Gudgeirs fyrir 19 árum Fjöldi lestra: 1279

Bílastæðamál fatlaðra ,,Er leti fötlun?"

Hér að neðan er grein sem birtist í Morgunblaðinu mánudaginn 28. nóvember.
Ég vil hvetja alla þá sem skoðun hafa á þessu málefni að rísa á afturlappirnar og sína samstöðu með fötluðum.

Er leti fötlun?

Það hefur legið þungt á mér undanfarnar vikur og mánuði hvað það samfélag sem við búum í er orðið ágjarnt á bílastæði þess minnihlutahóps sem oft virðist verða undir í umræðunni, eða fatlaðra. Ég, sem vinur líkamlega fatlaðrar stúlku, hef ósjaldan orðið vitni af því að fullfrískt fólk leggur í þessi vel merktu stæði eins og ekkert sé sjálfsagðara og lítur undrunaraugum á mig þegar ég geng að því og bendi kurteislega á að leti teljist ekki til fötlunar. En þegar ég hugsa nánar út í þetta virðist megin orsökin lyggja í framtaksleysi lögreglunnar án þess að ég sé að taka upp hanskann fyrir borgaranna leti. Ég efast til dæmis ekki um að ef hraðamælingar legðust af í einhvern tíma myndi umferðarhraði aukast upp úr öllu valdi. Á fyrstu mánuðum þessa árs var kynnt í Kastljósinu átak sem lögreglan hafði ráðist í en þar voru stóru orðin ekki spöruð. Tekið fram að hver sá sem tæki upp á því að leggja í stæði fatlaðra ætti á hættu að vera sektaður og að bifreið hans yrði jafnvel fjarlægð.
Þann 5. september áttum við vinkona mín erindi í listasafn Reykjavíkur, en fyrir utan bygginguna eru tvö stæði fyrir fatlaða og næstu stæði merkt fötluðum að finna hjá Ingólfstorgi. Í báðum voru þessum stæði voru bílar ófatlaðra.
Ég tók mig til og hringdi í lögregluna og kynnti þeim stöðu mála og var mér tilkynnt að þeir myndu skoða málið. Tveim tímum síðar þegar okkar erindi var lokið sá ég að þessir bílar stóðu enn óhreyfðir og var á þeim engan sektarmiða að finna svo að ég hringdi aftur, og spurði þá hvað orðið hefði um það átak sem þeir lofuðu í Kastljósi Ríkissjónvarpsins nokkrum mánuðum áður. Þá var mér sagt af vaktstjóra að það væri ekki rétt með farið hjá mér að bílar væru dregnir í burtu ef þeir legðu í stæði fatlaðra. Vísaði ég þá í umrætt viðtal í þætti Kastljóssins máli mínu til stuðnings.
Tilvikið sem nefnt er hér að ofan er ekki einsdæmi og eru árangurslaus símtöl mín á annan tuginn. Ég vil því leggja til að ég og lögreglustjórinn í Reykjavík höfum upp á þessum þætti, setjumst niður, horfum á hann saman og ræðum aðgerðir embættisins til að fylgja eftir þeim loforðum sem gefin voru út í þættinum.
Guðgeir Sturluson
8675711

kveðja, Guðgeir.

IceDeVil fyrir 19 árum

Ég hef orðið var við þetta

Ég pantaði 40 stk af þessum límmiðum og hika ég ekki við að nota þá

www.iparklikeanidiot.com

Fyrra álit

Apache fyrir 19 árum

Ég skil vel að fólk sé pirrað á því að fá hvergi stæði og svo koma einhverjir sem hafa logið sig inn í fatlakerfið (öryrkjakerfið) og leggja eins og kóngar í bestu stæðin. Af hverju hefur öryrkjum fjölgað svona mikið undanfarin ár?? Það er nefnilega þannig að stór hluti fatlaðra er ekkert fatlaður, bara letihaugar. Og hana nú!

Fyrra álit

benedict fyrir 19 árum

skemmtileg tilviljun… ég var einmitt í umræðu um þessi mál í dag við bekkjarfélaga mína, en ég er nemi í þroskaþjálfanum við Kennaraháskóla Íslands. Því miður er nákvæmlega það sama upp á teninginn þar, þ.e. stæðin eru tekin af bílum sem ekki hafa tilskilin leyfi.

Ég tek heilshugar undir með með Guðgeir að nú sé tíminn til að standa við stóru orðin

.::- benedict -::.

Fyrra álit

Forseti fyrir 19 árum

Æji hversu oft þurfum við að heyra hvað öryrkjar og fatlaðir hafa það slæmt á íslandi?
Það má sjá frjettir um greyið öryrkjanna og yfirgang ríkisvaldsins í öðrum hvorum frjettartíma og gott ef ekki allir kastljósþættir fjalli einmitt um þetta umræðuefni.

Er það svo að þessir hópar hafi það svona slæmt eða er nöldur og kvein búið að ná yfirtökum.

Jeg ætla s.s. ekki að fjölyrða um bílastæðavanda Fatlaðra. Yfirleitt eru þetta einu stæðin sem eftir eru. Skilin eftir auð og ósnertanleg enda algert taboo að leggja þar. Ekkert skrítið að flest öll stæði af þessum toga sjeu auð því það eru fleiri svona stæði í rvk heldur en fatlaðir eigendur af bifreið.

Fyrra álit

Gudgeirs fyrir 19 árum

,,Æji hversu oft þurfum við að heyra hvað
öryrkjar og fatlaðir hafa það slæmt á íslandi?“

Öryrkjar hafa það ágætt á Íslandi samanborið við önnur mörg önnur lönd, en þó eru lönd sem framar standa. Aðgengi er ábótavant á Íslandi samanborið við önnur lönd en vakning er þó meðal landans í þeim efnum og segja lög til um að allar opinberar byggingar sem uppgerðar eru, svo sem kvikmyndahús skuli endurhanna húsnæði með aðgengi fatlaðra í huga.

,,Er það svo að þessir hópar hafi það svona slæmt eða er nöldur og kvein búið að ná yfirtökum.”

Það er nú svo í lýðræðisríki að lýðurinn ræður. Til að fá sínu framgengt eru fjölmiðlar eitt helsta vopnið. Öll sú umræða sem fatlaðir hafa farið út í að undanförnu á fullkomlega rétt á sér. Svo sem bílastæðamál fatlaðra þar sem að mikið er ábótavant í hugsun heilbrigðs fólks og viðleitni þeirra til fatlaðra.

,,Yfirleitt eru þetta einu stæðin sem eftir eru. Skilin eftir auð og ósnertanleg enda algert taboo að leggja þar. “

Frábært er þín reynsla af bílastæðum fatlaðra er sú. En ég hef ekki sömu sögu að segja.
Vil leiðrétta þig með að það sé ,,taboo” að leggja í stæði fatlaðra. Það er með lögum ólöglegt að leggja í stæði fatlaðra, hafir þú ekki bláa P merkið sem Tryggingarstofnun gefur út.

,,Ekkert skrítið að flest öll stæði af þessum toga sjeu auð því það eru fleiri svona stæði í rvk heldur en fatlaðir eigendur af bifreið."

Ég skora á þig að kanna fjölda þeirra sem hafa P merki á höfuðborgarsvæðinu, einu og sér og svo fjölda bílastæða sem ætluð eru fötluðum.
Að sjálfsögðu þurfa bílastæði fatlaðra að vera staðsett á sem flestum stöðum, þar sem að þau eru ætluð til að fækka fötluðum sporin og einfalda þeim að komast leiðar sinnar.
Vona að þetta hafi eitt flestri þeirri fáfræði sem þú virðist búa við.

Kveðja, Guðgei

kveðja, Guðgeir.

Fyrra álit

Forseti fyrir 19 árum

Alveg mátti jeg búast við einhverju af þessum toga.
Allir eru líklegast fáfróðir vitleysingar sem ekki teljast til skoðannabræðra þinna, “rísa á afturlappirnar og sína samtöðu”.
Hefði jafnvel mátt lesa það úr fyrstu setningum greinarinnar:
“Ég vil hvetja alla þá sem skoðun hafa á þessu málefni að rísa á afturlappirnar og sína samstöðu með fötluðum”. Það er þá líklegast bundið því að allir hafi sömu skoðun og þú.

Öryrkjar hafa það ágætt á íslandi. Þar erum við ekki ósammála. Vissulega má gera betur í flestum málaflokkum. Bílastæðamál fatlaðra er ekki efst á þeim lista að mínu mati. Það eru fleiri en öryrkjar sem eru hjálparþurfi í samfjelaginu.

Það er jú bannað að leggja í þessi stæði með lögum en einnig ákveðið taboo sem fylgir því. Mjer dettur ekki hug að leggja í þessi stæði þar sem sektin er himinhá og get jeg átt von á því að samborgarar mínir hringji í yfirvöld ef þau verða vitni af slíku. Ekki dettur mönnum í hug að gera yfirvöldum vart við ef þú ekur aðeins of hart á miklubraut eða leggur ólöglega á gangstjett (ekki nema sú gangbraut sje sjerstaklega ætluð fötluðum).

“Eitt fáfræði”??

Eflaust smá kaldhæðni að þessi villa skyldi birtast í einmitt þessari setningu.
En fáfræði minni verður líklegast ekki eytt af þjer í nánust framtíð.

Kveðja Forseti

Fyrra álit

Gudgeirs fyrir 19 árum

Að sjálfsögðu verða ekki allir að hafa sömu skoðanir og ég. Eina sem ég er að segja er að ég er að reyna að hvetja fólk, sem hefur sömu skoðun og ég á þessu málefni að láta í sér heyra. Gott og vel ef fólk hefur ekki sömu skoðanir og ég, en það er ekki þar með sagt að ég megi ekki gefa það út að ég sé ósammála skoðunum annarra og færa rök fyrir því.
Ef ég hef verið of harðorður í fyrri skrifum biðst ég afsökunar á því.
Eftir skrif mín í dag um stöðu öryrkja á Íslandi birtust niðurstöður úr könnun sem gerð var í Skandinavíulöndunum um stöðu fatlaðra. Samkvæmt þeirri könnun er Ísland langt á eftir hinum norðurlöndunum í þjónustu sinni við öryrkja.

Ekki dettur mönnum í hug að gera yfirvöldum vart við ef þú ekur aðeins of hart á miklubraut eða leggur ólöglega á gangstjett (ekki nema sú gangbraut sje sjerstaklega ætluð fötluðum).

Ef ég tala fyrir sjálfan mig tilkynni ég ofsaakstur ef ég verð vitni af honum. Ég hika ekki við að tilkynna til lögreglu hvað það sem mér blöskrar við, hvort sem er þá um að ræða bílastæðamál fatlaðra, ofbeldi eða ofsaakstur. Það er ekki hægt að réttlæta brotinn pott með öðrum brotnum potti.

kveðja, Guðgeir.

Fyrra álit

Anon fyrir 19 árum

Vil ekki hljóma grimmur…. en ástæðan fyrir því afhverju öryrkjar fá ekki þann stuðning sem þeir eiga vissulega skilið að fá í samfélaginu er sá að það eru alltof margir sem eru að misnota þetta kerfi…

Fyrra álit

skuggi85 fyrir 19 árum

Hver ætli ástæðan sé fyrir því að innflytjendur sem koma hingað á launum sem eru svipuð bótum öryrkja geti lagt peninganna til hliðar á meðan öryrkjar “ná ekki endum saman”? Er virkilega óeðlilegt að ætlast til þess að fólk minnki við sig eftir að geta ekki unnið lengur?

Hversu mörg fatlaðarstæði eru næstum því alltaf tóm? Ég fór á tímabili næstum daglega á sömu bensínstöðina sem var með þrjú hefðbundin stæði og eitt fatlaðarstæði. Ég sver það að ég sá ALDREI fatlaðarstæðið vera frátekið á meðan hin voru það oftast þannig að maður þurfti að leggja til hliðar. Er virkilega nauðsynlegt að hafa slík stæði á stað þar sem eru fá stæði og öll eru svipað langt frá inngagnum?

Svo ímyndar maður sér alltaf fólk í hjólastól þegar talað er um fatlaða. Á meðan staðreyndin er sú að margir fatlaðir eru hæfari í að ganga langa leið en aldraðir en redda sér samt sem áður P merki, þetta eru ekki allt lamaðir einstaklingar. Svo eru auðvitað ættingjar sem fá “lánuð” merkin, sérstaklega foreldrar fatlaðra barna.

Fyrra álit

Gudgeirs fyrir 19 árum

Ef þú reynir nú að setja þig í spor öryrkja sem algjörlega eru óvinnufærir. Myndir þú geta lifað á mánaðartekjum sem eru um 80.000. Ég held að fæstir þurfi að svara þeirri spurningu þar sem við öll vitum svarið.
,,Hversu mörg fatlaðarstæði eru næstum því alltaf tóm?“
Enn og aftur, frábært ef að fatlaðastæðin eru tóm. Skil ekki hvernig hægt er að líta neikvætt á það. Vel má vera að við sumar aðstæður séu P-merkt stæði óþörf, þar sem t.d. þrjú stæði eru fyrir utan verslun og öll í sömu fjarlægð. Ég leyfi mér engu að síður að efast um að raunin sé sú og þætti mér því gaman að vita hvaða bensínstöð þú ert að tala um.

,,Svo ímyndar maður sér alltaf fólk í hjólastól þegar talað er um fatlaða. Á meðan staðreyndin er sú að margir fatlaðir eru hæfari í að ganga langa leið en aldraðir en redda sér samt sem áður P merki, þetta eru ekki allt lamaðir einstaklingar. Svo eru auðvitað ættingjar sem fá ”lánuð“ merkin, sérstaklega foreldrar fatlaðra barna.”

Fólk með
P-merki er jafnt fatlaðir sem aldraðir. Jafnvel fólk sem nýkomið er úr aðgerð og fær merkið tímabundið. Strangar reglur eru um úthlutun P-merkja og t.d. er það svo að fólk sem býr við meðfædda fötlun og mun deyja við sömu fötlun þarf að sækja um P-merki á tveggja ára fresti, eins kalhæðnislegt og það nú er.
Fólk sem fatlað er og er ekki bundið í hjólastól á oft erfiðara með að komast ferða sinna.
Þú heldur því fram að ættingjar fái P-merki að láni. Trúirðu því virkilega?
trúirðu því virkilega að fatlaði einstaklingurinn láni bara P merkið sitt eins og bók eða videospólu?
Trúirðu því virkilega að foreldrar fatlaðra barna, sem hafa eflaust sterkustu skoðanirnar á stöðu bílastæða fatlaðra misnoti þau?
Það efast ég stórlega um!

kveðja, Guðgeir.

Fyrra álit

skuggi85 fyrir 19 árum

Öll dæmin er eitthvað sem ég hef orðið vitni að sjálfur.

Fyrra álit

ZiRiuS fyrir 19 árum

Ég ætla bara að benda þér á það að þetta er algjörlega rangt hjá þér, allavega varðandi flesta ‘líkamlega’ fatlaða öryrkja því ég hef nú kannski ekki mikla reynslu af öðrum öryrkjum.

Ég er í hjólastól en get þó gengið eitthvað en ekki mikið því ég er ekki með fullan mátt í fótunum og verð því fljótt þreyttur. Ég er með P merki í bílnum mínum og nota það að sjálfsögðu þegar fötluðu stæðin eru ekki í notkun.

Skuggi, þegar þú segir að ættingjar og vinir fái stundum merkin ‘lánuð’ þá hefuru all rangt fyrir þér, foreldrar og aðrir ættingjar og vinir myndu ekki taka það í mál að nota merkið því þau vita það að þau eru þá ekkert skárri en liðið sem er að stelast í stæðin og það er einmitt sem foreldrar, ættingjar og vinir eru að berjast fyrir. Betri kjör fyrir öryrkja. Finnst þetta ekkert nema fordómar hjá þér.

Auðvitað er ég sammála því að margir öryrkjar geta unnið en kjósa það ekki en málið er að ríkið er ekki beint að reyna að leysa vandan þegar bara venjulegt fólk eins og þú Skuggi eru atvinnulaust á atvinnuleysisbótum og eftir X mánuði endaru á öryrkjabótum. Ekki spurja mig afhverju en ég fæ það á tilininguna eins og ríkið sé bara að sópa vandanum undir teppið.

Þú getur ekki búið í húsi með 89þús á mánuði bara ekki séns…

Ef við förum svo aftur að bílastæðamálunum, hún móðir mín sem er mjög mikið að berjast fyrir réttindum mínum og bara öryrkja almennt er oft að sjá fólk sem leggur í fötluðustæðin fyrir framan verslnir og annað og hún kannski segir við fólk að þetta sé nú stæði merkt fötluðum og það sé lögbrot og það eina sem hún fær til baka er skítkast og dónaskapur, ég meina common er það ekki einum of?

Ég ætla líka að benda á það að með því að skrifa þetta er ég ekki að biðja um vorkunsemi því lífið mitt er fínt, ég lifi það af þótt ófatlaðir leggji í fötluðu stæðin og ég er mjög þakklátur fyrir þennan 89 þús kr sem ég fæ bara fyrir að vera til og án hans væri ég örugglega bara á götunni núna.

Ef þið flokkið þetta sem nöldur megiði bara éta það sem úti frýs.

Takk fyrir mig.

"Choose a job you love, and you will never have to work a day in your life." -Confucius

Fyrra álit

skuggi85 fyrir 19 árum

Nú var ég aðallega að tala um fötluð börn. Foreldrar hafa merkin í bílnum og stelast til þess að nota þau þó að barnið sé ekki með. Ég hef sjálfur orðið vitni af þessu mörgum sinnum.

En já með peningana. Nú á ég vin sem er innflytjandi og hann er að eyða svona 50 þúsund í mat og húsnæði. 30 þúsund í leigu og 20 í mat. Öryrkjubætur eiga að halda lífinu í fólki en ekki sjá til þess að þau haldi sömu lífsgæðum og áður. Auk þess að um leið og þessar bætur eru komnar yfir laun á leiksskólum/matvörubúðum þá reyna fleiri að komast á slíkar bætur sem á endanum bitnar á alvöru öryrkjum.

Fyrra álit

Orrmundur fyrir 19 árum

Þú verður að gera þér grein fyrir því að það er dýrt að vera öryrki. Öryrkjar þarfnast betra aðgengi en aðrir og geta þess vegna ekki bara búið í hvaða húsi sem er, þetta útilokar ódýrustu húsnæðin. Læknakostnaður er svo auðvitað margfalt meiri.

Fyrra álit

skuggi85 fyrir 19 árum

Það er náttúrulega misjafnt en slík dæmi eru með þeim verstu. Það eru ekki allir öryrkjar með brjálaðan lækna- og lyfjakostnað.

Ég er á móti því að tekjutengja þessar bætur enda er það að mínu mati skelfilegt að fólk fái hærri laun en vinnandi fólk fyrir það að sitja heima, sama hver ástæðan er. En það er kannski frekar hægt að bæta kjör þeirra sem hafa það verst með meiri niðurgreiðslu á t.d. læknakostnaði.

Fyrra álit

skuggi85 fyrir 19 árum

Já persónulega held ég að það sé allavega 1/3 öryrkja sem hafa ekkert með slíkar bætur að gera. Frekar ætti að hækka bætur þeirra sem þarfnast þeirra en að leyfa ölkum/dópistum, feitu fólki og þunglyndum að sitja heima á bótum. Jafnvel þó maður sé með réttlætanlegar ástæður þá þekki ég marga öryrkja sem ættu að geta skipt um starf, t.d. að svara símaafgreiðslu. Þó maður hefur ekki fulla orku til að fara í gamla starfið þá eru margir sem ættu að geta gert eitthvað annað, en kjósa að gera það ekki.

Fyrra álit

Anon fyrir 19 árum

Einmitt… ég þekki konur sem hefur ekki unnið í 20 ár vegna þess að hún lenti í bruna og hefur nánast enga hreyfigetu í þumal og vísifingri vinstri handar..

Systir mín vinnur svo hinsvegar á leikskóla með konu sem hefur ekki hendur fyrir neðan olnboga (á báðum höndum)

Svo má nú ekki gleyma öryrkjunum sem eiga maka með mörg hundruð þúsund krónur í tekjur á mánuði en heimta samt sem áður sínar bætur… varð ekki lítið brjálað þegar átti að tekjutengja bæturnar við tekjur maka.

Jafnvel þó að það hefði þýtt að hægt væri að gera betur við þá sem virkilega þurfa á því að halda..

Skítapakk

Fyrra álit

Anon fyrir 19 árum

konu, ekki konu

Fyrra álit

ZiRiuS fyrir 19 árum

Veist þú hvað kostar að reka hús, kaupa í matinn, versla föt og fleira? Ekki vera að alhæfa eitthvað sem þú hefur ekki hugmynd um. Foreldrar mínir sem búa í raðhúsi og eru bæði með um 400-500þús á mánuði eiga rétt fyrir húsinu. Þú gerir þér grein fyrir því að næstum helmingur þessara launa fara í skatt og helduru að 400-500þús sé mikill peningur til að reka hús?

Segjum sem svo að maki er með 400þús á mánuði og öryrkinn svo með 90þús. Svo fer um helmingur launa makans í skatt þannig restin um 200þús + svo 90þús er 290þús, helduru að það sé nóg til að reka heimili? Nei…

"Choose a job you love, and you will never have to work a day in your life." -Confucius

Fyrra álit

Sykurpudi fyrir 19 árum

Foreldrar þínir fá s.s. um milljón fyrir skatta samtals? Veistu það að það eru margir foreldrar með tvö börn sem ná rétt um hálfri milljón fyrir skatta?

Fólk ætti að hafa smá vit í kollinum og nýta peningana sína vel. Sömuleiðis að kaupa ekki einhverjar fasteign sem það ræður engan vegin við af sökum skuldsetningu.

Svo eru þessar tölur þínar ekki alveg að gera sig. Almennur skattur á Íslandi í dag er 37,73% ekki 50%. Munar dágóðum pening á þessum 12,27 prósentum þegar við erum að tala um upphæðir eins og 400 þús. En það er ca. 50 þús þar á milli, rúmlega 12% og þar af leiðandi 50 þús er ansi mikil “námundun” hjá þé

Fyrra álit

Sykurpudi fyrir 19 árum

Einhverja fasteign, ekki einhverjar. Svo vil ég taka fram að þetta var bara eitthvað dæmi hjá mér. Auðvitað til dæmi um foreldra þar sem einungis eitt foreldrið er útivinnandi en hitt er heima. Og einnig einstæðir foreldrar með nokkur börn sem lifa bara ágætu lífi.

Ekki veit ég hvað þín fjölskylda er að borga svona mikið mánaðarlega, en ég get ekki séð að þið lifið slæmu lífi með þetta fjármagn mánaðarlega.

Fyrra álit

ZiRiuS fyrir 19 árum

Well það er nú talsverður kostnaður kostnaður við mig, sérstaklega þegar ég var lítill og var mikið á spítala og annað, svo er mikið um skuldir líka.

Ekki misskilja mig samt, við erum ekkert að missa húsið eða neitt þannig og lifum bara ágætu lífi, ég var bara að nota þetta sem samanburð og þar sem ég var ekki með skattprósentuna á hreinu þá bara ca ég þetta út, átti ekki að vera nein nákæm tala.

En ég stend samt fast á mínu að 250þús er ekk mikill peningur þegar kemur að því að reka heimili.

"Choose a job you love, and you will never have to work a day in your life." -Confucius

Fyrra álit

skuggi85 fyrir 19 árum

Er lífsnauðsynlegt að búa í raðhúsi?

Fyrra álit

Yggur fyrir 19 árum

ódýrara en einbýlishús og betra aðgengi en í blokk (þá tek ég ekki með t.d blokkir fyrir gamalt fólk eða fatlað með lyftu, því þannig blokkaríbúðir kosta oftast dágóðan skilding).

Fyrra álit

skuggi85 fyrir 19 árum

Ég held að næstum allar blokkir sem eru komnar upp í 4.hæðir séu með lyftur. Ætti ekki að vera svo erfitt að finna slíka.

Svo vinur minn sem ég nefndi áður sem er að leigja á 30 þúsund, hann er á jarðhæð og gengur beint út. Nú var hann að tala um að það sé “erfitt” að lifa í raðhúsi þó að foreldrar hans hafi 400-500 þúsund í laun, ég var einfaldlega að nefna það að maður þarf ekki að búa í raðhúsi til þess að lifa af.

Hann er greinilega bara búinn að venjast vissum lífsgæðum og telur að það þurfi að hafa mörg hundruð þúsundir á mánuði til þess að ná endum saman, þó að aðrr geti það með margfalt minni pening.

Fyrra álit

Anon fyrir 19 árum

Það breytir því ekki að manneskja með maka með góðar tekjur hefur minna við þessar bætur að gera en einstæðingur sem tryestir á þær eingöngu - mér finnst því að það eigi að skipta þessum peningum eftir því hvar neyðin er mest…

Þú mátt svo hafa hvaða skoðun sem þú vilt á því

Fyrra álit

Sykurpudi fyrir 19 árum

Ég var að svara Zirius, ekki greininni í heild. Sé ekki hvar mín skoðun á bætum öryrkja kemur fram….

Fyrra álit

Sykurpudi fyrir 19 árum

Og nú líður mér eins og fávita, sýndist þú vera að svara mér en ekki Zirius. Afsaka misskilninginn.

Fyrra álit

skuggi85 fyrir 19 árum

Á virkilega að sjá til þess að öryrkjar nái að reka hús? Þetta er nú bara að gefa skít í þá sem vinna á leiksskólum eða í búð.

Um leið og öryrkjar hafa það mikið betra en fólk á lægstu laununum þá flyt ég úr þessu landi. Þetta er aðstoð við fólk sem gerir ekki neitt og maður á að vera þakklátur fyrir að halda lífi en ekki deyja á götunni eins og heimilislausu rónarnir.

Svo í gamla daga fékk fólk aðstoð frá ættingjum og vinum, er það ekki lengur til?

Fyrra álit

ZiRiuS fyrir 19 árum

Reyndu að skilja eitt, sumir öryrkjar geta ekki unnið við hvað sem er, þessvegna er þessi örorkulífeyrir til. Lang flestir atvinnurekendur vilja ekkert með öryrkja hafa í vinnu og það er staðreynd, fólk sem vinnur á leikskóla geta alveg menntað sig betur og tryggt sér þannig betri lífsgæði, ömurlegt af þér að bera þetta saman því þetta er allt annar handleggur.

"Choose a job you love, and you will never have to work a day in your life." -Confucius

Fyrra álit

skuggi85 fyrir 19 árum

Reyndu að skilja eitt, sumir öryrkjar geta ekki unnið við hvað sem er, þessvegna er þessi örorkulífeyrir til.

Afsakið ef það hljómaði eins og ég var að alhæfa. Ég var bara að tjá mig um það að þessi þróun hefur gengið of langt, allt of margir eru á þessum bótum sem ættu að geta lifað án þeirra. En þetta áttu alls ekki að vera rök fyrir því að fella bæturnar niður.

Lang flestir atvinnurekendur vilja ekkert með öryrkja hafa í vinnu og það er staðreynd

Tja kannski ef maður sækir venjulega um. En það er að aukast að fyrirtæki ráði sérstaklega fatlaða, það hefur verið gert lengi t.d. með þroskahefta. Auk þess að það er til atvinnumiðlun fatlaðra. Nú eru margir öryrkjar sem ættu að geta sýnt ýmsum störfum en prófa ekki einu sinni að kíkja á þessa atvinnumiðlun og sjá hvað er í boði. En ef það er raunin að það sé erfitt þá má alveg eins skoða það að auðvelda öryrkjum að finna hæfileg störf miða við núverandi getu, það ætti að borga sig upp á endanum.

fólk sem vinnur á leikskóla geta alveg menntað sig betur og tryggt sér þannig betri lífsgæði

Ætli öryrkjar eigi ekki auðveldast með að mennta sig fyrir utan unga fólkið sem býr heima. Enda getur maður haldið bótunum á meðan farið er í nám. Ekki heldur maður leiksskólalaununum ef farið er í nám.

Ímyndaðu þér að vera innflytjandi með enga fjölskyldu og vinnur á leiksskóla. Er virkilega “ekkert mál” að fara nokkur ár í nám? Þetta var nú helvíti slæm alhæfing hjá þér. Það eru ekki allir latir sem hafa endað á vinnumarkaðnum án háskólaprófs, sumir bara lenda í ýmsum vandræðum og hafa ekki þann lúxus.

Fyrra álit

ZiRiuS fyrir 19 árum

Ég er alveg sammála þér með það að það eru allt of margir á örorkulífeyri sem eiga það alls ekki ‘skilið’ og finnst mér það algjörlega vera að skemma ýmind þeirra. Auðvitað getum við svo alveg menntað okkur líka reyndar er það bara nauðsyn til að eiga mögleika á einhverri góðri vinnu. Ég get t.d. ekki unnið í búð eða á bensínstöð en ég get hinsvegar unnið á tölvur og öðru tengt því.

"Choose a job you love, and you will never have to work a day in your life." -Confucius

Fyrra álit

plone fyrir 19 árum

reynum að tala um fatlað FÓLK ekki bara fatlaða. það er a.m.k. ósk frá mörgum baráttuhópum fatlaðs fólks, sem leggja áherslu á að skerðingin sem slík sé ekki hamlandi heldur séu það viðhorf samfélagsins sem fatli fólk.

ég veit að það flækir málin svolítið að það sé á hinn bóginn talað um fólk með þroskahömlun (ekki þroskahamlað fólk) en sú ósk er fyrst og fremst til komin vegna þess að mennska þess hefur oft verið dregin í efa og því vill það vera fólk fyrst og svo eitthvað annað.

Muna:
Fatlað fólk
Fólk með þroskahömlun

skiptir kannski ekki höfuðmáli svo lengi sem talað er um fólk, ekki bara fatlaða/þroskahefta.

Fyrra álit

skuggi85 fyrir 19 árum

Þetta hef ég ekki heyrt áður.

Finnst alveg sjálfsagt að nota svona “stimpla”. Kannski misjöfn viðhorfin en ég sé ekkert að því. Í umræðunni um réttindi samkynhneigða er ekki talað um “Réttindi þeirra sem hneigjast að sama kyni” heldur bara réttindi samkynhneigðra.

Nú á ég sjálfur þroskahefta systur og er alls ekki á móti fötluðum eða öryrkjum.

Fyrra álit

plone fyrir 19 árum

fatlað fólk vill einmitt leggja áherslu á stöðu sína sem minnihlutahópur og notar því FATLAÐ FÓLK.

hins vegar er það öfugt farið með fólk með þroskahömlun eins og ég sagði áður.

ég endurtek samt áhersluna á að hér er um fólk að ræða, sem á að meta út frá eigin verðleikum en ekki einhverri skerðingu, hvort sem hún er líkamleg eða félagsleg (viðhorf, fordómar)

Fyrra álit

benedict fyrir 19 árum

Það hefur verið mjög forvitnilegt að lesa þennan kork. Ég held að þetta endurspegli nokkuð vel þjóðfélagið.

Ég held, án þess kannski að vita nokkuð um það, að margir sem hér hafa tjáð sig séu að tala út frá sögum sem þeir hafa heyrt, frekar en útfrá eigin reynslu.

.::- benedict -::.

Fyrra álit

[Notanda eytt] fyrir 19 árum

ertu að grínast það er aumingjaskapu

Fyrra álit

benedict fyrir 19 árum

hvað er aumingjaskapur?

.::- benedict -::.

Fyrra álit

[Notanda eytt] fyrir 19 árum

æi svaraði vitlausum :S

Fyrra álit

[Notanda eytt] fyrir 19 árum

það er aumingjaskapu

Fyrra álit

Kroll fyrir 19 árum

Voðalega getur fólk verið eitthvað svakalega þröngsýnt og hugsað bara um eigins rassgat… Ég bara trúi ekki eigin augum þegar ég les yfir svörin hér að ofan. Greinin hér að ofan fjallar um bílastæðamál fatlaðra en ekki laun og kjör öryrkja, þó svo að þau séu alveg umræðunnar virði, og þá á jákvæðann hátt en ekki skítköstum eins og hér að ofan.
Það mætti halda að fólk væri afbrýðissamt út í einstaklinga með fötlun. ég held bara að þið sem eruð “heilbrigð” ættuð að vera fegin að þurfa ekki endalaust að standa í þessari eilífu baráttu til þess eins að geta lifað eðlilegu lífi.
Með þessum orðum er ég ekki að tala um vorkunn gagnvart fötluðum. Við ættum að horfa á það sem þessir einstaklingar geta og gera allt sem í okkar valdi stendur til að auðvelda þeim athafnir daglegs lífs.

Fyrra álit

[Notanda eytt] fyrir 19 árum

hvernig geturu verið viss um að ég sé ekki fjölfatlaður einstaklingur?

Fyrra álit

Kroll fyrir 19 árum

Ef þú værir fjölfatlaður einstaklingur ættir þú afskalplega erfitt með að bæði skrifa á tölvu og svo efast ég um það að fjölfatlaður einstaklingur sé að skjóta sjálfan sig í fótinn með því að koma með svona einstaklega skarplegar athugasemdir.
Í guðanna bænum slepptu því frekar að kommenta ef þú hefur ekkert gáfulegt að segja..!!

Fjölfatlaður einstaklingur eins og nafnið gefur til kynna er einstaklingur sem er með hinar ýmsu fatlanir, þá bæði líkamlegar og andlegar í senn..!

Fyrra álit

[Notanda eytt] fyrir 19 árum

ertu svona viss að þú mundir leggja líf móður þinnar að veði?

Fyrra álit

birna86 fyrir 19 árum

Núna er ég búin að gefa mér þó nokkurn tíma í að lesa yfir þessar líka ólíku skoðanir. Ég verð að byrja á því að segja að mér fannst þetta mjög góð grein.

Ég vellti því fyrir mér hvort að fólk sé að grínast, eða hvort því sé virkilega alvara með því sem það er að segja. Ég hef ekki fengið að ganga í gegnum þá reynslu að þekkja og umgangast mikið fatlaða einstaklinga. Aftur á móti þá finnst mér málefni fatlaðra vera mjög áhugavert.

Mér finnst fólk eiga skilið að fá að njóta alls hins besta, hvort sem að hann er fatlaður eður ei. í Gegnum tíðina þá hef ég lært að bera viðrðingu fyrir öðrum sem og sjálfri mér.

ég hugsa samt að þetta sé eins og með svo margt annað. Við dæmum, og viljum ekki skilja það sem við þekkjum ekki. ykkur sem finnst ekkert athugavert við að leggja í stæði fatlaðra, þekkið þið fatlaðan einstakling? vitið þið hvað fötlun er? Ég persónulega myndi svara þessum spurningum neitandi … en ég vildi óska þess að ég gæti svarað þeim játandi…!!! Og vona svo sannarlega að ég geti það einn daginn.

Það sem ég er að reyna að segja hérna er að við verðum að passa okkur á því að dæma ekki hið óþekkta. Reynum frekar að horfa á þetta með opnum huga og reynum að skilja: af hverju þurfa fatlaðir á sér stæðum að halda? Og þó svo að merkin séu í einhverjum tilvikum misnotuð þá koma þau sér svo sannarlega að gangi fyrir lang flesta.

Birna Rebekka

Fyrra álit

skuggi85 fyrir 19 árum

Aðal gallinn við þessi stæði er sá að oft eru þau laus þegar öll önnur eru frátekin, þar að segja að þau séu “í mínus” bara ef einhver skyldi mögulega þurfa að nota það seinna. Held að flestir sem leggi í þessi stæði eru einmitt bara að rétt stökkva inn, þó það séu auðvitað undantekningar. Það er endalaust hægt að deila um málefni fatlaðra, hversu langt á að ganga fyrir sérstöðu þeirra á kostnað annarra. Miða við hvernig þetta er í dag væri hægt að breyta mörgu þeim í hag, en kostar mikla peninga.

Fatlaðir lenda í vandræðum á ýmsum öðrum stöðum en á bílastæðum, vegna þess að hönnunin er ekki með aðgengi fatlaðra innifalið. Á að skylda staði til þess að gefa fötluðum þessi forréttindi? Hversu langt á að ganga? Núna er feitt fólk í Bandaríkjunum að berjast fyrir því að flugfélög verði skylduð til þess að hafa tvöföld sæti handa feitum en samt á sama verði og önnur sæti, vegna þess að það eigi að vera “mannréttindi” þeirra að geta flogið í farþegaflugvélum með 100 kg af fitu sem farangur. Á að leyfa öldruðum og feitum að fá aðgang að þessum stæðum? Hafa bara 1/3 stæða svoleiðis og allir sem eiga eitthvað erfitt geta fengið aðgang. En já kannski er ég orðinn dálítið öfgafullur. En þetta bara virðist stefna í það að hver einasta nýbygging verði að hafa hitt og þetta af því það auðveldi aðgengi fatlaðra, með tilheyrandi kostnaði ásamt því að bitnar oft á meirihlutanum sem má ekki kvarta yfir neinu.

Fyrra álit

[Notanda eytt] fyrir 19 árum

það er bögg fyrir mig að halda á mikklu klinki but do i make a fuss about it NO

Fyrra álit

idf fyrir 19 árum

Ég hef fulla samúð með málstaðnum en ég er einn af þeim seku að nokkuru leyti og hér eru skýringarnar á því; Eiginlega hvar sem ég kem er skortur á bílastæðum og fólk leggur ólöglega hvar sem er en ég sé iðulega ÖLL fötluðu stæðin ónotuð svo ég nota þau ef ég veit að ég verð fljótur og að það er nóg af öðrum. Svo er annað sem eyðileggur fyrir fötluðum að það er orðið of mikið að svokölluðum “öryrkjum” sem væntanlega fá svona miða sem hefur kannski áhrif á þetta. Svo er allt annað að Íslendingar fara bara ekki eftir neinum reglum yfirleitt, hvar eru löggur þessa lands hvort sem er ? Í kaffi held ég, eða bara á rúntinu, þú sérð varla löggu lengur fótgangandi nema þessa gömlu sem eru að hætta.
Við erum að verða þjóðfélag auminga sem nenna engu nema að vinna við tölvu, Póverjarnir eru farnir að keyra strætisvagnana og bráðum skrifstofustörfin líka,Íslendingarnir verða bráðum allir öryrkjar við sjónvarpið að horfa á Idol og éta dóp & snakk ! WHITE TRASH !

Fyrra álit

idf fyrir 19 árum

Guðgeir,

Vonandi er Lögreglan upptekin við annað en að fylgja þessu eftir, mér sýnist stöðumælaverðir vera nógu ákafir við þetta,sumstaðar allvega. Sem dæmi um þetta er að ég hef lagt í “fyrrverandi” fatlað stæði við ákveðna líkamsræktarstöð en merkið er farið(keyrt niður) og ekki hægt að sjá að þetta sé fatlaðra stæðim, en er að fá viðvörunarmiða. Ef ég fæ sekt þá hef ég fullan hug á að láta reyna á þett fyrir lögum, en svo vil ég benda á að þetta ætti að þetta eftirlit ætti að vera á höndum fyrirtækisins sem er með þessi stæði, þ.e. það er bara verið að leggja þar til að fara þangað. En samkvæmt reynslu þá gera þau ekkert í þessu þar sem t.d. í þessu tilfelli eru þeir með nánast enga viðskiptavini í þessum hóp. Þetta er hluti af þessari pólitísku rétthugsun sem tröllríður þjóðfélaginu, það má ekki halla á neinn nema miðaldara hvítan karlmann, hann er orðið skotmark númer 1, honum er auðvitað um að kenna öllu sem illa hefur farið síðustu hundrað árin, eða allavega pabba hans, afa eða langafa.

Fyrra álit

Deiglan

Deiglan

Ofurhugar

Hverjir eru inni

Greinar

Bílastæðamál fatlaðra ,,Er leti fötlun?"

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi