OK, ég gleymdi að minnast á vaskinn sérstaklega, hann fylgir náttúrulega átómatískt með. Ég er alveg sátt við að borga toll og vask af vörunni sjálfri en finnst fáránlegt að þurfa að borga nokkurt viðbótargjald ofan á sendingarkostnaðinn. Sendingarkostnaður er ekki hlutur sem ég var að panta og því finnst mér út í hött að borga sérstaklega fyrir hann. Maður kemst jú ekki hjá því að borga undir vöruna ef maður pantar hana og því er þarna kjörið tækifæri fyrir Tollinn að ná í nokkrar krónur í viðbót.
Finnst engum þetta ólógískt og ósanngjarnt?

Verslið á eBay og farið fram á að seljandi sendi vöruna sem gjöf, spyrjið hversu hár sendingakostnaðurinn er áður en þið bjóðið í vörur.

Innilega sammála þér jonr og gott dæmi hjá þér með flugfargjaldið. Það eru einfaldlega engin samræmanleg rök á bak við tolla og vask á innfluttum vörum. Ég fæ ekki betur séð en að það sé með þessu vísvítandi verið að reyna að draga úr verlsun á netinu með því að hafa þessar álögur á sendingarkostnaði, þar sem þetta gildir ekki ef þú kemur með þetta til landsins með öðrðum leiðum.

peace…tölvan þín er ekki orðin klikkuð, þetta er líka svona hjá mér.
Ef þú hefðir lesið meira en hluta af greininni þá hefðirðu séð að ég er ekki á móti tollum heldur er ég á móti því að maður greiði toll eða vask fyrir sendingarkostnað eða gjafaumbúðir þeirrar vöru sem maður er að panta. Ég get alveg sætt mig við sanngjarnan toll á vöruna sjálfa. Þetta gjafapappírs og sendingakostnaðsálag er hins vegar hlægilegt…eða réttara sagt sorglegt fyrir einstaklinga sem vilja panta sér vörur af netinu.

ADD: Ég geri mér grein fyrir að þegar ég kaupi bók út úr búð þá samanstendur verð hennar af mörgum kostnaðarliðum og þáttum, s.s. vegna höfundarlauna, prentunar og annars framleiðslukostnaðar, vasks og flutnings- eða sendingarkostnaðar. Ofan á þetta bætist dágott álag allajafna, nema hjá stórmörkuðum um jólin sem lækka einfaldlega bækurnar á kostnað annarrar vöru. Þannig að kaupmenn leika sér með þessa kostnaðarliði fram og til baka. Þetta held ég að allir viti. Hver raunverulegur hlutur sjálfs sendingarkostaðarinns í verði bókar er er mjög óljóst.

Það sem fer mest í taugarnar á mér er misræmi hvað varðar kostnað sendingarkostnað kaupanda eins og kemur fram í dæmi mínu hér að ofan um sendingakostnað á DVD diski. Eins og er nefni þar þá getur innpökkun bæst inn í heildarverðið og ég vil ekki borga toll eða vask af gjafapappír og slaufum. Ég borga ekki toll af gjafaumbúðum ef ég fæ senda gjöf yfir 7000 krónum, þá borga ég aðeins toll af gjöfinni. Mér finnst því út í hött að láta fólk greiða fyrir innpökkun þó að kostnaður við hana sé færður inn í heildarverðið, þetta finnst mér líka um sendingarkostnað…það er mín skoðun hvað sem lögin segja. Ég veit ekki hvað þér finnst en mér finnst misræmið í þessu dæmi mínu hér að ofan fáránlegt.

Þú spyrð hvort þessar reglur hafi takmarkað verslun á netinu um 1950!! Þessi spurning segir allt sem segja þarf. Nei auðvitað gerði hún það ekki því netið var ekki til! Það er málið. Þessi gamla löggjöf tekur ekki tillit til nútímans heldur er föst í hugmyndum um verslunar- og tollaumhverfi miðrar síðustu aldar. Árið 1950 þurfti fólk ekki að greiða toll af gjafaumbúðum og dúlleríi utan um sendingar frá útlöndum enda voru einstaklingar lítið að panta frá útlöndum, það voru aðallega verslanir og fyrirtæki sem sáu um það, en nú eru breyttir tímar sem kalla á breytta löggjöf, a.m.k. að hún taki tillit til þess að verstunarhættir hafa breyst og tæknin í dag er önnur en hún var fyrir 50 árum.

Ég veit það fyrir víst að þessi löggjöf takmarkar mína verslun á netinu og einnig verslun margra minna vina og kunningja, þannig að ég er ekkert að bulla. Ég hef aðeins 3 sinnum pantað af netinu einfaldlega vegna þess að sá verslunarmáti kostar mig meira en að nálgast vöruna með öðrum, en þó mun seinvirkari leiðum, (eins og að bíða með að kaupa vöruna þangað til ég fer út eða biðja annan aðila erlendis um að kaupa fyrir mig og senda mér) jafnvel þó varan sjálf sé á gjafvirði.

Í þessari úreltu tollalöggjöf er ekkert samræmi og hún er ekki í takt við nútímaverslunarhætti. Þú hittir naglann á höfuðið þegar þú segir að þetta séu mjög gamlar reglur! Viðskiptaumhverfið í dag er ekki það sama og fyrir 14 árum, hvað þá rúmum 50 árum. Áður fyrr voru einstaklingar ekki að panta jafn mikið frá útlöndum og nú eftir að pötunarlistar og netið komu til sögunnar. Tollalögin gera ekki ráð fyrir þessu.

„Ef fólk er á móti tollum þá er eðlilegt að það reyni að hafa staðreyndir á hreinu“. Ef þetta er skot á mig þá ertu að leggja mér orð í munn því ég hef aldrei sagt að ég sé á móti tollum. Ég var aðeins að benda á að mér finnst þessi löggjöf úrelt og fáránleg hvað varðar álögur á sendingarkostnað og gjafainnpökkun.

Að mínu mati þarf að endurskoða þessa löggjöf. Þar sem ferðamenn eru undanþegnir tollum og sköttum (upp að vissu marki) og gjafir eru lika undanþegnar tollum um að vissu marki (7000 kr), finnst mér eðlilegt í nútíma markaðs- og samkeppnisþjóðfélagi að þeir sem versla á netinu hafi einhverjar undanþágur, t.d. í samræmi við gjafirnar. Það fólk sem ég þekki er aðallega að panta smærri hluti af netinu eins og bækur, DVD- og geisladiska. Það væri t.d. hægt að hafa þessa undanþágu tengda vissum vöruflokkum, ákveðinni þyngd eða rúmmáli sendingar.

Þetta er mín skoðun

Ég vildi gjarnan geta rætt tollamálin og meiningu mína meira núna en þar sem ég er að lesa fyrir mikilvægt próf verð get ég ekki rökrætt um þetta fyrr en um eða eftir helgina þar sem námið situr fyrir :( En ég mun kommenta eitthvað á þetta þegar ég er búin í prófi.

Á meðan vil ég benda á stórgóða grein sem segir í raun allt sem segja þarf, þar sem m.a. er komið inn á vöru og þjónustuhugtaksins. Greinin er eftir Elínu Árnadóttur, héraðsdómslögmann og skattaráðgjafa PriceWateterhouseCoopers. Endilega lesið hana, hún talar af viti konan.
Slóðin er: http://www.pwcglobal.com/is/ice/ins-sol/issues/Skattaleg.html

Í grein Elínar kemur fram að ýmsar reglugerðir varðandi rafræn viðskipti hafa verið gerðar en engin að þeim lítur beint að netverslun einstaklinga á milli landa.

Ég leyfi mér að vitna í lokaorð hennar í greininni:
„Rafræn viðskipti geta verið mjög hagkvæm og eru gjarnan talin helsti vaxtarbroddurinn á sviði viðskipta. Aukningin á eftir að verða gífurleg og möguleikarnir eru óþrjótandi. Nauðsynlegt er að lög, sér í lagi skattalög, virki ekki hamlandi á þessu sviði og samkeppnisstaða aðila sé sem jöfnust. Brýn þörf er á að virðisaukaskattslögin verði löguð þannig að ekki verði mun hagkvæmara að kaupa efni beint í gegnum Netið erlendis frá en innanlands þar sem greiddur er virðisaukaskattur. Skylda til greiðslu virðisaukaskatts “ótilkvaddur” mun aldrei virka í raun gagnvart einstaklingum. Lög sem ekki eru virt og ekki er unnt að framfylgja eru til mestu óþurftar og til þess fallin að veikja réttarkerfið. Eina leiðin til að jafna samkeppnisstöðu innlendra aðila gagnvart erlendis búsettum virðist vera sú að gera þá vöru/þjónustu sem senda má beint í gegnum Netið, undanþegna virðisaukaskatti hvort sem um sölu til innlendra aðila eða erlendra er að ræða.“

Hún er klár kona hún Elín.

Fluffster: Ég er ekki hlynnt slíku svindli og held líka það gangi ekki upp. Ef þú pantar af netinu þá getur þú ekki beðið þá hjá amazon eða öðrum netfyrirtækjum að breyta reikningum á þennan hátt, þeir fara eftir reglunum og sjá sér heldur engan hag í því að falsa reikninginn fyrir þig, þeim er nokk sama hvað þú borgar í toll hérna uppi á Fróni. Þú færð reikning frá þeim þar sem rétt vöruverð kemur fram og svo er annar kostnaður skráður sérstaklega, s.s. gjafainnpökkun og sendingarkostnaður. Tollurinn hér heima sér því alltaf hvað varan sem þú kaupir kostar. Þó að einhverjir vildu svinda á þessu á tel ég það erfitt. Það er þó ekkert skrýtið að fólk reyni að fara í kringum þessar reglur eins og löggjöfin er í dag.

Mér er sama þó ég borgi sanngjarnan toll fyrir það sem ég panta svo ég myndi ekki fara út í þá lönguvitleysu að reyna að fixa reikninginn til. Ég vil frekar að lögin komi til móts við nútímann og taki tillit til allra verslunarhátta. Þá ættu menn að geta gert góð kaup á netinu líka.