Í gær kom öryggisráð sameinuðu þjóðanna saman til þess að ræða ógnina sem heimsbyggðinni stafaði af Ísraelsríki. Ályktun 1441 var samþykkt af ráðinu, en í henni felst að Ísraelsmenn hafi fram til Miðvikudags með að gefa upp öll gereyðingarvopn sem þeir hafa búið til.

“Við teljum öruggt” sagði Bush forseti í morgun, “ að Ísraelsmenn hafi kjarnorkuvopn, og jafnvel langdrægar flaugar.”

Allar þjóðir öryggisráðs lýstu yfir samþykki utan við Kína og Frakkland sem sátu hjá. Tony Blair lýsti því yfir að samstaða yrði að vera um þessi mál.

“Jú, sjáið til” sagði hinn snjalli forsætisráðherra Breta. “Ef við viljum vonast eftir alþjóðatrausti þá verðum við að sýna að alþjóðalög eigi að ganga yfir alla, við erum nú þegar búnir að hefja innrás inn í Írak í þeim ásetningi að hindra framleiðslu og notkun gereyðingarvopna, við verðum að sýna að ekki bara múslímskar þjóðir eigi að afvopnast heldur allar þjóðir, sama hvaða trúflokk þær tilheyra”.

Ariel Sharon forsætisráðherra Ísraels lýsti því yfir að Ísraelsmenn ættu engin gereyðingarvopn.

George Bush sagði að hann vonaðist til þess að ekki þyrfti að koma til innrásar, enda líkaði honum illa við tilhugsunina um óbreytta borgara sem yrðu fyrir þessu. Hann sagði að hann vonaðist einnig til þess að Indland, Pakistan, Frakkland og Rússland hæfu þá afvopnun sem þeir væru búnir að lofa.

Það eru núna tveir mánuðir síðan BNA og Bretland losuðu sig við öll sín kjarnorkuvopn en það var partur af samkomulagi þeirra við Norður Kóreu, en Kóreumenn afvopnuðust fyrir ári síðan gegn því að BNA gerði slíkt hið sama.

Kína er í augnablikinu undir mikilli alþjóðlegri pressu að gera slíkt hið sama, mörg ríki hafa hætt viðskiptum við Kína þar til þeir láta undan. Dregið hefur mjög úr hagvexti landsins sökum þessa.

Hin vinsæli Bandaríkjaforseti, George Bush sagði lok ræðu sinnar “ ég held að allir jarðarbúar geti verið sammála um nauðsyn afvopnunar, þetta eru bara slys sem bíða eftir að gerast, ímyndið ykkur ef hryðjuverkamenn næðu höndum yfir þessi vopn eða ef tölvukerfið sem stýrði þeim myndi bila. Hörmungar gætu dunið á, ég meina maður skilur ekki eftir riffil á glámbekk þar sem börn gætu náð til þeirra.”.

Bush hefur oft vakið athygli fyrir ósérhlífni í pólitík sinni. Í fyrstu forsetakosningunum barðist hann fyrir því að hvert atkvæði væri talið í Flórída fylki þrátt fyrir að það gæti þýtt tap fyrir hann og þótt hæstiréttur BNA hefði úrskurðað slíkt óþarfi.
“Það má bara ekki vera vafi um slík mál” sagði Bush.

Í augnablikinu treystir heimurinn BNA fullkomlega í forystu sinni yfir alþjóðamálum. Mörg Asíuríki verða eflaust ævarandi þakklát fyrir aðvörun Bandaríska hersins yfir neðansjávarflóðbylgju, en herinn hafði einmitt verið að rannsaka á svæðinu þar sem flóðbylgjan átti upptök sín. Talið er að viðvörun BNA manna hafi mögulega bjargað hundruðum þúsunda mannslífa, en þrátt fyrir að tíu þúsund manns hafi látist í hörmungunum þykir slíkt smáræði í samanburði við hvað hefði orðið ef ekki hefði verið fyrir skjót viðbrögð rannsóknarmanna.


Aðrar fréttir:

Davíð réttir fram sáttarhönd, biðst afsökunar á ummælum sínum

Svín fljúga í Hollandi

Fátækt gæti verið útrýmd á næstu tveimur áratugum

Formaður Kínverska Kommúnistaflokksins vill sjá breytingar í lýðræðisátt