Hér í síðasta þætti af 60 minutes sem stöð tvö sýnir þá var fjallað um feminista í bandaríkjunum og hvað þær eru að gera og hvernig þær beita sér fyrir auknu ?jafnrétti? . þar kom fram að feministar þar eru ansi kröfuharðar og hafa fengið í gegn ýmsar vafasamar reglugerðir og lög. Alveg eins og íslenskir feministar.

Það sem mér fannst mest sláandi er að það kom viðtal við ungan mann sem var í landsliði Bandaríkjanna í fimleikum, og hann sagði að vegna baráttu feiminsta hefði landsliðið verið leyst upp og hann ekki komist á ólimpíuleikana 93 eða 95. ( man ekki alveg ) og á eftir því kom viðtal við einkaþjálfara sem hefur kært feiminista fyrir að beita sér fyrir því að segja ætti upp einkaþjálfurum sem væru karlkyns og hann kærir út frá því sjónarmiði að þetta sé ólöglegt kynjamisrétti.
Í fréttinni var velt þeirri spurningu fyrir sér afhverju það er ekki farið út í sömu aðgerðir í greinum eins og ballet þar sem konur eru ráðandi. Og keppendum kippt út úr keppnisgreinum þar.

Einnig kom fram í þessari frétt að það hefur verið byggt um 3 miljarða fótboltaleikvöllur í háskóla í USA sem er bara fyrir konur. Og það telja konur ekki vera nóg og benda á að aðeins 40% af konum í þessum skóla stundi íþróttir, en á sama tíma er 52% af stúdentum þar konur, og krefjast þær aðgerða.

Ég verð að segja að ég sé ýmis samasem merki á milli baráttumála hjá feministum í USA og á íslandi, þar sem þær vilja meina að það sé jafnt og réttlátt að ýta undir kynjamismun í atvinnu umsóknum og á fleiri sviðum.
Núna var ég að spyrjast fyrir út af starfi sem var auglýst og konur hvattar til að sækja um, og ráðningastofan gaf mér eftirfarandi svar.

–
Sæll Gunnar,

Varðandi fyrirspurn þína, þá var þetta hjá einkafyrirtæki og ber því hvorki þeim né okkur skylda til að upplýsa hver var ráðinn í stöðuna.

Viðkomandi starfsmaður sem var ráðinn, uppfyllti allar kröfur fyrirtækisins og féll einnig vel að fyrirtækjamenningu þess.

Með bestu kveðju

maria@vinna.is
–

í framhaldi af þessu sendi ég jafnretti@jafnretti.is e-mail og spyr út í þetta svar. Svo líða nokkrir dagar og ég gefst upp á að bíða eftir svari og hringi til þeirra. Það er kona sem svarar og segist ætla að senda þetta áfram til lögfræðings sem vinnur hjá þeim. Þessi lögfræðingur hringir svo í mig skömmu seinna þar sem ég skildi eftir símanúmer, hún segir mér að þar sem þetta sé einkafyrirtæki þá sé ekkert hægt að gera, en hún segist ætla að tala um þetta á fundi, en bætir samt við að hún efist um að það sé neitt hægt að gera í þessu. Og ekki hægt að krefjast svara um hver var ráðin.

Mér finnst það ansi þunnt ef þessi jafnréttisstofa, eða jafnréttis barátta nær aðeins til ríkisstofnana, og þá er þessi jafnréttisstofa orðin ansi máttlaus. Það sem kemur einnig fram í þessu viðtali við þennan lögfræðing hjá þeim er að ég segi að ég hafi séð svona auglýsingar áður og hún svarar þá að þá hljóti sú sem var ráðin að vera jafn hæf og aðrir sem sóttu um, og hún bætir við að ef ég myndi sækja um starf hjúkrunarfræðings þá myndi ég ganga fyrir, bara málið er að ég fór ekki í skóla til að verða hjúkrunarfræðingur svo þetta svar hennar er frekar asnalegt. T.d tökum dæmi að 20 manna hópur útskrifist úr grein sem karlmenn sækja í og er dæmigert karla fag, og af því leiðir að karlmenn eru fjölmennir í úti á vinnumarkaðnum á því sviði. Og 2 af þessum hópi eru konur, hvað á þá að láta þessa 2 ganga fyrir af rest til að fylla út einhvern kynjakvóta úti á vinnumarkaðnum ?

Ég get ekki séð neitt jafnt eða réttlátt við þetta. Og þetta er nákvæmlega það sama og kemur fyrir fimleika keppandann sem var viðtal við í 60 minutes. Og mig langar að hvetja alla karlmenn á íslandi til að fylgja fordæmi kynbræðra sinna í USA og taka á þessu máli eins og þetta sé stríð og kæra allt svona hægri og vinstri, því þetta er greinilega stríð sem feministar bregða í búning jafnréttis, en málið er að þetta er ekkert jafnréttisbarátta. Þetta er barátta um að konur nái að knýja undir sig karlmenn með reglugerðum sem þær segja að eigi að ýta undir jafnrétti.

Nú er það alveg ljóst að það eru færri konur sem stunda sund en karlar, ég veit þetta því ég hef verið að vinna í sundlaug. Hver sem ástæðan er fyrir því má velta fyrir sér, samkvæmt þessum baráttuaðferðum feminista þá væri réttast að fara út í þær aðgerðir að setja merki á alla karlmenn og meina þeim að fara í sund eftir að ákveðin fjöldi karlmanna hefur farið um skanna sem skannar merkimiðann á viðkomandi. Og segja svo að það sé réttlátt og jafnt.