Amen!

Mjög góð rök. Ég er reykingarmaður og ég skil vel allar hliðar máls þíns. Að sjálfsögðu er það dónalegt að reykja yfir mat annarra svo sem þar sem reyklausir eru. Einnig er sóðaskapurinn hjá félaga reykingarmönnum mínum að skemma fyrir okkur rosalega mikið, ég losa mig alltaf við stubba í rusl eða álíka staði.

Það er ekki hægt að banna reykingar þar sem sígaréttur eru löglegar common en reykingarmenn verða að bera virðingu fyrir reyklausum og sýna hreinlæti.

Því miður er það bara svo stór hópur sem skemmir fyrir heildinni. :(

Alveg sammála. Ég skrifaði einu sinni grein um þetta frumvarp og hún hljóðar svona:

Í nýlegu frumvarpi um tóbaksvarnir, er tekið nokkuð harkalega á reykingamönnum. Ég er einn af þeim sem fagna því.

Ég lenti í rifrildi við manneskju sem ég þekki um daginn, og hún fór að væla yfir því að nú væru sko öll mannréttindi brotin, þegar á að fara að banna fólki að reykja á veitingastöðum, og sala á tóbaki skyldi háð sérstökum leyfi. Mér þykir greinilegt að það fólk sem þykir gott að sjúga ofan í sig reyk af eiturefnum, sé ekki alveg heilbrigt andlega. Þeim finnst alveg sjálfsagt að fá að reykja hvar sem er og hvenær sem er, það eru sjálfsögð mannréttindi!! Ég get ekki séð að það séu meiri mannréttindi að fá að reykja en að fá að vera laus við það, ég meina, síðan hvenær eru réttindi fólks sem er ekki sjálfrátt vegna fíknar, meiri en mannréttindi fólks sem hefur kappskostað að reyna að gera það sem er rétt og heilbrigt alla sína æfi. Við sem ekki reykjum, getum aldrei farið út að skemmta okkur öðruvísi en að þurfa að gangast við því að reykja (óbeint), ég hef hvergi vitað til þess að fólk sem reykir þurfi að beygja sig undir það að reykja ekki á skemmtistað. Hver er þarna augljóslega með meiri rétt??

Flestir reykingamenn sem ég þekki nota oft þá rökleysu að við hin getum bara farið eitthvað annað!! Já alveg sjálfsagt, ekkert mál! En hvert?, það má reykja allsstaðar! Og ef það má reykja, þá er það gert, óháð því hvort fólkinu í kring líkar það eða ekki, því fíkillinn þarf næsta skammt, og það strax, bölvaður sért þú að mótmæla því! Foreldrar mínir hafa reykt alla mína æfi, og alltaf nota þau sömu afsökunina, “ég hætti bara þegar er ekki alltaf verið að pressa á mig”, það er greinilegt að reykingafólk notar nánast því eingöngu alltaf, þessa sömu afsökun, og það er vægast sagt orðið mjög þreytt og blekkir engan. Þetta fólk viðurkennir ekki að það er háð tóbaki, en kemur í staðin með þessar ömurlegau afsakanir.

Mér finnst alltaf jafn sorglegt að sjá fólk reykja, því það ber svo mikin vott um viljaleysi og agaleysi, plús öskrandi ósjálfstæði. En það er víst uppeldinu að kenna, eða það er örugglega hópþrýstingur, jafnvel bara algjört slys!! Ég skil ekki hverskonar helvítis ginningarfífl reykingafólk heldur að við séum. Að sjálfsögðu er hægt að hætta að reykja, en það er erfitt, hver segir að það sé auðvelt? Eina sem þú þarft er að vilja vera sjálfstæð/ur, en hvurslags fáránleg beiðni er það, sjálfstæði er bara fyrir aumingjana! Ég og Winston vinur minn stöndum saman ALLTAF. Það að halda því fram að það sé sjálfstæði að vilja og fá að reykja er bara hallærislegt!

Ágætu reykingamenn, þið hafið ekki rétt til að brjóta á þeim sem ekki kæra sig um að vera fórnarlömb eins og þið, þið hafið ekki rétt til að vera stanslaust vælandi yfir því hvað er farið illa með ykkur, þið hafið ekki rétt til að gera kröfur um lægra tóbaksverð, þið ættuð ekki að hafa rétt til sömu læknisþjónustu, ÞAÐ ER KOMINN TÍMI TIL AÐ ÞIÐ ÁTTIÐ YKKUR Á ÞVÍ AÐ ÞIÐ ERUÐ EKKI FLOTT, ÞIÐ ERUÐ EKKI HEILBRIGÐ, OG MANNRÉTTINDI ER EITTHVAÐ SEM ÞIÐ TRAÐKIÐ Á Á HVERJUM DEGI!

Hvað sem kann að vera sagt um reykingar, þá eru alltaf staðreyndirnar sem standa upp úr. Þetta er óhollt, ljótt, dýrt, og að sjálfsögðu mannréttindabrot á þeim sem ekki reykja.



Ég vona að reykingamenn sem svara þessari grein viti að ég hef mikla virðingu fyrir öllum mönnum, og það er ekki reykingamaðurinn sjálfur sem ég er á móti, heldur það sem hann stendur fyrir.