Eitt argasta tískufyrirbæri okkar tíma hefur verið að skjóta ærlega upp kollinum á landi voru á síðustu misserum. Þetta fyrirbæri nefnist feminismi og víða er hann réttilega settur á öxul hins illa í þessum heimi, sem ber því að útrýma áður en það verður orðið of seint.

Eins og almenningur veit eru femistar bara bitrar skólastelpur og miðaldra húsmæður með brenglaða sjálfsímynd sem vilja trúa því að konur séu æðri verur og þær geti auðveldlega sinnt sömu störfum og karlar. Þetta á víst að kallast jafnrétti.

En af hverju??? Af hverju stofna þessar stelpur (og nokkrir stelpustrákar) félag utan um starfsemi sína???

Kvenfólk hefur frá örófi alda getað lifað tiltölulega áhyggjulausu lífi. Karlinn vinnur fyrir heimilinu svo konan geti haft það notalegt heima með börnin og þurfi ekki að hafa áhyggjur af neinu. Og þegar krakkarnir eru farnir að heiman getur konan farið að vinna, en samt haft það ósköp notalegt. En af hverju er það ekki nógu gott í dag fyrir feminista???

Nýlega voru sett lög sem skylda vinnuveitendur til að ráða konu ef tveir jafn hæfir einstaklingar af sitt hvoru kyni sækja um sömu stöðu hjá honum! Þetta er misrétti af verstu gerð.

Vissulega má segja að þetta sé “góð hugsjón” hjá femistum að allir eigi að vera jafnir, óháð kyni. En það vita það allir, jafnt femistar sem annað fólk að gengur ekki og mun aldrei ganga!

Þess vegna getum við hent feminismanum í ruslakörfu samfélagsins með kommúnismanum, nasismanum, jafnréttinu, anarkismanum og öllum hinum “góðu hugsjónunum” sem ganga aldrei upp í okkar samfélagi.

Það er vissulega gleðiefni og skref í rétta átt að þingkonum hafi fækkað í nýafstöðnum kosningum, en betur má ef duga skal.

Feminismi kemur til með að verða mikið vandamál í framtíðinni ef ekkert verður að gert. Þó svo að þetta sé bara bóla sem á eftir að springa einn daginn er aldrei of varlega farið. Dæmi um það er t.d. þegar nasistar voru að skjóta upp kollinum í Þýskalandi á sínum tíma var litið á það sem einhverja bólu og fólk gerði ekkert til að stoppa þá af. Og það vita allir hvernig þeir fóru með evrópu á þeim tíma. Því hvet ég alla til að berjast gegn þessum draugi áður en hann veldur varanlegu tjóni á samfélagi okkar.

Útrýmum feminisma og búum til betra samfélag fyrir alla!


Fodgett