Eg veit ad thad er buid ad tala nog um blessadan mannin en eg vildi bara koma sma a framfaeri sem eg rakst a:

==
Hverju spáðu völvurnar?

- mikið blásið út og gott ef Árni stendur ekki sterkur eftir, segir hún m.a.

Í janúar á þessu ári leituðu Eyjafréttir til völvu sem áður hefur spáð fyrir atburðum nýhafinna ára með góðum árangri. Þá var Matthildur Sveinsdóttir einnig fengin til að lesa úr tarotspilum fyrir hvern mánuð ársins. Nú hafa glöggir lesendur bent okkur á að ýmislegt í spádómum beggja hafi verið að koma fram á óyggjandi hátt í þeim málum sem tengjast Árna Johnsen. Lítum á hvað Völva Frétta og Matthildur sögðu í upphafi árs.

Í kaflanum um framkvæmdir segir Völva Frétta:
„Ég sé fyrir mér a.m.k. tvö stórhýsi rísa og nokkur smærri. Eitt þessara húsa tengist menningarstarfsemi afgerandi og framkvæmdir við það eiga eftir að valda hatrömum deilum.“
Nú er Herjólfsbær að vísu ekki risinn, og spurning hvort hann verði yfirhöfuð reistur, en umræða um hann og hlut Árna í þeim framkvæmdum hefur á síðustu dögum valdið miklu umróti í íslensku þjóðlífi.
Í kaflanum um menningu segir Völva Frétta:
„Hneykslismál á eftir að koma upp sem bæði tengist menningarlegum atburðum og öðrum öllu veraldlegri og á eftir að skekja ýmsa máttarviði bæjarins.“
Í tarotspá Matthildar fyrir júlímánuð segir m.a:
„Eitthvað sem farið hefur leynt kemur fram í dagsljósið.“
Og meira af völvuspám. Í blaðinu Bæjarpóstinum á Dalvík spáði áramótavölvan svo í janúar:
„Árni Johnsen verður í sviðsljósinu í vor. Ég finn fyrir þessu að þetta verði mikið fjölmiðlafár. Mikið blásið út og gott ef Árni stendur ekki sterkur eftir. Eitthvað sem enginn bjóst við í upphafi.“
Hver var svo að segja að ekkert væri að marka þessar völvuspár?
==

Skondid, aetli thetta se enn ein lygin fra vestmanneyjingum , eda aetli thad se vit i thessu?

:)