Sammála þér er ég. En Recruit er nú ekki það góð.

Allveg sammála. Maður er að borga 750-800 kall fyrir miðann og svo eru auglýsingar í 10 min og nammið er ógeðslega dýrt. ókei það kostar soldið fyrir bíóið að kaupa myndirnar (sérstaklega stórmyndir) og að borga laun hjá fólkinu en það mætti þó aðeins lækka verðin á nammi og gosi.

Eg er svo sammala ter.. tad snidugasta er ad kaupa ser nammi og gos annars stadar og gefa skit i tetta helv.. audvitad ma tad ekki (held eg) en madur setur etta bara undir jakkann eda eitthvad.. munidi eftir bio banninu sem var um daginn (i mars eda eitthvad) tad uppskar tessar hofdingjalegu 50 kr eins og tu sagdir, efast samt um ad margir hafi tekid tatt i tvi.. kannski ad madur aetti bara ad snidganga Sam bioin ut af tessari “mcDonalds” laekkun…?

Það er ekkert svo dýrt í bíó ef maður kann á þau. Sko, maður kaupir sér bara einn lítra af óvatnsblönduðu kóki í Nóatúni, það eru 180, eða jafn mikið og lítil viðbjósleg vatnsblönduð kók í bíó. Svo poppar maður heima, einn pakka af örbylgjupoppi, sem er svo saltað að manni finnst vatnsblandað kók gott. Í einum örbylgjupopspakka er jafn mikið og í stóru poppi. Örbylgjupoppspakkinn kostar 100 kall, eða jafn mikið og hálfur lítill popp. Svo vefur maður popppokanum í ullarteppi. Svo kaupir maður sér nammi útí búp og ef að það eru þrír vinir saman gefst góður kostur á því að kaupa 3pak sem lækkar verðið um helming miðað við það sem nammið kostar í bíó.
Einnig er sniðugt að smygla þessu inn í bakpoka, því að sjálfsögðu er bannað að koma með sínar eigin “veitingar” inn í bíóið.

Ég sé mig nú bara knúinn til að svara þessu hjá þér, þar sem að ég vinn nú sem sýningarmaður hjá öðru fyrirtækinu sem þú ert að ráðast á(því betra).

Fyrsta lagi. Hvað er bíó? Það er munaður, sem sagt munaðarvara. Nefndu mér eina munaðarvöru sem er ódýr. Það neyðir þig enginn til að fara í bíó. Þú getur beðið eftir því að myndin komi á videoleigu og þá getur fengið hana á 500 kall. Ok, segjum að þú gerir það. Leigir myndina, sem þú ert búin að bíða í 6 mánuði eftir að hún komi á leigu(6 mánuðir er svona standard tími), kaupir nammi fyrir 200 kall, sem er kannski kók og súkk. Þá ertu komin upp í 700 kall. Með þessu ertu að spara 50 kall. Kannski var þetta mynd sem þig langaði rosalega að sjá þegar hún kom í bíó, en þú ákvaðst að fara ódýrari leiðina og bíða í 6 mánuði. Til hamingju þú sparaðir 50 kall. Settu hann í baukinn.

Öðru lagi. Þá var hérna einhver að tala um þetta vatnsblandaða kók. Þetta er það allra fyndnasta sem ég hef heyrt hér. Ef þið kaupið kók út í búð í plastflösku, eru þið þá að fá óvatnsblandað kók? Nei, veistu það held ég ekki! Ef það væri ekki blandað vatn í kókið í bíóunum þá væruð þið að drekka sýróp og koltvísýring! Ef þið mynduð drekka heilt glas af því þá yrði skemmtunin ekki löng fyrir ykkur því þið mynduð fá svo mikla magapínu útaf sýrópinu að þið þyrftuð að fara heim.

Í þriðja lagi. Auglýsingarnar. Já, þær hafa nú alltaf verið mikið umræðuefni. En það skemmtilegasta við þær er að þið treystið alltaf á að það séu auglýsingar á undan myndinni. Ég hef stundum lent í því að sleppa því að setja trailera framan á myndir(oftast 10 sýningar) og þá kemur fólkið kl. 10 og ég set í gang kl. 10 og þá verður fólkið alveg spólvitlaust: “Hvað engar auglýsingar!!!” Þá svara ég bara: “nei, bara gera ykkur smá greiða!” En nei, þau taka því ekki vegna þess að það hentar þeim ekki. Þið verðið nú að fara ákveða ykkur hvort þið viljið auglýsingar eða ekki. En ég hef gaman að þessum auglýsingum, ekkert skemmtilegra en að sjá góðan trailer, t.d. eins og nýja matrix trailerinn og svona :)

En í fjórða lagi. Þá er það þetta með að filman slitnaði. Þetta gerist bara eins og öll önnur slys. Sumt fólk heldur að myndin sé bara á spólu og það sé bara play og pause(já fólk heldur þetta í alvörunni). Þetta kom einu sinni fyrir mig að að filman slitnaði og þá benti ein kona mér á að ýta bara á eject og sækja aðra spólu :) En í raun er ein filma sem er 90 mínútna löng nokkrir kílómetrar af filmu. Og að kippa því í liðinn, þegar að static rafmagnið í filmunni hefur slengt henni af plattanum, er hægara sagt en gert. Auðvitað þarf að koma rétt fram við kúnnann þegar það gerist og það er bara mismunandi eftir bíóhúsum. Bíóið sem ég vinn í hefur ávallt komið sem best fram við kúnnann, bæði boðið honum boðsmiða á 2 eða 3 myndir og frítt popp og kók í hvert skipti. Kannski finnst einhverjum það lítið, hvað viljið þið að við gerum.

Ég held að ég sé búinn að segja allt sem ég hef að segja, ég get ekki kommentað á miðaverðið því ég fæ frítt í bíó og get því miður ekki fundið til með ykkur.

En ég á eftir að fá þvílíkt flame á mig hérna því ég held að ég sé sá eini sem er að verja bíóin hérna á huga.

Takk fyrir mig.

(Ekki misskilja mig, ég er ekki eilífðarnöldrari sem sér djöfulinn í hverju horni, oftast er ég bara frekar jákvæð, held ég sé bara með sterka réttlætiskennd…eða e-ð)

LOL! *5* djöfulsins snillingur ertu!!!

já bíó suckar bara
suckar penus

Það er eitt sem mig langar mikið að kvarta yfir sem kemur kvikmyndahúsarekendunum sjálfum ekkert við, og það er þessi bölvaða óstundvísi íslensku þjóðarinnar.

Ég fór á 28 Days Later um daginn í Regnboganum og aldrei þessu vant þá var ég frekar seinn á staðinn. Myndin átti að hefjast klukkan 22:00 en ég var ekki kominn fyrr en klukkan 5 mínútur yfir. Það var svo sem allt í lagi þar sem ég hef lært það í gegnum árin að bíósýningar á Íslandi byrja aldrei nokkurn tíman á réttum tíma. Ég settist inn í salinn og myndin byrjaði stuttu seinna (um 10 mínútur yfir). Ég held ég geti alveg sagt það án þess að blikna að þarna lenti ég í einni mest óþolandi bíóupplifun ævi minnar. Það fyrsta sem ég tók eftir var það að það var enn hellingur af fólki að koma rétt eftir að myndin var byrjuð. Það fór örlítið í taugarnar á mér en þegar það hafði verið stöðugur straumur fólks inn í salinn fyrstu 20 mínúturnar af myndinni (!!!) þá var ég farinn að fá nóg og ég skynjaði það greinilega að annað fólk í salnum var sama sinnis. Meira að segja fólk sem mætti 10 mínútum of seint og settist við hliðina á mér var auðsjáanlega hneykslað yfir þessum seinagangi þó svo að það léti það varla uppi af ótta við að vekja athygli á því að þau hefðu nú komið allt of seint sjálf. Það var ennþá fólk að mæta þegar hálftími var liðinn af myndinni og á þessum hálftím var ekki nóg með að fólk væri stöðugt á leið inn heldur var líka töluvert af fólki sem fór út! Ekki vegna þess að myndin var leiðinleg heldur vegna þess að þeir þurftu að spjalla í símann eða eitthvað álíka mikilvægt. Ég einfaldlega skil ekki hvers vegna fólk fer í bíó ef það hefur ekki einu sinni áhuga á að sitja og horfa á myndina frá upphafi til enda. Í fyrsta lagi er það að eyða sínum eigin fjármunum í vitleysu og í örðu lagi er það að eyðileggja upplifunina fyrir öðru fólki sem mætti á réttum tíma og sér sóma sinn í því að sitja kjurrt á rassgatinu þangað til að það kemur hlé eða myndin klárast. Ég vil hvetja alla þá sem voru á umræddri sýningu og komu annað hvort of seint eða gátu ekki hamið sig í að rápa inn og út úr salnum á meðan á sýningu stóð að hugsa sig aðeins um og reyna að læra smá mannasiði og kurteisi.

Ég las nú ekki svörin frá hinum, þannig að kannski er búið að benda þér á þetta: Ef þú ætlar í lúxus, farðu í Álfabakka. Það kostar 1600 (eða gerði það í sumar…) og popp og drykkir eins og þú getur í þig látið!

Fáránlegt að vera að bera svona mikil ósannindi upp á bíóin.

Í fyrsta lagi minnkuðu Sambíóin ekki popppoka um helming. Í febrúar í fyrra var verð hækkað á poppi um 10 krónur á allar stærðir (í öllum bíóum, samkvæmt nýjum taxta).

Öðru lagi vil ég benda á að aðilinn sem ekki vill fá vatnsblandað kók má vel koma með þrýstikút að heiman og drekka kókþynni, því eins og í langflestum öðrum drykkjum er undirstaðan í kóki vatn. Ekki er meira vatn í vélum kvikmyndahúsanna ef þú ert að meina það.

Smárabíó er mjög fínt bíó en við megum ekki gleyma því að það er í eigu Jóns Ólafssonar og hann getur ekkert gert af því hvernig hann er.

Líka ef að hlé yrðu afnumin þyrfti að hækka miðaverð og sjopputaxta töluvert í ljósi þess að sala sjoppu í hléum er í flestum húsunum 40-50% af hagnaði sjoppunnar og sjoppan er í raun besti gróði húsana sökum þess að stóru kvikmyndaverin (Disney, Universal etc) taka um 75% af sölu inngöngumiða beint í sinn vasa.

Gaurinn sem var í Háskólabíó: Shit Happens, ekki hægt að sjá fyrir um filmuna. Leiðinlegt samt.

Gleðileg Jól,
Oberon

Ég bý úti á landi og kemst í bíó 4-7 á ári…….

Ókey, reiknum hérna út meðalbíókostnað hins almenna unglings með deiti: 1 bíó í mánuði fyrir 2, plús 2* miðstærð af poppi og kók gera 2500 krónur. ss. 30 þúsund krónur á ári, en auðvitað eru undantekningar, td. þegar farið er á Íslenskar myndir eða farið í Lúxusplebba VIP sali, við getum gefið okkur svona 35-40 þúsund á ári í bíó. Yfir 5 ára tímabil er þetta orðið 200 þúsund kall, veistu hvað ég gerði? Ég las alltaf dagskrá vikunnar, og fann mér þetta fína 32" tommu breiðtjaldstæki á 50 þúsund, heimabíó með DVD spilara á 80 þúsund og hægindastól fyrir 70 þúsund. Hmmm…. þarna er ég bara kominn með þetta líka fína bíó inn í stofu hjá mér, svo kaupi ég mér DVD myndir sem mig langar að eiga, poppa í pottinum mínum og kaupi kók í krónunni.

Krakkar mínir, ekki deyja ráðalaus, ég bjó mér bara til mitt eigið bíó, svo get ég ýtt á pásu þegar ég þarf að míga.

„Meira að segja eftir að hafa borgað 1700 kr fyrir miða, þurfti ég samt að horfa á 10 mínútur af auglýsingum fyrir myndina (sem byrjaði á þeim tíma sem myndin átti
að byrja, svo örugglega enginn missti af þeim) og líka í þessu svaka hléi.“

Ímyndaðu þér þá hvað þú þyrftir að borga ef engar væru auglýsingarnar.

er ekki aðalástæðan fyrir “vatnsblönduðu kóki” sú að það er settur svo mikill klaki í glösin? bara að biðja um engan ís takk :)

ef þið eruð á móti hléi í bíó (eins og ég t.d.) þá bara ekki að versla í hléinu, þá hættir það sjálfkrafa :-D

Það sem ég fatta ekki er að ef það er svona mikill gróði af bíórekstri, afhverju þurftu þá stjörnubíó og snorrabrautin að hætta. Þar voru alveg sambærileg verð og annarsstaðar.
og það er alveg fáranlegt að þeir geri ekkert meira en að endurgreiða miðan þegar filman slitnar ef þú þarft hvort er að nota hann til að vita hvernig myndin endaði, þetta eru bara fáranlega lélegar skaðbætur.

ingiber, svarið þitt var að mörguleiti mjög gott en ég held að það sé í lögum að neytandi á alltaf að fá það sama (eða sem allra næst því) þegar hann kaupir sömu vöruna. Þannig að ef ég kaupi pakkann “bíósýning kl 10” eigi ég t.d. altaf að fá auglysingar frá 9.55 til 10.15 og svo mynd frá kl 10.15.
Ef mér myndi t.d. detta í hug að fara í 10 bíó klukkan korter í tíú og ég veit að ég verð ekki kominn í bíóið fyrr en milli 10.05 og 10.10 á ég þá að sleppa því, því að myndin gæti verið byrjuð eða á ég að skella mér því að það eru yfirleitt auglýsingar til klukkan korter yfir?

Það sem mér finnst samt vera svartasti bletturinn á rekstri bíóhúsa eru laun starfsfólksins sem ég hef heyrt að sé jafnaðar kaup þegar réttlátt væri að borga kvöld og næturtaxta, annars hef ég engar áreiðanlegar heimildir fyrir laununum. Er einhver sem er með þau á hreinu sem getur frætt mig og aðra?

smáralind er ömurlegt bíó… fara frekar í bíóið í kópavog (man ekki hvað það heitir)
þá er endalaus úttekt af poppi og gosi og líka stillanlegir lay-z-boys mjög gaman og peninganir voru allveg þess virði

Það sem ég þoli ekki við bíó hér á landi er THX kerfin, þetta er bara rusl og leiðinlegheit, ekkert nema lætin. Dolby hinsvegar er miklu mýkra og skemmtilegra hljóð, ásamt krafti, og öðruvísi stillt.
Síðan fæ ég mér sjaldan eitthvað í bíó, það kostar bara svo mikið. síðan er strætó 220 kall ein ferð…allt saman gerir bíóferð fyrir mig örugglega yfir 1500 kr.