Á þessum tímum í Íslensku samfélagi stöndum við á erfiðum tímamótum og hvers vegna er það? Jú vegna þess að óprúttnir framapotarar reyna allt sem í þeirra valdi stendur til að koma Íslandi í Evrópusambandið.

Evrópusambandið er engum til góðs og ef við göngum í það þá erum við að selja sjálfsákvörðunarrétt okkar til gjörspiltra skrifstofublóka í Brussel en ESB eru samtök sem hafa mun meiri áhrif á Íslenskt samfélag heldur en Íslensk stjórnvöld en evrópuráðið er ekkert annað en einræðisseggir og þeir vilja sameina alla Evrópu undir eitt kjördæmi sem er bölvun því að þá verður ekkert til lengur sem heitir þjóð eða landamæri, ef að ESB líkar ekki vel við úrslit kosninga í vissum löndum þá setja þeir viðskiptabönn á þjóðina og gefa með því skilaboð að þjóðin hafi kosið vitlaust og hún sé ekki vel liðin í sambandinu ef að ekki verður breytt um ríkisstjórn, hin gríðarlegu náttúruauðævi okkar sem liggja í fiski munu ekki nýtast okkur sem skyldi ef að við göngum í ESB og síðast en ekki síst má ekki gleyma því að með inngöngu okkar í ESB hefðum við lítil sem engin völd eða aðeins 3 þingmenn af 450 sem er minna heldur en völd Frjálslynda flokksins á alþingi í dag en sá flokkur hefur þó 2 þingmenn af 63.

Sem sjálfstæð og lítil þjóð þá verðum við að verjast því að ganga í stór alþjóðasamtök því að viðhorf okkar og skoðanir fá engan vegin að njóta sín með 3 af 450 mönnum sem eiga sæti á Evrópuþinginu.Ísland á ekki að einangrast að sjálfsögðu en jafnvel þótt við göngum ekki í þessi samtök einangrumst við ekki heldur eflumst við ef því að sérstæði okkar sem sjálfstæðrar þjóðar mun vekja heimsathygli og litið mun verða upp til Íslands sem lýðræðisríkis og lands sem hafnaði gjörspiltu samstarfi við heimsvaldarsinna auk þess sem að Íslendinga verður minnst í heimssögunni fyrir það að hafa þorað að taka ákvörðun, þora að standa á eigin fótum og segja stoltir nei við sjálfstæðisskerðingu okkar og nei við því að láta erlendum stjórnvöldum Ísland í hendur.

Árið 1262 seldu landráðamenn og þjóðernissvikarar Ísland í hendurnar á Noregskonungi því að þeir trúðu gylliboðum Noregskonungs um að allt myndi verða betra ef að þeir aðeins treystu honum fyrir sjálfstæði þjóðarinnar en engum óraði fyrir því að sjálfstæðisskerðingin ætti eftir að standa í 682 ár! Það er því svo nauðsynlegt að við Íslendingar látum landráðamenn og þjóðernissvikara ekki plata okkur tvisvar því að fyrir svona mönnum er ekkert heilagt en aðal ástæða þess að raddir í þjóðfélaginu um þessi mál hafa verið svo háar er vegna þess að nokkrir menn eru að reyna að koma sjálfum sér á framfæri úti í heimi en þetta eru ekki sjálfstæðishetjur eða þjóðernissinnar eins og Jón Sigurðsson og Skúli Magnússon heldur eru þetta menn eins og Gissur Þorvaldsson sem hugsa um eigin hagsmuni en láta hagsmuni og velsæld heildarinnar sig engu varða og því ber okkur að varast slíka menn.

Samsæri þessa manna um að gera Ísland að ósjálfstæðu ríki nægir þessum mönnum ekki ónei því að nú er ESB að láta lög fara í gegn sem tryggir það að Ísland verði lögregluríki og að einkalíf og friðhelgi fólks verði ekki að nokkru leyti virt því að í þessum svokölluðu “snuðurlögum” á að halda afritum af öllum símtölum fólks,öllum e-mailum fólks,öllum föxum sem fólk sendir sín á milli og allri netnotkun en þetta allt mun tryggja það að líf fólks í landinu verður bölvanlegt og frjálsræði alls ekkert.

Ef að við göngum í ESB og við viljum lifa frjáls er það jú hægt en hvernig? jú með því að hringja ekki, nota ekki föx, nota ekki internetið og aldrei að senda e-mail auk þess sem að menning landsins myndi fá að fjúka með vindnum ef að gengið verður í ESB.

Er þetta það sem við virkilega viljum? Eða viljum við lifa frjáls eins og fuglinn án afskipta gjörspilltra skrifstofublóka í Brussel?

Stöndum saman, Segjum Nei við ESB!