ritter fyrir 22 árum, 10 mánuðum Fjöldi lestra: 285

Bush ætlar að stórefla bandaríska herinn

Bush Bandaríkjaforseti tilkynnti bandarískum hermálayfirvöldum í gær að hann hyggst biðja þingið um mestu aukningu í fjárframlögum til varnarmála frá því á fyrsta kjörtímabili Ronalds Reagans (1980-1984) eða í um 20 ár)

Umrædd aukning nemur 379 milljörðum dollara (tæpar 40 billjónir króna - 40.000.000.000.000 kr.) og á að ná fram á næsta ár, 2003. Um er að ræða 14% aukningu á framlögum til varnarmála miðað við núverandi útgjöld.

Bush sagðist í ræðu fyrir skömmu vera reiðubúinn að eyða hverju sem það kosti, og gera hvað sem er, til að uppræta hryðjuverk í heiminum og verja Bandaríkin. Bush sagði ennfremur að þeir sem sæu um fjárframlög til varnarmála yrðu að gera sér grein fyrir að stríðið gegn hryðjuverkum lyki ekki í Afghanistan. Mikið álag væri á hermönnum Bandaríkjanna og þannig yrði það ennfremur áfram á meðan að þetta stríð stæði yfir.

Þó menn virðast vera sammála um að auka framlög til varnarmála, burtséð frá því hvar menn standa í flokki, er deilt um hversu mikil aukningin eigi að vera. Einkum þykir mörgum demókrötum upphæð Bush allt of há. Demókratar eru þó varfærnir í að gagnrýna forsetann og hafa verið það alveg síðan 11. september.

Hugmynd Bush er að hefja algera enduruppbyggingu bandaríska hersins, en það var eitt af kosningamálum Bush. Hugmyndir forsetans eru þó miklu umfangsmeiri en þingið hafði gert ráð fyrir. Sagði Bush að hann vildi eyða meiri fé í hluti eins og eldflaugavarnir, ómannaðar flugvélar (bæði til könnunar- og árásarflugs), svokallaðar “smart bombs”, hátæknitækni fyrir landhernað o.fl., en öll þessi tækni hefur einmitt verið mikið notuð í stríðinu í Afghanistan ef undan er skilið það fyrst nefnda. Að auki er síðan hugmyndin að hækka launagreiðslur til hermanna töluvert.

Hvernig líst mönnum svo á þetta fyrirhugaða uppátæki Bush?

Kv.

Hjörtur

Heimild:
http://www.washingtonpost.com/wp-dyn/articles/A25580-2002Jan23.html

Með kveðju,

greatness fyrir 22 árum, 10 mánuðum

úff, þetta er mikill peningur. Mér finnst þetta lykta svolítið mikið af Írak. Það er að segja að hann er að gera sig tilbúinn undir að berja á Saddam “satan” Hussein eins og Bandaríkjamenn vilja líta á hann.

En það eru náttúrulega bara getgátur. Ég held að stríð við Írak núna yrði líklega erfiðara en það var í flóastríðinu.

greatness.

Fyrra álit

gmaria fyrir 22 árum, 10 mánuðum

Sæll.

“Það er ekki öll vitleysan eins heldur aðeins mismunandi.”

Að horfa á bandarískan fangavörð, fanga í Afganistanstríðinu lyfta Kóraninum á loft til þess að sýna alheim að mannúð þeirra hinna sömu gagnvart trúarskoðunum ( allt í einu )
er nokkuð sérstakt í ljósi þess sem þú hér ræðir.

kveðja.
gmaria.

Fyrra álit

bar fyrir 22 árum, 10 mánuðum

George Bush er auðvitað með öll tromp í hendinni núna. Hann er í svo góðri stöðu að annað eins hefur vart sést.

Í fyrsta lagi fær hann að dæla peningum í byssur, sem hljóta að teljast sérstakt áhugamál hans.

Í öðru lagi er hann með örugga vörn gegn gagnrýni, hvort sem er heiðarlegri eða ómaklegri, því hann (með stóra herinn sinn) býr bara til nýtt stríð ef eitthvað bjátar á. 100% stuðningur.

Stríðið gegn hryðjuverkamönnum er gullnáma sem seint verður tæmt. Hann getur alltaf uppgötvað einhverja sellu einhverstaðr í rass**** sem þarf nauðsynlega að uppræta. Það er nákvæmlega það sem hann mun gera ef eitthvað fer að hitna undir honum.

Það hvort að þetta séu réttlætanlegar fjárhæðir í þessi mál, eða yfirleitt hvort að núverandi styrjaldir BNA séu af hinu góða….ég bara treysti mér ekki til að taka einhverja skynsamlega afstöðu í því.

Hugsanlega væri besta lausnin fyrir hann í baráttu gegn terroristum að ráðast gegn viðskiptaháskólum :-) A.m.k. ef eitthvað er að marka The Guardian, sem halda því fram að efnishyggjan hafi rekið fjölda viðskiptamenntaðra manna í hryðjuverk. sjá: http://www.guardian.co.uk/Archive/Article/0,4273,4323327,00.html

Jæja. Læt gott heita að sinni.

“I still believe that peace and plenty and happiness can be worked out some way. I am a fool.”
K. Vonnegut Jr.

Kveðja.

Kveðja.

Fyrra álit

ritter fyrir 22 árum, 10 mánuðum

Sæll,

Góðir punktar. Þetta er einu sinni allt annað en nýtt hjá Kananum (og ekki bara honum) að fara bara í stríð til að beina athyglinni frá vandamálum heima fyrir. Strax 1812 fóru Bandaríkjamenn í stríð við Breta m.a. til þess að beina athygli landsmanna að einhverju öðru en innanlandsvandamálum.

Kv.

Hjörtu

Með kveðju,

Fyrra álit

porky fyrir 22 árum, 10 mánuðum

Hann á eftir að koma öllum heiminum í uppnám með einhverju mikilmennskubrjálæði í sér og hann á eftir að marka upphafið á enda kananas.

Þetta er kannski soldið svartsýnt en ég held að hann eigi eftir að setja allt á annan endan. Hann er klikkaður í hausnum með vopnadellu og miklimennskubrjálæði eins og margir kanar reynda

Gerðu hlutina almennilega eða vertu heima.

Fyrra álit

Iluvatar fyrir 22 árum, 10 mánuðum

Já, þetta er náttúrulega það sem við mátti búast. Repúblikanar hafa alltaf verið hrifnir af vopnum, en þó er Bush varla jafn slæmur og mótframbjóðandinn sem forsetaefni flokksins, því eitt helsta baráttumál hans var að auka útgjöld til hermála um 50%.

Bush barðist reyndar fyrir því að draga her Bandaríkjanna út úr Evrópu og öðrum stöðum jarðarkringlunnar. Eitthvað hefur farið minna fyrir því.

Hafa ber í huga að Bush er beittur, að öllum líkindum, gríðarmiklum þrýsting af yfirmönnum hersins. Nú hefur þessir yfirmenn og undirmenn þeirra fengið ástæðuna til að sanna réttmeti sitt sem sjálfskipuð lögregla, dómsvald og böðlar heims.

Ég held að það sé mikið til í því að Bandaríkjastjórn fer gjarnan út í, að því er virðist, tilgangslaus stríð, en það er nú sennilega ekki stærsta ástæðan fyrir stríðinu í Afghanistan. Það er þó alveg á hreinu að þetta stríð er ekki einungis til þess að uppræta hryðjuverk, þó svo að svo megi virðast.

Iluvata

Fyrra álit

uziz fyrir 22 árum, 10 mánuðum

Veit einhver um síðu þar sem er hægt að sjá fjárlög Bandaríkjanna. Örugglega gaman að skoða tölurnar þar.

Fyrra álit

uziz fyrir 22 árum, 10 mánuðum

Hérna eru fjárlög US
http://www.whitehouse.gov/omb/budget/ endilega skoðið þetta. Þetta eru rosalegar tölur.

Fyrra álit

gummi3849 fyrir 22 árum, 10 mánuðum

Ef við lítum aðeins hjá svartsýninni sem flestir eru helteknir af og horfum á jákvæðu hliðarnar.

Það sjá það allir hvað hryðjuverkin 11.sept hafði mikil áhrif á hagkerfi heimsins. Meira að segja litla skerið okkar hér á Íslandi varð fyrir barðinu á áhrifunum.

Ef ekki er farið í aðgerðir gegn hryðjuverkum og þá fyrirbyggjandi gæti það leitt af sér mun fleiri hryðjuverk sem hefðu miklu meiri áhrif á hagkerfi heimsins en við nú höfum séð og þekkjum.

Varla viljum við það?

kv
gg

Fyrra álit

Iluvatar fyrir 22 árum, 10 mánuðum

gummi3849:

Já, finnst þér líklegt að þessar fjáraukningar til hernaðarmála eigi eftir að skila sér í því að andúð gagnvart Bandaríkjamönnum minnki og þ.a.l. minnkandi líkur á hryðjuverkum í Bandaríkjunum?

Heimurinn er ekki svona einfaldur, svona hlutir hafa því miður aðeins víðtækari áfrif.

Iluvata

Fyrra álit

gummi3849 fyrir 22 árum, 10 mánuðum

Sammála þér Iluvatar…framlengir vandamálið…okkar kynslóð á síður eftir að lenda í öðrum 11.sept…en komandi kynslóðir eiga væntanlega eftir að uppskera mun meiri hörku gagnvart þeim.

kv
gg

Fyrra álit

Deiglan

Deiglan

Ofurhugar

Hverjir eru inni

Greinar

Bush ætlar að stórefla bandaríska herinn

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi