Þetta er svarið sem ég var að vonast eftir. Mér dettur ekki í hug að efast um vitsmuni þína frá þessu. Fyrra svar þitt getur hinsvegar tæpast fullnægjandi það sem þar gafstu þér forsendur sem augljóslega eru ekki til staðar í málflutningi mínum. Út á það gekk gagnrýni mín, ekki að þú sem einstaklingur værir vitgrannur, en svo er ekki. Þú fullyrðirðir að mér sé í nöp við alla ísraelsmenn, þó ég segi hvergi að svo sé. Finnst þér óeðlilegt að ég skuli gagnrýna þig fyrir það?
Það þarf eingin spurning að vera til staðar svo þú getir svarað því sem ég segi. Ef að þú kysir að svara mér ekki yfirhöfuð myndi ég skilja það, en ekki leggja mér orð í munn. Áherslan ætti frekar að vera fullyrðingum mínum, þ.e ekki einhverjum sem hatar heila þjóð. Jafnframt kann ég ekki að meta talsmáta eins og : “… að Ísraelsmenn kúgi allt og alla” þar sem ég er mjög skýr í stefnu minni og það ber ekki vott um frambærileika af þinni hálfu að segja slíkt.

Ég tók því sem svo að í svari við mína athugasemd fælust ákveðin mótrök gegn mínum málflutningi. Þín fullyrðing um að þetta séu líkar þjóðir, sem þær vissulega eru, vænti ég þess að feli í sér að báðar þjóðirnar eigi að lifa saman. En var stofnun Ísraelsríkis ekki einmitt vegna þess að flestir innan ráðandi fylkinga hópanna vilja ekki búa saman? Ertu að segja að þér finnist að heimasstjórn Palestínu eigi að hætta andspyrnu sinni, semja um frið, og sætta sig við að búa undir síonískum gildum á landi sem þeir hafa búið á hundruðum ára eftir að gyðingarnir fluttust annað? Ég er ekki á móti gyðingum eða veru þeirra í nokkru landi, en þau hlunnindi sem ísraelsmenn búa við eru augljóslega á kostað hins helmings landsins, þ.e er Palestínumanna. Þaðan kemur líkingin við svertingjana. Þegar ég segi “þér er…” meina ég í raun: “þetta er eins og að segja að…”. Palestínumenn eru valdlausir í sínu eigin ríki og þú vilt að þeir leggi niður vopn og sætti sig við að vera ráðið af Ísraelsstjórn, en ég þarf varla að segja þér að þar situr engin palestínu-arabi. Með fullyrðingu um líkindi þessri þjóða áttirðu kannski við myndum einskonar sameiningarbandalag síon-araba. Það sér hinsvegar enganvegin fram á það, hvorki meðal síonista né araba. Viljir þú að þetta verði tvær sjálfstæðar þjóðir þá styðurðu Palestínumenn í barráttu sinni því aðeins önnur þjóðin hefur náð því markmiði. Þar sem þú gerir það ekki hlýt ég að halda að þú viljir annaðhvort halda núverandi ástandi eða sameina þjóðirnar og gera allt landið að “ísrael”. Þaðan kemur líkingin við aðskilnaðarstefnu á hendur svertingja, ég er ekki að kalla þig rasista.

Í 6 daga stríðinu náðu ísraelar gazaströndinni. Allt palestínusvæðið er hinsvegar mun stærra en það, og deilurnar höfðu þá staðið í áratugi. Þessvegna má ekki halda að það sé eina ástaðan fyrir deilum þessum. Mikilvægasti atburðurinn hlýtur þó að vera stofnun ríkisins. Einnig má ekki gleyma átökunum á vesturbakkanum öllum. Ég sé hinsvegar að setning mín gerir of lítið úr þessu stríði og biðst ég velvirðingar á því.

Mér þykir merkilegt að þú skulir ekki hafa skilið Quisling líkinguna mína, hún hefur að sjálfsögðu ekkert að gera með ísraelsstjórn. Þú sagðir að vegna þess að sumir ísraelar og Palestínumenn séu vinir þá sé sameining þessa þjóða ,undir Ísraelskum fána væntanlega, í lagi. Ég segi þá að sumir íbúar hernumdu landa þriðja ríkisins höfðu ekkert á móti því að vera hernumdir. Er það nægjanleg ástæða fyrir því að leggja niður andspyrnuna? Þú veist jafn vel og ég að þessir örfáu palestínsku menn endurspegla engan vegin viðhorf meirihluta íbúa Palestínu., sérstaklega ekki á vesturbakkanum þar sem kúgun og hernám Ísraelshers er hvað skýrast.

Að sjálfsögðu er Ísrael heimili gyðinga, þar eru síonistar við völd. Allt svæðið heitir Palestína, og er Ísrael land innan þes svæðis. Restin af svæðinu er einskonar afgangar, en það er ekki viðurkennt sem ríki af alþjóðasamfélaginu vegna neitunarvalds Bandaríkjamanna sem styðja ísraelsstjórn og í raun halda uppi tilvist þess.

Varðandi “þriðja lagið” þitt þá er þér guðvelkomið að sleppa því að svara mér, ef þú hefur á annaðborð ekki áhuga á því. Ég spyr þó hversvegna þú leggur tíma í það að segja mér að þú nennir ekki að tala við mig, frekar en að sleppa því einfaldlega. Mér kemur lítið við hvað þú þarft að gera utan þess tíma sem þú eyðir í rökræður við mig. Finnist þér ég í rauninni barnalegur og ekki svaraverður myndirðu einfaldlega sleppa því að svara mér. Sú staðreyn að þú hafir ýtt á ‘svara’ takkann sýnir að þér finnst ég þess virði að rökræða við. Ég bið þig því að annaðhvort tala almennilega við mig eða sleppa því algjörlega.

Að segja að þessi deila komi mér ekki við er að segja að hún komi þér ekki við. Hún kemur okkur semsagt hvorugum við.. Ég tel mig ekki þurfa að fara nánar út í hvesvegna það sé afkáralegt.

Viðhorfið að alþjóðasamfélagið eigi ekki að skipta sér af þessum málum er einmitt ástæðan fyrir því að þetta hefur gengið eins lengi og raun ber vitni.

Það mikilvægasta í þessu langa svari mínu er hinsvegar það sjónarhorn sem þú hefur valið þér á þessi mál. Þínir heimildarmenn eru ísraelskir borgarar, sem búa réttu megin við múrinn, og tilheyra annari fylkingunni. Án þess að ég vilji tala niður til þeirra þá leyfi ég mér að fullyrða að þeir viti lítið um ástandið á Palestínska hluta vestubakkans og aðfarir ísraelshers þar. Þú segir að múrinn hafi verið byggður til að verjast árasa palestínumanna. Þú segir að ástæðan fyrir því að ísraelar drepi fleiri sé vegna þess að alltaf sé verið að ráðast á þá. Ég bið þig hinsvegar að hugsa um málin í frumspekilegra samhengi:

Hvers vegna vilja menn ráðast á ísrael? Hversvegna verða gagnrýnisraddir gegn ísraelsstjórn æ háværarari og þjóðir hafnar að viðurkenna tilvist Palestínu sem ríkis? Gæti það verið vegna þess að eitthvað sé að í stjórnunarháttum stjórnar landsins? Þú virðist hugsa aðeins um hagsmuni ísraela, hugsanlega vegna fyrrnefndra persónulegra tengsla við þá hliðina. Sú staðreynd að þú hafir ekki vitað af útgöngubanni ísraela á flóttamannabúðirnar á vesturbakkanum ýtir stoðum undir þá hugmynd. Einnig þrjóskast þú við að takast á við það að aröbum er slátrað í tugavís á móti gyðingunum og ert búinn að ákveða að allt sem ég kann að segja um málið sé “loft”, sem styrkir þær stoðir. Tugþúsundir flóttamanna búa nú í bráðarbirgðarhúsnæði á vesturbakkanum. Frá hverjum heldurðu að þetta fólk sé að flýja? Palestínumönnum? Það fólk sem enn býr í húsum þarf að þola stöðugt hernám Ísraelshers sem hertekur íbúðarhús, vegi og opinberar stofnanir sem hindrar að eðlilegt líf þess fólks geti hafist að nýju. Finnst þér skrýtið að þetta fólk skuli hafa kosið þann flokk til valda sem andvígur er ísraelsstjórn, sem stjórnar vitanlega hernum? Þú veist þá sennilega ekki heldur að eftir þessar kosningar var sett viðskiptabann á heimastjórnina, undir forustu BNA, sem ýtir undr volæði Palestínuþjóðarinnar. Allt er þetta gert vegna nokkra andspyrnumanna sem skjóta loftskeytum á landnemabyggðir strangtrúaðra síonista sem neita að hörfa. Þeim aðgerðum er síðan refsað tífalt ,í lífum talið, og hundruðfalt er tekin er með sú kúgun sem þjóðin þarf að sæta. Þú segir að ísraelsku vinir þínir sæti ekki útgöngubann, sem er umfram allt lýsandi fyrir ójafnt ástand þessara tveggja fylkinga og mikilvægi þess að aðhafast í málinu. Heldurðu að fólkið á vesturbakkanum sætti sig við ísraelskt yfirvald? Heldurðu að Palestínumennirnir sem nú búa undir rústum Beirútborgar séu sáttir við ísraelsk stjórnvöld, stjórnvöld sem þú segir að leitist við að beita ekki ofbeldi! Þú hefur þínar heimildir frá ísraelskum háskólanemum, ég mínar frá hlutlausum sjálfboðaliðum sem starfa í sameiginlegri starfsemi gyðinga og araba. Það er nauðsynlegt að stíga út fyrir kassann og horfa á málið útfrá sjónarhorni beggja aðila.

Þú segir að Ísraelsmenn beiti síður ofbeldi, sem er rangt vegna áðurupptaldra staðreynda. Það að ísraelsmenn séu frekar tilbúnir til friðarviðræðna er aðeins vegna ráðandi stöðu þeirra í þessum aðstæðum. Báðar þjóðirnar vilja sjálfstæði, önnur hefur það en hin ekki. Meirihluti annarar þjóðarinnar býr við nánast fullkomið öryggi, hinir ekki. Allt þettar telur þetta að sjálfsögðu í viðleytni þjóðanna til friðarumtals, þó það sé að sjálfsögðu draumur allra. Það er hinsvegar ekki sama hvernig að því er farið. Lok fyrri heimstyrjaldarinnar átti að vera hinn endanlega friður evrópu, en vegna ráðandi stöðu annars hópsins endaði sá friður með árásum þess hóps sem lent hafði undir. Það er til marks um að beri að fara varlega með friðarhugtakið. Friður er í raun flóknara og viðkvæmara ástand en stríð. Það var t.d. hugmynd Sharons á sínum tíma að leggja allt svæðið undir sig og stilla síðan til friðar. Til eru menn innan raða síonista sem enn vilja það, jafnt og að innan raða Hamas eru til menn sem vilja reka alla gyðinga úr landinu. Það er vonlaust að ætla að stilla dæminu upp sem svo að um leið og menn hætti að slást verði allri sáttir, og ennfrekar að Ísraelsmenn vilji gera allt til að koma á friði. Þeir vilja fyrst og fremst þagga niður gagnrýnisraddir Palestínumanna. Þér að segja þá hættir hernám Ísraela á vesturbakkanum ekkert þó skotspónn fjölmiðla beinist nú frekar að aðstæðum gasasvæðisins. Það er mjög léleg heimild um ástand þessa svæðis að rýna aðeins í fyrirsagnir blaða og fréttatíma sjónvarpsins því þeir fylgjast aðeins með broti þess sem gengur á. Ég vill ekki að þú misskiljir, ég segi enganvegin að dráp á gyðingum séu af hinu góða en þeir afarkostir sem palestínu-aröbum eru settir blasa við. Vissulega búa einhverjir gyðingar við ógn araba, en munurinn á þessum herfylkingum sem og hlutföllin á hvorri þjóð fyrir sig sem býr við eymd kippir stoðum undan öllum þeim ummælum sem falla um að þarna sé á ferðinni stríð milli tveggja jafnra fylkinga.

Fyrir mér er þessi umræða þrískipt, en hún hefur snúist öll saman í eytt. Nauðsynlegt er að greiða úr þeirri flækju.

Til að byrja með er það fortíð Palestínu og stofnun ísraels, sem við erum sammála um að hafi verið illa gerð og að mínu mati óréttmæt með öllu.

Síðan er það núverandi ástand svæðisins sem ég leyfi mér að fullyrða að hafi sjaldan eða aldrei verið verra. Ég get sett mig í spor beggja hópa en vegna óréttmætrar stofnunar landsins og mannréttindarbrota ísraelashers get ég ekki annað en stutt andspyrnuna, því Palestína á enn langt í land við að ná jöfnum réttindum sem hlýtur a vera takmark hvers þess sem leitast við að leysa málin.

Loks er það framtíð svæðisins. Ég endurtek það sem ég sagði síðast að með kröfu um lausnar af minni hálfu verði stigsbreyting á upprunalegu umræðu okkar. Við hættum að tala um réttmæti stofnunar ríkisins eða bárráttunni sem háð er nú og snúum okkur að hvernig leysa megi deiluna. Spurningin hættir að snúast um ‘hvort’ og verður ‘hvernig’, ef svo má segja. Eigi ég að snúa mér að slíku verður þú að gera slíkt hið sama. Hver er þín lausn á deilunni? Persónulega tel ég að þar sem aðalbarrátta Palestínumanna, alveg frá kröfum þeirra um sjálfstæði frá Ottómanveldinu við lok 19. aldar, sé viðurkenning heimastjórnar Palestínu fyrsta skrefið í átt til raunverulegra friðarumleitanna, en stríðandi fylkingar palestínumanna eiga ekkert inni hjá ísraelum hvað það varðar. Ekki fyrr en ísraelsher stöðvar hernám sitt á vesturbakkanum. Það verður að sjá málið með augum beggja aðila.

Að lokum óska ég þér velgengni í aðgerðinni og skjóts bata eftir hana. Vona að þú sjáir þér fært að bæta við umræðuna sem fyrst.