"No blood for oil!" heyrðist hrópað víða um heim þegar að Bandaríkjamenn réðust inní Írak 20. Mars 2003
Unglingar með Arabaklúta um hálsinn, friðarmerki í höndunum og jónur í kjaftinum mótmæltu hástöfum ástinni á olíu og peningum og reyndu í barnslegri einfeldni sinni að stöðva innrásina með því að spreyja “Fuck you Bush” og “No blood for oil” á skilti og setjast með þau á grasblett í miðbæjum víða um heim.

Þessir sömu unglingar eru nú á Íslandi, annaðhvort sitjandi í vímu á Miklubrautinni eða við tölvurnar að blogga á Moggablogginu um bensínverð og lögguhelvítin.
Bensínverð hefur farið hækkandi á Íslandi vegna hækkunar á bensíni um allan heim og lækkunar á gengi krónunnar, þetta sætta jónureykjandi-friðarmerkisveifandi-arabaklútsklæddir vinir okkar sig ekki við og vilja lækkun á álagningu Íslenska Ríkisins á bensíni eins og skot.

Ef við lítum aðeins á málið þá sjáum við að með lækkun á álagningu á bensíni þá kemur minni peningur inn í ríkiskassann. Það leiðir þá af sér lækkun á fjármagni í vegaframkvæmdir, skóla, snjóflóðavarnir og fleirra.
Eitt af þessu “fleirra” eru spítalar og fjárstuðningur við fólk með lífshættulega sjúkdóma og langveikt fólk.
Langveikt fólk er meðal annars börn með krabbamein.

Núna þegar við höfum brotið málið niður í einfalda bita, sem jafnvel jónureykjandi-friðarmerkisveifandi-arabaklútsklæddu greyin ættu að geta skilið sjáum við að til að lækka bensín þurfum við að drepa börn.

Fólkið sem að öskraði "No blood for oil!" vill semsagt drepa veikburða krabbameinssjúk börn til að fá meira bensín.
Nú er ég ekki mjög góður í ensku, en ég held að No blood for oil! þýði ekkert blóð fyrir olíu!, sem er svo aftur best hægt að túlka sem “Ekkert ofbeldi fyrir bensín”.

Samkvæmt því sem ég best veit eru barnamorð ofbeldi og má því álykta að fólkið sem annaðhvort Moggabloggar eða situr í hassvímu á Miklubrautinni sé búið að annaðhvort skipta um pól eða skjóta sig í fótinn.

Ef við gefum okkur það að 40% þjóðarinnar sé með barnamorðum, þá er hægt að gróflega reikna það svo að 60% þjóðarinnar sé á móti barnamorðum.
Ef við svo aftur gefum okkur það að 40% af jónureykjandi-friðarmerkisveifandi-arabaklútsklæddum táningunum séu með barnamorðum, þá eru 60% þeirra á móti þeim.

Samkvæmt þessum útreikningum getum við gert ráð fyrir því að u.þ.b. 60% mótmælanda hafi skotið sig í fótinn, sem er meira en helmingur, og ég veit ekki með ykkur en ég tek ekki mark á fólki með hækjur.

Fólk með hækjur er svo aftur fólk sem að styður barnamorð með því að eyða tíma lækna og peningi spítala.
Þannig að jafnvel þau 60% af jónureykjandi-friðarmerkisveifandi-arabaklútsklæddu krúttunum sem eru á móti barnamorðum eru að stuðla tvöfalt að barnamorðum.

Ég veit ekki, mér finnst þetta rosalega kjánalegt eitthvað..