Ég held að það sé alveg örugglega búið að sanna að hinar ýmsu bylgjur í nútímaþjóðfélagi hafi áhrif á fjölda krabbameina. Þá er frekar erfitt að benda á einn hlut heldur erum við að tala um heildarmyndina. Slíkar ósýnilegar bylgjur eru óteljandi og ná út um allt í nútíma þéttbýlum, að banna einn hlut breytir því ekki. Allt frá útvarpstíðni, loftnetatíðni, rafmagnstíðni (þó að það sé haft vissa öryggisfjarlægð á byggð frá lykilstöðum þá hefur það alltaf áhrif samt sem áður). Hversu langt maður býr frá verksmiðju(m) hefur áhrif, hvort maður býr í 101 eða Hafnarfirði er hægt að sjá mun á.

Þú hlýtur að sjá augljósan mun á því að keyra um á bíl og viljandi myrða manneskju? Líka hlýtur þú að sjá mun á því að borga manneskju fyrir kynlíf og að nauðga einhverjum, eða það vona ég allavega. Við verðum að passa okkur að hafa aðeins grunnreglur í samfélaginu til að tryggja frelsi þegnanna en ekki að vera að stjórna þeim hægri vinstri með eftir kröfum eða siðferði þrýstihópa, t.d. að banna einkadans í Reykjavík af því það fór illa í feminista. Opnunartími er líka gott dæmi hjá þér. Hér á landi á að vera trúfrelsi, þá hlýtur maður að eiga að hafa opið kl 18 á aðfangadagskvöldi ef maður vill, á að mismuna múslimanum sem rekur sjoppu?

Ekki má halda á farsíma á meðan maður keyrir þrátt fyrir að það sé búið að sanna með rannsóknum að það sé fyrst og fremst einbeitingarskorturinn við það að spjalla í símann sem er að valda slysum. Það má borða og reykja samtímis við akstur bara á meðan maður heldur ekki á gemmsa. Við verðum að kaupa mat sem er innan þeirra marka heilbrigðis sem stjórnvöld telja æskilegt, ekki má kjósa það af frjálsum vilja t.d. að kaupa drykki sem eru yfir leyfileg koffínmörk. Ekki má hafa dökkar rúður á bílum af því það fer illa í lögguna að geta ekki séð almennilega inn í bílana (aðrar ástæður eru bara afsakanir). Ekki má kjósa að taka þá áhættu að vera án bílbelta í bíl, eða hjóla án hjálms. Ekki mega túristar vera í friði í landinu ef þeir koma í þeim tilgangi að tjá skoðanir sem eru ekki í samræmi við stefnu stjórnvalda eða gesta þeirra. Ekki má maður eiga sjónvarp án þess að borga gjald til ríkisins. Bráðum má ekki einu sinni reykja á kaffihúsum, frekja meirihlutans á að vera vegameiri en sameiginleg viðhorf gesta og kaffihúsaeigenda. Ekki má tala um sígarettur eða áfengi á jákvæðan hátt í fjölmiðlum eða tala á neikvæðan hátt um minnihlutahópa eins og svertingja eða gyðinga.

Soldið erfitt að líkja banni á nagladekkjum við banni á morðum.
Málið er að Nagladekk virka betur í snjó og hálku. Sjálfur notast ég við fólksbíl í minni vinnu og vinn með mörgum atvinnubílstjórum. Flestir hafa sömu sögu að segja, naglarnir eru betri en þessi “týpísku” vetrardekk.

Þó svo að undanfarnir vetur hafi verið frekar snjólausir þá vitum við ekkert hvernig næsti vetur verður. Nú var að snjóa á baðströndum á N-Spáni. Þó svo að meðalhiti fari hækkandi þá segir það okkur lítið um hvernig næsti vetur verður.

Með blýbensín þá hef ég ekki séð það selt hér í mörg ár. Ég skora á þig að hringja niðrí landlæknisembætti að sjá hversu mörg dauðsföll þeir geta rakið til svifryks. Ég stórefa að það séu mikið fleiri en eitt.

Að banna nagladekk mundi bara setja okkur í fleiri vandræði, miklu frekar að skattleggja þau sérstaklega.