birri fyrir 23 árum Fjöldi lestra: 1171

Miltisbrands "paranoia"

Alveg síðan miltisbrands veiran fannst í húsi fjölmiðlarisa í Florida, hafa komið fréttir á hverjum degi um dularfull duft bréf. Fyrst var þetta einskorðað við útlönd en síðustu daga hafa komið fréttir um þessi bréf héðan. Í flestum þessum tilvikum hafa þetta verið meinlaus bréf. Besta dæmið um það er tímaritið sem barst einhverri stofnunni, öllu draslinu var lokað eiturefna sveitin var kölluð út og allir starfsmenn sendir heim. Svo kom í ljós að þetta var bara meinlaust duft til að einfalda pökkun tímaritsins.

Síðustu daga hafa akkúrat svona mál verið að koma upp hér. Allir starfsmenn sendir heim, öllu lokað, allt rannsakað. Bara út af einu bréfi baðað í hveiti.

Ímyndið ykkur margföldunaráhrifin frá þessum fáu bréfum í Bandaríkjunum, og hvað eitt tilfelli í Þýskalandi, er þetta ekki alveg fullkomið hryðjuverk, að koma af stað múgsefjun um allan heiminn.

Fyrst við hér á þessari litlu og frekar ómerkilegu eyju (með tilliti til heimsmála) erum að loka fyrirtækjum, og kalla út eiturefnasveitir, spáið þá í hvernig þetta er í stærri og merkilegri löndum s.s. Bandaríkjunum og stærri evrópulöndunum. Þar hljóta koma upp tugir, ef ekki meir, svona tilfella á hverjum degi. Og spáið í hvað þetta kostar.

Það sem ég er að spá er að hvort maður myndi tilkynna ef í póstinum væri bréf með hvítu dufti.
Sennilega myndi maður spá pínu, en hver ætti að senda einhverjum einstaklingi á Íslandi miltisbrand (sérstaklega ef hann býr í Hafnarfirði).

En það er víst betra að vera viss!

………

YtseJam fyrir 23 árum

Ég er alveg sammála þessu en það er alltaf betra að vera viss!!

Fyrra álit

GlingGlo fyrir 23 árum

Einmitt, miðað við ástandið í heiminum í dag þá höfum við eiginlega ekki efni á að taka sénsa, þó að likurnar séu litlar. Hvað ef svo það reynist miltisbrandur í einhverju af þessum bréfum og ngar varúðarráðstafnir væru gerðar, það yrði allt vitlaust.

Kveðja,

Fyrra álit

[Notanda eytt] fyrir 23 árum

Þeir sem eru að senda hvítt duft uppá flippið ættu að átta sig á því að, þó að þetta sé soldið fyndið, þá er þetta eins og að kalla: “úlfur, úlfur”.

Ef múslimarnir ákveða að senda anthrax hingað (hver sem ástæðan væri) þá myndi fólk ekki líta það jafn alvarlegum augum eftir öll þessi grín tilfelli hér á landi.

Fyrra álit

Avatar fyrir 23 árum

Þetta dæmi með miltisbrandsbréfin er alveg týpískt fyrir æIslendinga, eins og þeir hafa gaman af því að blása öll smávægileg atvik upp(ég er samt ekki að segja að miltisbrandsatvikin úti í útlöndum séu smámál, aðeins þessi mál sem hafa komið upp hér, sem eru akkúrat engin). Meira andskotans ruglið að eyða milljónum í hvert skipti sem þessi eiturefnadeild slökkviliðsins og lögregla er köllað út. Þetta er sennilega í öllum tilfellum sjúkt gabb, innpökkunaraðferð (eins og af einhverjum pakka úr tollgeymslunni, sem gæti verið búið að rífa upp og loka mörgum sinnum) eða í það versta eiturlyfjasending (allavega andskotanum líklegra en miltisbrandur).

Mikið væri gaman ef Íslendingar áttuðu sig á því að líkurnar á því að einhverjir útí heimi sendi miltisbrand á Ísland eru samasem engar, sérstaklega þar sem flestallir í heiminum halda að Ísland sé á Norðurpólnum ( og það eru þeir fáu sem vita að Ísland er á norðurhveli jarðar) og að við búum í snjóhúsum. Sættiði ykkur bara við það, flestum í heiminum er skítsama um Ísland, þ.e.a.s þeim sem vita af því, og Ísland hefur og verður líklegast ALDREI skotmark nokkurskonar hryðjuverka, því Ísland þjónar afar litlum tilgangi, nema kannski að flytja út fisk til Japans.

Ég mun allavega ekki kalla á slökkvilið, eiturefnasveit, lögreglu og sjúkrabíl fyrr en ég fæ a.m.k hita eftir að hafa meðhöndlað “hveitimettað” bréf.

Næst förum við örugglega að sjá kallað á eiturefnasveitir slökkviliðsins útaf hveitiklessu á gólfinu í 10-11, fyrir neðan hveitihilluna.

Bara mín 2 sent!

Fyrra álit

Augustus fyrir 23 árum

Allir þeir sem eru að fá erlend tímarit send ættu að vita það núna að það mun finnast eitthvað hvítt duft í þeim þar sem að það er notað við pökkun.

Það er helvíti hart ef að það þarf að kalla út eiturefnasveitina í hvert sinn sem einhver opnar Newsweek/Time/Cosmopolitan og hvað allt þetta heitir…

Summum ius summa inuria

Fyrra álit

PiCatChyou fyrir 23 árum

Ég veit ekki, þó að manni finnist nú ekki líklegt að einhver sendi miltisbrand í bréfi til litla ómerkilega Íslands, þá veit maður nú aldrei hvað er að gerjast í hausnum á þessum klikkhausum. Ef ég væri hryðjuverkamaður og vildi valda sem mestum skaða með miltisbrandi, þá hefði ég sent þúsundi bréfa inn á einkaheimili fólks, ímyndið ykkur hvað það væri erfitt verkefni að ætla að fara sótthreinsa og eltast við miltisbrands bréf á kannski tugþúsunda heimila. Þá hefðu líka mörgþúsund manns kannski smitast í einu og látist áður en uppgvötaðist hvað væri í gangi. Hvers vegna ætti ekki einhverjum klikkhausnum einmitt að detta í hug að senda svona skaðvald einmitt til landa eins og Íslands, þar sem er fólk sem er svo visst um að það sé öruggt. Nei svona hluti verður taka alvarlega alveg eins og með sprengjuhótanir ég held að það sé mun dýrara að hundsa svona og svo gerist eitthvað alvarlegt. Mér finnst bara sjálfsagður hlutur að fólk sé vakandi, sérstaklega þegar við erum tala um bréfa og bögglasendingar erlendis frá.

——————————

Fyrra álit

Moli fyrir 23 árum

Hvað fer mikið að munnvatni í að loka tugþúsundum umslaga? Afghanar myndu deyja úr varaþurrki áður en þeir gætu sent bréfin!

Fyrra álit

[Notanda eytt] fyrir 23 árum

Ef maður vildi að þetta yrði einhver sjúkdómafaraldur og fullt af fólki myndi fá miltisbrand, væri þá ekki betra að seta þetta í vatnsból í stað fyrir að vera að senda þetta með bréfum!

Fyrra álit

gummi3849 fyrir 23 árum

Þessi öfgafulla leið, dreifing bréfa með miltisbrandi, er fullkomin leið fyrir litla hópa, ríki eða þjóðríki til að berjast við stærri og voldugri andstæðinga.

Hátækni flugvélar, sprengjur, byssur og önnur vopn duga skammt eins og við sjáum í fréttum í baráttunni við þessa bág.

Verður þetta ekki eins og í Víetnam stríðinu þegar landhernaður hefst? Talibanarnir eru ofan í holum og hellum, nýta sér skæruhernað á móti bandamönnum sem eiga án efa eftir að verða fyrir miklu manntjóni ef loftárásunum verður ekki gefin nægur tími.

Þessar pælingar sem Osama er að nota eru að finna í bókinni ,,The Art of War" Algjör gullmoli fyrir alla áhugasama um stríð hvort sem í viðskiptum eða á vígvelli.

http://www.hugi.is/deiglan/greinar.php?grein_id=30462

kv
Gummi

Fyrra álit

Cruxton fyrir 23 árum

Tilviljun að þessir spennufíklar sem kalla út slökkviliðið vinna allir í opinbera bransanum? *hint* Leiðinlegt í vinnunni *hint*

Sjáið þið ekki fyrir ykkur BinLaden & co vera að plana þetta:
“Hey guys, send the virus to the American congress and media…oh yeah and to the Landsbakinn and that damn Mr.Oddson while you're at it”

“True words are never spoken”

Fyrra álit

haflidason fyrir 23 árum

ÞAð fyndna er er að ímynda sér hvað gæjarnir hugsa þegar þeir eru kallaðir úr: “Úff, enn eitt platið, en ætli maður verði ekki að fara samt…”

Síðan koma þeir gangandi út úr byggingunni og Mbl, Dv, stöð2, Rúv og fréttablaðið eru fyrir utan og taka myndir um leið og þeir eru úðaðir í einhverri sótthreinsandi blöndu sem drepur miltisbrand.

Þeir vita samt allveg að þetta var bara flórskykur og eru líklega mest að hugsa um hvað þeir eigi að hafa í kvöldmat.

Magnus Haflidason

Fyrra álit

Deiglan

Deiglan

Ofurhugar

Hverjir eru inni

Greinar

Miltisbrands "paranoia"

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi