Í Dagblaðinu í dag er að finna grein eftir Gunnar Karlsson prófessor sem talar um jákvæð viðhorf ungra Íslendinga til innflytjenda árið 1995. Viðhorf þessi komu í ljós eftir samræmda könnun árið 1995 sem var í um 30 löndum og kom Ísland einna best út.

Íslensku unglingarnir voru mjög frjálslyndir og umburðarlyndir samkvæmt þessari könnun og voru Íslenskir unglingar með mestu jafnaðarmönnum í heimi þetta árið og vildu unglingarnir gefa öllum innflytjendum rétt á að kjósa í kosningum. Í kosningunum kom þó eins og fyrr út, mikill rasismi hjá unglingum annara Norðurlanda en sá rasismi er alþekktur á Norðurlöndunum og hefur komið miklu óorði á löndin og þá sérstaklega eftir að ný-nasistar unnu síðustu kosningar í Danmörku og ætla nú að brjóta á réttindum innflytjenda með ýmsum lögum og álíka.

Íslenskir fjölmiðlar sýndu þessari könnun engan áhuga og vildu ekki láta það berast út hversu miklir jafnaðarmenn Íslendingar væru í raun, þeir vilja bara láta alla halda að þjóðernishyggja sé vel liðin hérna, sem er bara kjaftæði.

Aldrei er minnst á þessar jákvæðu hliðar Íslenskra unglinga sem hefur einfaldlega leitt til aukins rasisma á meðal þeirra enda til lítils að vera umburðarlynd ef að aldrei er talað um það og fólki ekki hrósað fyrir slíkt. Einnig hefur rasistum verið leyft að tjá sig í ríkisfjölmiðlum á Íslandi og þannig heilaþvegið marga ágæta jafnaðarmenn úr röðum okkar og fylgi Samfylkingarinnar hefur fallið gjörsamlega niður eftir að Fíþ dreyfðu óhróðri um formann félagsins í áróðursbæklingi sem var dreyft víða. Þessi óhróður þeirra gegn Össuri hefur samt lítið verið fordæmdur í fjölmiðlum en olli samt miklum álitshnekki fyrir hann, fyrir augum almennings þar sem gert var grín að dætrum hans auk þess sem þeir gerðu meira grín að honum.

Fíþ hefur valdið upplausn hvað varðar álit fólks gagnvart innflytjendum enda var fjölmiðlaathyglin sem þeir fengu engu lík og málfrelsið algjört nema þegar þeir gengu fram úr öllum öfgum og sögðu blökkumenn vera bæði lata og heimska. Þetta ósmekklega félag var einnig ábyrgt fyrir lygum sem byrjuðu að dreyfast um innflytjendur til dæmis að Asískar konur væru mest allt skækjur og blökkumenn væru annars flokks. Þetta félag hefur skilið eftir sig sæði sem hefur náð að fæða af sér heila kynslóð rasista og mun það verða erfitt verkefni fyrir okkur jafnaðarmennina að vinna ungmennin aftur á okkar band.

Rasismi hefur einnig verið mikill hér og útlendingar oft sætt ofbeldi og svívirðingum fauta og fóla sem þykjast vera betri en litaðir þar sem þeir eru næpuhvítir, heimaaldnir, hafa ekki fengið fræðslu um fjölþjóðahyggju í skólum og svo mætti lengi telja. Oft hafa mér borist á morgnana, óskemmtilegar fréttir með Fréttablaðinu um að rasistar séu að berja litaða og einnig hafa borist sorglegar fréttir með þessu blaði t.d. að rasistar séu að auka fylgi sitt mikið um allan heim t.d. í Ástralíu, Danmörku og Bandaríkjunum.

Við verðum að efla hlutverk fjölmiðla í því að byggja hér upp fjölþjóðasamfélag sem mun verða laust við ný-nasista og annað hyski sem hefur myndast víða á Norðurlöndunum sökum óumburðarlyndis og óhefts tjáningarfrelsis rasista sem ég vil setja mun þrengri skorður. Við getum ekki samkvæmt alþjóðasamþykktum hætt að taka við innflytjendum, auk þess sem innflytjendur eru óhjákvæmilegir í nútímasamfélögum sem við lifum í og því um að gera að láta þessu fólki líða sem best hér og hreinlega banna alla kynþáttamismunun.

Málflutningur Flokks Framfarasinna
sem ég hef kynnt mér eftir að hafa séð netfang þeirra hér á huga er bara asnalegur enda segjast þeir vilja koma í veg fyrir að Ísland verði fjölþjóðasamfélagið sem það er fyrir löngu orðið. Ef að þeir ætlar einhverntíman að ná þeirri stefnu fram
verða þeir að fara að fordæmi Þýsku félaga sinna því að þeim raunveruleika að Ísland sé orðið að skemmtilegu fjölþjóðasamfélagi verður aldrei breytt öðruvísi og ég skal láta Flokk Framfarasinna vita það að þeim verður mætt með vopnum áður en þeir ná að breyta Íslensku í einhæft samfélag aftur! Það ætti samt að mínu mati að banna þennan asnalega afturhaldsflokk enda kunna menn eins og í þessum flokki betur en allir aðrir að koma af stað leiðindum í okkar samfélögum.

Ég vil enda grein mína með frábærri og góðri lausn Gunnars sem hann skrifar í enda greinar sinnar í DV.

“Samt dettur mér stundum í hug að besta ráðið til að gera okkur hæf til að mæta óhjákvæmilegum innflytjendastraumi komandi ára sé að rækta upp þessa vinsamlegu afstöðu til innflytjenda sem var vissulega til staðar meðal 15 ára unglinga árið 1995. Verðum við ekki á endanum það sem fjölmiðlarnir segja okkur að vera?”