já og lækka verðið aftur!!! ég er fara hausinn hérna!

Banna reykingar á veitingastöðum en á móti hleypa innflutningi á útlendum tóbaksvörum, td. sænskt, breskt, amerískt tóbak.

því oft eru börn með foreldrum sínum á veitingastöðum að borða og skaðar þetta ekki bara heilsu barnanna heldur skemmir þetta matarlystina.

Já hvað er fólk að skaða heilsu barna sinna með því að taka þau á staði þar sem reykt er.

Ég eiginlega verð að segja að mér finnst að það ætti að banna reykingar á almennum stöðum, afþví að reykingar eru ógeðslegar, heilsuskaðandi og búa til andfýlu…

Ég sem að reyki í hófi finnst það vera frekar ósanngjarnt að þurfa að borga svona öfgaverð á pakkanum bara af því að það er fólk þarna úti að reykja sig til dauða.

Að hafa “tóbaksbúð” yrði stórt skref aftur með frelsi einstaklingsins. Einkafyrirtæki ættu að eiga rétt á því að selja sígarettur, og einnig með áfengi. Það er náttúrulega engin samkeppni þegar einn aðili sér um að selja vöruna.

Og að hækka verð á vörunni til þess að “vernda fólk” er náttúrulega út í hött. Það er ekki verðið sem að hefur fengið fólk til þess að hætta reykingum, það er aðallega forvarnarstarf og að það sé ekki jafn “flott” og það var áður. Reykingarfólk eru flest öll en þá að reykja pakka á dag, þó að verðið sé að hækka.

Hvað á eftir að koma næst ? Verða offitusjúklingar næstu fórnarlömb “heilsustefnu” stjórnvalda ? Hvernig myndi þjóðin taka því ef að stjórnvöld myndu banna ýmsar óhollar matvörur, og margfalda skattinn á öðrum ?

Við ættum að leyfa öllum að gera það sem þeim sýnist á meðan það skaðar ekki aðra. Stjórnvöld ættu ekki að vera í foreldrahlutverki fyrir sjálfráða fullorðna einstaklinga.

Við ættum að hafa bara sleppa okurskatti á öllum vörum, sama hversu óhollar þær eru. Einkavæða heilbrigðiskerfið og leyfa fólki að kjósa hvernig tryggingar þau fái sér.

Þannig að ef að einhver kýs að t.d. reykja í óhófi, og hefur ekki tryggingu sem að nær yfir skaðsemi reykinga. Þá getur hann bara vinsamlegast borgað allan sjúkrareikninginn sjálfur ef hann fær lungnakrabbamein vegna reykinga.

Þannig geta allir gert það sem þeim sýnist. Án þess að fólk sé að borga undir rassgatið á hvor öðru.

gott bara að fá þessi lög, því númer eitt 1 ef þú byrjar að reykja ertu heimskur, númer 2 ef þú getur ekki hætt ertu aumingi og númer 3, fyrst þú varst svo heimskur að byrja að reykja þá vorkenni ég þér ekki neitt, kannski mannkynið losni loksins við hálvita úr erfðamenginu hver veit

Afhverju á ég að þurfa að lenda í óbeinum reykingum útaf eitthvað fólk getur ekki staðið úti í kuldanum og reykt?

Ég á að hættu að fá krabbamein útaf rétti reykingar manna, heimskulegt ekki satt?

Það á að hækka verðið á sígarettum uppí 5000 kall fyrir pakkan :)

Þá verður auðveldara fyrir fólk að hætta að reykja.. og það á líka að banna reykingar á svona veitingastöðum og börum því að það er alveg óþolandi að fara á barinn að horfa á Enska boltann með félögunum og það er eintóm reykinarfíla þarna..

Ég lít bara á þetta mál eins og uppeldi á barni þegar barn gerir einhvað vitlaust þá grípur maður fyrir hendurnar á því

úr því að við andskotumst ekki til að hætta að reykja þá þarf einhver að hjálpa okkur við það og það eru ekki margar aðrar leiðir enn sú sem er verið að nota núna

Ég vil taka það fram að ég reyki ekki og finnst frekar óþægilegt að vera innan um reykingar.
Mér finnst að Ríkið ætti ekki að geta bannað reykingar á börum eða matsölustöðum og öðru slíku. Eigandi matsölustaðarins eða barsins ætti að fá að ráða því gjörsamlega sjálfur því að það er nú einu sinni hann sem á staðinn.

Ég persónulega er sáttur við að færa athygli smyglara frá eiturlyfjum yfir á tóbak.

Mér finnst það nú bara ekkert ofaukið að banna reykingar á veitinga- og skemmtistöðum. A.m.k. er ég hætt að fara á djammið m.a. vegna þess að ég meika ekki reykingarnar. Það er ömurlegt að fara á kaffihús og vera búinn að hafa sig til og þurfa síðan að þvo öll föt, töskur og allt sem maður hafði með sér og fara í sturtu þegar maður kemur heim af því það angar allt. Það er kannski eðlilegra að þurfa að gera það eftir djammið, en ekki eftir 1-2 klst setu við að drekka kaffi. Það er ömurlegt að vera að spjalla við vini sína og vera að kafna út af tóbaksreyk. Svo bólgna á manni augun, mann svíður og hættir að geta séð eftir smá tíma og þarf að fara út, svo að basically er verið að hrekja reykingalaust fólk út.

Mér finnst líka réttur þeirra sem ekki reykja, svo ekki sé nú minnst á sjálfsagðan rétt starfsfólks (!), til að að anda að sé hreinu lofti meiri en réttur reykingamanna til að eitra fyrir fólki í kringum sig bara af því þeir eru fíklar. Dópistar eru a.m.k. ekki að eitra fyrir mér þegar þeir gleypa einhverjar pillur, þeir eru bara að eitra fyrir sjálfum sér. Að vísu geta þeir brenglast og skapað hættu með hegðun sinni en þeir eru ekki að neyða ofan í mig sömu pillur bara af því að það vill svo til að ég er að skemmta mér á sama stað og þeir.

Mér finnst engin ástæða til að banna fólki að reykja en mér finnst full ástæða til þess að banna fólki að eitra fyrir öðrum í leiðinni, enda eru óbeinar reykingar alveg jafn skaðlegar og venjulegar, jafnvel skaðlegri. Reykingamenn sjúga reykinn gegnum filter og anda honum síðan frá sér auk þess sem hann líður úr sígarettunni sjálfri. Filterinn heldur eftir slatta af versta eitrinu. Óbeinir reykingamenn anda hins vegar reiknum að sér filterslausum og fá allt ógeðið beint ofan í sig.

Það er ekki óalgengt að börn reykingamanna séu með astma, sérstaklega ef mæðurnar reyktu á meðgöngu. Ég þekki fólk sem hefur lent í því. Nóg er um að reykingafólk skapi sjálfu sér hættu á t.d. lungnakrabbameini vegna reykinga sinna en mér finnst gersamlega óásættanlegt að saklaus fórnarlömb óbeinna reykinga þurfi að láta lífið vegna lungnakrabbameins af því reykingamanninum fannst hann hafa meiri rétt til að eitra fyrir öðrum en þeir að anda að sér hreinu lofti.

Vitið þið ekki að tæknin í dag er ekki orðin nógu góð (þó það sé reyndar flott tæki í þróun í augnablikinu) til að greina lungnakrabbamein áður en það er orðið lífshættulegt!? Þegar lungnakrabbamein greinist er maður genginn svo langt með sjúkdóminn að það eru mun minni líkur á því að manni takist að læknast en af öðrum krabbameinsjúkdómum. Einn læknir gerðist svo djarfur að fullyrða við mig að það væri næstum víst að maður væri dauðvona loksins þegar lungnakrabbameinið greindist. Það er erfitt að greina það og enn erfiðara að lækna. Og við erum ekki bara að tala um gamalt fólk sem fær þennan sjúdóm heldur jafnvel fólk um þrítugt! Ég hitti eitt sinn þrítuga einstæða móður sem var nýgreind með lungnakrabbamein og hef upplifað fátt jafn sorglegt á æfinni.

Það er til margt óhollt í heiminum og margir sem lifa óheilbrigðu líferni en fæstir eitra fyrir öðrum og valda þeim hættu á lífshættulegum sjúkdómum til þess að svala eigin fíkn. Það er bara eitthvað að fólki sem finnst það vera í lagi.

Takk fyrir mig.