Nú hef ég væði lesið bækur um Che ásamt því að horfa á heimildamyndir þannig að ég veit svona sæmilega mikið um hann. Margt af því sem stendur á uf síðunni er satt, en meirihlutinn er rugl. Í rauninni eru þeir að taka saman allt slæmt sem gerðist í byltingunni og segja að Che hafi gert það. Hann var í raun í hópi manna sem framkvæmdu aftökur, þar sem allir tóku þátt. Ekki gleyma því að þetta var bylting og byltingar eru aldrei fallegar. Ekki gleyma því heldur að stjórn Kúbu á þessum tíma rak landið á þann veg að það var einskonar hóruhús fyrir ríka Bandaríkjamenn á meðan fólkið svalt. Byltingar eru aldrei fallega og Che var vissulega grimmur líkt og allir byltingamennirnir. Hugsið ykkur hvað þið mynduð gera ef þið byggjið við þessar aðstæður? Nei, ungir frjálshyggjumenn sem kaupa hlutabréf fyrir fermingapeninginn skilja það ekki. Byltingar eiga sína orsök og stundum verður að berjast með eldi gegn eldi. Hann var aftúramóti góður við þegna Kúbu og tók að sér öll þau störf sem hann gat til að gera Kúbu að betra landi. Ástæðan fyrir því að Che varð líka svo vinsæll, sem byrjaði eiginlega allt meðal stúdenta og þeirra byltingu í Frakklandi, er vegna þess að hann gagnrýndi Sovétríkin fyrir að styðja ekki við bakið á þriðja heiminum á meðan Sovétríkin studdu Kúbu. Þetta var mjög heitt komment og sumir telja að útlegð hans í öðrum löndum þar sem hann reyndi að breiða út boðskap sósíalismans sé að hluta til vegna þess hve mikill hugsjónarmaður og húmanisti hann var í stað þess að fórna hugsjónum líkt og margir aðrir gerðu.

Ég er í raun hvorki né að dæma né hrósa þessum manni. Það er bara pirrandi hvernig auglýsingabransinn í raun dregur úr alvarleika sumra hluta.

hehe fólksflóti meina ég að sjálfsögðu

Hugsanlegt að það sé svona slæmt ástand vegna þess að það er viðskiptabann á Kúbu? Kannski flýr fólkið vegna þess? Held að það sé ekki vegna netleysis.

Það er alveg rétt, en á móti kemur að þeir eru með mjög fullkomið ókeypis heilbrigðis og menntakerfi (næst lægsta ungbarnatíðni í heimi, á eftir íslandi að sjálfsögðu)
Þar sveltur enginn, allir hafa þak yfir höfuðið og vinnuvikan eru einhverjir 20-30 klukkutímar.

Sumum þykir það ágætt, en ef þú vilt eitthvað meira þá verðuru að komast eitthvað annað því að þú ert alltaf fastur í sama farinu.

Sælir.

Ché Guevara stóð fyrir fjöldamorðum á sínum tíma. Hann, og
félagar hans, létu taka af lífi fjölda manns sem studdu, eða áttu
að hafa stutt, Batista. Margir þeir, sem grunaðir voru um and-
byltingarsinnaðar skoðanir, voru fangelsaðir, eða jafnvel drepnir.
Þetta eru staðreyndir. Hins vegar gerði stjórn Castro, og hefur
gert, marga góða hluti, en það réttlætir ekki morð.

Á sama hátt má segja að Clinton og Bush séu fjöldamorðingjar.
Ég tek undir það, en málið er að enginn, eða mjög fáir, ganga í
bol með mynd af þeim, og finnst það kúl.

En talandi um tölfræðina, þá hefur Castro ávallt verið duglegur við
að útlista hana fyrir eyjaskeggjum. Ég hef lesið mjög margar ræður,
sem hann hefur haldið á Kúbu, og næstum því allar innihalda sinn
skammt af tölum: fjöldi kennara og lækna í landinu, fjöldi skóla á
landsbyggðinni, fjöldi hins og þess. Kúba í tölum er mjög falleg Kúba.

En hvað með hina raunverulegu Kúbu? Það er ljóst að Kúbverjar
eru orðnir þreyttir á tölfræðinni, hugmyndafræðinni, og vilja meira
frelsi, a.m.k. samkvæmt viðtali við óbreyttan Kúbverja. Og ef það
er eitthvað að marka ferðasögu Bandaríkjamanns, þá lítur mjög
margt ungt fólkt á Bandaríkin sem fyrirheitna landið, eins og raunin
er í mörgum öðrum löndum Mið- og Suður-Ameríku. Ofur áhersla
kúbverskra stjórnvalda á „marxíska“ hugmyndafræði er greinilega
ekki að skila sér til grunnskólabarna.

“Che Guevara kom á fót fyrstu þrælabúðum
Castro-stjórnarinnar, Guanahacabibes. Þangað voru
sendir andófsmenn, samkynhneigðir og síðar
alnæmissjúklingar. „Til Guanahacabibes sendum við þá
sem ættu ekki að fara í fangelsi, fólk sem hefur
framið glæpi gegn byltingarlegu siðgæði“”

Che hefði ekki mögulega geta sent alnmissjúklinga
í fangabúðir, ætli hann sem bjó til síðunna hafi
ekki sagt það óvart og lagað það svo, eða þú mis-
lesið.