Þessi maður er bara með skrítnustu stjórnmálamönnum á alþingi, ásamt bleyjubörnunum Guðlaugi Þór og Sigurði Kára. Svona er hægt að komast langt á því að fyljga Dabba kóng í ystu æsar!

“Ég spyr því fyrir hvern er Pétur Blöndal á alþingi?”

Mig!

Góðar stundir.

Jújú, ætli hann sé ekki líka minn þingmaður.
Og nei, ég er ekki moldrík eða forstjóri.

Eyrún

Pétur Blöndal er alveg spes og einn á bát oft í sínum skoðunum.
Ég get ekki sagt að ég hafi nokkurntíman verið sammála honum (að mig minnir) en ég ber virðingu fyrir því að hann einn manna innan Sjálfstæðisflokksins þorir að segja sínar skoðanir þó að þær séu í andstöðu við skoðanir foringjans, en merkilegt nok, þá eru þær það mjög oft.
Ekki veit ég hvers vegna hann fær spes meðferð innan flokksins, því aðrir sem þora að tala og brjóta á “BORG”-sameynd flokksins eru yfirleitt útskúfaðir.

En varðandi sjálfa sjálfstæðismennina þá veit ég ekki hverjir kjósa hann, fólk er svo skrítið að það pælist stundum ekkert hvað það er að kjósa.

Já mæli með að fólk kjósi ekki X-D árið 2007 :)

Má ég spyrja og plz ekki svara með skítkasti: Afhverju er þessi grein ekki á Stjórnmálum?

Það er bara ekki neitt eðlilegra en að hann gagnrýni það að skýrslan hafi lekið út. Þegar hún svo verður gefin út geta menn farið að tjá sig um efni hennar. En með því að leka henni er búið að stórskaða að vægi sem að hún gæti haft seinna meir.

Pétur Blöndal, er undarlegur maður. Enda þarf maður að vera undarlegur til að hafa afrekað það sama og hann hefur gert á lífsleiðinni.

Hann er t.d. maðurinn sem var heldur fljótfær fyrir nokkrum misserum og vildi fá það í lög að börn ættu að hlíða foreldrum sínum. því að börn nota það æ meira gegn foreldrum sínum að þau eigi rétt. Samt svoldið fyndið hjá honum að detta sér þetta í hug, mig minnir meira að segja að í viðtalinu var hann á móti bryndísi hlöðversdóttur, og hann eiginlega viðurkenndi að það væri ekki hægt að láta þetta í lög. Hann vildi bara skapa umræðu um þetta. Hann er sniðugri en margan grunar.

Það sem Pétur var að höggva á, trekk í trekk, er að stofnun eins og samkeppnisstofnun á ekki að hafa svo mikið vald. Þar bar hann saman þrískiptingu ríkisvaldsins, sem er mjög sambærilegt. Það virkar engan vegin að sami lögaðili handtaki mann og dæmi hann. Það virkar sambærilega ekki að samkeppnisstofnun taki ákvörðun um að gera aðför að fyrirtæki og dæma það líka. (Þó það sé auðvitað hægt að áfría úrlausnum samkeppnisstofnunnar í Hérað og svo Hæstarétt).

Það fær mann til að hugsa um það hvað við erum stutt á veg komin, því að það eru örfá ár síðan fógetar sáu um að handtaka menn og dæma þá. Nánar til tekið 1992! Sömu menn með framkvæmdarvald og dómsvald!

Höfundur spyr fyrir hvern Pétur blöndal er á þingi. Ég segi að Pétur sé á þingi fyrir alla þjóðina, en það vita bara ekki allir af því. Það útskýri ég þannig, að hann er á þingi fyrir Sjálfstæðismenn. Svo er hann á þingi líka fyrir þá sem kusu hann ekki, því hann er í þingflokki sjálfstæðismanna, sem eru jú að gera og hafa gert þetta land að því velmegunarlandi sem það er. Þannig að hann er á þingi fyrir alla, en það vita bara ekki allir af því.

Pétur Blöndal er sá eini sem er á þingi fyrir sjálfstæðisflokkinn sem ég get sagt að ég kunni vel við. Maðurinn segir það sem hann meinar og stendur á sinni skoðun, sama hvað foringinn segir. Flest sem hann segir er það gáfulegasta sem maður heyrir frá þessum afglöpum á Alþingi þó ég geti alls ekki verið sammála sumu sem hann segir.

Pétur Blöndal vill t.d. leggja flatann 18% tekjuskatt og afnema persónuafsláttinn, ef fólk segir að það skili sér ekki til þess, þá er það annaðhvort vegna þess að það er lélegt í reikningi eða nennir ekki að vinna nógu mikið. Ef fólk er á svona svakalega lágum launum, þ.e. undir 100þús á mánuði fyrir sína vinnu, þá getur það annað hvort fengið sér aukavinnu (sem það fengi 82% af umsömdum launum í vasann fyrir, en ekki 60-70%) eða dílað við sína verkalýðsforingja.

Það er ekki mér að kenna að það er til fólk í þessu þjóðfélagi sem er með undir 100 þúsund á mánuði fyrir sína 100% vinnu.

Ein af aðalástæðunum fyrir því að Pétur vill helst ekki vera að ræða þetta of mikið er að þetta er bara frumskýrsla, þetta mál er rétt byrjað. Þegar rannsókninni lýkur getur verið að margir af þeim sem hafa verið að kommenta seinustu daga eigi eftir að lýta út eins og fífl(sama hverjir það eru).

Hann er á alþingi fyrir mig.