Væri ekki nær, þar sem að Skjár einn er almenningshlutafélag að senda eigendunum bara pening beint, þar sem tilgangur söfnunarinnar er fyrst og fremst að koma í veg fyrir að þeir tapi þeim fjármunum sem þeir hafa lagt í félagið. Ég segi að það sé miklu öruggara að senda bara ávísun beint til eigendanna, í stað þess að senda hana til fyrirtækisins, því þá er verið að taka þá óþarfa áhættu á að fjármunirnir tapist í rekstri fyrirtækisins í stað þess að þeir renni beint í vasa eigendanna.

Ég geri það að tillögu minni að menn sendi sitthvorn þúsund kallinn til Sigurðar Gísla og Jóns Pálmasona, það má senda 1500 kall á Eyþór og Jón Arnalds saman og síðasta þúsund kallinn má svo senda til Árna V og Kristjáns Ra, þar sem þeirra framlag var nú fyrst og fremst vinna en ekki peningar. (Áhugasamir geta líka borgað einn mánuð í hússjóð í penthásinu, eða keypt nýjar álfelgur á Bensana)

Ég hvet alla til að sýna þessu þjóðþrifamáli stuðning og styrkja þessa sárafátæku menn, því eins og þeir segja sjálfir, það væri virkilega aumingjalegt ef þeir þyrftu að standa sjálfir í því að betla.

Kveðja

Jubii