Svo vill nú skemmtilega til að ég bý á Akureyri, en síðustu tvo daga hefur forseti Íslands ásamt og forsetafrú og vænu fylgdarliði heimsótt Akureyri.
Það er einmitt þetta fylgdarlið, umgjörðin í kringum þetta allt saman og fleira sem ég ætla að skrifa um. Ég var nú á leiðinni heim úr skólanum þegar ég sé bísperrtan, gulli húðaðan lögreglu þjón standandi við gatnamótin sem standa við Íþróttahöll Akureyrarbæjar(þar sem haldin var heil seremónía handa honum)en hann stóð þar einmitt til að stoppa umferð á götunni svo að forsetinn, tveir lögreglubílar eigi greiða leið um gatnamótin án þess að stoppa!
Þetta er alveg fáránlegt að mínu mati! Ég var nú bara áðan á leið til vinar míns þegar þetta gerist aftur! en þetta var yfir eina umferðarmestu götu bæjarins.
Mér finnst það fulllangt gengið þegar stoppa á umferð svo að forsetinn þurfi ekki að stoppa á rauðu ljósi eins og samlandar hans! Hvað er svona svakalega merkilegt við hann eiginlega?!
Ég tel að Íslenska forsetaembættið sé stórlega ofmetið, þegar forsetinn fær að þau forréttindi að t.d. sleppa við að stoppa á rauðu ljósi þá finnst mér fulllangt gengið! Hvað er eiginlega svona merkilegt við hann?
Af hverju fær hann þessi forréttindi? mér finnst hann ekkert merkilegri en hver annar…