http://www.nationalreview.com/comment/comment-gold blatt032303.asp

er þetta rétt ???

Þvaður. Sumir fanganna börðust fyrir Talibana og auk þess er vert að benda á að sumir komu hvorki Talibönum né Al Qaeda neitt við og var sleppt, hver veit nema fleiri blásaklausir fái að dúsa þarna án dóms og laga. Auk þess ef þeir voru meðlimir Al Qaeda þá á einfaldlega að draga þá fyrir dóm, ekki setja þá í einangrun og pynta, það er ekkert sem réttlætir slíka meðferð, ekki einusinni á meintum hryðjuverkamönnum.

Wise.

Bandaríkjsstjórn vill ekki flokka fangana sem stríðfanga, en mannréttindasamtök gera það og hafa gagrýnt hvernig farið sé með þá.

Mál gegn þeim hafa ekki verið flutt, enda engar góðar og gildar sannanir til staðar gegn þeim. Þeir gætu vel verið meðlimir al-Qaeda og alveg eins Talibanar. Ég hef einnig lesið fréttir um það að sumir þessarra fanga eru bara óbreyttir borgarar, sem voru á vitlausum stað á vitlausum tíma.

Bandaríkin geta ekkert sannað, en halda þeim þó þarna.

kv.
miles.

Staðfesta hvar???

Hef ekki heyrt né séð staf um það neinsstaðar.

Það eru óvönduð vinnubrögð að henda svona fram. Segja eitthvað staðfest, en láta ekki heimilda getið.
Ef þú ert viss um að þetta sé staðfest, þá ætti þér ekki að vera skotaskuld úr því að fræða okkur um, hvar þú sást þetta.

Mér finnst þetta ótrúvert, því X-ray er undir smásjá svo margra. Og fagnaverðir yrðu dregnir fyrir herrétt á stundinni, ef þeir gerðu eitthvað svona lagað.

word, abesynth….!

Neibb… það var víst 625 fangar frá 42 löndum.

Ég held að það séu nú einhverjar ýkjur hjá þér um meðferð fanganna í Guantanamo herstöðinni. Því þeir eru að drepast úr barsmíðum fangavarða. En hvað með það…
…Þegar öllu er á botnin hvolft eru þessir fangar líka fólk. Það á að koma fram við fólk eins og siðmenntun þjóða gerir ráð fyrir. Og að halda því fram að allir þessir menn séu vondir, það er ekkert víst. Flestir, kanski, kanski ekki? Þeir eru þarna án dóms og laga, sem þýðir að þeim er haldið þarna án sannana fyrir einu eða neinu…

Allir menn eiga að hafa sín grundvallar mannréttindi, það er stór þáttur sem aðgreinir okkur frá skeppnum. Ég er sammála því að BNA á ekki að kasta steinum fyrst þeir búa í glerhúsi.

Apocalisp, þú bara veist ekkert hvernig þeir fara með þessa fanga. Þótt þeir hafi hleypt rauða krossinum einu sinni til að skoða aðstæður þá sannar það ekki neitt. Þetta er hreint út sagt ógeðslegt að lýðræðisríki geti hagað sér svona. Haldið þessum mönnum þarna án dóms og laga þessvegna til eilífðar.

Bandaríkin eru nefnilega hræsnarar af verstu gerð. Þeir benda á samninga en fara svo ekki eftir þeim sjálfir.

Bandaríkin:
1) Ráðast ólöglega gegn öðru ríki þrátt fyrir yfirgnæfandi andstöðu heimsins. Það er dálítið kaldhæðnislegt að Bandaríkin saki Írak að fara ekki eftir ályktunum Sameinuðu Þjóðanna þegar þeir fara ekki einu sinni sjálfir eftir því sem meirhluti SÞ vill. Þeim tókst ekki að fá meirihluta öryggisráðsins til að samþykkja þetta stríð. Svo má EKKI GLEYMA því að Bush sagði að það einu sinni að það væri ekki einu sinni nóg fyrir Írak að afvopnast. Hann sagði að það væri nauðsynlegt að Saddam færi frá völdum. Þarna viðurkenndi hann löngu fyrir stríðið að það yrði. Það vita jú allir að Saddam færi aldrei frá völdum skv. skipunum Bush.

2) Vilja ekki að Bandarískir hermenn geti verið sakaðir um stríðsglæpi.

3) Neita að taka þátt í átaki heimsins gen losun gróðurhúsalofttegunda.

4. Brjóta samning við Rússa varðandi smíði á varnarkerfi gegn kjarnorkueldflaugum.

Það bendir allt til þess að þessi stjórn Bush er ekki að gera heiminn að öruggari stað.

Nei einmitt, málefni Guantanamo fanganna snerta í rauninni amerískan refsirétt miklu meira en Genfarsáttmálann og eins og er siður í siðmenntuðum ríkjum þá njóta Bandaríkjamenn sem og erlendir ríkisborgarar á bandarísku landi ákveðinna réttinda sem ekki verða frá þeim tekin, þú ert saklaus þar til sekt telst sönnuð, fólk á rétt á því að vera ekki svipt frelsi án gildrar ástæðu og aldrei lengur en ákveðin tímamörk segja til um án ákæru, málsmeðferð skal alltaf taka eins skamman tíma og mögulegt er og allir eiga rétt á að fá skipaðan verjanda, svo má auðvitað ekki gleyma “You have the right to remain silent…” ræðunni sem við heyrum svo oft í sjónvarpinu sem undirstrikar það að allir eiga rétt á því að þegja í yfirheyrslum og að hafa verjanda sinn viðstaddan við yfirheyrsluna.

Fangarnir við Guantanamo flóa hafa hinsvegar aldrei verið ákærðir fyrir neitt, þeir hafa aldrei komið fyrir dómara og flestir hafa enga verjendur og þeir sem þó hafa verjendur fá lítið sem ekkert að tala við þá og verjendurnir fá alls ekki að koma í herstöðina við flóann, þessir menn eru svo yfirheyrðir dag og nótt án þess að nokkur sé til þess að fylgjast með því. Auðvitað er þetta kolólöglegt samkvæmt öllum bandarískum réttarreglum og stríðir gjörsamlega gegn stjórnarskrá Bandaríkjanna sem mörgum finnst ganga næst Biblíunni að heilagleika. Guantanamo-fangarnir eru ekki stríðsfangar þó að þeir hafi verið handteknir í stríði og samt hafa þeir ekki réttarstöðu sakaðra manna eins hún er í hefðbundnum sakamálum, þeir eru í einhverju lagalegu tómi þarna mitt á milli sem ráðamenn í Pentagon bjuggu til og skilgreindu uppá sitt einsdæmi. Nú er það reyndar svo að ég efast svosem ekkert um það að þessir menn séu langflestir sekir um eitthvað misjafnt og ég treysti því líka og veit að Bandaríkjaher samanstendur af vænsta fólki sem kemur mannúðlega fram við þessa menn en hvorugt skiptir nokkru máli í lagalegu samhengi. “Allir menn…” stendur í stjórnarskrá Bandaríkjanna og fangarnir í Guantanamo eru vissulega menn (þó að Rumsfeld væri reyndar alveg trúandi til þess að neita því) og njóta auðvitað allra þeirra réttinda sem hér voru talin upp. Staðreyndin er sú að föngunum var vísvitandi komið fyrir á Kúbu eingöngu til þess að hægt væri að þjarma að þeim án afskipta réttarkerfisins, allt gert í þágu þjóðaröryggis sem virðist réttlæta allan fjandann þessa dagana. Bandaríkjamenn eru með þessu fyrst og fremst að svíkja eigin hugmyndafræði, eigin stjórnarskrá og eigin réttarkerfi og þar er liggur hræsnin í þessu, er þetta dæmi um lýðræðið sem á að kenna Írökum?

Það er munur á því að sýna hermenn gefast upp eða flutning þeirra á milli staða (eins og hefur verið sýnt með íraska fanga) og að stilla þeim upp fyrir framan myndavélar með þeim tilgangi að sýna þá í nærmynd í sjónvarpi (bandarísku fangarnir).

Staðreyndin að fréttamönnum sé hleypt inn á meðan yfirheyrslunum stendur er líka brot á þessum sáttmála. Verst af þessu öllu er þó að sýna lík hermanna þar sem fjölskyldur þeirra geta greint andlitin á látnum börnum sínum í sjónvarpinu!

"people detained as suspected members of a militia [the Taliban] or a volunteer corps [Al Qaeda] must be regarded as prisoners of war. “

Tekið af www.monbiot.com, greinin heitir ”One Rule For Them…" og er mjög áhugaverð.