Samt margt betra…

T.d. að það er styrkt framhaldsskólanemendur fjárhagslega og það er séð betur um gamla fólkið.

“Ég er ekki að grínast, ég sá svona 10-12 ára stelpu einu sinni kaupa bjór og tóbak og bland fyrir afganginn. Og er verið að tala um að það sé einhver léilegur viðbúnaður varðandi áfengi og tóbak? Þegar stóra systir mín var að fara á eitthvað ball held ég í 8. bekk var sagt á miðanum: ”ATH það má hver og einn aðeins drekka tvo bjóra og eitt vínglas á skemmtuninni.“Þetta eru 15 ára krakkar og þeim er BOÐIÐ upp á bjór.”

Ég skil með 10-12 ára krakka… en ég sé í raun ekkert að því að 15 ára unglingar séu að drekka bjór.

Danska kerfið er bara kjaftæði… þeir leyfa Kristaníu, sem er stútfullt af eiturlyfum, ég fór til Danmerkur og sá þar nokkra kalla byrja að drekka áfengi um klukkan 9 á virkum degi.

Þetta land er á leið í hundana, og ég segji að Ísland ætti að slíta öllum samböndum við það áður en það gerist :D

Já síðann talað um Rasisma á Íslandi… við erum ekki með svo mikinn rasisma, ég meina forsetafrúin kemur alla leið frá Ísrael. :D

En kannski er svoldið um það og ég er að pæla í því að gera grein um það… en svo virðist sem allar mínar greinar verða að korkum :S

Snoothe

Öll lönd hafa kosti og galla. Rasismi er til allstaðar hvort sem það er í Danmörku, Íslandi eða Tyrklandi og ástæða hans er yfirleitt fáfræði. Um það að danska skólakerfið sé lélegt veit ég ekki en efast um að það sé það þar sem að Danir koma ágætlega útúr öllum könnunum þar sem geta skólabarna er borin saman milli landa ólíkt frónbúum sem geta varla reiknað.

Íslenskt púritana viðhorf til áfengis er svo forpokað að maður getur ekki talað um það ógrátandi. Hér í UK þar sem ég bý er ekkert athugavert við að fá sér einn til tvo pint-a (er aðeins meira en 1/2 líter) í hádeginu og svo nokkra eftir vinnu með vinnufélögunum. Í hádeginu einu sinni í Reykjavík gerði ég þetta, fékk mér 2 bjóra og það var lið sem horfði á mig með fyrirlitningu - DAGdrykkjumaður - mátti lesa úr svipnum.

Það að kakkar séu að kaupa bjór, það er þá væntanlega skárra að láta leibílstjóra okra á krökkunum eða að drekka landa? Nú eða að nauða í foreldrum um að gerast lögbrjótar og kaupa fyrir mann.

Punkturinn er (loksins) að öll lönd hafa sína kosti og galla og fyrir utan fallegt landslag þá eru kostir Íslands frekar fáir miðað við flest lönd í Evrópu!!!!

1. Þú alhæfir SVO mikið! Það var tekið alveg rosalega vel á móti mér hvar sem ég kom þegar ég flutti til Danmerkur. Hvernig eitthvað fólk kom fram við ykkur sýnir ekki hvernig allir Danir eru. Reyndar er rétt hjá þér að margir danir eru rasistar. Samt efast ég ekki um það að Íslendingar eru alveg eins, ef ekki verri. Danir eru bara að upplifa svo mikið af glæpum og vandamálum í sambandi við innflytjendur að sérstaklega gamla fólkið er á móti því að það koma fleiri inn í landið. Það er samt sem áður ákveðinn rasismi i gangi, það er alveg rétt. En athugaðu: það sem þú upplifðir var ekki rasismi þar sem að ég geng út frá að þú sért hvít. Afsakaðu mig ef það reynist rangt :) Auðvitað er settur texti, maður þarf að geta skilið það sem sagt er! Ekkert er eðlilegra.

2. Ég veit ekki betur en svo að danska skólakerfið skili fullt af vel lærðu fólki út í þjóðfélagið. Danir læra hlutina öðruvísi. Í stað þess að gera eins og á Íslandi þar sem að maður lærir hlutina utanbókar - er maður látinn SKILJA hvað maður er að vinna með til fullnustu. Krakkar byrja ekki í prófum fyrr en í 9. bekk í Danmörku á meðan íslensk börn byrja að fara í próf í þriðja bekk eða eitthvað. Bæði eru öfgar. Danir í eina áttina og íslendingar í hina. Ég vil hallast að því að það sé betra í Danmörku, það er ekkert stress í skólanum og öllum líður vel. Íslenskt skólakerfi er heimskulegt, próf, próf, próf og aftur próf. Svo er þetta næstum því allt skriflegt! Munnlegi parturinn er mjög mikilvægur líka en virðist gleymast algerlega í íslenskum grunnskólum.
Hefur ekkert hvarflað að þér að það hafi verið haldinn fundur til að tryggja það að allt hafi verið í lagi áður en þú byrjaðir? Þótt að þú komir “bara” frá Íslandi þá er það samt erfitt fyrir hvern sem er að “byrja upp á nýtt” í öðru landi.
Hvernig helduru að útlendingum sé kennd íslenska? Alveg eins og úti.
Þú ert að alhæfa og enn og aftur miðaru við það að allir skólar séu eins og þinn skóli var.

3. Auðvitað er það bull að börn geti bara keypt sér bjór og sígarettur útí búð. En það er líka bull að maður þurfi að vera orðinn 20 ára til að kaupa sér áfengi á Íslandi. 20 ára! Lögráða manneskjur, jafnvel komnar með heimili og barn - mega ekki kaupa sér áfengi! Ég segi bara 18 á allt! Eins og í skólakerfinu: öfgar í sitt hvora áttina.

KV. Tobba3

Vá! Og heimurinn er s.s. bara eins og þú sérð hann?

“Danir hugsa þannig að Danmörk er fyrir þá eina”

Og hvað eru margir Íslendingar sem hugsa ekki svona um Ísland? Mín ágiskun er sú að þeir eru ekki margir!

“Þar er engin krafa lögð á börnin það er aldrei sett fyrir heima og það er ekki neitt.”

ÞVÍLÍK ALHÆFING! Ég hef unnið sem kennari í dönskum grunnskólum (2. bekk og uppúr) og þetta er bull og vitleysa!!! Það er reyndar gerður greinarmunur á því hvað barnið er gamalt og því fá yngstu börnin ekki mikinn heimalærdóm. Þú varst í yngstu bekkjunum, og ef þú varst eins dugleg og þú heldur fram, þá er líklegt að þú hafir náð að vinna heimavinnuna í tímunum án þess að vita af því. Miðbekkjunum og elstu bekkjunum er sett ágætlega mikið fyrir, og dönsku börn eru komin lengra en íslensk í stærðfræði í lok grunnskólans.

“Svo þegar það átti að kenna okkur dönsku var ætlast til að við vorum fæðingahálfvitar. Það var talað við okkur eins og við værum einhverjir hálfvitar sem kynnu ekkert að lesa og ekkert að skrifa eða neitt.”

Nú skrifaðir þú sjálf að þú hafir verið í skóla þarna á 8-10 ára aldrinum. Segðu mér kunnir þú að lesa og skrifa dönsku? Er eitthvað athugavert við það að kennararnir þínir, sem tala annað tungumál en þú, vilji tryggja það að þú fáir undirstöðuatriðin í dönskunni, og sömuleiðis tryggja það að þú kunnir það sem þú átt að kunna til að vera í þessum árgangi í skólanum? Ég ætla rétt að vona að ALLIR kennarar sem taka á móti nýjum útlenskum börnum geri þetta, því að þetta er besta leiðin til að koma í veg fyrir að börnin lendi í vitlausum bekk miðað við hæfni.

Þú hefur verið að skrifa að Danir séu lélegir og kunni ekki neitt. Segðu mér þá eitt, hefur þú skoðað meðaleinkunnir á samræmdu prófunum í 10. bekk á Íslandi? Mér hefur nefnilega sýnst vera ágætlega stórt hlutfall sem fellur í gegnum síðustu ár og áratugi þrátt fyrir að börnin séu vön að taka próf! Og að ég tali nú ekki um hversu lágt hlutfall nemenda á Íslandi heldur áfram í skóla eftir grunnskóla miðað við Danmörku.

Tóbak og bjór … Það er 15 ára aldurstakmark til að kaupa léttvín og bjór í Danmörku. 18 ára sterkt vín og sígarettur, mig minnir allavega að aldurstakmarkið fyrir sígaretturnar hafi verið hækkað fyrir stuttu. Lögin eru svona og því ekkert athugavert við að 15 ára börnum sé leyft að drekka bjór. Þú hefðir ekki getað keypt vörurnar þegar þú varst 9 ára, það er bull og vitleysa og þú veist það sjálf. En hefurðu litið í kringum þig á Íslandi? Reykja krakkar sem eru yngri en 18 ára ekki? Síðast þegar ég vissi þá hefur aldurstakmarkið ekkert að segja! Og var ekki könnun í Hafnarfirði um daginn sem sýndi að sjoppurnar eru ekki að virða aldurstakmarkið?

“…og þeir voru með rauðvínsskáp á kennarastofunni”

Hahaha, þú ert að djóka! Er kennarastofan ekki vinnustaður kennaranna? Kemur nemendum það við hvort það sé rauðvínsskápur á kennarastofunni? Þú kallar þetta rauðví´nsskáp, held nú frekar að þetta hafi verið hilla eða skápshorn þar sem flöskur voru/eru geymdar. Kennararnir eru jú ekki að drekka vínið í frímínútunum!!!! Ástæðan fyrir skápnum er líklega sú að þar hafa verið geymdar vínrestar frá julefrokostinum.

Ég held að þú ættir að slappa aðeins af í alhæfingunum!

Sá að þú skrifaðir í öðru innleggi að einhver 19 ára strákur væri að lesa læknisfræði. Hvað er athugavert við það? Þú klárar stúdentsprófin í Danmörku 19 ára, og hvers vegna ætti hann þá ekki að fara í það háskólanám sem hann brennur fyrir? Heldurðu að hann sé minna hæfur en sá sem klárar ári seinna á Íslandi? Það eru sömu kröfur til námsins í Danmörku og á Íslandi, og segir það ekki sitt um skólana í Danmörku? Það tekur þig 14 ár á Íslandi á klára stúdentsprófin en 12 ár í Danmörku (børnehaveklassen er ekki skylda)! Hvernig ætli Danir fari að því að læra sama efni og Íslendingar á mun styttri tíma, sérstaklega ef þeir læra aldrei heima og kunna ekki neitt eins og þú heldur fram? Síðast þegar ég vissi þá voru læknar menntaðir í Danmörku engu síðri en læknar menntaðir í HÍ.

Einhvern veginn kæmi það mér ekki á óvart ef þú veldir að mennta þig í Danmörku seinna meir. Þú átt jú rétt á SU ef þú bjóst í DK í tvö ár eða lengur sem barn. Og þá er Danmörk allt í einu ekki svo slæm, það má nefnilega notast við kerfið þegar manni hentar, ekki satt?