hehe vá ég skil ekki alveg hvað ég var að segja en það var mjög rétt…:)

Ég fór að velta þessu fyrir mér útaf öllum þeim umræðum hérna um frelsi og hvað það væri. Að þetta og hitt er bannað t.d. box og vímugjafar og svo framvegis. Ekki má selja þetta og hitt og nú má ekki einu sinn tala um sígarettur nema að maður sé að tala um hversu slæmar þær eru.

Hver tók sér það vald að ákveða að ég megi ekki tala um það sem ég vill tala um? Hver ákvað það að ég megi ekki nota þetta eða hitt efni? Hver ákvað það að ég megi ekki boxa við einhvern annan sem vill boxa? Er þetta ekki fjöldinn sem er að taka allar þessar ákvarðanir fyrir mig?

Nú er ég ekki að segja að ég sé að tala um hvað sígarettur séu góðar við alla sem ég hitti því ég tel mig vita að það er ekki rétt. En ég tel líka að þessir aðilar sem settu þessi lög hafi engann rétt á því að setja þau. Ég hleyp ekki og kaupi E og kókaín því ég tel mig eiga rétt á því því ég veit að þau eru skaðleg. Það var einhver sem sagði mér að þau væru skaðleg og ég tók þá ákvörðun að trúa þeim aðila/aðilum. En þótt ég trúi því þá er til fólk sem gerir það ekki og það er ekki mitt að banna þeim einhvað sem mér finnst vera rangt, hvort sem það er rangt eða ekki.

Rétt eða röng skoðun um einhver mál er að mínu mati smáatriði og á ekki að skipta neinu máli. Það búið að segja mér hvaða skoðun ég á að hafa og setja í lög og það er miklu stærra vandamál. Það að allir hafi tækifæri til að ákveða fyrir sjálfan sig hvað er þeim finnst rétt eða rangt, finnst mér miklu mikilvægara. Þessir einstaklingar munu vonandi hafa skynsemi og siðferði ti að hlusta á fólk með reynslu af hlutunum og mynda sér sjálfir skoðun, því þessi sami einstaklingur verður að sjálfsögðu að bera ábyrgð á gjörðum sínum. Það er siðferðislega rangt af fjöldanum að ákveða fyrir einstaklinginn hvað honum er fyrir bestu. Það er það sem ég vildi segja með þessari grein. Þetta er grundvallar atriði.

Nú er til fólk sem segir að þetta og hitt sé slæmt og ekki skynsamlegt og það er allt í lagi að segja það. En þegar þetta sama fólk fer að hópa sig saman og krefjast þess að þetta sem því finnst slæmt verði bannað og það sett í lög er það að gera einhvað sem er miklu verra en að banna hlutinn. Það er að taka fram fyrir hendurnar á fólki sem hefur ekki sömu skoðun og það sjálft, og það er mun hættulegra og að mínu viti rangt. Fólk sem gerir svona er að segja að það viti betur en aðrir og trúa því að það séu til einstaklingar sem séu ekki færir um að mynda sér “sömu” skoðun og það sjálft. Fjöldinn er hræddur og siðlaus.

Nú finnst mér slæmt að fólk reyki. Mér finnst slæmt að fólk sé að nota efni sem geta eyðilagt líkama og sál fólks. Það er margt sem mér finnst slæmt. En ég hef þann rétt að segja mína skoðun á þessum hlutum, ég hef þann rétt að tala við fólk um þessi mál. Og ég vona að þegar ég tala um þau þá trúir fólk mér og muni ekki nota þessi efni. En ég má ekki taka fram fyrir hendurnar á fólki og banna þeim að nota þetta og hitt bara af því mér finnst einhvað. Það skiptir nefnilega ekki neinu máli hvað mér finnst vera rétt. Því það sem mér finst vera rangt getur öðrum fundist rétt. Það er ekki mitt að ákveða hvað aðrir gera við sitt líf.

Nú á ég ekki bar/börn, en ég vona að sá dagur muni koma að ég verði foreldri. Ég mun líklega banna mínum börnum að gera þetta og hitt til að vernda þau. En það mun koma sá tími að þau fara að hugsa fyrir sig sjálf og þegar það gerist vona ég að ég hafi haft áhrif á þau. Sagt þeim mína skoðun á hinu og þessu og hverja afleiðingarnar geta orðið ef einhver ákveðin leið er farin. Ég vona að þau verðir skynsöm og geti ákveðið, í framhaldi af því sem ég sagði þeim, hvað sé rétt og hvað sé rangt fyrir þau sjálf. Ég geri mér grein fyrir því að það er til fólk sem hefur ekki sömu skoðun og ég og það fólk muni einnig tala við börnin mín. Þá vona ég að ég hafi haft nógu mikil áhrif til að forða þeim frá þessu og hinu sem ekki samræmist mínum skoðunum án þess að ég ákveði fyrir þau hvað er rétt og rangt.

Jæja.. þetta er gott í bili. Vonandi hlustar fólk á hvað ég hef sagt hvort sem það er sammála mér eða ekki. Ég vona allavega að ég hafi komið mínum pælingum til skila. Ég vill endilega heyra fleiri hliðar á þessu máli því ég hef líka þann rétt að skipta um skoðun og það getur vel verið að ég geri það ef einhver segir mér einhvað sem ég hef ekki hugsað út í. Þess vegna byrjaði ég að skrifa þetta til að byrja með…

Friður
potent