af hverju ekki? því fólk er drepið í honum? ég hef spilað drápsleiki með vinum mínum síðan ég var 7 ára og ég er allavega ekki ennþá búinn að fara í skólann með uzi og drepa 20 manns, og fæ ekki martraðir á hverjum degi heldur.
mér finnst allavega allt í lagi að 8 ára krakkar séu að spila Return to castle Wolfenstein.

Ég var ekki að tala um framkomu við börn.
Vitaskuld yrði barninu strítt. ÖLLUM börnum er strítt einhvern tíma á skólagöngunni. Skiptir litlu hvort þú heitir Ljótur eða Jón. Krakkar sem vilja stríða þér finna einhverja leið til að gera grín.
Einnig, ef þetta væri það eina sem skipti máli, þá ættu börn heldur ekki að heita Ljótur. Hvað ef hann hefur millinafnið Drengur? Bæði nöfnin fullkomlega ‘lögleg’.

Allt þetta breytir því ekki að ríkið hefur engan rétt til að segja mér hvaða nafni ég má nefna barnið mitt. Ef ég vil nefna son minn Kaktus, þá kemur það ríkinu nákvæmlega ekkert við.
Hvað næst? Banna mér að eignast börn? Skyldugelding í gagnfræðaskóla?

Jóla Kristi hefði kannski verið strítt á nafninu en foreldrarnir hefðu geta skírt hann Júlí Kristal í staðinn því þau nöfn eru bæði leyfð. Því miður er mannanafnanefnd búin að taka út listann sem var á vefnum yfir nöfn sem hefur verið hafnað. Það hefði verið hægt að sjá það þar hvort þetta væri satt.

Annars efa ég það að slíkt nafn skapi barni mikil vandræði. Vinunum sem alast upp með nafninu finnst það eðlilegt og ef hann flytur þá kemur kannski smá stríðni á meðan nýju vinirnir eru að venjast því líka en það er bara eins og með alla krakka sem eru nýir í hverfi, þeir þurfa að þola smá stríðni. Líklega hefði Jóli Kristur (Jólakristur) verið kallaður Óli eða Krissi og hugsanlega hefði hann breytt nafninu við fermingu. Samt er það nú svo með marga sem heita óvenjulegum nöfnum að þeir vilja ekki breyta þeim þar sem þeim finnst að öll önnur nöfn séu of venjuleg fyrir sig.

Mér finnst orðið ‘nýbúi’ bara svo hrikalega ljótt orð og niðrandi.
Þetta er orð sem er notað til að skilgreina fólk eftir uppruna eða útliti. Ég set það eiginlega í sama hóp orða og niggari.
Afhverju má ekki kalla Íslendinga Íslendinga þó þeir séu nýorðnir Íslendingar?
Hvers vegna er þessi þráhyggja að draga fólk alltaf í einhverja dilka? Það er alveg rosalega mikil þröngsýni.

Rétt er það að margir leggja sig ekki fram við að læra málið og laga sig að nýjum siðum. En sem Íslendingur búsettur erlendis (og telst því útlendingur hér í BNA) þá skil ég seinni partinn vel. Tungumálið er nauðsynlegt að hafa á hreinu til að maður geti bjargað sér í öðru landi, en það er skiljanlegt að fólk vilji halda í gamla siði. Ég t.d. held alltaf jólin á aðfangadagskvöld að íslenskum sið, þó bandaríkjamenn vakni eldsnemma á jóladagsmorgun og opni pakkana á náttfötunum. Ég er ekki trúaður en held jól vegna þess að mér finnst það skemmtilegur tími, hátíð ljóssins. Þar sem ég ólst upp við íslensk jól, vil ég halda þeim hér. Það eru margir aðrir siðir og venjur sem maður hefur tamið sér sem ekki þekkjast hér, rétt eins og það eru siðir og venjur hér sem við þekkjum ekki. Það er ekki nauðsynlegt að ég eigi að gleyma mínum og taka upp hina, bara vegna þess að ég bý hér. Hvað sem einstaklingurinn vill gera, á að vera í lagi. Það er hluti af einstaklingsfrelsinu.

En aftur að hinu… Mér finnst íslenskukunnátta viðkomandi hafa lítið með það að gera hvort þeir kallist nýbúar eða ekki. Íslenska er mjög erfitt tungumál að læra sem annað mál og er skiljanlegt að fólki finnist erfitt að læra öll föllin og beygingarnar - ef við teljum þrjú kyn, fjögur föll, fleirtölu og eintölu, með og án greinis, geta t.d. verið 48 mismunandi útgáfur af sama nafnorðinu. Það réttlætir að vísu ekki lélega íslenskukunnáttu þeirra sem hafa íslenskuna að móðurmáli, því þar eru engar fyrirfram mótaðar reglur að þvælast fyrir.
Ef ég man rétt varð orðið til þegar mikill fjöldi víetnamskra flóttamanna fengu pólitískt hæli á landinu. Augljós merking orðsins nýbúi er jú til að lýsa íbúa landsins sem er ‘nýr’. Ekkert athugavert við það sem slíkt. En notkun orðsins hefur breyst og hefur tekið á sig frekar neikvæða mynd á undanförnum árum.
Hvort sem notkun orðsins á rétt á sér eða ekki, finnst mér það í raun óþarfi.

Ég held líka að í hugum flestra sé orðið nýbúi orð yfir fólk sem hefur flutt til Íslands en er ekki hvítt og lítur ekki út fyrir að vera innfæddir Íslendingar (sbr. flóttamennina frá Víetnam).
Ef ekki sést á fólki að það fæddist ekki á Íslandi, dytti engum í hug að flokka það sem nýbúa. S.s. hvítir “nýbúar” losna við stimpilinn.
Ljótt að segja það, en því miður er það bara þannig.