Jesús, ég er alveg sammála þér :) Ég er sjálf 13 ára og mér finnst fínt að geta skrifað mun betra tungumál en vinkonur mínar, til dæmis á msn, þær tala eins og ég veit ekki hvað!

“Jóna : hva á a gera í da?

eins og sumir kunni bara ekki að skrifa!

En svo nota ég líka mikið að málsháttum og ég er líka dæmd út á það…fordómar myndi ég segja :S

En íslenskan er ekki ”forn-íslenska“ hún kallast bara ”góð íslenska“ af því að sá sem talar venjulega íslensku talar bara gott mál en ekki fornt mál, bara að benda þér á það ;)

…bara líka að segja það að það er ”setja" :)

Summi minn þessar greinar þínar eru skrifaðar alveg fáranlega, þú ert alltaf í þriðju persónu sem er alveg hundleiðinlegt og svo held ég að þú mættir alveg slaka aðeins á í þessum fornorðum þínum því sum orð eru einfaldlega of gömul til að vera hér þó þau séu vissulega mun skemmtilegri en þetta gelgjumál sem er í tísku núna.

Og hættu líka að láta svona við vini þína sem eru að reyna að hjálpa þér eins og hann bgates

Mér finnast svörin við pælingum þínum alveg blasa við. Öll tungumál þróast og er sú þróun oftast í átt að einföldun, sama gerðist fyrir íslensku. Mér finnst þetta bara jákvætt og vill fyrir alla muni koma í veg fyrir að hlutir eins og þérun verði komið á aftur. Góða íslensku vill ég samt halda í.

“Ekki hef ég á ævi minni séð fordóma gegn því hvernig Halldór Laxness skrifaði bækur sínar þegar hann var uppá sitt besta.”

Þá hefuru ekki lifað lengi. Ég hef lesið á þónokkrum stöðum að mjög margir voru á móti því hvernig hann skrifaði íslenskuna viljandi vitlaust.

Sæll vertu.

Nú er ég reyndar íslenskufræðingur og ég átta mig ekki alveg á hvað þú átt við með fornri íslensku. Áttu við forn íslenskuna sjálfa, sem einnig er þekkt undir nafninu norræna eða eru aðeins að meina þetta “gamla og góða” íslenska mál sem við sem erum fædd fyrir 1980 lærðum í skóla (og kennarar í dag þráast reyndar enn við að kenna)? Eða áttu við það málfar sem notað var á 19. öld og fyrri hluta 20. aldar?
Ég er hins vegar hjartanlega sammála þér um það að við verðum að passa vel upp á málfar okkar og stafsetningu og vara okkur á erlendum slettum. Mjög margar greinar hér á Huga (meiri hluti þeirra því miður)eru ekki nógu góðar hvað þessi atriði varðar og tel ég það vera vegna einmitt þess að fólk passar ekki nógu vel upp á málnotkun sína og stafsetningu (sumum er einfaldlega sama, aðrir nenna ekki að lesa yfir o.s.frv.).
Við verðum að breyta þessu.

Kv. Karat.

Fyrirgefðu, en þetta sem stendur hér að ofan er að öllu leyti hallærislegt. Tilgerðarlegt. Það er rangt málfarslega og málfræðilega. Þetta er heldur engin Forn-Íslenska, heldur misheppnuð tilraun til að hljóma eins og áttræður Íslendingur en málið er bara að þú kannt það ekki. Þetta sem þú ert að reyna að segja hérna gerir mig næstum reiðan, nema að þetta eigi að vera eitthvað grín. Þú ert að reyna að segja að þú talir góða íslensku en skrifar annað hvert orð vitlaust, ferð vitlaust með greinarmerki, þú talar ekki rétt, þú talar ekki eins og fólk gerði nokkurn tímann.

Öll tungumál breytast og auðvitað talar fólk ekki ennþá eins og það gerði um þar síðustu aldamót. Ég er sjálfur mjög á móti erlendum slettum en slangur er eðlilegt. Í greininni þinni notaðirðu fullt af því. Það er nauðsynlegur og óhjákvæmilegur hluti af öllum málum. Kynntu þér aðeins það sem þú ert að reyna að koma til skila og lestu nokkrar gamlar bækur og reyndu að kenna þér gamaldags, formlega Íslensku, ekki bara þvaðra eitthvað með afbrigðilegri orðaröð og háfleygum orðum. Taktu líka endilega námskeið í Forn-Íslensku, en mundu að hún var mjög ólík því máli sem þú ert að reyna að tala.

Og, eitt í viðbót. Ef bgates segir að enginn nenni að lesa greinarnar þínar, er það hans skoðun, en þú getur ekki verið ósammála því, ef það er satt.

Ég verð nú að segja að þú virðist alveg einstaklega illa máli farinn. Halldór Laxness var mikið gagnrýndur á sínum tíma (og er enn) fyrir þá ,,stafsetníngu" sem hann notaði og er önnur en hin opinberlega birta og samþykkta stafsetning sem auglýst er frá menntamálaráðuneytinu. Ég held þér færi betur að læra íslenskuna betur sjálfur og fara svo að gagga. Hvað þú átt við með Forn-Íslensku veit ég ekki en ef það er gamla norrænan sem töluð var á söguöld, þá er ég hræddur um að hún hrykki skammt í því hugtakafargani sem nauðsynlegt er í dag enda einstök að orðfæðgi. Svo er grein þín sérlega leiðinleg.

ég tala forn íslensku

Fyrst að fróðleiksmolarnir eru að flæða hérna inn þá langar mig að bæta einum við.
Einusinni á Íslandi “til forna” voru tíðirnar átta en núna teljast þær eiginlega bara vera tvær.

þær voru:
Nútíð - ég kem
Þátíð - ég kom
Núliðin tíð - ég hef komið
Þáliðin tíð - ég hafði komið
Framtíð - ég mun koma
Þáframtíð - ég mun hafa komið
Skildagatíð - ég mundi/myndi koma
Þáskildagatíð - ég mundi/myndi hafa komið

Ég þakka bara guði fyrir að ég þurfti ekki að bæta þessu við íslenskunámið mitt.

-Þetta var í boði vísindavefsins


Annars var þetta heimskuleg grein og þú ættir held að vanda þig meira við að læra “nútímaíslenskuna” áður en þú ferð að slá um þig með “forn”-íslensku sem þú augljóslega hefur ekki tök á.

PS: Þérun er verkfæri djöfulsins og engum til sóma að brúka hana, hrokinn sem henni fylgir sökkar feitt

Ég ætla að biðja þig um að geyma þessi skrif þín á öruggum stað í nokkur ár og lesa þau þá aftur. Það mun koma þér óskemmtilega á óvart hversu hryllilega illa þau eru úr garði gerð. Þú minnist oft á forníslensku í greininni (þú skrifar orðið forníslenska reyndar í tveim orðum sem er rangt) og þú virðist halda að þérun tilheyri þessari forníslensku framar annari íslensku sem er vafasamt.
Yfirlætislegur tónn greinarinnar verður hlægilegur í besta falli þegar maður les setningar eins og þessar:

“Ekki hef ég á ævi minni séð fordóma gegn því hvernig Halldór Laxness skrifaði bækur sínar þegar hann var uppá sitt besta.”

Þú getur þó dregið af þessu einn lærdóm; oft er mun gáfulegra að halda sér saman en viðra skoðanir sínar.

Já ég er nokkuð sammála, en þú ýkir nú samt svolítið í þessari grein.
Orð eins og “yður,vér,þér,os” er eitthvað sem fólk vill bara rekast á í Kirkjubókum.

Jammjammjammjammjammm…

Þú beitir fáránlegustu stílbrögðum sem ég hef séð í langan tíma þar sem það er enginn stíll yfir þessu heldur er þetta samansafn misgáfulegra orðaraðanatilbrigða sem þú beitir í eitt skiptið en sleppir í næsta.

Svona gera menn ekki…

Þú ert bara afspyrnulélegur í að tala þetta formlega mál, frekar að sleppa því þangað til þú hefur náð betri tökum á því. Lestu t.d. ritgerð sem ég gerði í skólanum í fyrra um hofsbrennuna í Kjalnesingasögu, það er dæmi um góða formlega íslensku, enda fékk ég 9,7 í einkun fyrir þá ritgerð sem er hæsta einkunn sem íslenskukennarinn hefur gefið á ferlinum. Það málfar sem þú ert að reyna að nota hér á Huga er í áttina að málfarinu í téðri ritgerð en málið er bara það að þú kannt ekki að fara með svona málfar. Lestu ritgerðina, pældu í málfarinu og komdu svo á huga og skrifaðu þannig formlega íslensku.

Gamla góða íslenskan er ágæt en ekki eins og þú skrifar hana. þetta er fáránlega hallærislegt, eins og þú sagðir sjálfur. Þú skrifar þetta greinilega ekki bara eins og þú skrifar hvern annan texta og nánast eina forna orðið sem þú virðist kunna er “ei”.

Og hafðu bil á eftir punkti.

Já, ég er sammála þessu. Það er bara “kúl” að tala góða íslensku. ;)
Mér finnst ég tala ágætis íslensku og er stolt af því. Allavega tala ég betri íslensku en margir aðrir og finnst gaman að kunna ýmsa málshætti og svoleiðis. En ég sletti smá líka.. eins og djók, sem er næstum orðið hluti af íslensku núna. Sem er ekki gott.
Málið er að nú til dags notar fólk miklar enskuslettur og er farið að stytta alla skapaða hluti. Eins og til dæmis eitthvað í eikka, þú veist í þúst, maður í mar og fleira. En mér finnst þetta svosem allt í lagi, svo lengi sem fólk týnir ekki niður “gömlu góðu” íslenskunni. :)

Ég myndi ekki segja að ég tali neitt verri íslensku heldur en pabbi minn, og Afi notar fleiri útlensk orð en ég, en þetta þróast bara með tímanum og málið breytist alltaf, það er ekki krökkum nú til dags að kenna að þeir tali svona, flest var svona, og allt breytist smátt og smátt. Þú átt eftir að horfa upp á krakkan sem eru að tala svona núna eiga eftir að nöldra svona eins og þú ert að gera núna, því krakkarnir þeirra eiga eftir að breyta málinu meira.

Svo er líka ágætt að gera smá bil á milli punkta…

Útrýmum orðinu bara.

Bara, er alltof mikið notað í rituðu máli nú til dags. Það er alveg hræðilegt á að sjá. Flest dæmi um ílla skrifaða íslensku, er vegna þess að orðið bara er í annari hverri setningu.

Í mörgum tilvikum má stroka orðið út án þess að þurfa umorða setninguna mikið eða jafnvel ekkert. Svo er einnig oftast hægt að nota orðið aðeins í staðinn.

Íslenska er miklu fallegra mál ef við sleppum því að nota bara. Sjáið til.

Bara mitt álit, hehe.

M1n útgafa af greininni:

f0rdómar g3gn nýrr1 íslensk, eihva algent eða?

hefur marr ver1ð a huxa um y ísl á nýu mál1 er 3kk1 m1k1ð alg3ng. og fólki f1nnst hún lame. það gæti ver1ð því að sökum gamaldómsins nú og má kenna þeim um.

31ns má sega að sumir hafa set út á það í k0rkunum mínum og kallað m1g hálvita.

ek1 hef ég á 4vi minni séð frdma gegn því hvennig Zombie í drake claninu í CS skr1faði messagin sín þ3gar han var uppá s1tt beztasta.

þeta voru my thoughts

msg me

M1n útgafa af greininni:

f0rdómar g3gn nýrr1 íslensk, eihva algent eða?

hefur marr ver1ð a huxa um y ísl á nýu mál1 er 3kk1 m1k1ð alg3ng. og fólki f1nnst hún lame. það gæti ver1ð því að sökum gamaldómsins nú og má kenna þeim um.

31ns má sega að sumir hafa set út á það í k0rkunum mínum og kallað m1g hálvita.

ek1 hef ég á 4vi minni séð frdma gegn því hvennig Zombie í drake claninu í CS skr1faði messagin sín þ3gar han var uppá s1tt beztasta.

þeta voru my thoughts

msg me

Jáhá.

Síðasta grein eftir hann Summa:

Final Fantasy VII.Þankar og umfjöllun.

Þegar maður fyrst kynntisi Final Fantasy seríonum var maður þess vís að um snilldarleiki væri að ræða.

http://www.hugi.is/finalfantasy/articles.php?page=view&contentId=1664095

Gaur, þú veist ekki rassgat um íslensku. Tungumál breytast og ritháttur fyrir 50-70 árum á ekkert erindi í nútímann. Þó að stafsetning og ritháttur unglinga og krakkaorma í dag sé til skammar, þá finnst mér eins og þú sért að þessu því þetta er “kúl” og að þú virðist vera afskaplega vel gefinn.

Sem er ekki alveg að gera sig hjá þér.

Svo með þessari grein reyndir þú að tala voðalega gáfulega með því að segja eitthvað eins og: “Síðan gekkst til liðs við mann maður að nafni Vincent er bjó í líkkistu í fráförnu húsi.

Er lengra var komist hitti maður stelpu í kirkju,og rautt ljón.

Og ekki má gleyma manni er vann við eldflaugasmíði.”

Veistu, ég bara veit ekki hvað ég á að segja til að troða því inn í hausinn á þér hversu mikill vitleysingur þú ert.

PS: Þetta er ekki forn íslenska, þetta er einfaldlega gömul íslenska.
Forn íslenska var töluð og skrifuð í fornsögunum.

Ég mæli með að þú gerir þér grein fyrir að orðalagið á greininni þinn er gjörsamlega fáránlegt. Ef þú bæðir íslenskufræðinginn, sem er búinn að segja skoðanir sínar hér nokkrum sinnum, að umorða greinina með sinni bestu íslensku þá liti hún allt öðruvísi út. Þetta mál sem þú varst að bögglast við dó út með Snorra Sturlusyni!

Forn íslenska (norræna) er hvorki töluð né rituð lengur hér á landi, þú getur aðeins lesið hana í fornbókmenntum. (Sem er mjög fræðandi og skemmtilegt).

Það er aðeins ein íslenska til, ekkert gamalt - nýtt kjaftæði.. Unglingar í dag tala varla íslensku, þetta er meira svona ensk íslenska, allt morandi í tökuorðum sem hafa ekki verið samþykkt hér á landi..

Ég tala venjulega íslensku, ekki gamla. Samt get ég tjáð mig fullkomlega við foreldra mína, afa minn og ömmu og fleira eldra fólk. Það talar ekki gamla íslensku, bara íslensku. Sum orðin eru jú orðin úrelt vegna tæknibyltingarinnar. Orðið tölva var til að mynda ekki til í gamla daga enda voru ekki til tölvur þá!

Unglingar á hágelgjunni tala ekki íslensku. Hvorki í talmáli né rituðu máli.

Þegar ég las titilinn varð ég strax tilbúinn með svar og ætlaði nú aldeilis að svara þér.

Forn-íslenska eins og þú orðar það er villandi því forn-íslenska í mínum huga er Völuspá, Hávamál Egils saga og þess háttar. Tungan sem þar er notuð er alveg hryllileg og með öllu óskiljanleg og það sem meira er finnst mér alltof mikil áhersla lögð á slíkan viðbjóð í íslenskum framhaldsskólum.
Það er eitt að fá smá kynningu á þessu en annað að þurfa að læra nöfn og þekkja hverjir eru skyldir hverjum. Ég hef einmitt átt í miklum erfiðleikum með áfanga sem inniheldur þessi rit sem ég nefndi hér að ofan sökum þess að ég þekki ekki ættir allra í sögunni og man hverjir gerðu hvað.
Ég man ágætlega eftir hvað gerðist en kannski ekki nákvæmlega hverjir tóku þátt í því fyrir utan auðvitað aðalpersónurnar.


Annars er ég sammála þér, ungt fólk virðist lita niður á vel skrifaða íslensku. Ég persónulega legg metnað minn í að gera mig sæmilega skiljanlegan og lausan við stafsetningavillur. Einnig nota ég annað slagið málshætti og eldri orð sem mér finnst fegra það sem ég segi/skrifa og stundum fær maður smá fliss en flissið hefur nú nánast horfið á seinni árum og sérstaklega í samræðum við samaldra mína.
En þegar ég hef talað við yngra fólk sem er svo upptekið af því að vera rebal og töff og maður notar t.d. orð eins og “knöttur” í staðinn fyrir “bolta” bara svona til að breyta til og svona að þá fær maður fliss og krakkarnir halda að maður sé þvílíka nördið en mér er svosem sama um það :)


Einnig þykir mér leiðinlegt þegar fólk ætlast til að vera tekið alvarlega á miðli eins og þessum sem snýst um að gera sig skiljanlega á skrifuðu máli þegar þetta fólk getur ekki lagt metnað sinn í að nota stóran staf þegar það á við og nota greinaksil og þess háttar eða bara yfir höfuð sæmilega stafsetningu.

Tvenns konar málvenjutíska hefur þróast hjá svona 13-15 unglingum. Annars vegar er sú algengari sem byggist í fyrsta lagi á því að nota mikið af styttingum og skrifa orð í ritmáli eins og þau eru töluð. Týpískt dæmi um þetta væri t.d:

“So fór ég sko geggt skomm til paba og bara omg…” Þessi málvenja einkennist líka oft af mörgum villum.

Hin, sem fer jafnvel meira í taugarnar á mér, er þegar reynt er að tala einhvers konar forníslensku. Þessar tilraunir eru oft í meira lagi afkáralegar, og einkennast helst af því að fornlegum orðum er hent inn hér og þar, oft án þess að mælandi hafi nokkra hugmynd um hvað viðkomandi orð þýða, eða hvar þau eru viðeigandi.

Þetta er það sem þú vilt endilega setja á svo mjög háan stall.

Í fyrsta lagi þróast tungumálið. Lestu 30 ára gamla grein úr Morgunblaðinu og lestu aðra grein frá því í gær. Báðar teljast að öllum líkindum skrifaðar á réttu og vönduðu máli en samt er málið mjög ólíkt. Stafir og orð hafa orðið annað hvort algengari eða sjaldgæfari og leiðir til að nota orðin breytast oft.

Í öðru lagi er ekki til nein ein forníslenska, og allra síst það mál sem þú vilt vera að tala. Þetta er að sjálfsögðu af sömu ástæði og er greint frá að ofan, að málið þróast. Taktu einhver skrif sem öll hafa verið skrifuð á hundrað ára fresti. Sjáðu hvort þessi skrif séu lík með tilliti til málvenju.

Mesti vandinn við að tala fornt mál er að hafa samræmi í málinu, og ekki vera að rugla saman mismunandi tímum. Það sem unglingum hættir þá til að gera er að tala nútímamál, oft lélegt á köflum, með einhverjum “forníslenskuslettum”.

Slangur er ekki endilega svo slæmt, slangur og slettur hafa alltaf verið heldur stór partur af málinu, sérstaklega almennu talmáli. Kenderí er til dæmis dæmigerð dönskusletta sem var algeng á fyrri hluta liðinnar aldar, og rakst ég reyndar á hana í smásögu frá 1939 fyrir stuttu.

Fyrst þú minnist á Halldór Laxness, þá var mál hans mjög framúrstefnulegt, hann lét sig litlu skipta gildandi reglur um stafsetningu, skrifaði t.d. únglíngur, en ekki unglingur, svo að hans dæmi mælir frekar gegn máli þínu en með.

Þú ættir frekar að einbeita þér að því hvernig á að tala vandað nútímamál en að reyna að tala eitthvað fornmál, þó þér þyki það rosalega töff.

Einar Axel

Sjálfur er í 16 ára. Og ég hef tamið mér það að skrifa miklu formlegra en ég tala. Veit ekki afhverju. Maður hefur einhvernveginn meiri tíma og það er enginn sem þrýstir á mann að svara, þannig að maður hefur meiri tíma til þess að koma orðum sínum fallega á framfæri.

Íslenska er besta mál í heimi! Danska er líka svolítið svöl… ;)

Ég er ekki fífl!