mimir fyrir 23 árum Fjöldi lestra: 784

Tungutækni á villigötum

Nýjasta tískuorðið í dag er tungutækni.
Þar er t.d. verið að tala um að kenna tölvum að tala og skilja íslensku.
Þetta er vissulega mikilvægt mál en er flest ekki komið í notkun ennþá.

Það sem Menntamálaráðuneytið er að gera á sviði tækninnar, sem nýtist Íslendingum í dag, er að kaupa aðgang að Britanica Online og fleiri alfræðisöfnum fyrir alla Íslendinga.
Flestar þær upplýsingar sem þar er að finna er einnig hægt að nálgast ókeypis annar staðar nema þær sem eru það sértækar að mjög fáir þarfnast þeirra.
Auk þess kunna Íslendingar ekki, eða hafa ekki áhuga á, að nýta sér þetta.
En samt sem áður er Menntamálaráðuneytið að borga þó nokkrar upphæðir í þetta.

Fyrir stuttu var opnaður vefurinn ordabok.is. Þar er að finna íslensk-enska og ensk-íslenska orðabók.
Það kom mér á óvart hvað vefurinn er vel uninn og þar er t.d. hægt að fletta upp hvernig orð eru beygð og þarna er líka æfingasíða fyrir enskar sagnir.
Þessi vefur er opinn öllum í ca. mánuð en svo mun aðgangur kosta um 2.500 kr á ári.

Íslendingar eru með duglegri þjóðum að nýta sér netið, jafnt ungir sem aldnir. Þar er vissulega heilmikið efni á íslensku en svo miklu meira á ensku. Væri ekki ráð að eyða þessum peningum, sem fara í Britanicu, í að veita Íslendingum aðgang að almennilegri orðabók svo við getum nýtt okkur allt það enska efni sem finna má á netinu til fulls, og stuðlað að því um leið að vernda tungumálið okkar.

Þótt svo að þessi vefur sé mjög vel gerður þá á ég ekki von á því að margir íslendingar nenni að standa í því að sækja um áskrift, jafnvel þótt upphæðin sé ekki há fyrir allt árið.

Það er allavega ekki góð reynsla með áskriftarvefi á Íslandi.

Skorum á Menntamálaráðuneytið að veita okkur aðgang að tungutækni sem nýtist í dag.

Kveðja,
Ingólfur Harri

cecilie fyrir 23 árum

alveg sammála

cecilie darlin

Fyrra álit

krizzi fyrir 23 árum

það er þvílík snild að gefa íslenskum nemendum aðgáng af einni stærstu alfræði orðabók í heimi. Mér fynst að það væri ansi heimskulegt að hætta þessum samningi við BritOnline til þess að opna íslensk-ensk ensk-íslenska orðabók á netinu sem við erum örugglega öll með á hilluni heima. Það væri samt sniðugt ef ríkið mundi styrkja slíka síðu á netinu, en þeir ættu ekki að taka peninga frá þessu áskriftum.

Ég veit ekki með ykkur en ég nota BritOnline ansi oft og þar er ansi fróðlegir textar…

–Krizzi–

N/A

Fyrra álit

ADD fyrir 23 árum

Mér finnst svolítið skrítið að blanda saman tungutækni, gagnasöfnum og tölvuvæddum orðabókum eins og þú gerir í grein þinni. Björn hefur stutt bæði tungutækni og aðgang að gagnsöfnum. Um daginn keypti hann aðgang að nokkrum gagnabönkum og kostnaðurinn örugglega meiri en að eb. Það styrkir rannsóknir og menntun í landinu.

Varðandi tölvuorðabækur þá eru tölvuorðabækur mjög einfaldar í framleiðslu og það þarf enga kunnáttu í tungutækni til að búa til tölvuorðabók. Þannig er samkeppnisstaða þeirra sem búa til tölvuorðabækur frekar góð þar sem að ekki þarf að búa til korpus fyrir tugi milljóna. Hugmynd Björns í tungutækni hefur ætíð verið sú að verkefnin bæru sig en hann lofað c. 60 milljónum í tungutækni - aðallega til að búa til korpus. Til gamans má geta þess að ef Björn kaupir aðgang fyrir 100.000 Íslendinga þá er kostnaðurinn 250 milljónir. 4 sinnum hærri en þeir peningar sem á að leggja í að koma upp korpus!! Og án korpus verður enginn tungutækni hér á landi. Þú gæti fengið þessa orðabók í dag og næstu ár og kysst alla aðra tungutækni bless. Er það það sem við viljum.

Fyrra álit

Augustus fyrir 23 árum

Akkúrat.. tungutækni og gagnasöfn eru tveir ólíkir hlutir.

Aðgangur Íslendinga að Britannica Online er frábær!

Summum ius summa inuria

Fyrra álit

mimir fyrir 23 árum

Tölvuorðabók er frumstæð tungutækni þ.e. þarna er tæki sem skilur íslensk orð.

BO er vandaður alfræðivefur. Það á einnig við um Encarta sem er öllum opinn. Ég held meira að segja að stór hluti BO sé líka opinn öllum.

Það eru hundruðir vandaðra vefsvæða sem nýtast rannsóknum og menntunum.

Þrátt fyrir að auðvelt sé að gera tölvuorðabækur þá eru þær nokkuð dýrar og þá held ég að orðasöfnin sjálf séu dýrust.

Ég er alls ekki að tala um að opna fyrir orðabók á netinu í staðin fyrir að styrkja tungutækni.
Ég er að benda á hagræðið af því að hafa opinn aðgang að orðabók fyrir Íslendinga.
Ef það þarf að taka peninga af einhverju öðru þá finnst mér að athuga mætti þessi gagnasöfn sem er verið að eyða í þegar hægt er að finna mikinn hluta innihalds þeirra annar staðar ókeypis.
Svo eru þau líka ekki mikið notuð þar margir vita ekki af þeim.

Það mundi aldrei kosta 250 miljónir að opna aðgang að orðabók á netinu.

Með 2.500 kr eru þeir í mesta lagi að miða við að fá nokkur þúsund notendur.

Kveðja,
Ingólfur Harri

Fyrra álit

ADD fyrir 23 árum

Orðabækur er svo frumstæð tungutækni að það þarf ekki að kunna neitt í tungtækni til setja orðabók saman. Það er hægt að klína smá tungtækni inn í þær með að gefa upp möguleika þegar orð er rangt stafsett. En þessi orðabók skilur ekki íslensk orð. Það er á hreinu. Hún getur flett þeim upp í orðasafni en það er ekki að skilja.
Það sem liggur á í íslenskri tungtækni er að koma saman korpus - ekki borga einhverjum fyrirtækjum út í bæ einhvern pening fyrir orðabækur. Þessi korpus verður opin öllum og þarna verður korpus að tugmilljóna virði opin öllum fyrirtækjum sem vilja. þau þurfa þá ekki að leggja tugi milljóna í búa hann til fyrir sig. Hvernig er það annars mættirðu ekki á ráðstefnuna um tungutæknina? Misstirðu af alvöru skotunum á Björn í sambandi við tungutæknina?

Fyrra álit

ADD fyrir 23 árum

Mig langar bara til að bæta því við að ef orð er stafsett vitlaust þá fær maður ekki rétta möguleika upp. Íslensku beygingarnar eru svo sem ágætar - svo langt sem þær ná og er það ekki langt. En svo ég vitni í tungutækniráðstefnuna og Friðrik Skúla þá eru menn alltaf að gera sömu hlutina aftur og aftur vegna þess að alla samræmingu skortir. Ég man þegar Friðrik var að byrja að forrita þessa beygingu fyrir næstum 20 árum síðan. Það þarf frekar að skiptast á upplýsingum svo menn séu ekki að eyða tímanum í að finna upplýsingarnar um íslenska málfræði sbr. sögu Friðriks af leitinni að yfirliti yfir alla íslenska nafnorðabeygingar.
En sem sagt eina tungutæknin í þessari orðabók er þessi íslenska beyging. Orðabókin sjálf er bara byggð upp sem gagnagrunnur þar sem leitað er að orð ef það finnst eru upplýsingar um það birtar annars er birt orð fannst ekki. Þar sem að fyrirtækið átti orðalistana á tölvutæku formi þá er þetta ekkert gífurlegt afrek hjá þeim en góð viðleitni samt.

Fyrra álit

mimir fyrir 23 árum

Orðabækur heyra undir tungutækni s.b. http://www.hi.is/~rol/Tungutaekni/Tungut.ppt síða 3. Þó skiptir það ekki máli hvort við köllum orðabækur tungutækni eða ekki.
Ég vil alls ekki taka fé úr tungutækniþróun!!!!!!
Ég er bara að segja (aftur) að þarna er gríðarlega gagnlegt tæki sem ætti að vera opið almenningi svo hann geti nýtt sér málið betur.

Segðu mér meira um þennan kopus og skotunum á Bjössa.

Kveðja,
Ingólfur Harri

Fyrra álit

ADD fyrir 23 árum

Björn tilkynnti stoltur að hollensk fyrirtæki hefði fengið það verkefni að útbúa íslenskt stafsetningarleiðréttingarforrit fyrir Word. Menn voru kurteisir en hann fékk tvo skot á sig úr púlti fyrir þetta - menn þarna höfðu nefnilega áhuga á íslenskri tungutækni og fannst að íslenskt fyriræki hefði átt að fá þetta og margir sögðu ekki neitt. Síðan fékk hann skot fyrir að hafa þýtt Windows stýrikerfið en ekki notendaforitin Word, Excel sem notendur eru að nota dagslega og þurfa hjálp við!

Korpus er samansafn valinni texta. Hér fjalla ég bara um ritaðan korpus. (Hljóðkorpus er til í eigu fyrirtækis sem var að kynna búnað til stjórna íbúðum með tali.) Þessir textar hafa verið merktir með málfræðimerkingum, klofnir niður í stofna og guð má vita hvað. Þegar fyrir tæki þarf svo að skoða hvernig forritið sem þeiru að semja þá geta þeir fengið hluta eða allan korpusinn til að prófa. Þeir geta líka fengið ákveðna hluta eða setningar t.d. allar setningar með orða sambandinu ‘að finna’. Síðan geta þeir prófað forritið og kannski klikkar það á ‘að finna á sér’. Þetta er svona stórt safn af prufugögnum en það er líka hægt að nota það til sjá ýmislegt út. Þarna eru líka tíðni töflur sem hún Guðrún í Grikklandi sem þýðir fyrir Evrópusambandið notar mikið. Ef forritið hennar veit ekki hvaða merkingu það á að nota þá setur það inn algengustu merkingu og merkir textann þannig að sá sem les yfir sér að þetta hefur verið valið af tölvunni svo hann geti breytt þessu ef þetta er rangt. Korpus er sem sagt grunnurinn að áframhaldandi tungutækni hér á landi.
Í Noregi var það tveggja mannára vinna að koma upp korpus og mig minnir að þeir hafi átt helmingin á tölvutæku formi fyrir þannig að þetta er gífurleg vinna fyrir Íslendinga sem hafa mun flóknari málfræði.
Úff, kemurðu bara ekki með mér á næstu ráðstefnu. Þessi var ókeypis og öllum opinn.

Fyrra álit

gmaria fyrir 23 árum

Sæll Ingólfur.

Athyglisvert umhugsunarefni. Mér finnst hins vegar enn skorta á að hluti almennings geti með góðu móti öðlast aðgang að tækninni þ.e. fjárfest í tölvum til nota. Tæki þessi eru enn allt of dýr þótt t.d eldra fólk hygðist reyna að fylgjast með og nýta sér þessa tækni, þá er það ekki svo vel að til finnist möguleiki að viðkomandi hafi efni á því.
kveðja.
gmaria.

Fyrra álit

Deiglan

Deiglan

Ofurhugar

Hverjir eru inni

Greinar

Tungutækni á villigötum

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi