Ég fæ á tilfinninguna að þetta séu tímabundnar lausnir og að best væri að setja meiri pening í menntun og koma fólki inn í hátækniiðnaðinn. Vel borguð störf sem að Íslendingar geta unnið frekar en eitthvað sem að innflutt vinnuafl tekur yfir á endanum. ;)

Ág er algjörlega ekki að fíla öll þessi álver… fer þetta ekki að varða komið nóg?

Álver = minn kostur

Menn eða fuglar?

Þúfur eða þróun?

ég vel þróun og menn…. og svo er atvinnuleysi reiknað miðað við fólk á atvinnuleysisskrá að ég held…

held ég sé með allar staðreyndir réttar þarna ;

Það ítur út fyrir að íslensk stjórnvöld séu svoldið að missa sig í gleðini,þau mega huga að meiri fjölbreyttni í atvinnusköpun að minu mati ekki bara velja eitthvað eitt & gera það svo um allt land.

Ég skil ekki af hverju við erum að samþykkja að fara eftir svona kvóta til að byrja með.

Áætlaður kostnaður vegna fyrstu lotu Kyoto-samkomulagsins fyrir árin til og með 2012 liggja á bilinu 500-1000 milljarðar evra. Óbirt mat stuðningsmanna samkomulagsins á áhrifum þess segir að áhrifin af því að fylgja samkomulaginu eftir verði kólnun upp á um 0.02 gráður á Celsíus, eða eitthvað sem nákvæmustu mælitæki okkar geta ekki mælt, og liggur mörgum sinnum undir náttúrulegum sveiflum á hitastigi í andrúmslofti Jarðar.

http://www.techcentralstation.com/111805A.html

Vissuð þið að Alcoa á tvö hergagna fyrirtæki?

Vissuð þið að fyrstu sprengjurnar sem dundu á Írak voru merktar Alcoa?

Vissuð þið að MÖRG FJÁRFESTINGAFYRIRTÆKI ÞURKUÐU ALCOA ÚT AF VIÐSKIPTALISTUM SÍNUM ÞEGAR ALCOA KEYPTU HERGAGNAFYRIRTÆKIN CORDANT TECHNOLOGIES OG HOWMET INTERNATIONAL?

Líklegast vita fáir af þessu, þar sem við eigum ekki að sjá nema eina hlið af þessum ál risum!

Alcoa er náttúrulega einungis umhverisvænt, friðsælt og gott fyrirtæki!

Einnig, eru til hugmyndir af umhverfisvænni og betri verksmiðjum sem mætti reisa á Húsavík. Polyolverksmiðja til dæmis sem reyndar átti að vera löngu búið að kynna fyrir landanum, en fór í strand vegna milli landa pólitík.

Ég hef áreiðanlegar heimildir fyrir því að þessi verksmiðja sé umhverfisvæn, gefi mörgum atvinnu tækifæri og sé stöðugra fyrirtæki en álver!

Hagfræðingar eru að rísa upp og segja nei takk við viljum ekki álver, fólk í ferðaþjónustunni vilja ekki álver, sjávarútvegurinn vill ekki álver og ég vil ekki álver!

Bygjum betra Ísland ekki verra

já hér fann ég skemmtilegar staðreyndir um ál á www.murinn.is c/p

Vísvitandi rangfærslur um áliðnaðinn II

13.2.2006
Líkt og rætt var á þessum vettvangi í síðustu viku ganga flestir ef ekki allir ráðherrar íslensku hægristjórnarinnar með þá grillu í höfðinu að álbræðslurnar sem settar hafa verið niður hér á landi séu glæsilegt framlag Íslands til loftslagsmála á alþjóðavísu. Álið sé léttur málmur sem megi nota til að smíða léttari farartæki sem eyði minna eldsneyti en ella og gefi þannig af sér minna koltvíoxíð sem aftur þýði minni gróðurhúsaáhrif.

Á þessari hugsun eru tveir stórir annmarkar auk þeirra sem áður hafa verið ræddir, nefnilega að hvorki er spurt um umhverfisáhrif við hráefnisöflunina né hvort önnur, umhverfisvænni efni geti gegnt sama hlutverki og álið.

Álbræðslurnar hér á landi vinna ál úr báxíti sem einnig gengur undir nafninu súrál og er flutt hingað um langan veg með stórum flutningaskipum. Lengi vel þekktu Íslendingar ekki aðrar báxítnámur en þær áströlsku, líklega einkum vegna þess að eigendur álversins í Straumsvík urðu frægir að endemum fyrir að ljúga blygðunarlaust að íslenskum stjórnvöldum um innkaupsverð súrálsins í Ástralíu. Verðbreytingin sem varð á leiðinni frá Ástralíu til Íslands var kölluð „hækkun í hafi“ og var ansi há í prósentum talið.

En það er víðar unnið báxít til að fóðra álverin um víða veröld. Þar má nefna til sögunnar lönd eins og Haíti, Dómíníska lýðveldið, Guyönu ásamt Jamaica, Brasilíu, og Súrinam þar sem bandaríski álrisinn Alcoa, sem hyggst ræsa nýja álbræðslu á Reyðarfirði á næsta ári, hefur starfrækt báxítnámur.

Eitt er sammerkt með báxítnámunum í öllum þessum Mið- og Suður-Ameríkulöndum: hið eftirsótta hráefni liggur í jörðu undir hitabeltisskógum. Þessir skógar hafa miskunnarlaust verið ruddir og jarðvegurinn hreinsaður ofan af námunum með tröllauknum vinnuvélum eins og nærri má geta. (Einn talsmanna Alcoa reyndi nýlega á fundi að sannfæra þann sem þetta skrifar um að fyrirtækið væri í fylkingarbrjósti í baráttunni gegn jarðvegseyðingu í skógum Brasilíu.)

Amazon-regnskógarnir, sem eru að stærstum hluta í Brasilíu en teygja sig einnig yfir í Guyönu og Súrinam, hafa löngum verið nefndir lungu jarðar vegna þess hversu gríðarlega mikið koltvíoxíð þeir binda og skila í staðinn súrefni út í andrúmsloftið. Þannig er afkastageta regnskóganna við að draga úr gróðurhúsaáhrifum stöðugt skert til að fóðra málmbræðslu sem sums staðar er starfrækt í nafni baráttunnar gegn þessum sömu gróðurhúsaáhrifum. Varla þarf að hafa mörg orð um skynsemi þeirra sem bera umhverfissjónarmið fyrir sig í baráttunni fyrir fleiri álbræðslum á Íslandi.

Þar að auki er vert að benda á að koltrefjaefni eru nú þegar farin að leysa álið af hólmi í ýmsum farartækjum enda eru þau léttari, umhverfisvænni og jafnvel sterkari í sumum tilfellum. Meira að segja ýmiss konar öxlar eru nú framleiddir úr sérstaklega hertum koltrefjum og gefa málmunum ekkert eftir við styrkleikaprófanir.

En vandinn er sá að koltrefjar eru enn sem komið er heldur dýrari en álið og þar stendur hnífurinn í kúnni. Ríkisstjórn Íslands hefur lagt sig í framkróka við að lokka hingað erlendar álbræðslur með því að bjóða eigendum þeirra raforku á niðursettu verði en orkukostnaðurinn er ávallt stærsti þátturinn þegar kemur að útreikningum á hagkvæmni álframleiðslu.

Hið raunverulega framlag ríkisstjórnarinnar til loftslagsmála á undanförnum árum hefur þannig verið það að styrkja samkeppnisstöðu álbræðslu gagnvart koltrefjaframleiðslu sem hvorki krefst landeyðingar við hráefnisöflun né hefur í för með sér geigvænlega losun gróðurhúsalofttegunda við sjálfa vinnsluna. Erfitt er að hugsa sér ömurlegri ráðstöfun íslenskra orkulinda en þá að binda þær í málmbræðslum til margra áratuga. Hræsni þeirra sem þykjast vinna að hreinna andrúmslofti og heill jarðarbúa með slíku ráðabruggi er svo kapítuli út af fyrir sig.

Fín grein. veit einhver hvað álver muni skila miklu í þjóðarbúið í prósentum talið?

Betra að hafa þetta nákvæmara.

Hvað öll álver sem nú eru til staðar plús þau sem eru á teikniborðinu sem vonandi rísa ekki öll. skila og munu skila í þjóðarbúið.