[Notanda eytt] fyrir 21 árum, 6 mánuðum Fjöldi lestra: 515

Tæknilegir örðugleikar Ríkissjónvarpsins

Ríkissjónvarpið er að sumu leyti ömurlegt.

En ekki misskilja mig. Mér finnst stöðin vera með bestu dagskránna og svoleiðis, þó myndirnar sem sýndar eru um helgar séu sjaldan góðar. En það er önnur ástæða fyrir því af hverju Ríkissjónvarpið er ömurlegt.

Og ástæðan er skal ég segja ykkur tæknilegir örðugleikar. Það gerist svo oft hjá þeim þarna að eitthvað fer úrskeiðis í stuttan eða langan tíma. Þetta er hvað mest áberandi í Fréttum. Hér fyrir neðan eru þrjú dæmi um hvernig örðugleika ég er að tala um:

1. Fréttaþulurinn segir „tveir menn voru handteknir fyrir innbrot í tölvuverlsun…“ Svo kemur fréttin í sinni fullri lengd með tilheyrandi myndefni. En viti menn, það birtist bara allt önnur frétt í staðinn! Fréttaþulurinn segir þá „uuu… þessi frétt átti nú ekki að vera þarna…“ eða eitthvað álíka.

2. Fréttaþulurinn segir „ein kona slasaðist alvarlega í bílslysi…“ Svo ætti að birtast ítarlegri frétt um slysið, en ekkert gerist! Fréttaþulurinn situr þarna þögull með vandræðalegt glott á fésinu og reynir að horfa ekki í myndavélina, en segir svo „tæknin er eitthvað að stríða okkur núna…“ eða eitthvað í þá áttina.

3. „Afsakið hlé“. Þessi texti birtist að vísu sjaldan í fréttatíma en hins vegar birtist hann stundum (lesist: of oft) þegar sýna á kvikmyndir á stöðinni. Myndin byrjar ágætlega, en svo stoppar hún allt í einu og maður horfir aðeins á svartan skjá. Eftir örskamma stund birtist svo „afsakið hlé“. Og hjá mér hefur afsökun þessi verið alveg upp í heila klukkustund!

Það er svo sem alveg ásættanlegt ef svona hlutir gerast einstaka sinnum, en það er bara ekki málið. Þetta gerðist svo oft að það endaði með því að ég hóf að horfa á fréttir Stöðvar 2. Þar eru a.m.k ekki þessir sífelldu örðugleikar.

Svo er líka annað með Ríkissjónvarpið. Þeir skilda allt fólk sem á sjónvarp til þess að borga afnotagjöld… og hvað fær það í staðinn? Tæknilega örðugleika!

kv.
miles.

jant fyrir 21 árum, 6 mánuðum

DAMN RIGHT!!!!

Fyrra álit

[Notanda eytt] fyrir 21 árum, 6 mánuðum

Svo má ekki gleyma textanum hjá þeim. Það er eiginlega alltaf þannig að þegar ein setning er sögð blikkar setningins sem kemur á eftir henni í nokkur sekúndubrot áður en hún kemur síðan!

Lyrus

Fyrra álit

lilienfeld fyrir 21 árum, 6 mánuðum

Oft líka í auglýsingum á milli þátta koma textabrot sem voru í bíomynd í gær eða eitthvað álíka

Fyrra álit

JReykdal fyrir 21 árum, 6 mánuðum

Það er ekki séns

JReykdal

Fyrra álit

lilienfeld fyrir 21 árum, 6 mánuðum

Það hefur víst gerst.
Vinnuru hjá sjonvarpinu?

Fyrra álit

Zealot fyrir 21 árum, 6 mánuðum

Alltaf þegar ég asnast til að skipta yfir á ríkissjónvarpið til að horfa á fréttirnar þá tekst þeim ALLTAf að klúðra einhverju áður en fréttatímanum er lokið….. Við erum meirað segja byrjaðir að giska á hvenær hörmunginn gerist :Þ

Fyrra álit

lilienfeld fyrir 21 árum, 6 mánuðum

Ríkið ætti að stofna svona “hvenær klikkar útsendingin” lottó og nota hagnaðinn í rekstur rúv

Fyrra álit

nataz fyrir 21 árum, 6 mánuðum

Peningarnir sem fara inn eru ekkert notaðir í reksturinn.
Asnalegt að hafa skylduáskrift á stöð sem tekur upp á því að gefa Sinfóníuhljómsveit Íslands 100 millur á einu bretti.
Auðvitað má alveg styrkja þá sem slíka, en ekki þessa leið. Ekki að furða að þeir hafi ekki mikið af gæða sjónvarpsefni ef þeir gefa peninginn sinn (sem þú nota bene er neyddur til að borga) eitthvað út. *pirr*

Fyrra álit

JReykdal fyrir 21 árum, 6 mánuðum

rúv “tekur ekkert upp á því” að gefa peninginn…það er alþingi sem skyldar rúv til að gera það.

JReykdal

Fyrra álit

JReykdal fyrir 21 árum, 6 mánuðum

já…ég vinn hjá sjónvarpinu.

JReykdal

Fyrra álit

malicious fyrir 21 árum, 6 mánuðum

Afsakið hlé gerist nú æ sjaldnar hjá þeim.

Fyrra álit

hnullinn fyrir 21 árum, 6 mánuðum

,,Afsakið hlé gerist nú æ sjaldnar hjá þeim."

Líklega vegna þess að sú skjámynd virkar ekki heldur þegar allt fer til fjandans;)

I don´t have to be careful, I have a gun.

Fyrra álit

cre fyrir 21 árum, 6 mánuðum

já það er skondið hvað þeir hjá ríkissjónvarpinu virðast aldrei læra af mistökunum, og gera sömu mistökin aftur og aftur.

Fyrra álit

JReykdal fyrir 21 árum, 6 mánuðum

Helvítis kjaftæði er þetta endalaust. Stundum klikak jú fréttir og eru miljón ástæður fyrir því en það hefur minnkað mikið sl. ár eða svo. Það gerist ekki mikið meira en á S2.

Afsakið hlé skilti koma mjög sjaldan, máski 2x í mánuði og oftast sjaldnar og ALDREI verið “upp í heila klukkustund”.

Málið með það svarta á undan hléskiltum er að það er bara einn maður á vakt og fyrsta sem reynt er að laga það sem fór úrskeiðis strax og ef það tekst ekki þá er það hléskilti. Ekki flóknara en það.

Ekki einu sinni reyna að þræta fyrir þetta því það eru fáir á þessu landi sem þekkja þetta betur en ég.

JReykdal

Fyrra álit

miles fyrir 21 árum, 6 mánuðum

JReykdal.

Það er kannski rétt að tæknilegir örðugleikar hafi minnkað, en þrátt fyrir það klikka fréttirnar oftar en mér (lesist: áhorfanda sem borgar afnotagjöldin sín og vill horfa á gallalausar fréttir) finnst að þær eigi að klikka. Svo hef ég horft á fréttir Stöðvar 2 lengi og man ekki eftir neinu veseni hjá þeim.

Svo dytti mér ekki í hug að ljúga í greinum mínum; ég man vel eftir einu „Afsakið hlé“ sem stóð í u.þ.b. klukkustund. Það er satt.

kv.
miles.

Fyrra álit

[Notanda eytt] fyrir 21 árum, 6 mánuðum

Þessir tæknilegu örðugleikar eru ekki ný komnir heldur gerðist þetta oftar þegar ég var lítill og skemmti mér við að horfa á barnaefnið eða sum. Þá voru alltaf að koma “afsakið hlé” skilti og svo leiðinda tónlist undir.

Fyrra álit

gotti fyrir 21 árum, 6 mánuðum

Góð grein svo sem en reyndar er mér sama hvort að eitthvað svona gerist. Til hvers að stressa sig yfir því hmm?

Akkuru ekki að fá sér bara pulsu og mjólk á meðan?

En ég tek nu alveg undir þetta að “Afsakið Hlé” er nú ekkert sjaldséð.

btw. er RÚV bækluð stofnun og rekin með tapi þrátt fyrir skyldyáskrift og ríkisstyrki á meðan Norðurljós skila hagnaði árið 2003.

Fyrra álit

fridfinnur fyrir 21 árum, 6 mánuðum

Ríkissjónvarpið fer skelfilega í taugarnar á mér og eru fjölmargar ástæður fyrir því. Í fyrsta lagi er það tæknilega hliðin, oft eru villur eins og “Fréttin fer að detta inn en á meðan skulum við líta á…” og spólunarerrorar og allskonar artífactar í byrjun frétta…síðan er textinn oft út úr synci í textuðu efni auk þess sem dagskrágerð er almennt léleg á þessari rás með þröngan markhóp. Man bara fyrir stuttu þegar þeir höfðu greinilega keypt inn franskan bíópakka og voru sýndar franskar B myndir á hverrju einasta kvöldi. Ef það er eitthvað sem má einkavæða þá er það helvítis RÚV!

Fyrra álit

[Notanda eytt] fyrir 21 árum, 6 mánuðum

Það er eitthvað voðaleg fáviska hjá tæknimönnunum þarna hjá RÚV…. en ég held bara að það sé metnaðarleysi í að þjálfa upp alvöru starfskrafta þarna…annars finnst mér það bara helvíti fyndið að horfa á klúðrin hjá þeim og hvernig fréttamennirnir bregðast við þeim

Fyrra álit

miles fyrir 21 árum, 6 mánuðum

Tricia.

Þegar ég sé þessi klúður þá finnst mér einmitt eins og að tæknimennirnir þar á bæ séu eitthvað óþjálfaðir og metnaðarlausir. En hver veit.

Já, það er oft mjög fyndið að sjá þetta gerast. Eins og í kosningavökunni þegar einhver var að spá í spilin, þá minnkaði sú mynd og fór út í horn en í staðinn birtist mynd á „stóra skjáinn“ þar sem tæknimenn voru að festa hljóðnema á Halldór Ásgrímsson! Það var sko fyndið.

kv.
miles.

Fyrra álit

[Notanda eytt] fyrir 21 árum, 6 mánuðum

Fyrra álit

Nemesis fyrir 21 árum, 6 mánuðum

Ég get ekki tekið undir það að Afsakið Hlé skiltin séu algeng, og það er alveg skiljanlegt að þau komi af og til, munum bara að allt sem getur farið úrskeiðis fer úrskeiðis :)

Hitt er með dagskrárgerðina, fyrir utan Sopranos og fréttir er ekkert þarna sem höfðar til mín! Horfi oft á einhverja þætti á Stöð 2 (Agency, Wire, 60 Minutes, Fear Factor t.d.), og góðar bíómyndir um helgar. RÚV er hins vegar alltaf með lélegar B myndir, markhópurinn þar 80+.

En RÚV stóðu sig mjög vel með kosningavökuna, aðeins ein teljandi mistök, með hljóðið, núna klukkan 8:00 (ég tek ekki með hikið þegar verið er að skipta má milli camera o.fl. ;)).

Fyrra álit

miles fyrir 21 árum, 6 mánuðum

Nemesis.

„Afsakið hlé“ er nú ekkert algengt, en samt finnst mér það vera of algengt. Sérstaklega frá sjónarhorni áhorfandans sem vill horfa á dagskránna, gallalausa.

Allt sem getur farið úrskeiðis GETUR farið úrskeiðis. Þannig er setningin betri; það er ekkert sjálfgefið að allt sem getur farið úrskeiðis FARI úrskeiðis :)

Það var líka eitthvað vesen með hljóðið í þættinum á föstudaginn þegar leiðtogar allra flokka komu saman í Alþingishúsinu. Þá datt hljóðið út í örskamma stund af og til. Ég held samt að Ríkissjónvarpið og Stöð 2 hafi staðið sameiginlega að þeim þætti.

kv.
miles.

Fyrra álit

JReykdal fyrir 21 árum, 6 mánuðum

Stöð 2 sá um þáttinn á föstudaginn.

Lengsta hléskilti sem ég man eftir var í um 20 mínútur.

JReykdal

Fyrra álit

Nemesis fyrir 21 árum, 6 mánuðum

JReykdal: tæknideild RÚV stendur sig með ágætum. Það er dagskráin sem þarf alvarlega að endurskoða.

Fyrra álit

JReykdal fyrir 21 árum, 6 mánuðum

Dagskráin er sæmileg miðað við hinn dreifða markhóp…nema máski í sumar….ekki tala um það :)

JReykdal

Fyrra álit

Deiglan

Deiglan

Ofurhugar

Hverjir eru inni

Greinar

Tæknilegir örðugleikar Ríkissjónvarpsins

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi