bar fyrir 22 árum, 11 mánuðum Fjöldi lestra: 322

Eitt hundrað Boeing þotur, takk fyrir ! ! !

Komið þið sæl…eftirfarandi er smá hugleiðing um einokunaraðstöðu Flugleiða á íslenskum markaði.

Stærsta lággjaldaflugfélag Evrópu, Ryanair, lagði um daginn inn pöntun upp á 100 stk. Boeing þotur.
(http://www.guardian.co.uk/airlines/story/0,1371,638627,00.html)

Þetta er í samræmi við þá staðreynd að lággjaldaflugfélög eru að raka inn seðlum, meðan stóru “okurfyrirtækin”, svo sem British Airways, American Airlines og Flugleiðir eru að tapa grimmt. Sem dæmi um tölur:

Hágjaldaflugfélögin:
British Airways (-18% í farþegum / Nóvember, 2001)
American Airlines (1.8 billjón dollara tap, 2001)
Flugleiðir (Samdráttur í farþegum, tölur óljósar)

Lággjaldaflugfélögin:
EasyJet (39% aukning í farþegum).
Go (63% aukning í farþegum árið 2001, miðað við árið 2000).
Ryanair (Er að fara að splæsa í þotur fyrir 9.1 billjón dollara, segir það ekki allt sem segja þarf?).

Í ljósi þessa hlýtur maður að spyrja; hvað gengur mönnum til að útiloka Go flugfélagið frá Íslandi, með tvö- til þreföldum lendingar- og þjónustugjöldum? Hver ber ábyrgðina? (Hér er ég að vísa í fréttir frá 23. jan, varðandi það að GO ætlar ekki að fljúga til Íslands í sumar).

Nú eru Flugleiðir með einokunarmarkað á íslensku flugi og hafa misnotað þá aðstöðu grimmilega síðustu ár t.d. með því að stórhækka miðaverð á þeim tímum sem Íslendingar erlendis sækja oft heim til fósturjarðarinnar. Á síðustu 2 árum hafa GO flogið með 60.000 manns til og frá Íslandi.

Ætla menn sem ráða þessum málum virkilega að svipta Íslendinga gjaldeyristekjum af GÓÐUM slatta túrista, til að viðhalda einhverjum aumum gjöldum (sem þeir n.b. missa hvort sem er því flugfélagið ætlar ekki að láta bjóða sér slíka vitleysu). Þess ber að geta að þessi tala 60. þúsund farþegar, mun líklega hækka verulega í ljósi fjölgunar farþega hjá félaginu (63% aukning).

Flugleiðir ættu hugsanlega að fara að horfa á hverskonar flugfélög eru að græða og reyna að læra eitthvað af þeim. Þeir virðast halda að endalaust sé hægt að spenna fargjöldin upp, það er þeirra leið. Fá örfáa farþega, en svína nógu grimmilega á þeim. Af hverju ekki að fá inn tekjurnar á fjöldanum, lægri gjöld, fleiri farþegar?
Eitt er víst. Ég mun ekki leggja land (og sjó) undir fót í sumar. Ég versla ekki við Flugleiðir og sit því heima. Færu þeir að hugsa gætu þeir hinsvegar fjölgað ferðum mínum með þeim, úr 0 á ári upp í 2 - 3. Hvort ætli skili meiri hagnaði?

0 ferðir á 40.000 (Flugleiðir fá 0 kr.)
3 ferðir á 20.000 (Flugleiðir fá 60.000)

Okey…ég veit að þetta er einföldun, en verða menn ekki aðeins að fara horfa á hvað er að virka annarstaðar?

Að síðustu, 2 spurningar:
1. Veit einhver á hvaða stigi umræðan er um lággjaldaflugfélagið sem átti að stofna á Íslandi? (Síðast þegar ég vissi voru þeir að bíða eftir leyfi stjórnvalda og voru búnir að bíða lengi).
2. Veit einhver hver ákvarðar lendingar- og þjónustugjöld á Keflav. flugvelli? (Ég vona að Flugleiðir séu ekki á hinn minnsta hátt tengdar þeim aðilum…annars verð ég óður af hneykslan).

Kveðja.

ritter fyrir 22 árum, 11 mánuðum

Sæll,

Þetta er alveg rétt, þetta er fáránlegt. Við verðum að öllum líkindum af miklum gjaldeyristekjum í ferðaþjónustu vegna þess að Flugleiðum vilja útiloka samkeppnisaðila. Eða þannig lítur það út fyrir manni.

Kv.

Hjörtu

Með kveðju,

Fyrra álit

nucleus fyrir 22 árum, 11 mánuðum

Ég verð nú bara að segja að ég skil ekki þessa endalausu gagnrýni á Flugleiðir.
Til að byrja með í sambandi við þessi þjónustugjöld þá veit ég ekki betur en það séu þrjú fyrirtæki sem sjái um þjónustuna á Keflavíkurflugvelli þar á meðal Flugleiðir (sem virðast hafa boðið lægst því þeir þjónustuðu Go þegar þeir flugu hingað til lands).
Auk þess þá hefur Flugleiðum ekkert gengið neitt allt of vel þrátt fyrir þessa svokölluðu “einokunn” undanfarin ár, hugsið ykkur nú ef þeir hyrfu af sjónarsviðinu, til að byrja með þá er lang lang mest uppúr því að hafa að fljúga hingað til lands á sumrin þar af leiðir yrði nánast engar flugferðir til útlanda á veturna og hvernig færi þá með skíðaferðirnar okkar, allan ferska fiskinn og viðskiptaferðirnar(Eimskip here I come.
Hvernig væri nú að hugsa aðeins lengra og átta sig á því að ef Flugleiðir bjóða svona illa, af hverju hafa þá engin önnur flugfélög rutt þeim úr vegi? (vil benda á að í þessum bransa ríkir mjög mikil samkeppni) og af hverju eru Flugleiðir nánast þeir einu sem bjóða áætlunarferðir héðan á veturnar?

**************************

Fyrra álit

bar fyrir 22 árum, 11 mánuðum

Sæll nucleus.

Gott hjá Flugleiðum, ef rétt er að þeir hafi boðið lægst í fyrra. En er það nóg? Af hverju hafa þá nokkur lággjaldaflugfélög hætt við að fljúga hingað til lands vegna þessara þjónustugjalda? Er sem sagt í lagi að hafa brjálað verð á þessum gjöldum af því að einn bauð lægst? Ég skil ekki svoleiðis rökstuðning.

Sem betur fer er nokkur krafa á samgöngumálaráðherra að rannsaka þessi mál, enda augljóst að við missum gríðarlegar tekjur af þessari vitleysu. Mér er enn í fersku minni fréttir sem bárust eftir að Go hóf flug til landsins, um að ferðamannastraumur hefði aukist mikið til landsins. Í fréttinni komu forsvarsmenn Flugleiða og gerðu sig breiða…allt var þeim að þakka…ekki minnst einu orði á GO. Brandari!

Það út af fyrir sig að Flugleiðir hafi yfirleitt eitthvað með þessi gjöld að gera er auðvitað fáranlegt…burtséð frá hvað þeir bjóða. Staða þeirra er samkeppnislega séð út í hött.

Samkeppni hefur verið reynd, en það hefur verið á brattann að sækja, enda geta stjórnvöld ekki hugsa sér samkeppni á þessum markaði. Dæmi: Lággjaldaflugfélagið sem átti að stofna á Íslandi, búið að vera í 6 ár í undirbúningi og eru, að því ég best veit, enn að bíða eftir umfjöllun háu herrana.

Gagnrýni mín felst að auki ekki síst í akkúrat þeirri staðreynd…ja…eins og þú segir sjálfur:
“Auk þess þá hefur Flugleiðum ekkert gengið neitt allt of vel þrátt fyrir þessa svokölluðu ”einokunn“ undanfarin ár”.
Þeir hunsa algerlega það sem er að gerast í heiminum. Á ég að vorkenna þeim fyrir það? Svo vitnað sé í orð yfirmanns nýjasta lággjaldaflugfélagsins “Hvað er að virka í dag?; Lággjaldaflugfélög”.(Stöð 2, 26.01.2001)

Lággjaldaflugfélögin eru einfaldlega einu félögin sem eru að skila og gróða og það engum smápeningum.
Flugleiðir vilja frekar fljúga með hálftómar vélar og rukka hvern og einn um áður óþekktar upphæðir.
Þeir vilja gera upp á milli þjóða þegar að hópasamningum kemur og láta Íslendinga borga mest, enda vita þeir að Íslendingar láta flest yfir sig ganga.
Ef þú skilur ekki þessa “endalausu” gagnrýni á Flugleiðir…þá verður svo að vera. Ég veit að þeir eru nokkuð margir sem fatta hana ágætlega.
Ég veit ekki alveg af hverju þú hefur gæsalappir utan um einokun, þeir eru einir á markaðnum núna…mætti ekki kalla það einokun?

Að síðustu, smá tilvitnun frá www.murinn.is;

“Ef þessir svokölluðu markaðssinnar hefðu í raun áhuga á velferð neytenda og frjálsri samkeppni væru vefir þeirra fullir af greinum um þetta brýna samfélagsmál. Og það verður raunar ekki tekið af ýmsum frjálshyggjumönnum að þeir skrifa oft snarpar og ágætar greinar um brýn samfélagsmál og eru óhræddir við að gagnrýna. En þegar kemur að samkeppni í flugrekstri er þögn á hægri vængnum og svo er enn nú.”

Fyrra álit

nucleus fyrir 22 árum, 11 mánuðum

Ég ætla nú ekki að fara að gefa mig út fyrir að þekkja þessi mál alveg ofan í kjölinn en ég hefði samt haldið að þegar þrjú félög geta boðið í þjónustu og eitt býður lægst þá er það boð eins lágt og hægt er að bjóða (annars hefði einhver boðið lægra) hvort sem það kemur frá Flugleiðum eða einhverjum öðrum. En því miður veit ég ekki af hverju lægsta boðið er of hátt, hugsanlega er það staðsetnig landsins eða hátt gengi krónunnar, hver veit?

Síðan talandi um það að það séu eingöngu lággjaldaflugfélögin sem séu að virka þá skulum við átta okkur á því hvar við búum, við búum á skeri úti á miðju atlantshafi og við erum einungis um 280000 manns síðast þegar ég vissi. Lággjaldaflugfélögin geta boðið sína þjónustu á lágu verði vegna betri sætanýtingar og minni þjónustu. Og hvað er minni þjónusta, það er meðal annars að fljúga eingöngu hingað á skerið þegar nóg er að gera það er á sumrin en þegar minna er að gera á veturnar láta þeir áætlunarflugfélögunum það eftir að halda upp flugi héðan. Því segi ég hvað ef Flugleiðir tækju upp á því sama og þrengdu sætaraðirnar, hefðu færri flugfreyjur, eldri vélar og flygju héðan frá skerinu eingöngu á sumrin þegar mest er að gera.

Ég set gæsalappir utan um einokun því síðast þegar ég vissi átti öllum að vera frjálst að fljúga hingað til lands allan ársins hring þó svo flest öll þau flugfélög sem hafa flogið hingað til lands hafa látið háannatímann duga.

En eins og ég sagði þá gjörþekki ég þessi mál ekki en mæli með því að ef þú vilt fá svör frá einhverjum sem þekkir vel til sendiru álíka grein inná flugáhugamálið hér á huga, þá sérstaklega ef þú vilt fá vitiborin svör við síðustu tveimur spurningum þínum.

**************************

Fyrra álit

bar fyrir 22 árum, 11 mánuðum

Sæll nucleus

“Síðan talandi um það að það séu eingöngu lággjaldaflugfélögin sem séu að virka þá skulum við átta okkur á því hvar við búum, við búum á skeri úti á miðju atlantshafi og við erum einungis um 280000 manns síðast þegar ég vissi. Lággjaldaflugfélögin geta boðið sína þjónustu á lágu verði vegna betri sætanýtingar og minni þjónustu.”

Akkúrat það sem ég var að segja. Hvers vegna eru lággjaldaflugfélögin með betri sætanýtingu? Jú, vegna þess að fleiri fljúga með þeim en hinum flugfélögunum. Hvers vegna? Jú, vegna þess að þeir eru ÓDÝRIR.

Ef Flugleiðir tæku eitthvert mark á því sem er að gerast í kringum okkur myndu þeir stórlækka verðið á fargjöldum og fá þannig fólk í þessar skíðaferðir sem þú talar um, sem aldrei hefur farið í slíkar ferðir. Jafnvel færi fólk þá í 2 - 3 yfir veturinn. Það er þannig sem þeir fara að þessu. Fyrst Flugleiðir er ekki þegar farið á hausinn, hljóta þeir að geta sinnt þessum “litla” markaði. Eini munurinn er sá, að með lággjöldum myndu mun fleiri fljúga, mun oftar og þeir myndu græða mun meira. Það er fullvissa mín. Útþrá Íslendinga er slík að ekkert getur stöðvað þá í að kanna heiminn…nema brjáluð fargjöld.

Varðandi “hvað ef” spurningu þína, þá bendi ég á að endurnýjun véla hjá þessum flugfélögum (flestum) er mikil. Færri flugfreyjur skipta mig engu máli (tek bara með mér mynd af konunni til að horfa á). Þrenging sæta-raða er vissulega galli, en á sig leggjandi fyrir tugþúsunda mun á fargjaldi. Stattu bara upp við og við og farðu á salernið. Ekki skrifa neitt á spegilinn samt :-)

Kveðja.

Fyrra álit

nucleus fyrir 22 árum, 11 mánuðum

Ég held að málið sé að við erum að tala hér um sitt hvorn hlutinn.

Annars vegar erum við að tala um lággjaldaflugfélög sem bjóða ódýrari fargjöld og minni þjónustu en gallinn við þau er að þegar illa gengur hætta þau einfaldlega að fljúga hingað til lands (sem er ekki gott fyrir neinn þar á meðal Flugleiðir, því flestöll samkeppni er af hinu góða og þar að auki eiga Flugleiðir ýmis ferðaþjónustu fyrirtæki t.d. hótel).

Hins vegar erum við að tala um áætlunarflugfélög sem halda uppi flugi allan ársins hring en gallinn við þau er hversu dýr þau eru.

Ef lággjaldaflugfélögin eru svona miklu betri en annarskonar flugfélög af hverju hafa þá Flugleiðir ekki algjörlega dottið uppfyrir og GO tekið yfir, jafnvel þó þjónustugjöldin séu svona há (borga annars önnur flugfélög ekki sömu upphæð en hafa samt sem áður ekki hætt að fljúga).

Varðandi þennan litla markað, vissir þú að tveir þriðju af farþegum Flugleiða eru útlendingar í tengiflugi (að því er ég best man). Hversu oft væri flogið héðan ef þeir væru ekki, það er ef eingöngu Íslendingar flygju með Flugleiðum. Ég get samt verið fullkomlega sammála þér í því að mér finnst Flugleiðir ganga of langt í því að láta Íslendinga borga meira fyrir flugið sitt en útlendinga. Jafnvel þó það hafi í för með sér að fleiri fljúgi með þeim og fjölgi þannig tíðni ferða til og frá Íslandi.

Síðan get ég bent þér á það, varðandi aukinn ferðamannastraum frá Bretlandi með tilkomu GO að Flugleiðir hafa eytt gífulegum fjárhæðum í kynningarstarf á Íslandi þar úti og eflaust hafa margir þakkað pent fyrir sig og tekið GO til Íslands til að njóta einstakrar náttúrunnar og hins margumtalaða næturlífs.

“Hvað ef” spurningin mín já, þó svo þú viljir ekki borga fyrir þessa þjónustu þá er talsverður fjöldi fólks sem er á öðru máli og borgar þá bara meira meðan þú færð ódýrara sigg á rassinn.

Og takk fyrir viðvörunina, ég skal passa mig á því að skrifa ekkert á spegilinn á salerninu og meira að sega ekki mæta í mjög þykkbotna skóm :O)

**************************

Fyrra álit

[Notanda eytt] fyrir 22 árum, 11 mánuðum

Komið sæl,

Ég hef áður skrifað um þessa fáránlegu einokunarstöðu flugleiða: Óþolandi Einokunarstaða Flugleiða Mazoo og Nucleus stigu einmitt Flugleiðum til varnar þá. Nucleus það er gott að sjá að þú ert búinn að skipta um skoðun og farinn að sjá að slæma við niðurgreiðslu íslenskra farþega á sætum þeirra erlendu.(“Að Íslendingar séu að niðurgreiða flugför fyrir aðra, athugaðu að þar nýtast sætin betur í sambandi við tengiflugið auk þess sem það gerir ferðaiðnaðinum gott að fá hingað til lands fleiri útlendinga.”-nucleus þann 31. ágúst - 17:54)

Necleus þú fyrirgefur en þú hlýtur að vera mjög tengdur flugleiðum því að áróðurinn sem vellur upp úr þér er magnaður. Ég veit varla hvar ég á að byrja. (Ertu Sigurðsson?)

Ég veit ekki betur en að flugleiðir hafi hætt að fljúga á áætlunarstaði vegna þess að það gekk illa, kostaði of mikið eða af því að það þurfti að draga saman starfsemi. (Chicago, Halifax og Luxemburg sem ég man eftir í fljótu bragði) Flugleiðir er ekkert öðruvísi en önnur flugfélög með það. Þetta er partur af starfseminni. Ekkert að því.

Ef þú ferð á heimasíðu GO þá sérðu að þeir virðast vera með áætlunarflug frá 1.jan - 26.okt almennt. Sömu sögu er að segja af easyJet.

Nú er verið að drepa þess heilbrigðu samkeppni sem þú villt meina að Flugleiðir komi til með að sakna. IGS, Icelandic Ground Services er í eigu flugleiða. Ég held ég fari örugglega rétt með það að þetta er eina þjónustufyrirtækið á Leifstöð… Er GO ekki einmitt að kvarta undan þessum háu gjöldum þar?

Af hverju eru lággjaldaflugfélögin ekki búin að taka yfir? Það er fullt af fólki sem vill fá góða þjónustu, góðan mat, betri sæti.. Það er enginn að segja að flugleiðir bjóði ekki góða þjónustu.. Sumir eru bara að borga miklu meira en aðrir fyrir það. (Íslendingar) Auk þess þá á fólk að fá að hafa val.

Nú veit ég ekkert hvort Flugleiðir borgi IGS minna en önnur flugfélög, hvort vallargjöld séu lægri fyrir Flugleiði en aðra. Það er bara tortryggilegt að eitt félag eigi allt sem tengist þessu máli.

Varðandi þessa kynningarstarfsemi sem þú ert að tala um þá hef ég séð mikið af þessu og þetta er allt merkt með flugleiðalógói. Þetta er engin góðgerðarstarfsemi heldur tilraun til þess að vinna tilbaka eitthvað af þeim farþegum sem kusu að fljúga ódýrara. FRJÁLST VAL!

Eitt enn… Ef það er svona mikið af útlendingum að fljúga með flugleiðum, af hverju eru Flugleiðir að græða meira og ekki löngu búnir að lækka fargjöldin fyrir íslendinga? Mín tilgáta: Þeir gera það ekki því þeir þurfa þess ekki!

Það er líka einkennilegt hvernig fargjöldin virðast sveiflast eftir því hvenær kennslu í háskólum í útlöndum lýkur fyrir jólafrí og hvenær hún hefst aftur eftir jólafrí. Þetta er þó eflaust alger tilviljun bara og sennilega óviturt að staðhæfa svona lagað, enda ætla ég ekki að vera að því. Þetta er bara einkennilegt. Kannski að fleiri hafi heyrt af þessu.

Að lokum vil ég koma á framfæri sögu sem ég heyrði frá manneskju sem er búsett í Englandi:

Hópur af íslenskum námsmönnum, búsettur í Bretlandi, hafði samband við breska ferðaskrifstofu til þess að fá tilboð í ferð til Íslands og svo aftur út til Lunduna rétt yfir jólin. Þeim barst tilboð þótti bara nokkuð gott og hugðust taka því.

Einhvern vegin æxluðust málin þannig að ferðaskrifstofa flugleiða komst að því að um íslendingaværi að ræða og dró tilboðið umsvífalaust til baka. Íslendingarnir sem voru að leita betri kjara skyldu ferðast á sama verði og allir aðrir íslendingar.

Finnst einhverjum þetta skrýtið?

-DeTox

Fyrra álit

nucleus fyrir 22 árum, 11 mánuðum

Auðvitað þykir mér slæmt að Íslendingar þurfi að borga hærri gjöld en aðrir. En málið er að meðal annars þá verður það að viðurkennast að Flugleiðir eiga í töluvert meiri samkeppni erlendis en hér heima og þurfa að hafa verðin lægri til að fá fleiri erlenda farþega sem eins og ég hef sagt áður eykur tíðni flugs til og frá landinu auk þess sem fleiri útlendingar heimsækja landið, því miður fyrir kúgaða (samkeppnislitla) Íslendinga.

Ég get nú ekki sagt að ég sé meira tengdur flugleiðum en hundruð ef ekki þúsund annarra Íslendinga og nei ég er ekki Sigurðsson, málið er einfaldlega það að það fer svolítið í taugarnar á mér að það er sama hvað það er, bara ef það viðkemur flugi þá er einhver rokinn upp og farinn að úthúða Flugleiðum, enda virðist það komið upp (allavegana ef marka má síðustu fréttir) að það voru ekki þjónustugjöldin sem GO var óánægt með (enda eru þau í meðallagi miðað við aðra flugvelli) heldur voru það ýmiskonar opinber gjöld sem fylltu mælin.

**************************

Fyrra álit

[Notanda eytt] fyrir 22 árum, 11 mánuðum

Mér fannst það nú bara fyndnast, sem og sorglegast í South Park þætti þegar kennarinn þarna (með Mr. Hat) ætlar að fljúga eitthvert, og fær svo mikla djöfuls skítaþjónustu hjá flugfélaginu sínu. Tekur kast og tekur bara fallegustu runu á hræsni flugfélaganna vegna 11. September. Þetta byrjaði ekkert þá.

Ég segi það fyrir mig, mér finnst fokking óþolandi að fljúga, helst þá vegna þess að það er svo andskoti dýrt.

En Íslendingar, eins og við erum nú að rembast á klósettinu við að ýta út hægristefnunni í þeirri von að hún lykti eins og hárnæring, virðumst hvorki hafa fjöldann né heilsteypt vit til þess að fara eftir reglum markaðarins.

Go var að veita góða samkeppni. En nei. Hafa hlutina Íslenska. VIÐ VILJUM BARA KOMAST ÚR LANDI, OG INN! Hvað er málið? Á það vera Íslensku þjóðinni til heilla að Flugleiðir sé starfsrækt sem okur-skítakompaní að eilífu, eingöngu og aðeins byggt á þeirri forsendu, að við séum ekki að stóla á erlend fyrirtæki til að halda okkur uppi? Bíddu, VIÐ ERUM ÍSLAND! Hvenær ætla menn að vaxa upp úr þeirri hreint út sagt, fáránlegu hugsjón, að við, eins og öll önnur smálönd, þurfum á öðrum löndum og þjónustu þeirra að halda! Og hvað er að því? Það sem er að því, er að þá myndast *samkeppni*, og það má auðvitað ekki gerast, vegna þess að þeir sem framleiða og byggja á Íslandi, skilja ekki að stundum er mál að lækka verðin. Þeir bara skilja ekki hugtakið verðlækkun.

Hvernig væri að styrkja, eða reyna að byggja upp minna flugfélag sem gæti allavega staðið í smávægilegu verðstríði? Bara oggopoggo? Bara þannig að það sé EITTHVAÐ á þessu landi sem kostar réttlætanlega mikið af peningum. Ekki margt. Bara *eitthvað* meira en appelsínusafinn í Nýkaup.

Úff. Ég verð reiður þegar ég hugsa um þetta.

Fyrra álit

porky fyrir 22 árum, 11 mánuðum

Eftir því sem ég kemst næst þá eru Fluleiðið með einkaleyfi á að lesta og afferma vélar á vellinum. Og þess vegna er verið að ath hvort það sé hægt að fljúgja frá egilstöðum til þýskalands.
ég býr erlendis og um jólin var verið að selja miða á c.a 3700 dkr til íslands. En með sömu vél gastu farið til íslands og þaðan til USA fyrir aðeins 2700 dkr. Þeir sem fóru til USA tóku sömu vél til íslands og svo þaðan í 5 tíma flug til USA. Á meðan að það kostar 60 þús að fljúga frá íslandi USA fram og til baka.
Og svo segja Flugleiða menn að þeir séu ekki að láti íslendnga sem ferðast til Evrópu borga niður Ameríku ferðir annara evrópubúa.

Fluleiðir meiga þamba drullu og éta skít fyrir mér en það eina sem ég get gert er að girða niður um mig og taka það í görnina eins allir aðrir íslendingar.
Og svo kostar bjórin í vélinni í þokkabót, öll önnur flufélög bjóða þetta frítt eins mikið og þú villt á meðan birgðir endast.

Gerðu hlutina almennilega eða vertu heima.

Fyrra álit

bar fyrir 22 árum, 11 mánuðum

Takk fyrir þetta innlegg porky.

Þetta er nákvæmlega samsvarandi reynsla og ættingjar mínir mega þola í hvert sinn sem þeir ætla heim.

Varðandi umræðu um einokun….hversu óhugnalegt er það að sumum finnist í góðu lagi að Flugleiðir yfirleitt komi nálægt þessum hlutum? Er þetta hinn frjálsi markaður. Að samkeppnisaðili GO og annarra flugfélaga sjái um að verðleggja áðurnefnd gjöld. Maður fær bara nettan hroll!

Kveðja.

Fyrra álit

Deiglan

Deiglan

Ofurhugar

Hverjir eru inni

Greinar

Eitt hundrað Boeing þotur, takk fyrir ! ! !

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi