Heyr heyr [:

Nokkuð sammála greinahöfundi.

Já þetta er sorglegt hvernig Bandaríkin eru að koma sínum gildum og siðferðum yfir á allan heiminn. Ég skil ekki af hverju fólk móðgast við að sjá nakinn líkama, en þetta er orðið frekar asnalegt.

Sama fólkið sem er að kaupa plötur með og fara með börnin sín á tónleika með Britney Spears og Christina Aguilera (sem eru hálf naktar always), er að hneyksla sig yfir að hafa séð hálft brjóst í tvær sekúndur. Þetta kalla ég ekkert nema hræsni.

Heyr, heyr, heyr!

Hafiði hugsað út í eitt…. Kananum finnst allveg sjálfsagt að sýna sundurtætta mannslíkama, styrjaldir, eymd og jafnvel gróft ofbeldi í fréttatímum
og ég tala ekki um í flestum kvikmyndum sem koma frá blessaðri Hollywood.
En þegar sést í bert holt, í þessu dæmi brjóst Janetar Jacksonar,í brot úr sek, þá æpa og ópa 89 milljón manns, stökkva til, fara með fúkyrði og banna allt
og alla.. ganga meira segja svo langt að setja seinkun á einhverja beina (sem þá er ekki bein) útsendingu á næstunni.
Hvað halda Kanar að fólk geri, standi út um stræti og torg, rúnkandi sér og hugsi… “he ha ég sá brjóst Janetar Jacks” ?
Þvílíkir……………….

Sammála! Svo sást ekki einu sinni í ALLT brjóstið á konunni (skraut þakti geirvörtuna eins
og greinarhöfundur benti á).

Sammála, ég er kominn með ógeð á þessu! Mannfólkið hefur tengt kynferði/kynhegðun/frjósemi við menningu alveg frá því við vorum hellisbúar!

Madonna, Britney og Christina kyssast smá í “Like a virgin” brúðkaupsatriði (þar sem þær voru að gera grín að Hollywood) og heimurinn skelfur! Fær meiri athygli en t.d. hryðjuverkaárás í Afríku myndi fá. Og já núna seinast brjóstið á Janet…. Og það seinasta sem maður heyrir er að ÞAÐ SÉ BÚIÐ AÐ BANNA HENNI AÐ MÆTA Á GRAMMY VERÐLAUNIN!

Fólk sér aðrar menningar… t.d. magadans. En þá er allt í lagi að konurnar dilli rassinum af því að þetta er “þeirra menning”, en svo þegar það eru poppsöngkonur að þá er það ósiðlegt.

Ég styð jafnrétti kynjanna en ég þoli ekki feminazista dæmi.

Nú er byrjað líka að nota karlmenn meira sem kynverur í fjölmiðlum en það er bara allt í lagi, t.d. í myndbandinu “Ladies night”. Enginn segir neitt þá, engir feministar tala um að það sé verið að niðurlægja karlmenn.

Það nýjasta sem ég hef heyrt er að myndbandið “Toxic” með Britney Spears sé að ýta baráttu feminista mörg ár aftur í tímann, aðeins af því að hún er nakin í einu atriði með demanta út um allan líkamann. En myndbandið snýst um að HÚN sé að NOTA KARLMENN til þess að fá það sem hún vill, og enginn talar um að þetta sé niðurlægjandi fyrir karlmenn.

Svo geta poppsöngvara gripið á sér klofið á sviði án þess að það sé sagt neitt!

Ég er sammála þér að mestu leyti en vil bara benda á að það er stór munur á heilbrigðu kynferði og nekt annarsvegar og klámi hinsvegar. Það er hægt að sýna nekt þannig að það sé ekki klámfengið.

Reyndu - reyniði - að setja ykkur í okkar spor. Bara einu sinni.

“Er það málið? Að ef kona er nakin, þá sé búið að niðurlægja hana? Og ekki bara hana, heldur hreinlega ALLAR konur?! Ég spyr aftur, er ekkert allt í lagi?!”

Þetta er ekki spurning um eina eða tvær naktar konur - þetta er spurning um hlutgervingu kvenna í gegnum aldirnar og tilraunir til að sporna við henni. Sú hugmynd að kvenlíkaminn sé söluvara - líkami konunnar eina virði hennar - eina sem hún hefur að bjóða heiminum. Þetta er viðhorf sem hefur haft frelsissviftandi áhrif í gegnum aldirnar. Konur - líkamar þeirra - voru notaðir og nýttir umhugsunalaust vegna þess að þeir voru séðir sem eign karla. Hvort sem það var til barneigna, heimilisþrifa eða kynlífsathafna. Ekki fengu þær að ganga í skóla. Konur sem hugsuðu þóttu sjúkar - fundinn var upp sjúkdómur til að útskýra hegðun kvenna sem ekki voru sáttar við sitt hlutskipti - móðusýki (hysteria). Lækningin var gjarnan legnám eða vist á geðveikrahæli. Þær fengu ekki að taka ákvarðanir um eigin framtíð, eigin líkama, eigin samfélagsaðstæður. Svona gengu hlutirnir meira eða minna fyrir sig í þúsundir ára. Konum var ekki skemmt. Það er ekki fyrr en á síðustu 100 árum sem dæmið fór eitthvað að snúast við - að konur fóru að geta markað sína eigin braut í lífinu; kjósa, vinna og segja “nei” þar sem við átti. Samt komust ekki almennilegar skriður á málin fyrr en fyrir svona 30 árum. Því breytingar gerast hægt. Samfélag okkar er markað og mótað af þúsund ára karlrembu viðhorfum - það er í sögu okkar, menningu, tungutaki - og það einfaldlega þýðir ekki að reyna að breyta neinu nema með því að taka fast á. Berrassaðar stelpur sem selja súkkulaði eiga ekki eftir að rífa niður allt það starf sem feministar hafa unnið á síðustu áratugum en það skref aftur á bak. Því þið eruð flón ef þið haldið að hægt sé hætta jafnrættisbaráttum þegar búið er að sýna smá viðleitni. Það er nefnilega allt of auðvelt að missa niður það sem unnist hefur. Öll siðmenningin vinnur á móti kvenréttinum - bara Biblían er gott dæmi - og hún er öflug afl. Eigum við að treysta því að á meðan berum bossum og brjóstum fjölgar í fjölmiðlum muni strákarnir muna eftir því að bera líka fyrir virðingu fyrir vitsmunum kvenna? Muna að þær eru eitthvað meira en viljug flissandi kynlífsleikföng?

Ekki rugla feminisma saman við púritanisma. Það er enginn að segja að við eigum að hverfa 100 ár aftur í tímann með krínólínið rykkt upp í háls. Það er hægt að gamna sér með kynferðið án þess að fara út í líkaminn-sem-söluvara pakkann. Madonna - og jafnvel Janet Jackson - eru gott dæmi um þetta. Þær eru að leika sér með kvenleika og kynferðis sitt á sínum forsendum og er það hið besta mál. Ráðvilltar útúrdópaðar stelpur dillandi rassinum utan í rappara sem kalla þær hórur er slæmt dæmi. *Það* finnst mér sjúkt.


Þessi pistill er fullkomlega á ábyrgð höfundar og ekki í boði neinna félagasamtaka.

Já ég er sammála greinarhöfundi. Svo er líka eitt sem ég skil ekki, ef að öllum heiminum finnst þetta svona sjúkt af hverju eru fjölmiðlar um allan heim að sýna þetta hvað eftir annað. Af hverju er heimsbyggðin ekki brjáluð út í fjölmiðlana frekar?

Pæling…

þú vilt ekki vita hvað ég var ánægð með að lesa greinina þína en svo skyndilega hryllilega svekkt. Kallaðu mig bara fúlan femínista en það vill svo til að ég er óánægð með það að þú skulir virkilega hafa þetta álit á öllum femínistum og setja þá undir sama hatt ALLA SEM EINN. Það er ömurlegt og óvinveitt. En rökstuðningur þinn er magnaður þegar kemur að aðalpointinu. Það er ekki í lagi að við séum svona hrædd við nekt. Ég æli næstum, það er allt blörrað og fólk er hrætt við brjóst ef það á börn (nú vil ég samt ekki setja alla foreldra undir sama hatt….)

það eru fáránlega ósanngjarnar forsendur um það sem gildir um kynin og hvað viðkemur virðingu gagnvart kynferði þeirra. Fegurð kvenna og gáfum á að fagna og það sama gildir um karlmenn.

Janet J fer í taugarnar á mér og allt sem hún gerir er hallærislegt, þetta líka. Sýnir samt bara frammá fáránleika hennar sjálfrar og er ekkert sem neinn þarf að óttast. Krakkar eru ekki heimskir og hallærislegir (nema náttleg ákveðin föst prósenta og við því er ekkert að gera)

Það sem gerði þessa auglýsingu mjög skemmtilega var að hún sýndi svo sætt hvað karlmenn geta verið miklar dúllur þegar þeir láta sig dreyma og kvenfólk er fagurt. Svo var auglýsingin bara búin og maður gleymdi henni. Enn og aftur ekkert að óttast og það þarf að finna skrítna femínista sem létu þetta fara í pirrurnar á sér.

En ég dreg mörkin um hvað mér finnst eðlilegt og ásættanlegt við það sem ég forðast þá að horfa á, vissa niðurlægingu á konum sem oft á sér stað í tónlistarmyndböndum, en ég myndi aldrei láta mér detta í hug að það yrði bannað að sýna svoleiðis myndbönd. Ég nenni ekki að pæla í því en einhverjir greinilega gera það… Svo er það bara réttur minn sem manneskju að reyna að láta tónlist sem ég veit að er betri en margt annað, heyrast ´frekar en einhver viðbjóður. Krakkar þurfa einhverntímann að læra að verða rokkarar svo það er góðverk

Svo er annað fólk sem horfir á klám, mér finnst það ógeðslegt en ég upplifi mig sem ákveðinn minnihluta í tepruskap og sætti mig bara við það. Ég get bara hugsað um sjálfa mig og það sem mér er fyrir bestu, ég vil ekki skipa öðrum fyrir eða hafa áhrif á samfélagið með því að banna öðrum að gera hluti. Frekar bara að vona að mannkynið verði alltíeinu öllu treystandi fyrir sjálfu sér, en það mun aldrei gerast.

Leyfum því nekt, við erum bara dýr í gerviefnum

Armon,
þú ert örugglega ágætur, en þessi móðursýkislegi tónn í skrifum þínum er farinn að fara nett í taugarnar á mér.

Ég á við, mér finnst líka óþarfi að vera með einhverja hysteríu yfir að það hafi sést í brjóstið á Janet Jackson. Ég skil ekki af hverju fólki finnst það yfir höfuð merkilegt. Það var planið að koma með eitthvað MTV atriði í hálfleik á SuperBall, sem átti að vekja eftirtekt og undrun. Það tókst.
Yfir hverju er þá hægt að kvarta? Þetta var ætlunin! Ég er reyndar afskaplega undrandi á því að svona ómerkilegt atriði skyldi ná að vekja jafn mikla eftirtekt, en hey, ég stóð ekki fyrir þessu og er því nokkuð sama.

Þú ert alltaf vælandi yfir því hvað aðrir skuli vera að troða sínu siðferði yfir á aðra og eitthvað svona bla bla bla, en hvernig væri að líta þér nær? Ertu ekki svo hlynntur tjáningarfrelsi? Samt virðistu vera alveg hræðilega á móti því að fólk sem hefur öðruvísi siðferði en þú sjálfur fái að tjá sig.
Athugaðu líka næst þegar þú sakar femínista um að heimta að eitthvað sé bannað, að leita þá uppi sannanir á því að þeir séu raunverulega að fara fram á bann, en ekki bara að nota tjáningarfrelsið til að tjá sitt siðferði.
Þetta er nefnilega tvennt ólíkt.
Ef þú ert eins málefnalegur harðlínufrjálshyggjusinni eins og þú gefur þig út fyrir að vera, þá bara verðurðu að þola það að fólk með öðruvísi skoðanir og/eða siðferði en þú fái að tjá hug sinn, hneykslast og skammast, alveg eins og þú færð að gera slíkt hið sama sjálfur.
Kveðja, eaue

Ég veit varla hverjum ég er sammála hérna en allir eru þó að segja einhvað satt.
Það má skilgreina feminista í tvo hópa.
Þá sem að vilja jafnrétti og þá sem að vilja bara fá sífelt meira og gefast ekki upp fyrr en karlar verða orðnir eins og konur voru fyrir um 500 árum.
Ég viðurkenni að ég tilheiri sennilega fyrri hópnum. Ég vill bara jafnrétti ekkert annað.

Sammála Armon. Þetta er ömurlegt.

Gleymdi einu:

HVAÐ ER FUCKINGS MÁLIÐ MEÐ BANDARÍKJAMENN???!
Þeir hneikslast af því að sjá bert konubrjóst í eina og hálfa sekúndu! Og svo er það einnig þetta með kossana þeirra Madonnu, Christinu og Britney. Vaaaá, ekki einusinni sekúnda!!!

http://www.kvikmynd.is/myndband.asp?id=97 7

Sammála greinarhöfundi að flestu leiti.

Það er undarlegt að fólk skuli vera mun viðkvæmara fyrir því að sjá nakinn mannslíkama t.d. í kvikmyndum, heldur en að sjá sama líkama kannski brytjaðann niður á allan hugsanlegan hátt með tilheyrandi ógeðslegheitum.
Annað er flott, hitt er ógeð, en með öfugum formerkjum.

Mannslíkaminn er ekki neitt til að skammast sín fyrir, þrátt fyrir að enn skuli til fólk sem getur ekki háttað sig nema einsamalt og í myrkri.

Lotti

“Sjónvarpsáhorfandi hefur ákveðið að höfða skaðabótamál gegn Janet Jackson vegna þess að hún beraði á sér annað brjóstið í hálfleik Super Bowl-ruðningsleiksins.
Hinn 47 ára bankagjaldkeri Terri Garlin hefur fengið lögfræðinga til að útbúa fyrir sig átta blaðsíðna lögsókn á hendur Janet þar sem hún lýsir því hversu alvarleg áhrif uppátæki Janet hafði á hana og aðra Bandaríkjamenn, hún hafi orðið ”hneyskluð, reið, vandræðaleg og hlotið alvarlegan skaða af“.

Verði Janet fundinn sek, ásamt ábyrgðarmönnum útsendingarinnar MTV, CBS og Viacom, á hún yfir höfði sér fjársekt sem gæti numið milljónum dala. Er í málshöfðuninni ítrekað að fjöldi barna hafi horft á Super Bowl og hlotið varanlegan skaða af.

Ábyrgðarmenn útsendingarinnar hafa svarið af sér að hafa haft vitneskju um uppátækið og Justin líka og hún hefur viðurkennt að þetta hafi verið hennar hugmynd.

Fyrir vikið hefur verið ákveðið að leyfa henni ekki að koma fram á Grammy-verðlaunahátíðinni eins og áður hafði verið fyrirhugað, auk þess sem beinu útsendingunni verður seinkað um fimm sekúndur til að fyrirbyggja að annað eins hneyskli geti komið upp. ”

Þessi frétt byrtist á Mbl.is í dag.

Ég er orðlaus…

“Þetta er sama fólkið og gagnrýndi hvað harkalegast Freyju Draums auglýsinguna, ”Góður draumur, maður!“. Ég hef séð þessa auglýsingu mörgum sinnum, og hún skartar mjög fallegu kvenfólki og Jónsa Í Svörtum Fötum að dreyma það eina sem karlmenn almennt dreymir um.”

Vá hvað sumir eru komnir stutt niður úr trénu.

Eg er ordin rosalega pirrud a tvi hvad ordid feiminsmi er “ljott”

thad ad vera feministi thydir einfaldlega ad thu vilt jafnretti fyrir konur og karlmenn…
thad eru vissilega mismunandi stig a feminisma en thad er min skodun ad allir aettu ad vera feministar, karlmenn og konur thy thad aettu allir ad vilja jafnretti..
feministar vilja ekki na ser nidri a karlmonnum eda fa tha nidur a sitt stig i t.d. launum og tvi um liku.. thad sem feministar vilja er ad konur komist upp a haa stigid sem karlmenn eru a…

Hvort finnst ykkur afbrigðilegra sjónvarpsefni?

fullt af risastórum, sveiitum köllum að berja, merja, ýta, og troðast á hvor öðrum til að ná að koma uppblásinni tuðru yfir einhver endamörk.

Eða kona að sygja og það sést í uppsprettu móðurmjólkur, sem er tákn tengsla barns og móður, á konu sem er að syngja.

Það hefði verið gert minna veður yfir þessu málið hefði Justin skotið Janet á sviðinu.. Bandaríkjamönnum finnst allt í lagi að sýna stanslaust ofbeldi, bæði í fréttum og bara sem “entertainment” en um og leið og það sé svo mikið sem nakið hold á kvenmanni þá fer allt út um þúfur hjá þeim.

Það er alveg rétt, þetta viðhorf er sjúkt. Það er fátt jafn fallegt og nakinn kvenmannslíkami og ég skammast mín bara ekki vitund fyrir að segja það!

Leyfum börnunum okkar að spila tölvuleiki þar sem að leikurinn gengur út á að drepa, leyfum þeim að horfa á ofbeldi í sjónvarpinu, en forðum þeim frá viðbjóðnum nekt..