ÉG veit að þetta er gamalt umræðuefni en mér finnst þessi grein bara vera of góð til að vera ekki hér
—————————————————————-

Gott fólk. Þá er komið að því. Tíminn þegar ríkið tekur upp Marxíska hugmyndafræði við fjölmiðla, fyrir á sem vita ekki hvað ég á við með því þá skal ég útskýra.
Marxísk Hugmyndafræði gengur út á það að ríkið á alla fjölmiðla. Og skulu vera tæki í uppbyggingu kommúnísks samfélags.
Ég veit að Davíð og félagar eru ekki kommúnistar en þeir eru samt byrjaðir að haga eins og Stalín og félagar. Ástæðan fyrir því að ég segji þetta er útaf þessum tóbaksvarnarlögum. Bara með þeim þá er málfrelsi okkar í hættu. Hvað má ekki tala um næst nema með niðrandi tóni… Hamsatólg? Ég bara spyr. Útaf því að það eru til fleiri vörur sem eru hættulegri en tóbak. Nokkur dæmi:
Hamsatólg. Kransæðarstífla.
Gos. Allt gos, Kók, Pepsi o.s.frv. Éta upp meltingarkerfið.
Smjör. Kransæðarstífla.
Reykelsi. Lungnakrabbamein.

Hmmm. Þetta eru vörur sem við sjáum á hverjum degi. Notum allt á hverjum degi. Og af hverju er þá ekki búið að semja sérstök lög um þau? Ég krefst þess að þessar vörur verði faldar fyrir almenningi, það má bara tala um þær með niðrandi tóni, þ.e.a.s. í fjölmiðlum.
En á meðan ég man. Bara til að þessi grein verði lögleg. Tóbak drepur.
Tóbak drepur…
Ég hef oft pælt í þessari setningu. Mjög oft. Kannski aðeins of oft. Aðallega útaf því að ég er að pæla í öðrum hlutum sem drepa en enginn vill banna. Einsog bílar. Ég get svo svarið það. Fólk er blint. Ekki allir, en of margir. Ókei. Hvert er stærsta vandamál þessara jarðríkis? Er það ekki mengun. Og hve mikið menga sígarettur? Mjög lítið, næstum ekkert. En hver er einn aðalmengunnarvaldurinn? Eruð það ekki bílar? Ef við höldum áfram á þessarri stefnu þá verða sígarettur eitt minnsta vandamálið sem við munum eiga að etja. Ósonlagið hverfur og það verður ekki lungnakrabbamein sem mun drepa okkur, heldur húðkrabbi.
“En bílar gegna tilgangi. Sígarettur gegna engum tilgangi.” Er hið dapurlega slagorð Þorgríms Þráinssonar og félaga. Ó nei það er rangt. Í staðinn fyrir bíla getum við notað lappirnar, hjól, hestvagna, svifflugvélar og seglskútur. Það er svo einfalt. Og sígarrettur gegna víst tilgangi. Þær drepa. Ókei. Ég veit að þetta hljómar grimmdarlega en þetta er satt. Eitt af mörgum vandamálum jarðar vors er offjölgun. Tóbak drepur fleiri en bílslys, alnæmi, fíkniefni og offita. Takið eftir því að það er forðast að nefna Malaríu sem drepur fleiri manns en allir aðrir sjúkdómar til samans. En malaría og alnæmi eru aðaldrápsvaldar þriðja heimsins. Ég legg því til að alþjóðasamfélagið skyldi tóbaksframleiðendur til að kosta lyfjanotkun fátækra þjóða. Sem hafa hvort eð er ekki efni á því að kaupa tóbak.