22 Boðorð hinnar veraldlegu heimsku;


1. Að vera yfirlætissamur er stundum allt það sem manneskja hefur. Stundum er nauðsynlegt að lýta niður á annað fólk og sjá ímyndaða galla í fari annara. Horfa á aðra í gegnum persónulega linsu, sjálfselsku og sjálfsfullnægjandi heimsku til að líða betur með sjálfan sig. Og að líða vel með sjálfan sig er mikilvægt.


2. Það er erfitt að ljúga, en það er líka besta leiðin til að halda öðru fólki frá því að vita sannleikann. Margir pólítíkusar og leiðtogar hafa komist af á þessu og þykir það mikils virði.


3. Vertu alltaf kurteis. Þú verður að vera nógu kurteis til að slíta sambandinu á mínútu fresti og hringja svo strax aftur þegar þú stellst til að hringja í klám-línur í húsi vina þinna; þegar upp er staðið þá rukka þessar línur aðeins 5.99 þegar svarað er og svo heilar 99 eftir aðra mínútu. Þú villt ekki að vinir þínir þurfi að borga meira en þarf, er það?


4. Aldrei skaltu gleyma því að sannleikurinn er ekki jafn mikilvægur og það að vera samþykktur af öðrum. Þegar þú fellur ekki í hópinn þá eru minni líkur á því að fólk gefi þér peninga og sýni þér meðaumkun - Þeir hlutir eru mikilvægir.


5. Haltu hægrisinnaðri lýðveldishyggju í hávegum. Þar sem allar þjóðir í okkar vestræna heimi virðast vera nokk ríkar og risavaxnar til að eiga staði þar sem sannkristnir plebbeiar geta hlaupið um allt í nægri persónulegri afneitun til að hundsa illar risa-samsteypur sem stjórna öllum pólitískum flokkum og eru valdar af skrípaleiknum sem við erum öll partur af í dag.

Því frjálsari sem samfélag virðist vera því meira hampar það sjálfu sér sem slíku, og því auðveldara er að sjá afneitunina sem einkennir staðinn, líkt og svart, illa þefjandi ský. Við köllum þetta “betri lífsskilyrði í gegnum afneitun”. Er bjartari hlið? Vissulega. Fólk í afneitun eyðir umtalsverðum tíma í að halda sjálfu sér í afneitun; þannig fer það á mis við litlu smáatriðin sem það ætti að vera fókusera á, sem auðveldar þér að ráðskast með það.


6. Ef þú hefur eitthvað val, veldu þá að vera eins viðkunnanleg/ur eins og hægt er við alla, jafnvel þótt þú sért á ósammála þeim eða fyrirlítir þau undir niðri. Að vera viðkunnanlegur og brosa á yfirborðinu, róar fólk og fær það til að leggja persónulegar varnir niður. Með tímanum fer það að bera traust til þín sem þú getur misnotað þegar þú loks ákveður að traðka á því. Þetta er hin raunverulega meining að baki orðanna “Það er betra að vera vinir heldur en óvinir”.


7. Það er sagt að hin sanna ást sé að elska sjálfan sig. Engin orð hafa meira sannleiksgildi en þessi. Þú ættir að vera ástfangin af sjálfum/sjálfri þér af svo mikilli ástríðu að þú sjáir sjálfa/n þig sem bestu hjásvæfu sem þú hefur nokkurntíman átt.


8. Sumt fólk segir að því sé sama um það sem aðrir hugsa. Slíkt er fáránlegt. Það sem aðrir hugsa er mjög mikilvægt, því þegar þú veist hvað hinir hugsa getur þú fljótlega og auðveldlega sagt til um það hverjir eru hættulegir, heimskir, auðveldir að ráðskast með, eða (stundum) jafningjar þínir. Af öllu þessum persónuleikum eru jafningjar þínir þeir sem þér stendur mest ógn af. Vertu eins viðkunnanleg/ur við þá eins og mögulegt er og misstu aldrei sjónar af þeim.


9. Það er sagt að bestu hlutirnir í þessu lífi séu þeir sem eru ókeypis. Þetta er kannski satt; en áður en þú getur eignast fötin, bílinn og allt kerfið af þeim afþreyingum sem þú þarft til að nálgast bestu hluti lífsins, þá þarftu að eignast peninga- ekki satt?.


10. Það er til fólk sem er tilbúið að trúa hverju sem er. Það er mjög erfitt að gera annað en sýna slíku fólki lítilsvirðingu, en ef þú pælir í því hversu mikið þröngsýni þeirra getur gagnast þér, þá getur þú öðlast mikla viðurkenningu og ást frá því. (Sjáið hvað Omega hefur tekist)


11. Þú skalt aldrei svíkja sannan vin. Slíkt er mikil glópska því “sannir vinir” eru ákaflega sjaldgæfir. Besta leiðin til að svíkja þá ekki er að eignast enga “sanna vini” yfirleitt; í flestum tilfellum er betra að hafa bara svona ‘klósettpappírs vini’ í kringum sig, og skeina sér svo að vild.

Hvað sem því líður þá eykst starfræksla velgengni og ánægju í margbreytileika, og þér mun finnast það að eignast sannan vin sé nauðsynlegt. Ef þetta gerist, þá verðurðu að finna jafnvægið í því að meðtaka einhvern sem huglægan jafningja og þess að geta treyst honum um leið.


12. Trúarbrögð heimsins segja okkur að það sé refsing fyrir því hvernig við kjósum að lifa lífinu. Það sem við gerum í lífinu hefur áhrif á það sem kemur seinna, segja sumir. Leyfið mér að útskýra þetta með sögu;

Nótt eina dreymdi mig draum þar sem engill kom að rúminu mínu - þetta var raunverulegasti draumur sem mig hefur nokkurntíman dreymt. Engillinn grét í reiði og sorg, og sagði mér, GRÁTBAÐ MIG að breyta lífsháttum mínum - hún sagði að ég myndi lifa lífi eitraðra lyga og ráðsksemi, og helvíti biði mín sem refsing fyrir syndir mínar.

Síðan sýndi hún mér sýn yfir Helvíti sjálft - og ég fæ gæsahúð á því aðeins að hugsa um það… hljóðin í þeim dæmdu voru eins og miljónir manna að kafna með kokið fullt af nálum. Lyktin var eins og opnar grafir, saur í bland við rotið hold. Engillinn bað mig að hætta að nota annað fólk líkt og þau væru klósettpappír, og þá, skyndilega vaknaði ég.

Ég man að ég snéri mér á hina hliðina í rúminu og hugsaði “oh sjit! ..súr draumur marr”. Þið ættuð aldrei að taka drauma of alvarlega.


13. Fólk sem reynir að koma á milli þín og efnislegra nautna þinna ætti að vera hljóðlega hundsað, og útilokað úr lífi þínu með reisn.


14. Þegar sannleikurinn verður deginum ljósari, þá eru Örlögin að svara þér. Lífið er ekki sanngjarnt; allir sjá það. Með því eru Örlögin að segja “ÞAÐ ERU ENGAR REGLUR”. Reglur eru, svo sannarlega, litlir vírar sem fólk með mikil völd notar til að stjórna heilanum á fólki með engin völd. Reglur hafa aðeins einn tilgang: þær hjálpa til við að vernda þig frá skyndilegum og handahófskenndum átroðningi innan mannshjarðarinnar. Með losti í formi skilyrðingar passa þessir vírar upp á að halda fólki á sínum stað. Lærðu að labba inn á milli, og láttu eins og heima hjá þér og taktu það sem þú getur borið.


15. Stundum, þegar þú lýtur til baka og sérð hvernig þú ert búin að hugsa og haga þér, gæti samviskan valdið þér áhyggjum; þér gæti fundist þú búin að týna þér í kaldlyndi og sjálfselsku. Þú gætir fengið samviskubit og áhyggjur yfir því hvernig þú ert búin að nota fólk og sýna falska vináttu. Það er til auðveld lausn við þessu vandamáli: minntu samvisku þína á að þú ert búin að koma ykkur báðum ÞETTA langt, og spyrðu hana hvort hún vogi sér að bíta í höndina sem fæðir hana og klæðir. Og þá þegar samviskan fær sjálf samviskubit yfir að hafa ávítað þig, segðu henni að þegja og hætta að kvarta og hún mun gera slíkt til að forðast en meiri vanlíðan.


16. Gamalt máltæki segir að þú eigir aldrei að tala um þig sjálfa/n; því það muni aðrir sjá um að gera þegar þú ferð út úr herberginu. Þetta orðatiltæki sýnir mikla snilli og innsæi. Þar sem aðrir munu tala um þig þegar þú fer út úr herberginu, þá skiptir miklu máli hvernig þú klæðir þig. Vertu alltaf vel klædd/ur. Bara það að klæða þig vel bætir upp það sem persónuleika þinn og karakter skortir, hvað aðra varðar. Fyrstu kynni skipta svo rosalegu máli, ekki satt?.


17. Ekki lána fólki mikilvæga hluti, sama hvað. Lánaðu aðeins ómerkilega hluti en láttu alltaf sem þeir séu mjög mikilvægir þegar þú lánar þá. Ef hlutunum verður ekki skilað til baka, þá geturðu afskrifað fíflið og hlegið að því; þú losnaðir við eitthvað ómerkilegt drasl og sníkjudýr sem þú getur ekki treyst. Ef allt væri svona auðvellt!


18. Meðtaktu alltaf afsökunarbeiðnir, meira að segja hinn færasti lygari, slóttugasti tækifærissinni, sjálfhverfasti elítisti og skíthæll þarf stundum að biðjast afsökunar, og fátt í þessum heimi sem hefur jafn gott notagildi og sú aðferð að fá fólk til að samþykja þína afsökun einungis á þeim forsendum að þú samþyktir þeirra einhverju áður. Lykillinn að þessu er að leggja á borðið það sem þú ert að biðjast afsökunar á ásamt þeirri áminningu að þú hafir nú samþykt þeirra afsökun hérna forðum daga. Ekki ofnota þessa aðferð þó því þá kemst óheiðarleiki þinn fljótlega upp..


19. Sumt fólk segir að ástin sé það sem fær hjól samfélagsins til að snúast. Aðrir segja að það séu peningar sem fá hjól samfélagsins til að snúast. Ég segi að báðir hópar hafa tiltölulega rétt fyrir sér, því það er einmitt ást fólks á peningum sem heldur þessu samfélagi gangandi.


20. Þegar þú gengur um strætin í borgum heimsins, þá labbar stundum fólk upp að þér og biður um peninga. Þess vegna er gott að læra nokkrar setningar á erlendu tungumáli eða einfaldlega búa til einhverja frasa sem minna á erlent tungumál. Svo þegar þetta fólk biður þig um peninga þá getur þú yppt öxlum og blaðrað þessar setningar, fólkið nær því fljótt hvað er í gangi og lætur þig í friði og þeir sem horfa á munu ekki koma til með að halda að þú sért gráðug og eigingjörn manneskja.


21. Uppgerð er nafnið á leiknum. Uppgerð er lykillinn að velgengni á vinnumarkað og félagslífi; ég meina þér myndi aldrei detta það í hug að að segja fallegri konu með hræðilega klippingu að hárið á henni líti ömurlega út þegar hún brosir til þín og segir “hvernig finnst þér?”


22. Þegar upp er staðið, þá snýst allt um kynlíf. Kynlíf er hið Heilaga Gral; kynferðisleg fullnæging er hápunktur hinnar sönnu og endanlegu ánægju. Auðvitað líður hún fljótt hjá, en þú getur alltaf fengið fleiri fullnægingar. Öll tónlist er samin til að reyna að ná þeim tilfinningarpunkti sem fullnæging gefur; hún er endanlega ástæðan fyrir því að kvenmenn mála sig og karlmenn lyfta lóðum eða af hverju fólk hugsar um útlitið yfirleitt. Kynlíf og fullnæging er Ómega punkturinn í upplifun mannsins; fíklar sprauta sig og snorka kók í þeirri von um að öðlast svipaða tilfinningu, meiri fjármunum er eitt í lyf til að bæta kynlífið, áhöld til að krydda hlutina upp og æsandi fatnað heldur en í mat. Kynlíf er fljótasta leiðin til að komast að hjarta einhvers og það besta sem þú getur gert, sama hvort þú ert karl eða kona er að læra að framkvæma munnmök og læra það vel, því munnmök eru það sem enginn hafnar. Því meira vald sem þú hefur yfir einhverju kynferðislegu því því meiri áhrif og völd hefur þú yfir öðrum mannskepnum yfirleitt.