Ja ég vil halda í krónuna og það er bara af einfaldri íhaldssemi satt að segja :) Ég vil bara hafa gömlu góðu krónuna áfram. Annars er ég ekkert að berjast á móti evrunni neitt sérstaklega og færi nú ekkert að grenja þótt hún yrði tekin upp. Annars þætti mér líka gaman að sjá hvað aðrir hafa að segja um þetta mál og hvaða rök þeir koma með. Ég er sjálf ekki nógu vel inni í þessum málum til að geta sagt til um hvort er betra eða verra.

Eg væri ekkert á móti að heyra kosti og galla
hvers gjaldeyris, svo að maður getur gert upp hug sinn. Þannig að mér finnst þessi grein mjög sniðug og eg vona bara að fólk hafi bara eitthvað að segja.

Mér finnst ég endalaust vera að segja sama svarið aftur og aftur :)

Mér finnst að við eigum ekki að halda krónunni.

Það hefur sýnt sig undanfarið ár að Seðlabankinn stendur bara engan veginn undir þeim væntingum að geta stjórnað sveiflum á krónunni, mér lýst ekkert á þess verðbólgu sem hefur verið að malla sl ár, þó mér sýnist nú vera farið að hægja á henni.
Sem smáþjóð eigum við mikið undir að eiga mikil viðskipti við önnur lönd, og þar af stór hluti lönd í EES (þaraf mörg Evrulönd), við myndum sleppa að stórum hluta við gjaldeyrisviðskipti og þarmeð losna við sveiflur í því tilliti, eða amk minnka þær… Milliríkjaviðskipti myndu vera mun þægilegri. Íslendingar eru auðvitað innflutningsóðir og í rauninni þyrfti að auka útflutning gagnvart innflutningi, en það væri samt betra að hafa sterkan gjaldmiðil á bak við okkur.
Við þyrftum ekki jafnmikið að óttast miklar gengissveiflur.
Ég hugsa að það væri mun þægilegra að geta ferðast um alla Evrópu með einn gjaldmiðil, þurfa ekki að hafa áhyggjur af að skipta seðlum og reikna út gengi o.s.frv.

Persónulega finnst mér bara svo kjánalegt að vera með krónuna hér á þessu litla landi, það myndi auðvelda svo mikið að hafa bara einhvern svona stóran gjaldmiðil…

Til þess að geta tekið upp evruna þurfum við fyrst að ganga í Evrópusambandið. Viljum við það? Því þarf að svara fyrst.Það myndi styrkja verslun og önnur viðskipti, (margir halda að við getum lifað á því að selja hvert öðru verðbréf og þ.h. varning) en sennilega ganga af fiskveiðum okkar dauðum. Þegar fiskurinn væri horfinn lifðum við sennilega ekki lengi á því að flytja inn bíla og tískuvörur sem enginn gæti keypt. Hitt er svo annað að við getum bundið gengi krónunnar við evruna og styrkt efnahagskerfið með því. Að vísu eru skiptar skoðanir um það eins og annað.

Það er mjög mikilvægt fyrir þá sem ekki skilja þessa umræðu um að taka upp Evruna, og afhverju það ætti að vera eitthvað betra fyrir okkur ættu að lesa þessa grein.
… Og sérstaklega fyrir þá sem segjast vilja halda í íslensku krónuna vegna íhaldssemi (Ekkert persónulegt GlingGlo!)
Ég veit að þetta er mikið enn þú verður mun fróðari á eftir. (Vona ég)

Jæja ég ætla að reina útskýra þetta fyrir þeim sem ekki skilja alveg um hvað málið snýst!

Ég ætla að byrja á því að segja ykkur að ég miða mikið við USA dollar!
Í dag (23.07.2001) kostar 1 USA dollar, 101 íslenska krónu.
Um síðustu jól kostaði 1 USA dollar, 83 íslenskar krónur.
Ekki nema 7 og 1/2 mánuður síðan.
- Þið sjáið það að þarna er mikil munur, eða 18 íslenskar kr fyrir hvern dollar.
(Hér eftir tala ég bara um dollar og kr)

Þegar talað er um að gengið lækki þá kostar erlendur gjaldeyrir meira. Þá færð þú minni erlendann gjaldeyrir fyrir íslensku krónurnar.
(Dæmi: 1 dollar = 101 kr = 1 dollar)
Það kallast verðbolga ef gengið lækkar of mikið! – Ástandið sem ríkti fyrr part þessa árs.

Þegar talað er um að gengi hækki þá kostar erlendur gjaldeyrir minna. Þá færð þú meiri erlendann gjaldeyrir fyrir íslensku krónurnar.
(Dæmi: 1 dollar = 83 kr = 1 dollar)
Það kallast góðæri þegar gengið hækkar.

Svo fer eftir því hvort þú ert að flytja eitthvað útúr landi eða inn í landið hvort er betra fyrir þig!

Dæmi:
Ef þú veiðir fisk hér við land, ferð með hann út og færð 1 dollar fyrir hann og kemur svo með þennann eina dollar hingað heim villtu frekar fá 101 kr fyrir hann enn 83 kr

Enn ef þú kaupir eitthvað úti sem kostar 1 dollar viltu frekar að hann kosti 83 kr heldur enn 101 kr.

Svo er málið hérna á íslandi að þetta er svo lítið samfélag. Og engin verðmæti í jörðu, svo sem Kol, járn, gull eða annað sem hægt að vinna í einhverju magni til að flytja út.
Eina auðlindin okkar er fiskurinn, og þessvegna þurfum við að fara vel með sjóinn í kringum okkur.
Og við verðum að treysta á fiskinn. Við höfum lítið annað. Við höfum reyndar álverið, og höfum stundum tekist að selja íslensk hugvit (tölvu-forrit).

Annars þurfum við að flytja mikið inn af allskonar “nauðsinjavörum”
T.d. Pappir, Bensín, Bíla, Tölvur. Allskonar matvæli, kaffi, te, ávexti, grænmæti og fl.

Þegar þú flytur mikið magn af einhverju út og selur (Fyrir einhverja miljarða) í útlandinu þá hækkar íslenska gengið.
(Kaupir íslenskar krónur fyrir Erlendann gjaldmiðil)

Enn ef þú kaupir mikið í útlandinu og flytur hingað inn þá lækkar gengið.
(Kaupir erlendann gjaldmiðil fyrir íslenskar krónur)


Fyrir um mánuði síðan, ef þið munið. Þá keypti Seðlabankinn íslenskar krónur fyrir 2.5 miljarð með erlendum galdmiðli, og gat breytt gengi íslensku krónunar til þess “betra” um 2.8 % ef ég man rétt, það voru næstum 5 kr á dollarinn sem var um 110 og fór í 105 (leiðréttið mig ef þetta eru vitlausar tölvu).
2.5 miljarður er ekki mikill peningur í viðskiptalífinu.
T.d. eru íslensku fjárlaugin um 200 miljarðar á ári (skattpeningurinn sem fer í ríkið)
Næstum helmingur af því fer beint í Mentamál og Heilbrigðisgeirann (Sjúkrahús)

Svo er málið líka að það eru einhverjar fjarmálastofnarnir hér á landi sem eru að kaupa erlend hlutabréf (t.d. á meðan dollarinn kostar um 83 kr) og eru svo að standa í því að kaupa erlendann gjaldmiðil fyrir íslenskar krónur og þá lækkar íslenska gengið og svo selja þeir hlutabréfin á meðað dollarinn kostar t.d. 101 kr.
Þetta er mjög slæmt mál.
Það er ekki gott þegar einhverjar fjármálastofnarnir eru að “leika” sér með gengið fyrir eigin hagsmunasemi.
Íslenska krónan er svo veik að það er mjög auðvelt fyrir þá sem hafa einhver peningavöld að gera svona.

Dæmi: Þeir kaupa hlutabréf fyrir 1.000.000 dollar (sem er ekki mikið)
1.000.000 $ * 83 kr = 83.000.000 kr
Svo lækkar gengið (til að auðvelda dæmið þá skulum við segja að þetta hafi verið léleg hlutabréf og standi í stað og kosti enn 1.000.000 dollar)
1.000.000 $ * 101 kr = 101.000.000 kr
101.000.000 kr – 83.000.000 kr = 18.000.000 kr gróði bara á því að gengið breytist! (Hugsaðu þér nú ef hlutabréfin hefðu eitthvað hækkar í verði)


Þegar verðbolga er þá hækkar verð á öllu, og allt helst í hendur, bensín sem er mjög mikilvægur hlutur í okkar samfélagi og á mikinn þátt í þessu öllu, það verður dýrara að flytja hlutina á milli, þá hækkar verðið á hlutnum sem verið að að flytja, svo þarf að setja meira á vöruna þegar hún er komin í verslun, þá heimtar sá sem þarf að kaupa vöruna meiri pening, (enn hann fær oftast littla sem enga hækkun) og ég vona að þið sjáið hvernig þetta gengur fyrir sig.

Það sem hefur verið að ské undanfarið er öll erlendu lánin (bílalán, nýbyggingar t.d. ein stór í kóp.) Og það versta er að þegar áhveðnir þingmenn sem ég ætla ekki að nefna á nafn hér sögðu á síðustu árum að það væri góðæri á meðan ekkert góðæri var þá hélt fólk að góðæri væri og keypti allt á lánum. Hvaða skinsemi er það? Má ég bara spyrja! Nú auðvitað þurfti fólk að borga lánin, og ekkert góðæri í gangi reindar alltaf smá verðbolga (aldrey neitt mikil, enn hún var) og fólk heimtaði meiri laun, fór í verkföll. Versta var þegar sjómenn fóru í verkfall og voru allt of lengi (ég er ekki að sakast við sjómenn.) Þá var ekki hægt að selja fiskinn út. Og þá lækkar gengið. Svo ákvað seðlabankinn að hætta skipta sem að genginu, nema að verðbolgan færi yfir 6%, svo voru fjármálafyrirtækin að leika sér. Og svona fór þetta.

Dollarinn var kominn uppí 110 kr þegar verst var. Dollarinn hefur verið að lækka undanfarna daga hægt og rólega, sem er mjög gott mál. Og er í dag 101 kr.


Þá kemur aðalspurningin: Afhverju Evran?

Jú, þegar við erum með sama gjaldmiðil og Milljónaþjóðir. Þá erum við 280.000 manns ekki nema eins og lítil bær sem getur ekki breytt genginu neitt. Það geta engir leikið sér með gengið og mjög gott að miða verð við önnur lönd í evrópu, og þá getum við sagt, afhverju erum við að borga 1000 kr fyrir þennann hlut sem þessi þjóð þarna er ekki að borga nema 300 kr fyrir. Og knýr að það sé minna okrað á okkur.

Sko það skiptir ekki máli hvort við tökum upp evruna eða dollar, eða festum gengi íslensku krónunar við evruna (t.d. 1 evra væri bara föst 85 kr) og þá myndi gengi evrunar ráða gengi krónurnar.

Ég vona að þetta útskýri eitthvað fyrir ykkur sem ekki skilduð.

Kveðja
Svessi

p.s. ef það er eitthvað, endilega sendið mér bara skilaboð. – eða skrifið það hér fyrir neðan. Og ég skal reina svara því.

EVRAN
EVRAN er sameiginlegur gjaldmiðill ESB þjóða. Til að taka hana upp þá þurfum við að vera í ESB.
EVRAN hefur lækkað um meira en fjórðung síðan hún var tekin upp.
EVRAN sveiflast mikið til, en ekki endilega í samræmi við íslenskt efnahagslíf.
EVRAN var sett á fót til þess að hafa sterkan og stóran gjaldmiðill í Evrópu. Síðan hefur stefnan næstum undantekningalaust verið niður á við miðað við Bandaríkjadal.
EVRAN leysir ekki viðskiptahallann
EVRAN er engin töfralausn.

Við verðum líklega bara að leysa vandan sjálf.

Mér finnst stundum eins og við séum að kynda arinin með því að rífa niður veggina og henda á eldinn. Fyrst innveggina og svo smátt og smátt útvegginan.
Bráðum munum við sitja við kulnaðan arinin út í snjóskafli.

Þegar við eyðum umfram efni fram þá seljum við bara helstu gróðafyrirtækin úr landi.
Þegar það dugar ekki til og krónan fellur, þá hendum við henni bara og tökum upp annan gjaldmiðil.

Ég vil fyrst athuga hvort ekki sé hægt að bjarga krónunni og efnahagslífinu um leið.
Ef það er síðan ekki hægt þá getum við farið að hugsa um hvort við viljum pening sem kostaði einn dal og 15 sent en fæst núna á 85sent.

Kveðja,
Ingólfur Harri

P.S. Síðast þegar ég kíkti þá voru 39% með Krónu en 38% með evru.

Reyndar er ekki líklegt að við fengum nokkurntímann að taka upp $.

Evran virðist í fljótu bragði vera besta lausnin en gallinn við € er að henni fylgir aðild að Evrópusambandinu. Það eru ekki komnar nægilega góðar forsendur fyrir inngöngu Íslands ennþá. Það er mjög ljóst að svona einangrað smáríki getur ekki gengið í sambandið eins og er. Það eru allt of mörg málefni sem eru óleyst ennþá.

Halda krónunni, tungumál og gjaldmiðill eiga að vera sérstakt fyrir hverja þjóð. Allt í lagiða hleypa evrunni inní landið en ekki henda krónunni

Þið getið séð gengisgraf evrunnar með því að velja “myndin” á aðalsíðu deiglunnar og svo “skoða fleiri myndir”.

Kveðja,
Ingólfur Harri

Sæl öll,

Höldum krónunni!

“Sjálfsagt þykir mörgum það ávinningur að við aðild að ESB gætu Íslendingar tekið upp nýju myntina, evruna. Sameiginleg mynt verður vinsæl meðal almennings sem sleppur við að afla sér gjaldeyris á ferð um aðildarríkin og nokkur sparnaður næst hjá fyrirtækjunum. Ókostirnir sem fygja því að afsala sér eigin mynt eru hins vegar verulegir þótt minna sé um þá rætt.
Í sjálfstæðu ríki er gengisskráning eigin myntar ásamt ákvörðun vaxta og skatta helstu úrræðin til að berjast gegn neikvæðum afleiðingum hagsveiflna sem hafa þá sífelldu áráttu að keyra hagkerfi þjóðanna út af sporinu, ýmist með háskalegri ofþenslu eða alvarlegum samdrætti og atvinnuleysi. Ríki sem búa við hliðstæðar aðstæður og hafa samsvarandi efnahagskerfi geta tekið upp sameiginlega mynt og beitt þessum stjórntækjum sameiginlega með góðum árangri. Efnahagskerfið á Íslandi er hins vegar verulega ólíkt efnahagslífi aðildarríkja ESB. Hagsveiflur hér eru oft brattari en annars staðar og í engum takti við hagsveiflur í ESB vegna þess að hér er það t.d. útflutningsverð á sjávarafurðum sem mjög ræður ferð hagsveiflunnar en það á ekki við ESB. Það yrði Íslendingum afar óhagstætt ef gengisþróun myntar sem hér væri notuð tæki ekki lengur mið af íslenskum aðstæðum heldur kringumstæðum í löndum þar sem ástand mála er allt annars eðlis. Sama á við um beitingu skatta og vaxta sem nú er farið að miðstýra í ESB.”

Kveðja,

Hjörtu