Nei, þetta er engann veginn réttlætanlegt og ég skil alveg hvernig þér líður í sambandi við þetta.

En er framhaldsnám virkilega bara í Reykjavík? Það er soldið fúlt.

Mér finnst svolítið skrítið að ég greiði fyrir kennslukostnað þinn með mínu útsvari á meðan foreldrar þínir gera það ekki. Geturðu útskýrt fyrir mér af hverju útsvargreiðendur í Reykjavík eiga að greiða þennan kennslukostnað en ekki aðrir?

Af hverju ætti Reykjavík að borga námskostnað tónlistarnema utan Reykjavíkur? Og af hverju vilja hin sveitarfélögin ekki borga námskostnað sinna tónlistarnema? Hér á Akureyri borgar bærinn stóran hluta tónlistarnámsins, en skólagjöld eru nú samt sem áður til staðar.

Svona er þetta… skólar voru færðir yfir á sveitafélögin, og eftir það er sko engin ,,elsku mamma" þegar hart er í ári.

Spáðu bara í hvað þú kýst næst.

bara svo það sé á hreinu þá er það EKKI Reykjavík sem er ljóti kallinn í þessu máli.
Hin sveitarfélögin eru að skorast undan. Sem er frekar súrt í ljósi þess að Reykjavík hefur minnst uppúr sínum íbúum að meðaltali.

Já og fyrir utan allt um hver “ætti” að borga þetta.
Þá er kannski ágætt að þú sjáir hvað þú kostar okkur hin ógeðslega mikið af peningum :D
Ágætis regla að gera bara það sem maður hefur efni á …. hehe
svona á meðan að það varðar ekki líf og heilsu.

Það er mín skoðun.
Niður með tónlistarskóla sem kosta mig 350þ á ári á hvern einasta nemanda.

finnst þér virkilega að reykjavík eigi að borga fyrir þig? mér finnst þetta nokkuð réttlætanlegt þar sem sveitafélagið þitt vill ekki borga. Afhverju kvartaru ekki yfir því frekar en að kvarta yfir Reykjavík?

Hvaða réttlæti er í því að skattgreiðendur greiði niður námskostnað nemenda í tónlistarskólum ??

Þú verður að athuga það að þetta er peningar sem annað fólk hefur borgað í skatta, og einhverjir ákveðnir hópar eiga engann einkarétt á því. Miklu nær væri að nota þessa peninga í eitthvað annað en tónlistarnám, t.d. heilbrigðiskerfið.

Tek undir með öðrum hér að það er auðvitað þitt sveitafélag sem er “vondi kallinn”.
Alls ekkert réttlæti í því að Reykvíkingar séu að borga tónlistarnám fyrir aðra ef þeir neita að borga það sjálfir.

Annars er annað sem ég er að pæla,
eru þá engin skólagjöld í þessa tónlistarskóla ?
Eða eru líka skólagjöld og svo er þetta aukalega ?
Veistu það ?

Því mér finnst skringileg forgangsröðun að ég þurfi að borga 30 þús á mánuði fyrir leikskóla fyrir yngra barnið mitt en eldra barnið mitt gæti lært “frítt” á fiðlu ?

Eins og einhver sagði hér að ofan, þá ætti að halda því nauðsynlegasta fríu, hitt er spurning um val.
Og nú ef við erum orðin svo rík þjóð að geta gert allt sem við viljum á kostnað ríkisins þá er það svosem fínt, en ekki fyrst það skemmtilega og svo það nauðsynlega.

Það finnst mér ekki rétt.

Ég vil nú benda á að Tónlistarnám er síður en svo ókeypis ef einhver hefur látið sér detta það í hug!! Síður en svo! þessi 350 kall bætist bara ofan á skólagjöldin sem eru 80-100 þúsund á ári í Tónlistarskólanum í Rvk og líklega hærri í FÍH.
þetta eru há gjöld..en það er enginn að kvarta yfir þeim. Það sem fólk er ósátt við er að því er skellt á okkur nemendur að sjá um kennslukostnað sem alla tíð hefur verið í höndum borgarinnar að greiða. Kennslukostnaður greiðir laun kennara við skólana. ok. Hvorki ég né aðrir fáum að stunda nám ókeypis.

Auðvitað er það ekkert endilega sanngjarnt að Reykjavíkurborg borgi kennslukostnað fyrir alla nemendur utan borgarinnar… auðvitað á að dreifa kostnaðinum eða eitthvað þvíumlíkt. En það er heldur ekki sanngjarnt að skella ábyrgðinni yfir á nemendur. Og það er ekki sanngjarnt að 240 nemendum sé hafnað um skólavist vegna þess að enginn fæst til að greiða kennslukostnað!

Einhver spurði hvort framhaldsnám væri aðeins í Reykjavík. Eftir því sem ég best veit er svarið já. Að minnsta kosti fæ ég ekki sambærilega kennslu neins staðar annarsstaðar.

Þetta er eins og fólk frá Akureyri þyrfti að fá sveitafélagið sitt til að greiða fyrir það kennslukostnað í MR!

Mér finnst þetta fullkomlega réttlætanlegt af hálfu Reykjavíkurborgar, enda hef ég ekki áhuga á að mínir skattar fari í nám fyrir fólk úr öðru sveitafélagi.
Mér finnst hinsvegar ekki réttlátt að Kópavogur geri ekkert fyrir sitt fólk, fyrst það er greinilega þörf fyrir það.

Góðar stundir.

Alveg eðlilegt.
Af hverju á Rvk að borga fyrir nemendur í öðrum sveitarfélögum? Vil taka fram að ég bý ekki í Rvk.

Ég er ein af þessum óheppnu “útálandingum”. Búin að vera í þrjú ár í Tónó hjá einum af bestu klarinettuleikurum á Íslandi og einum af bestu kennurum á Íslandi og á ég núna bara að fara aftur í tónlistarskólann heima þar sem eini blásturshljóðfærakennarinn er kall sem hefur þá tónlistarmenntun að hafa spilað á básúnu í herlúðrasveit? Ég er ekki viss um að ég myndi komast langt upp í áttunda stigið hjá honum. Kennarinn skiptir ÖLLU máli í tónlistarkennslu!
Ég er ekki að segja að Reykjavík eigi að borga fyrir mitt nám, en ég er í framhaldsnámi, í 7. stigi og ætlaði í kennaradeild í fyrra en það varð að leggja hana niður því LHÍ er með kennaranám hjá sér (sem er fáránlega skipulagt, by the way, auka ár eftir þau þrjú í skólanum) og er þess vegna ekki í lánshæfu námi hjá LÍN (Lánshæft nám hjá LÍN er nám á háskólastigi, ekki framhaldsskólastigi). Ég gæti fengið dreifbýlisstyrk ef ég ætti lögheimili úti á landi en þá má ég ekki vera í tónlistarskóla í Reykjavík því ég er einu ári of gömul til þess að sveitarfélagið vilji borga fyrir mig.
Af hverju eru ekki Tónó og FÍH á kostnað ríkisins eins og aðrir framhaldsskólar?
Það er enginn að segja að Reykjavík sé vondi kallinn, en hugsið samt um það að á meðan við útálandingar erum í skóla í Reykjavík erum við að spila með reykvískum böndum og við kennum börnunum ykkar að spila á hljóðfæri í reykvískum tónlistarskólum því flestir tónlistarnemar vinna sem kennarar í hlutastarfi, við leigjum íbúðirnar ykkar, oft á uppsprengdu verði og við búum í Reykjavík á meðan við erum í námi svo við erum ekki algjör sníkjudýr. Við gefum líka til baka …