Æ hvað allt getur nú snúist upp í andhverfu sína.
Fyrir þremur árum síðan móðgaðist Jón Gerald Sullenberger út í mennina sem gerðu hann ríkann, og stefndi þeim fyrir dómstóla vegna þess að þeir gerðust svo óforskammaðir að hættu við að hafa hann sem millilið milli amerískra framleiðanda og íslenskra neytenda.

Jón Gerald hafði tekið þátt, að eigin sögn í ólöglegri starfsemi Baugs, sem snerist um bátskrífli sem Jón Ásgeir og félagar notuðust við þegar þeir voru staddir í henni ameríku. Glæpurinn var sá, að báturinn, sem kostaði brota brota brota brot af veltu Baugs, var í einkanotkunn Jóns Ásgeirs og Tryggva Jónssonar, þeirra manna sem gerðu Baug að því sem fyrirtækið er, og ávöxtuðu peninga hluthafa svo um munaði.

Ó hvað Haraldi Jóhannesen leið vel. Þarna gat hann slegið tvær flugur í einu höggi. Brugðið fæti fyrir þennan Jón Ásgeir, sem var ekki einu sinni kolkrabbi, og þegið velþóknun Davíðs að launum. Allt í nafni þess að vernda hluthafa Baugs. Ó, hvað lífið var dásamlegt.

Haraldur lét til skarar skríða þegar hann vissi að verst stóð á hjá Baugsmönnum. Hann vissi nefnilega að Jón Ásgeir var á fundi með Philip Green og var að ganga frá stærstu kaupum Íslandssögunnar, kaupunum á Arcadia.
Höggið var þungt. Kaupin fóru út um þúfur, og Baugur tapaði fyrirtæki, sem hefði skilað það vel í aðra hönd, að Baugur hefði hæglega getað gefið okkur stærstu framkvæmd Íslandssögunnar, Kárahnjúkavirkjun með gróðanum sem fylgdi í kjölfarið á nokkrum árum.

Í dag er staða þessa máls sú, að þáverandi forsvarsmenn Baugs eru ákærðir fyrir eitthvað allt annað en lagt var upp með í upphafi.
Nú spyr ég, ef bókhald allra helstu fyrirtækja landsins yrðu skoðuð jafn gaumgæfilega og bókhald Baugs hefur verið skoðað undanfarin ár, er þá ekki stór möguleiki á því að menn fyndu eitthvað sem ekki væri samkvæmt reglum?

En það hlálegasta er, að löggjafinn sem ætlaði að vernda smáhluthafana, hann gerði þeim skelfilegann skaða. Hefðu kaupin í Arcadia gengið í gegn, hefðu hluthafar Baugs ávaxtað pund sitt betur en nokkur dæmi væri um í Íslandssögunni. Það varð að engu, þökk sé Haraldi Jóhannesen og félögum.

Og þess vegna er spurningin: Hver er hinn eiginlegi glæpon, Jón Ásgeir eða Haraldur Jóhannesen?

Það sem eftir stendur er að vinur okkar Haraldur krækti sér í mörg prik á stórum stöðum, og var boðinn í hverja veisluna á fætur annari.

Confused? You wount be after next episode of… soap.