Það er til hábornar skamma hversu háa launahækkun alþingismenn fengu núna nýverið. Við erum að tala um launahækkun sem er yfir 60%!!!! Og hvað með fólkið í landinu? Það eru margir sem vinna erfiðsvinnur og fá samt illa borgað. Gott dæmi er hið vanþákklegasta starf og verst launaðast í dag. Það er kennarastarfið. Þegar þeir fara í verkföll og krefjast hærri laun að þá fá þeir ekkert mikið í staðinn. En svo núna að þá fá þessir menn á alþingi bara allt of mikinn pening.
Ég las í dag grein í Fréttablaðinu þar sem kona hafði skrifað inn bréf. Hún var að horfa á þáttinn Ísland í bítið og þar var verið að fjalla um þessa gífurlegu launahækkun. Í sömu andrá var dinglað á bjöllunni og við dyrnar stóð maður og var að biðja hana um flöskur og dósir. Konan spurði þá hann fyrir hvaða félag hann væri að safna og henni til mikillar skelfingar að þá sagði maðurinn að hann væri að safna fyrir sjálfan sig þar sem hann hafði misst vinnuna og væri nú atvinnulaus. Því hefur hann þurft að beita fyrir sér svokallaðri sjálfsbjargarviðleitni. Hann sagði að þetta þyrfti hann að gera á meðan hann fengi vinnu sem er núna um mánaðarmótin en á meðan væri þetta seinasta úrlausnin að afla sér fjár. Konan vorkenndi manninum svo mikið að hún bauð honum inn og kaldhæðnin við þetta var að þau í sjónvarpinu voru að tala um þessa hækkun.
Það er sko greinilegt að það er ekkert verið að hugsa um almenning. Þetta fólk þarf ekki rass á svona miklum peningi að halda. Það er mun fleira fólk sem ekki hefur einu sinni atvinnu, eða fá það lítinn pening fyrir vinnu sína að það dugir ekki til útgjalda og lifnaðar það sem eftir er mánaðarins.