George W. Bush er í miklu uppáhaldi hjá mér núna, hann er sönnun á hvað gerir BNA að frábærum stað. Þar sem allt getur gerst.

Það er reyndar svolítið langt síðan hann sagði þetta en mér finnst þetta bara svo frábær setning; ef þú kaupir fíkniefni ert þú kannski að styrkja hryðjuverkamenn.
Hvað með allt hitt, ef við kaupum olíu t.d. erum við þá ekki að styrkja hryðjuverkamenn. Ef við skoðum t.d. Bin Laden, sem er Saudi og fær mikið af styrkjum þaðan. Er ekki olían t.d. að koma þaðan og þar af leiðandi styrkurinn að koma þaðan.

Annað sem hefur verið að bögga mig mikið undanfarið. Ég veit að ekkert réttlætir árásina á WTC og ég er ekkert að gera lítið úr því. EN, það er alltaf en, hver gaf kananum leyfi að ráða hver er hryðjuverkamaður og hver ekki. Af hverju er engin að horfa til bandaríkjana og benda þangað, þar sem að mjög stór hluti hryðjuverkamanna er þjálfaður, þar á meðal Bin Laden. En ekkert bara hann, mjög mikið af alþjóðahryðjuverkasamtökum eru með höfuðstöðvar sínar í BNA.

Annað sem er vert að benda á með Talibana stjórnina í Afghanistan, BNA gaf þeim tugi milljóna fyrir að segja að fíkniefni væru gegn guði/Allah og þeir héldu framleiðslu í lágmarki, þetta gerðist nota bene um mitt síðasta ár. Um leið og Talibanar voru á flótta voru bændur strax byrjaðir að rækta plöntur sínar aftur. Talibanar, þrátt fyrir öðruvísi hugsunarhátt en við, stóðu sig mjög vel í að halda niðri fíkniefnaframleiðslu. Þótt þeir hafi ekki staðið sig eins vel á öðrum sviðum.

Svo að lokum langaði mig að minnast á grein sem ég var að lesa, þar sem að BNA, Ísrael (önnur “þjóð” sem engin hefur beint augum að vegna hryðjuverka) og Tyrkir eru að funda um að ráðast gegn Írak og þeirra manni Sadam Hussein. Þeir sem að skoða til baka hefur Bush litli alltaf vilja ráðast á Írak, líklega því pabbi hans varð vinsæll af því. Án þess að tala mikið um að ráðast á Írak, sem ég sé ekki alveg ástæðu fyrir, er ég meira að velta fyrir mér af hverju í andskotanum það er verið að tala við Ísraela?

Svo verð ég að bæta við alveg snilldarbrandara sem ég var að heyra. Bush og Blair eru að skipuleggja 3 heimstyrjöldina. Svo kemur ónefndur gestur að þeim og spyr hvað þeir ætla að gera, þá segir Blair við ætlum að drepa 2 milljarða múslima og 1 tannlækni. Nú, segir ónefndi gesturinn af hverju 1 tannlækni? Þá brosir Blair og klappar á bakið á Bush og segir sko ég sagði að engin myndi spyrja um múslimana.
Ignorance is blizz isnt it