phi fyrir 19 árum, 4 mánuðum Fjöldi lestra: 959

Góðgerðaræði?

Þegar ég var lítill gekk ég hús úr húsi með penna og seldi þá undir því yfirskyni að peningarnir færu til hjálparstarfs í Afríku. Það var alveg ótrúlegt hvernig pennarnir runnu út og eftir skamman tíma var ég kominn með því sem jafngilti tveimur þúsundköllum. Ég sá síðar afar mikið eftir þessum verknaði, ekki vegna þess að málefnið var vont, heldur vegna þess að ég var hreinlega ekki að selja penna til hjálparstarfs heldur hafði mér dottið þetta í hug á heitum sumardegi og langaði rosalega mikið í fullt af ís. Íspinnana át ég með bros á vör en bölvaði mér síðar þegar ég hafði vaxið upp úr óvitaskapnum. Eftir að hafa svo gengið síðar, hús úr húsi fyrir alvöru góðgerðastarfsemi - kannski út af brotinni samvisku - varð mér ljósar með hverju ári hve rausnarlegt fólk var flest þegar að góðgerðum kom. Ég sjálfur áleit mig vera að gera góðan hlut og var nokkuð stoltur af mér … fyrir utan þetta fyrsta atvik allavega.

Nú þegar Live 8 tónleikarnir standa sem hæst, með loka tónleikum í Edinborg þar sem G8 fundurinn verður haldinn sé ég þessa sömu rausn og ég sé með eigin augum, þó í minni mæli, hér heima. Fjárhæðirnar eru svo miklar að maður gæti ímyndað sér að þarna væri nóg til að kaupa handa öllum hús og leggja vatn til allra á einu bretti. Ekki veit ég hvort slíkt er hægt, en ég sá einhverstaðar minnst á að með brot af þessari upphæð væri hægt að færa öllum í Afríku vatn. Hinsvegar er raunin önnur og miðað við allar þær spár eins og þá sem ég minntist á ættum við með þeim fjárhæðum að hafa lagað Afríku fyrir al nokkru síðan. Ég hef samt aldrei áður stoppað og hugsað um hvort eitthvað væri athugavert við þetta allt saman.

Svo birtist á BBC frétt af Muammar Gaddafi leiðtoga Líbýu sem biður aðra Afríkuleiðtoga að hætta að biðja um frekari hjálparstarfssemi. Þá sat ég undrandi og spurði mig hvers vegna. Svo virðist sem peningar fari oftar en ekki í hendur spilltra stjórnmálamanna og annað þar fram eftir götunum. Ekki nóg með það, heldur er George Galloway að tala um nýlega góðgerðastarfsemi stórríkja sem einhverskonar beitu til að draga athygli frá því ógnar ástandi sem hefur myndast í Írak og Afganistan.

Hér er ýmislegt sem að þarf að hugleiða. Eru peningar raunverulega að hjálpa til? Er hægt að gera eitthvað annað? Hefur ástandið í Afríku verið notað nú og áður jafnvel til að beina athygli okkar annað? Er fólgin einhver hræsni í því að 1.000 moldríkar persónur setji á svið söfnunartónleika til að m.a. safna fé sem að þau hefðu geta fengið í svipuðu magni úr eigin vösum? … og enn og aftur, gera þessir peningar gagn hvort eð er?

Hugmyndin um fellingu skulda fátækustu Afríkuríkja virðist vera afar ágæt, skref sem að hefði átt að vera tekið fyrir svo löngu. Peningarnir sem safnast fara í niður greiðingu skulda, í hendur spilltra manna og er illa beitt á fáar hendur. Hvað ef fyrir nokkrum árum, þegar BNA ætluðu að senda genabreyttar plöntur til Afríku sem gáfu margfalt af sér og skelfdu frá sér engisprettur (sem er ein alvarlegasta plága Afríku ásamt mýrarköldu og alnæmi) hefði komist án mótmæla græningja og annarra öfgahópa? Ef að við gæfum þeim þann landbúnaðargrunn sem að til þarf til að standa undir fæðuþörfum eigin þjóðar og létum þau síðan standa á eigin fótum, væri ástandið betra? Hvað ef þau fengju tækifæri til að stofna lýðræði á eigin forsendum, eins og svo margar aðrar þjóðir (t.d. Ísland)? Hvernig virkar góðgerðastarfsemi fyrir lönd þar sem algjört stjórnleysi ríkir?

Réttast er að benda á greinar frá BBC og Spiegel :
* http://news.bbc.co.uk/2/hi/uk_news/politics/4654447.stm
* http://service.spiegel.de/cache/international/spiegel/0,1518,363604-2,00.html
* http://news.bbc.co.uk/2/hi/africa/4647579.stm

Hvað er að gerast, hvað heldur þú?

Science. It works, bitches.! ^_^

mattiml fyrir 19 árum, 4 mánuðum

Offjölgun er líka gífurlegt vandamál þarna. Fólk gerir ekkert annað en að eignast börn. Eins og kom fram á live8 segja þeir að 30.000 börn deyja á hverjum degi úr fátækt.

Hvað ef þessi G8 ríki felli skuldirnar, hvað gerist þá. Breytast fátækralöndin eitthvað? Verða þau ríkari og fá nóg af öllu? Ég tel það ekki eiga eftir að gerast en það mun breyta einhverju.

Ég veit að þetta tengist ekki málinu en..
.. Bush, hvað finnst ykkur um hann? Ég man að hafa verið að lesa í blaðinu um að í löndunum sem hann er að ráðast inní núna er verið að pinta 13-15 ára krakka. Láta hunda ráðast á þá. Þessi sami her á að vera að verja Ísland! Hvað er að gerast?

Fyrra álit

phi fyrir 19 árum, 4 mánuðum

Ég gæti trúað að skuldalaus öðlist þjóðirnar frekara frelsi til aðgerða, sem er ágætis byrjunar punktur.

Varðandi Bush og allt það, ég hef verið að lesa bloggið hjá Íröskum bloggara, hann lýsti atviki sem átti sér stað um daginn þar sem að Mahdi hermenn réðust að stúdentum í Bashra og börðu tvo þeirra til óbóta (dauða) á meðan Breski herinn horfði aðgerðalaus á. Ég bara hreinlega veit ekki hvað maður á að halda.

Fyrra álit

BessiB fyrir 19 árum, 4 mánuðum

Ekki fara með umræðuna út í eitthvað annað.

Fyrra álit

[Notanda eytt] fyrir 19 árum, 4 mánuðum

Þótt að Live8 tónleikarnir hafi verið dýrir voru allir tónlistarmennirnir að gera þetta frítt og flestir aðrir sem komu að þessu en Live8 var náttúrulega haldið svo ALLAR skuldir afríku yrðu felldar niður á G8 fundinum og svo fækk heimurinn tónleika í 10 löndum sem vekur náttúrulega Mesta athygli heldur en að gefa bara peningana beint. Annars þá eiga íslendingar náttúrulega bara að gerast heimsforeldrar því þannig fara peningarnir beint til Afríku með Unicef sameinuðu þjóðana sem nota þá í að setja upp vatns brunna og tanka og bólusetja börn gegn sjúkdómum og hjálpa fátækum úr hungursnauð og setja upp skóla þannig að það verður ekkert stjórnleysi í því þótt það sé ekki góð stjórn hjá ríkjunum sjálfum eða löndunum.
Sirkus endursýnir tónleikana aftur næsta laugardag og hvet ég alla til að gerast heimsforeldrar í síma 5626262 og þú getur valið hvort þú borgar 1.000 á mánuði eða meira og svo færðu bréf eða tölvupóst með öllum upplýsingum um hvað peningarnir fara í og myndir af ástandinu í Afríku.
Í ágúst verða sýndir fjórir Fólk með Sirrý þættir á Skjáeinum þar sem hún fór í tveggja vikna ferðalag til nokkurra ríkja í Afríku.

Fyrra álit

skuggi85 fyrir 19 árum, 4 mánuðum

Svari eytt af stjórnanda

Fyrra álit

BessiB fyrir 19 árum, 4 mánuðum

Mér finnst nú ekki beint hægt að líta á niðurfellingu skulda sem fjárgjafir. Mér finnst líka asnalegt að halda því fram að peningarnir sem eiga að fara í þetta geti endað í spilltum höndum því umrædda aðgerð ættu ríkari löndin að geta framkvæmd sjálf, með lagfæringu á tölum.

Óháð því finnst mér asnalegastar þær fullyrðingar um að Afríka sé eins og hún leggur sig gjörspillt fyrirbæri. Það eru til heiðarlegar ríkisstjórnir þarna sem vilja bæta aðstæður í landi sínu. Þannig löndum á að hjálpa úr skuldasúpunni og leyfa þeim að byrja aftur.

Fyrra álit

lyons fyrir 19 árum, 4 mánuðum

'i sumum löndum mun þetta breyta miklu en í öðrum virkilega litlu.
Í jarðskjálfta sem eiðilagði heila borg þá var safnað yfir 1 milljarði dollara en aðeins brot af þeim pening fór í að byggja borgina upp.

Fyrra álit

Dagfari fyrir 19 árum, 4 mánuðum

Ég tel vandamál Afríku vera víðþættari en svo að hægt sé að leysa þau öll með peningagjöfum. Aukið hjálparstarf, tryggur aðgangur að vatni og lyfjum er fyrsta skrefið.

Einhverjir ríkisstjórnir eru gjörspilltar og draga stærstan hluta peningana til sín, en það er ekki þar með sagt að allar geri það. Tansanía er t.d. gott dæmi um það hversu lítið ríkisstjórnir þessara ríkja geta gert, þó svo þær fái pening. Peningum er dælt til Tansaníu, því ríkisstjórninni þar er treystandi, megnið af þessum peningum fer í að borga upp skuldir og sáralítill hluti fer til fólksins. Niðurfelling skulda er aðeins örlítið skref í rétta átt.

Það er svo mikið sem þarf að gera. Hversu langt má ganga? Geta vesturlandabúar hreinlega byrjað með nýja nýlendustefnu, t.d. með því að ríkustu ríki heimsins hreinlega tækju eitt Afríkuríki í fóstur, pössuðu upp á að matvæli bærust til réttra aðila, pössuðu upp á að peningarnir færu á rétta staði og pössuðu upp á að nægt drykkjarvatn væri til staðar.

Afríka er misnotaðasta heimsálfa sögunnar og það er að einhverju leyti Evrópu að kenna hvernig staðan er þar.

Fyrra álit

[Notanda eytt] fyrir 19 árum, 4 mánuðum

Það er ekki Evrópu að kenna og ég held að Asía sé frekara misnotaðri. Afríka hefði vel getað tekið þátt í Iðnbyltingunni snemma á 19öld þegar Evrópa og Nágrannalönd þróuðust úr því sem Afríka er núna

Fyrra álit

Dagfari fyrir 19 árum, 4 mánuðum

Afríku hefur oftar en ekki verið haldið niðri vegna þrælahalds. Nýlendustefnan var heldur ekki til þess að hjálpa þeim í þróun. Þrælahald Evrópu- og Asíuþjóða á Afríkumönnum hægði mjög á þeirri þróun sem gæti hafa orðið því fólkið lifði í stöðugum ótta og menn voru teknir út úr samfélaginu og fjölskyldur voru því oftar en ekki bara að hugsa um að halda í sér lífi, fremur en að ná einhverjum svakalegum tækniframförum.

Fyrra álit

locutus fyrir 19 árum, 4 mánuðum

sko í fyrsta lagi þá getur afríka fætt sig, málið er að þeir selja mest af matnum til evrópu ,asíu og ameríku, í öðru lagi þá skiluðu 93% af fjármagni UNICEF (barnahjálp sameinuðuþjóðanna) beint í hjálp fyrir börn , 7 % fór í skrifstofu vinnu, og annað slíkt sem er mikilvægt fyrir starfsemina til að rekka hana,og á hverju ári þá bjargast 2,5 milljón barna vegna þess að hægt var að bóllusetja þau gegn hinum ýmsu sjúkdómum , sem dæmi, það er hægt að bólusetja 60 börn fyrir einn 1000kr á Indlandi og 50 börn í afríku gegn mænusótt , það er hægt að kenna 150 börnum að varast jarðsprengjur fyrir 1x1000kr og það er hægt að útvega hreinnt drykkjar vatn fyrir nepalst barn í 7 mánuði fyrir 1x1000kr, bara nokkur dæmi, það sem þú ert að minnast á er hjálpar starfsemi rauðkrossins þarsem þeir hafa gefið penninganna til ríkistjórna sem hafa haldið honum, UNICEF stjórnar beinnt þessum penningum þannig að þeir koma aldrey í hendur annara ríkistjórn

Death from above

Fyrra álit

idf fyrir 19 árum, 4 mánuðum

Ég gef bara í Afríkusöfnun ef ég er viss um að peningarnir fari í að búa til vatnsbrunn, annars ekki, spillingin þarna er óendanleg og leiðtogarnir hugsa bara um sitt “posse” eða ættbálkinn sinn. Sjáið hvernig Mugabe fór með Zimbabwe, bráðum þarf að fara að safna fyrir þá, og hvað ætlið þið að gera ?

Við hlótum að spryja af hverju Asíulöndin gátu komið sér úr sárri fátækt án okkar aðstoðar í staðinn fyrir að taka þátt í “the white mans guilt” og borga endalast í þessa hít, ég sé enga von fyrir Afríku fyrr en henni er aftur stjórnað að hvítum og það með harðri hendi.

Fyrra álit

Deiglan

Deiglan

Ofurhugar

Hverjir eru inni

Greinar

Góðgerðaræði?

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi