Ég get ekki verið meira sammála þé

Minnir að ég hafi lesið einhversstaðar að kvenréttindafélagið Bríet meini karlmönnum aðgöngu að fundunum sínum.

gg jafnrétti =)

Þakka þér fyrir ágæta hugleiðingu.

Ég hef löngum gagnrýnt “ vælupólítik ” í anda “rauðsokkna ”, sem mér fannst og finnst enn vera sú, “ komið karlmenn og gerið allt fyrir okkur konur ” það vantar bara “ við getum nefnilega ekkert sjálfar ”.

Eitt raunverulegt dæmí :
“Þið skiptið um dekk þegar springur á bílnum, en samt erum við sjálfstæðir bílstjórar”

Konur þurfa að viðurkenna ákveðið ósjálfstæði t.d. aflsmunalega sem fyrirvinna heimilis í störfum sem líkamlegt atgervi þeirra ber ekki, hins vegar þurfa karlmenn jafnframt að viðurkenna jafnstöðu vitsmunalega til handa konum í störfum sem eru sambærileg. Þar hafa margar konur, “ ekki allar ” látið troða á sér, því miður og þegið lægri laun fyrir sambærilega vinnu.

Klám er eitthvað sem alltaf verður til staðar alls staðar, spurningin er aðeins um magnið, og hvort hverjum líkar að slíkt sé eitthvað álíka daglegu smjöri á bauðið.
Fyrir mína parta við ég geta verið laus við stöðuga áreitni af klámi í dagblöðum sem ég fletti
og fjölmiðlum sem ég horfi á, hvort sem er í formi auglýsinga eða frásagna af “ ágæti nektarbúllustaða ”.

Ef við erum foreldrar þá höfum við tekist það á hendur að móta viðhrof barna okkar í þessu efni.

mér finnst asnalegt ef kona kvartar í jafnréttisráð ef þær fá ekki vinnu, en það er réttlætanlegt ef kall er ráðinn í einhverja vinnu ef konan er með betri og meiri menntun en hann, það er bara líka þannig atvinnurekendur vilja frekar ráða karla því konurnar þurfa að fá leyfi ef þær verða óléttar og þeir geta ekkert rekið þær því það er ólöglegt, þess vegna er nauðsynlegt að hafa einhverjar reglur um þetta, það þarf bara lög til að geta varið vinnurétt kvenna, því annars myndi fólk bara finnast alveg rökrétt að hafa konurnar heima, láta þær sjá um heimilið og börnin, þá myndu við fara aftur á bak í þróun, til ársins 1960, mörgum myndi finnast það ágætt, en fleirum myndi finnast það ömurlegt.

Ég vil meina að kvenréttindabarátta eigi ennþá fullan rétt á sér. Að vísu hafa konur það frekar gott hér á landi, en það er ennþá fullt fullt af ríkjum þar sem er eintómt karlaveldi og komið er fram við konur eins og hluti. Ég vil ekki meiri réttindi en karlmenn, heldur jafnan rétt.

Þessi “jákvæða mismunun” þ.e. að taka konur fram yfir karlmenn þegar ráðið er í störf hefur sínar góðu og slæmu hliðar. Ég hef ekki tekið eftir því að þetta sé ALLTAF að gerast eins og geysus segir. Það er mjög fáránlegt ef verri aðilinn er valinn út af kynferði sínu (konan með minni hæfni er ráðin), en ef kona og karl sækja um sömu stöðu og eru jafnhæf ætti að velja konuna, finnst mér. Allavega ef karlar eru í meirihluta í fyrirtækinu. Tough shit en svona er það. Mun fleiri konur eru á atvinnuleysisskrá en karlar og einhvern veginn þarf að koma jafnréttinu á…

Ég var búin að lesa þessa pósta þar sem stelpurnar mótmæla klámi, og ég er bæði sammála og ósammála þeim. Klám er gott en það er Ömurlegt þegar klámi eða kynlífi er troðið á hluti sem koma klámi eða kynlífi ekkert við.

Dæmi: Margar auglýsingar í sjónvarpinu selja út á þetta. Ég man t.d. eftir auglýsingunum “Djæf, með djúpri dýfu”, og “Ég vel alltaf skagfirskt hangikjöt”. Þessar voru svo fáránlegar að það var hlægilegt! Kommon, hvað er svona sexý við reykt kindakjöt???

Svo var líka þegar ónefnd fataverslun gaf fólki föt eða eitthvað ef það mætti nakið í búðina og meðal verðlauna var 60.000 króna demantshringur fyrir stelpurnar. Nokkrar stelpur létu sjá sig, og dómnefnd VALDI stelpuna sem átti að fá hringinn. Sú stelpa fékk hringinn því hún var með svo stór og falleg brjóst. KRÆST hvað um hinar stelpurnar, þær mættu líka á staðinn? Hefði verið of erfitt að setja nöfnin þeirra í pott og draga einn miða upp? Þetta finnst mér óréttlátt. Hefði þá ekki líka átt að gefa stráknum með stærsta og fallegasta tippið einhver verðlaun?! Eða mestu bringuhárin?

Úff ég er búin að skrifa allt of mikið, en það sem ég vil segja er: feministar eiga ennþá mikið eftir að berjast fyrir. Og mér finnst það í góðu lagi. Ég vildi að ég gæti gengið í “rauðsokkufélagið” Bríet, en því miður eru þær of mikið á móti klámi til að ég geti verið memm.
refu

Kvenréttindabaráttur í dag eru orðnar öfgakenndar, konur vilja hitt og þetta og vilja síðan ekkert gefa okkur eftir. Og ef einhver stelpa fer að senda inn svar hérna um að konur séu “gáfaðari” en karlmenn, þá ætla ég að biðja hana um að skoða það að hvaða kyn hefur haft mestu snillinga mannkynssögunnar fyrr eða síðar. Pirrandi þegar stelpur segja að þær séu betri í einu og öllu. Þetta fer bara eftir persónu, konur og karlar eru bara mjög svipuð, annað kynið er ekkert gáfaðara en hitt.

það mun aldrei ríkja fullkomið jafnrétti milli kynjana. karlmenn munu hafa forréttindi á sumum sviðum og konur á sumum. varðandi klám og annað slíkt þá er mér mynniststæð ein dietcoke auglýsing sem var mikið synd fyrir nokkrum árum auglýsingin gerist á skrifstofu, sýndar eru fullt af konum sem allar lýta á klukkuna svo sjá þær að klukkan er 12 og hlaupa út í glugga til að horfa á karl klæða sig úr að ofan og drekka diet coke. ég spyr, hvað hefði jafnréttisráð og kvennréttinda konur sagt ef það hefðu verið karlar sem fóru út í gluggan til að horfa á konu?

Æ hvað það er leiðinlegt að hugtökin femínismi og jafnréttisbarátta séu endalaust púuð niður sem “rauðsokkuvæl” og “biturt lessu/kellingaröfl”.

Ég er femínisti og ef ég á að skilgreina þann femínisma sem ég aðhyllist þá verð ég eiginlega bara að lýsa mínum skoðunum og viðhorfum án þess að hafa orðabókarskilgreininguna á femínisma til hliðsjónar.

Ég hata ekki karlmenn (líkar raunar afskaplega vel við þá) en mér leiðast kvenhatarar og mér sárnar þegar þeir fá að vaða uppi án þess að fólk geri sér nokkra grein fyrir því hvað sé um að vera.

Ég vil alls ekki meina að konur séu gáfaðri en karlar en mér leiðist hinsvegar þegar frekar er tekið mark á körlum af því að aldagömul innræting segir okkur að það sé frekar mark á þeim takandi vegna þess að konur séu annars flokks mannverur og ekki hæfar um að hugsa. Oft er sú staðhæfing rökstudd með því að við séum tilfinningaverur og þar af leiðandi ófærar um að hugsa rökrétt. Einu skiptin sem það hvarflar að mér að vera sammála þessu er þegar konurnar sjálfar gleypa við svona fullyrðingum.

Sykur: “Og ef einhver stelpa fer að senda inn svar hérna um að konur séu ”gáfaðari“ en karlmenn, þá ætla ég að biðja hana um að skoða það að hvaða kyn hefur haft mestu snillinga mannkynssögunnar fyrr eða síðar..” Hvenær í mannkynssögunni hafa konur fengið að njóta sín óhindrað sem snillingar? Þær ÁTTU hvorki að hugsa né hafa skoðanir.

Jafnréttisbaráttan blessuð sem hefur meðal annars gert það að verkum að við megum vera læsar án þess að eiga það á hættu að vera brenndar á báli og getum farið út á vinnumarkaðinn og unnið okkur inn okkar eigin pening, fær líka sinn skítinn og kannski ekki af ástæðulausu. Ég skal alveg viðurkenna að oft vill vælið ráða ríkjum í þessum efnum og steríótýpurnar í svörtu fötunum gefa femínistum og jafnréttissinnum alveg skelfilega ímynd. En ef að það á að vera hægt að ná einhverju ásættanlegu jafnvægi þá er öfganna þörf. Þær eru svo sannarlega til í hina áttina líka. Segir launamunur kynjanna ykkur kannski eitthvað?

Inni á kynlífsáhugamálinu hefur mikið verið rætt um hvort konur eigi skilið að vera kallaðar druslur fyrir það eitt að sofa hjá hinum og þessum og hinum líka á meðan körlum sem slíkt stunda er gert hátt undir höfði. Þetta er að mínu mati líka hluti af jafnréttisbaráttunni. Vitiði að það er ennþá mjög grunnt á þeim hugsanahætti að konur þurfi að passa sig til að þær gangi nú örugglega út?

Að lokum vil ég taka það fram að ég sé voðalega litla ástæðu fyrir samhengi milli femínisma og andstöðu gegn. Ég persónulega hef lítið á móti klámi (nema leiðinlegu klámi) og enn síður erótík. Fer meira að segja stundum með vinum mínum og vinkonum á strippstaði og hef gaman af.

Kynin eru ólík og við komumst ekkert áfram ef við viðurkennum það ekki en það á ekki heldur að nota þá staðreynd gegn öðru hvoru kyninu í einhverju barnalegu skítkasti og metingi.

Með kveðju,
Lilu.

Copy/paste:
(ég skrifaði þetta áður annars staðar og ég nenni ekki að pikka það inn aftur)

Finnst þér allt í lægi að vera með 30% lægra kaup af því að þú ert kvenkyn?

Það að nauðga kvenfólki er nánast refsingarlaust á Íslandi þ.e. ef svo ólíklega vill til að þú verðir dæmdur.

Fæðingarorlof var lengi vel um 60.000 krónur. Um leið og talað er um að karlmenn fái fæðingarorlof þá allt í einu er sú tala orðin hlægileg.

Á meðan við erum að þessu af hverju leggjum við þá ekki bara niður neytendasamtökin og náttúruverndarráð? Það væri alveg jafn gáfulegt og að leggja niður jafnréttisráð.

btw.

*Feministar eru EKKI það sama og kvenrembur.
*Þótt þú sér kvk þá geturðu aðlveg verið karlremba.
*Og síðast en ekki síst, það er ekkert að óttast, feministar eru ekki að leita eftir að taka yfir heiminn. Þeir vilja bara leggja sitt af mörkum fyrir aukið réttlæti.

—–

Það er borðleggjandi að kvenmenn eru EKKI með jafn mikinn rétt og karlmenn. Þótt það sé í tísku hér á huga að loka augunum fyrir ýmsum vandamálum, þá hverfa þau ekki.

Fairy

Feminismi og kvenremba er bara alls ekki það sama, og ef þú lítur niður á feministana, sem eru bara að reyna að koma á jafnrétti án þess að vera með eintómar ýkjur, þá ert þú bara þröngsýnn.
ef þú lítur bara á einn lítinn flöt á listaverki, þá sérðu ekki boðskapinn og fegurðina sem listamaðurinn er að reyna að koma á framfæri.
Ég er fullkomlega sammála því að margir feminismar eru bitrar gamlar konur, sem vilja hefna sín á heiminum. En það þýðir ekki að það sé engin feministi með viti, sem hefur rétt fyrir sér, og vill breyta því á réttan hátt.
Kvenremba er slæm, en það er þröngsýni einnig.

Líttu á heildarmyndina,
Survivo