flanger fyrir 23 árum, 9 mánuðum Fjöldi lestra: 192

Landvirkjun í blekkingarleik

Þessi frétt var á mbl.is áðan.
———-
Ætla má að bættar samgöngur á hálendishluta fyrirhugaðrar Kárahnjúkavirkjunar fjölgi í heild ferðamönnum þar um slóðir en að ýmsir þeir sem gera miklar kröfur um lítt snortið land muni ekki sætta sig við virkjunarframkvæmdir og færa sig um set. Þetta kemur fram á vef Landsvirkjunar um Kárahnjúkavirkjun og er tekið úr greinargerð um ferðamál og samgöngur sem Landmótun ehf. landslagsarkitektar gerðu í tengslum við mat á umhverfisáhrifum Kárahnjúkavirkjunar tóku saman.
———–

Þetta er eitt stórkostlegasta blekkingarsjónarspil sem Landsvirkjun hefur beitt lengi. Áhugamannafélög eins og Afl fyrir Austurland og STAR hafa reynt að halda þessu fram en nú hefur þeim borist “liðsauki” með Landsvirkjun og Landmóti. En hver er blekkingin spyrjið þið kannski? Hún er þessi.

Náttúruverndarsinnar hafa margsinnis reynt að benda á fleiri leiðir en virkjanir til þess að hafa peninga út úr svæðinu og styðja við atvinnulíf á Austurlandi. Í þeirri umræðu hefur ferðamennska komið hvað eftir annað upp á borðið enda ljóst að þar liggur einn af mikilvægari vaxtarbroddum efnahagslífsins. Sumir ferðamálafræðingar hafa jafnvel gengið svo langt að segja að íslensk ferðþjónusta leggist alveg af verði virkjað á svæðinu. Með því að benda á þá augljósu staðreynd að með bættum samgöngum aukist ferðamannastrauminn telur landsvirkjun sig vera búna að ná yfirhöndinni í umræðunni. Forsvarsmenn hennar reyna að hampa því að fólk muni keyra á “þeirra vegum” til þess að skoða svæðið. Þetta er náttúrulega svo mikið kjaftæði vegna þess að það er vel hægt að byggja vegi án þess að byggja virkjun og byggja upp ferðaþjónustu án þess að byggja virkjun. Það er verið að reyna að slá ryki í augun á fólki til þess að réttlæta þetta umhverfisslys. Menn er bara svo uppteknir af þessari virkjun að þeir telja sig verða tengja hana við allar leiðir sem eru færar. Það er merkilegt til þess að hugsa að á Djúpavogi, þar sem virkjunar/stóriðjuumræða hefur aldrei náð neinni fótfestu hefur íbúum nú fjölgað um 6%, eingöngu vegna þess að þar töpuðu menn sér ekki í þessum gamaldags stóriðjuleik og einbeittu sér að öðrum leiðum til að styrkja byggðina. Maður getur annað en spurt sig af hverju Landsvirkjun, ríkisstjórnin með Halldór Ásgrímsson í fararbroddi og Afl fyrir Austurland er nú búið að eyða nærri 4 árum í “baráttu” fyrir stóriðju á meðan hvert einasta byggðarlag hefur tapað 6-10% íbúanna á hverju ári. Ætli Halldór sér að reisa sér minnisvarða í þessari virkjun er orðið alveg ljóst að undirstöður þess veikjast með hverju árinu sem líður án þess að nokkuð gerist. Fólk fær einfaldlega nóg af því að bíða en hafi það eitthvað annað fyrir stafni eru meiri líkur á því að það haldist. Djúpavogkeisið sannar það. Ríkið og landsvirkjun ætti þess vegna bara að blása allt heila klabbið af og fara að gera eitthvað raunhæft. Austfirðingar eiga það skilið.

Rx7 fyrir 23 árum, 9 mánuðum

Í fyrsta lagi langar mig að spyrja hvort þú hefur nokkurntíman komið á þetta svæði sem ég efa stórlega.
Í öðru lagi langar mig að benda á svæðið í kringum aðrar virkjanir eins og til dæmis virkjanirnar í þjórsá á suðurlandi, þar sem að umferð ferðamanna hefur stóraukist eftir að vegir voru lagðir þar í kjölfar virkjanaframkvæmda. Vegir sem voru fyrir á þessu svæði hafa stórbatnað og má til dæmis benda á að nú eru aðeins örfáir kílómetrar af leiðinni að landmannalaugum ómalbikaðir og hefur það gert það að verkum að MUN fleiri hafa getað skoðað þetta ægifagra landsvæði. Með tilkoma þessa malbikuðu vega er ekki lengur bara á færi þeirra sem eiga einhverja risastóra fjallajeppa (sem ma benda á að valda miklu meiri landspjöllum heldur en nokkur virkjun) heldur komast langflestir fólksbílar nú þarna uppeftir. Einnig má benda á að Landsvirkjun hefur eitt fleiri milljónum króna í fegrun svæðisins í kringum virkjanirnar og í lagfæringu á þeim náttúruspjöllum sem ekki aðeins virkjanirnar hafa ollið heldur líka ferðamenn.
Það er fólk eins og þú sem byrja að öskra um landskemmdir og náttúruspjöll um leið og þeir heyra að byggja eigi virkjun á einhverjum stað sem þeir hafa ekki einusinni heyrt um áður sem fara alveg gífurlega í taugarnar á mér.
Og ef þú ert einn af þeim sem þvælist upp um öll fjöll og fyrnindi á einhverjum jeppaskrímslum sem rífa og tæta viðkvæmann gróður og skilja eftir sig dekkjaför út um allt þá er mér jafnvel enn verr við þig.

Rx7

Fyrra álit

flanger fyrir 23 árum, 9 mánuðum

RX7 Þú nærð bara alls ekki því sem ég var að segja. Það er vel hægt að leggja vegi án þess að byggja virkjanir!

Fyrra álit

flanger fyrir 23 árum, 9 mánuðum

RX7
Fyrirgefðu hvað síðasta svar var stutt. Hafði bara svo takmarkaðan tíma fyrr í dag. Hér koma meiri díteilar.

Nei ég á ekki jeppa. Ég hef hins vegar þvælst með hópa erlendra ferðamanna í gönguferðum um mörg af þeim svæðum sem eru í umræðunni. Þegar ég er að andmæla fyrirhuguðum virkjunarframkvæmdum er ég ekki að mæla öðrum umhverfisspjöllum s.s. utanvegaakstri. Ég tel mig hafa mótað mér vel ígrundaðar hugmyndir um umhverfismál og hef margt við alla þessa umræðu að athuga. Ein ömurlegasta klisjan sem maður heyrir illa gefna náttúruverndarsinna segja er “verndum óspillt hálendi Íslands.” Hálendið okkar er gjörspillt, uppblásnar eyðimerkur sem einu sinni voru gróði þaktar sléttur (fyrir ca. 6.000 árum síðan). Það er þess vegna ekki rétt að krefjast banns við öllum virkjunarframkvæmdum á þeim forsendum. Þær forsendur sem við eigum að gefa okkur eiga að snúast um framtíðina, og þá nokkuð langt fram í tímann. Við skulum ekki gelyma því að uppistöðulónið fyllist af framburði á 150-200 árum og þá verður jökulinn að auki horfinn.

Við eigum að krefjast þess að þær aðgerðir sem fyrirhugaðar eru valdi lágmarksskaða og séu undir öllum kringumstæðum afturkræfar. Noti maður þessar forsendur er t.d. vel hægt að réttlæta langingu sæmilegra vegslóða (ekki uppbyggðra vega) um svæðið þannig að hægt sé að djöflast þangað á rútum, leggja göngustíga og leyfa fólki að labba þarna um. Það eru aðgerðir sem komandi kynslóðir eiga auðveldara með að taka til baka fái þær áhuga á því en mörghundruðmetra háar stíflur, sandflæmi sem myndast á botnum uppistöðulóna og tilheyrandi rafmagnslínur.

Ekki kalla mig eitthvað sem ég er ekki og hugsaðu um eitthvað annað en rassgatið á sjálfum þér. Við höfum stuttan tíma hér á jörðinni og eigum að nota hann í eitthvað annað en að eyðileggja fyrir afkomendum okkar.

Fyrra álit

[Notanda eytt] fyrir 23 árum, 9 mánuðum

Ég hefði nú sleppt seinustu orðum síðasta ræðumanns, en ég er sammála.

RX7 er að benda á það sem rétt er, sem er að vegir vegna virkjana hafa stóreflt ferðamannastraum.

Það sem RX7 er aftur á móti að gleyma, er að Flanger er ekki að mótmæla því. Flanger er réttilega bent á það að það þarf enga freakin' virkjun til að mynda vegi. Það er á ábyrgð Ríkisstjórnar okkar að spreða peningunum okkar á réttmætan hátt.

Ég hef sökum framtaks móður minnar verið í nokkur ár, kunnugur ferðamannaiðnaðinum, og get með fullri vissu sagt að þensla í honum er gríðarleg. Það er tvímælalaust bransi sem við eigum að vera að einbeita okkur að. Nú verð ég að viðurkenna að ég er dálítið fordómafullur gagnvart virkjunum, en það þarf líka ekki meira en að virkjanir *sjáist* til að þær séu farnar að hafa ákveðin eyðileggingaráhrif á þessa náttúru sem við erum að reyna að selja miða inn á. Við erum Ísland vegna þess að náttúruna okkar er falleg, og hún er falleg vegna þess að hún er eins og hún er. Og við erum að verða vinsæll ferðamannastaður vegna þess að fólk er að fá ógeð á því sem er erlendis… sem er stóriðja og sólarlönd.

Mér finnst að þessi rangeyga Ríkisstjórn ætti nú að leggja þessa vegi… aftur á móti hef ég vægast sagt takmarkaða trú á því að Ríkisstjórnin skilji almennilega hvað hún væri með því að gera, og því veit ég ekki hvort að það sé nema hinn verri, en okkar eini kostur, að láta virkjun gera þessar samgöngur mögulegar.

Og hvað varðar endanlega niðurstöðu finnst mér að íbúar á þessu svæði ættu að kjósa um þetta, en mér finnst einnig að munurinn þurfi að vera ákveðið mikill til að þessi virkjun verði raunveruleiki. 51% hlynnt á móti 49% á móti væri auðvitað óviðsættanlegt. En ef… 60-70% íbúa eru hlynntir þessari virkjun og hafa góð og gild rök fyrir skoðun sinni ættu þeir að mínu mati að ráða. En aldrei, ALDREI, má gleyma að hlusta á rök minnihlutans.

Fyrra álit

Deiglan

Deiglan

Ofurhugar

Hverjir eru inni

Greinar

Landvirkjun í blekkingarleik

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi