demco fyrir 21 árum, 2 mánuðum Fjöldi lestra: 388

Línuívilnun

Góðan dag ágætu hugarar.

Ég er með smá fyrirspurn til ykkar sem þekkja eitthvað til fiskveiða.
Fyrirspurnin er:
Er einhver hér á huga sem þekkir/veit hvað þessi línuívilnun gengur útá?

Mig langar til að fræðast svolítið um þetta, sérstaklega ef þetta gengur út á að það er auðveldara fyrir nýliðana að komast að í greininni.

Svo er jú líka áætlaður stórfundur á Vestfjörðum um þetta mál og gæti það kostað að ríkisstjórnin falli. Og svo held ég að almenningur viti ekki svo ýkjamikið um hvað þetta gengur út á og heldur jafnvel að þetta sé enn eitt heimtufrekju-útspilið frá trilluköllunum :>)

Vona að einhver geti gefið upplýsingar og frætt okkur um þetta mál
og jafnvel bent okkur á hvar við getum nálgast upplýsingar um þetta.

kv. demco

Callahan fyrir 21 árum, 2 mánuðum

Mér skilst að línuívilnun gangi út á það að ákveðinn prósenta af línuveiði dragist ekki frá kvóta. T.d. ef þú veiðir 100 tonn á línu og það er 20% línuívilnun þá dregst aðeins 80 tonn frá kvótanum þínum og þú færð 20 tonn sem teljast ekki til kvóta.

Persónulega finnst mér þetta bjóða upp á mismunun innan atvinnugreinarinnar og einnig slæmt fyrir fiskveiðistjórn því það yrði veitt eitthvað fram yfir ráðlagðan kvóta Hafró en það hefur yfirleitt verið ákveðinn hærri kvóti en ráðlagður hefur verið og svo bætist þetta á.

En svona er það, enn eitt kosningaloforðið sem ríkisstjórnin ætlar að svíkja:)

Fyrra álit

[Notanda eytt] fyrir 21 árum, 2 mánuðum

Einu sinni var það sem var kallað línu-tvöföldun, 50% var dregið af í nóv-des-jan-feb á ári hverju.

Ég var hlynntur því, enda hvatti þetta útgerðir til þess að stunda línuveiðar, færð ekki ferskara hráefni en krókaveiddan fisk. Og ekki eru skilin eftir veiðarfæri í sjó eins og er gert með netin sem lágu oft í sjó hátt í tvær vikur stundum þegar illa viðraði. Hann var ekki vel útlítandi fiskurinn þá.

Mér finnst ekkert að þessu svo lengi sem það er ekki tekið af öðrum.

Fyrra álit

geirag fyrir 21 árum, 2 mánuðum

Icedrummer:

Línuívilnun er ekkert annað en að einn taki frá öðrum! Segjum sem svo að ég fengi matarívilnun. Báðir fengjum við úthlutað jafnmiklu af takmörkuðum birgðum af mat. En af því ég borða með kínamatsprjónum en þú með hníf og gaffli þá fengi ég að taka 2 bita í staðinn fyrir hvern bita sem þú fengir. Á endanum væri ég búinn að éta meira af matnum en þú og taka minn aukna hlut af þínum hlut, því ekki jókst matarmagnið!

Fyrra álit

[Notanda eytt] fyrir 21 árum, 2 mánuðum

Í rauninni ætti þetta að vera sára einfalt.

Valdið til þess að ákveða kvóta liggur í höndum sjávarútvegsráðherra. Hann fer eftir ráðleggingum Hafrannsóknastofnunar sem oft og iðulega hafa haft rangt fyrir sér í gegnum tíðina og þess vegna óþarfi að fara eftir.

Hann þyrfti bara eitt pennastrik a la Albert Guðmundsson (RIP) og Vestfjörðum bjargað.

Semsagt það er til nóg af mat í eldhúsinu.

Fyrra álit

Callahan fyrir 21 árum, 2 mánuðum

icedrunner:

Afsakið mig en viltu rökstyðja þetta sem þú skrifar:
“Hafrannsóknastofnunar sem oft og iðulega hafa haft rangt fyrir sér í gegnum tíðina og þess vegna óþarfi að fara eftir. ”

Ég veit nú til að iðulega hefur ráðherra farið langt fram úr ráðlögðum kvóta og það sem kemur í staðinn er versnandi ástand stofna m.a. vegna ofveiði. Ertu kannski einn af þeim sem trúir á “fiskifræði sjómannsin” sem virðist ganga út á að ef það finnst torfa á einum stað það sé allt fullt af fiski?

Fyrra álit

Callahan fyrir 21 árum, 2 mánuðum

Fyrra álit

bjozzi fyrir 21 árum, 2 mánuðum

Nei þetta er ekkert sambærilegt við það því það er einfaldlega verið að hvetja menn til þess að stunda umhverfisvænan veiðiskap en ekki einhver risastór troll sem leggja botninn í rúst og þar með uppeldisstöðvar fisksins. Þar að auki er mismununin svo mikil í þessu kerfi að það er alltílæ þó svo að stóru útgerðirnar verði þá bara að leigja frá sér minni kvóta ekki vorkenni ég þessum köllum hjá LÍÚ

Fyrra álit

drekinn fyrir 21 árum, 2 mánuðum

Ég efast stórlega um að þetta verði til þess að ríkisstjórnin falli. Ástæða þess að þeir vilja ekki gefa þeim þetta strax er sú að þeir vilja taka þetta upp á þingi.

Margir útgerðamenn eru á móti þessu.

If you start the day doing nothing, when do you know when you've finished?

Fyrra álit

Deiglan

Deiglan

Ofurhugar

Hverjir eru inni

Greinar

Línuívilnun

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi