„Þetta er eins og að segja ég er kommúnismi en ég er samt ekki fylgjandi stefnu MarX.“

Ertu að tala um þetta:

„Ég er feministi, en ég er samt ekki fylgjandi stefnu Ingibjargar SÓlrúnar í jafnréttismálum,“

Ef svo er, þá hefuru næstum því jafn rangt fyrir þér og ef þú segðir að tveir plús tveir væru fimmtán komma sex.

„karlmennirnir eru gerðir til að sjá um að fjöldskyldan hafi nóg að bíta og brenna“

Óttalegt kjaftæði er þetta í þér, drengur! Í fyrsta lagi eru karlmenn ekki „gerðir“ til eins eða neins. Í öðru lagi er það frekar nýtilkomið að konur séu heima að sjá um börn á meðan að karlarnir eru úti að vinna.

En kannske er ekki við öðru að búast heldur en kjaftæði frá einhverjum sem getur varla myndað eina rétta setningu.

Ótrúlegar staðalímyndir og steríótýpískar hugmyndir sem fólk hefur hér af kynjunum. Þessar hugmyndir koma ekki af sjálfu sér heldur eru þær samfélagsleg innræting og lærð hegðun. Meðan fólk gerir sér ekki grein fyrir því er ekki hægt að ræða við það af alvöru.

Fólk þarf að kynna sér hugmyndafræðina á bak við hlutina áður en það fer að tjá sig um þá. Feminismi snýst um að konur fái jafnrétti til jafns við karla og líka sömu virðingu. Sumir virðast ekki skilja það eða vilja ekki skilja það. Ef menn skilja ekki grunvallarhugmyndafræðina á bak við feminisma og eru fastir í þeirri útjöskuðu og úreltu hugsun um að feministar vilji alheimsyfirráð er ekki hægt að búast við málefnalegri umræðu, aðeins skítkasti og dónaskap eins og maður sér því miður alltof mikið af hér á Huga. Ef strákar halda að þeir öðlist virðingu stelpna með svona tali eða halda að þeir séu að upphefja karlmennsku sína þá er það algjör misskilningur.

Það að neita að skilja hvað feminismi snýst um og tengja hann við ófríðleik og kynferðislega ófullnægju er lýsandi dæmi um hvernig konur eru alltaf tengdar við útlit og kynlíf. Kona sem er blíð og góð og heldur sig á mottunni getur verið falleg og sexý en kona sem lætur í sér heyra og vill hlut sinn jafnan hluti karla hlýtur af vera ófullnægð og ljót gribba. Þetta er lýsandi dæmi um það sem feministar eru að berjast gegn, þ.e þessari staðalímynd af hópum fólks, sér í lagi kvenna.

Það að vilja jafnrétti kynjanna er ekki árás á karlmenn og ekki hættulegt fyrir neinn, það græða allir á því. Dæmi um það er fæðingarorlof karla sem er eitt af því sem hefur áunnist í jafnréttisbaráttunni. Kannski er þessi kynjabundna mismunun eitthvað sem strákar taka þeir eldast og fara að kynnast því hvernig samfélagið virkar í raun. Ég efa að nokkur karlmaður sé sáttur við að konan hans sé með 30-60% lægri laun en karlmaður með sömu menntun og reynslu sem vinnur við hliðina á henni. Þetta snýst ekki um einangraðan heim kvenna og karla heldur þann heim sem við, konur og karlar, búum saman í.

Það sem virðist vanta er að fólk sé menningarlega læst á samfélagið og geri sér grein fyrir hvaðan við fáum hugmyndir um að hitt og þetta sé flott og ásættanlegt og annað sé hættulegt og ljótt. Við mótumst af umhverfi okkar og ef það sýnir okkur einsleita og staðlaða mynd af konum og körlum og festir þau í ákveðnum hlutverkum þá verðum við að bregðast við því slíkt er hættulegt. Það er varasamt að meðtaka endalaust það sem fjölmiðlar bera á borð fyrir okkur og gleypa við því meðvitundarlaust og án gagnrýni. Menn hafa svo vissulega misjafnar hugmyndir um hvernig er best að bregðast við þessari samfélagslegu innrætingu en til að komast að einhverri niðurstöðu þarf að ræða málið á málefnalegan hátt.

Ég ætla ekki að hafa fleiri orð um feminisma hér á Huga í bráð þar sem mér finnst umræðan einkennast mikið af ótrúlegri fáfræði og fordómum. Ef umræðan fer á annað og hærra plan mun ég endurskoða málið.

apj: djös húmoristi ert þú.

Halli

Sönghæfileikar fara ekki framhjá neinum. Hins vegar er fegurð afstæð, og mun meira smekksatriði en sönghæfileikar. Með fyndnasti maður Íslands, þá hljóta dómarar að sjá a) hversu mikið þeir hlæja, og b) hversu mikið áhorfendur hlæja. Vona að þeir dæmi ekki fegurðarsamkeppnir með því hver þeirra gefur þeim mestu standpínuna.

Eyrún

geiri85

Ég held að fæstar konur mundu kvarta yfir Herra Ísland.is keppni, a.m.k á meðan Ungfrú Ísland.is er haldin ;)

Samfylkingin vill jafna hlutfall kvenna í ríkisstjórn. En hvernig? Þessi ríkisstjórn er lýðræðislega kosin! Ætlar hún að láta þau atkvæði, er ganga til karlmanna, gilda helmingi minna en atkvæði er fara til kvenna?
Persónulega finnst mér hlutfall kvenna í hverri atvinnugrein lítið áhyggjuefni. Ég vil fullkomið jafnrétti. Fullkomið jafnrétti er ekki, þegar fólk er kvatt til þess að kjósa einn flokk í stað annars, vegna þess að “forsætisráðherraefnið” (Síðan hvenær hefur verið kosið um forsætisráðherra?) er með fallegri kynfæri en keppinautar hennar.

Sá flokkur, er ég kysi, hefði ég kosningarétt, væri flokkurinn með bestu málefnin, ekki með flestar konur.

Eyrún

„Femin er komið úr grísku og merkir að því sem ég kemst næst “kona”“

Hvað ertu að blanda vesalings Grikkjunum í málið? Hvað hafa þeir eiginlega gert þér? ‘Femina’ er latína.

Hvar er jafnréttið/jöfnuðurinn í þessu? Er það nú ekki býsna augljóst ef menn setjast niður og velta hlutunum fyrir sér?

Hvort kynið er lægra sett í dag? Ekki eru það karlmenn, það er enginn að segja að þeir eigi bara að vera heima, halda heimilinu hreinu og sjá um krakkana, eins og eitthvað kretín hélt fram hér fyrir ofan. Almennt viðhorf til kvenna er öðruvísi en til karla (samanber t.d. drusla-höstler, og ég efast um að þú þurfir að velta vöngum lengi til að finna fleiri slík dæmi). Að vilja auka hlut kvenna má alveg kalla femínisma, þar sem aðaláherslan er á að lyfta konum. Og hvernig er það jafnréttisstefna/jafnaðarstefna (þó ekki endilega jafnaðarstefna í sömu merkingu og þegar verið er að þýða „socialism“)? Ef maður vill jafna stöðu einhvers, þá þarf annað hvort að lyfta einu upp eða draga annað niður. Þannig er þetta jafnréttisstefna. Feminismi gengur ekki út á að draga eitt eða neitt niður, hins vegar.

já þá eru þær ekkert feministar heldur feminazisar, sem er, eins og ég hef sagt, allt allt annað en feministi.

Þetta er feik, strangt til tekið, ef vöðvarnir og brúnkan kemur ekki af almennilegri erfiðisvinnu. Vöðvar sem maður fær í ræktinni eru tilbúnir vöðvar, jafn artificial og nælon. Sömuleiðis brúnka úr ljósabekkjum.

já, þótt mér finnist herra íslendingarnir oftast ekkert sætir þá er auðvitað fullt af fólki sem er að fíla þá. Þeir vilja sýna vöðvana sína. Þetta er meira svona fitness keppni en fegurðarkeppni. Mér finnst þetta dáldið sniðugt með hvað karlmenn eru farnir að vera dömulegir oft á tíðum varðandi klippingar og snyrtingar og að pæla í fötunum sínum. Þetta er ábyggilega allveg náttúrulegur eiginleiki hjá þeim sem þeir hafa þurft að bæla niður undanfarið. Þetta er sammannlegt og í mörgum menningarsamfélögum þá eru bæði kynin jafn pjöttuð.
Ég er svona týpískur feministi sem nenni ekki að pæla of mikið í útlitinu, ég klippi mig meiraðsegja sjálf. Það myndi samt engann gruna það ;)