist. Ég náttúrulega hringi og bið um sendingu (Þetta var einskonar útibú frá stærri veitingastofu þannig að það var ekki langt að fara með kaffið), en af einhverjum ástæðum kom það ekki.

Kúnni (karlmaður) kemur inn og biður um kaffi og vöfflu, ég segi honum að því miður væri kaffið búið í augnablikinu en ég byggist við því á hverri stundu.

Þá bara sprakk maðurinn, skammaðist yfir að kaffið væri búið, tuðaði yfir lélegri þjónustu og kallaði mig svo fífl fyrir að eiga ekki kaffi. Ég útskýri fyrir honum að kaffið hafi klárast og ég sé búinn að biðja um það sent og útskýrði hvaðan það kæmi, reyndi að láta þessa persónulegu árás ekki hafa áhrif á mig.

Ekki skánaði það við þetta, nú var ég ekki bara fífl heldur dóni og skíthæll. Þegar hér er komið við sögu bað ég manninn nokkrum sinnum um að fara en hann vildi það ekki. Það endaði með því að ég vísaði honum út með handafli.

Hann náttúrulega rauk til og kvartaði yfir ókurteisi minni, minn yfirmaður mætti á staðinn (á undan kaffinu btw) og byrjaði að skammast. Ég sagði upp á staðnum og gekk út. Og hef aldrei séð eftir því.

Ég hef komist að því að stór hluti fólks þarna úti eru ekkert nema vitleisingjar (me included).

Ég legg til að þegar fólk eins og strákurinn þarna sem öskraði á stætóbílstjórann fer að vera með svona læti, þá eigi maður bara að segja honum að halda kjafti og setjast niður í sætið sitt.

Þegar hálfitar eru með læti, þá á segja þeim að þegja og útskýra afhverju. Þetta er alveg eins og með krakka. Þegar krakkinn er með læti og asnagang þegar það á ekki við, þá er bara að stoppa hann og útskýra hvers vegna.

Það eru bara einfaldlega of mikið af stórum börnum þarna úti.

DoUrden.

En hugsið út í eitt, við höfum örugglega öll einhvern tímann gerst sek um eitthvað af því sem við erum að kvarta yfir hérna.

Fólk er fífl, já, en við erum fólk…