-Bandaríkin studdu Bin Laden og Talibanana um áraraðir, og litu á þá sem frelsisbaráttumenn gegn Rússum. Er það ekki skrítið?

(Bandaríkjastjórn að auglýsa Talibana upp sem frelsisbaráttumenn? bíddubíddu…)

-Allt fram til ársins 1998 voru BNA að borga laun hvers einasta starfsmanns Talibananastjónarinnar í Afganistan. Er það ekki skrítið?

(Hvað þá! Borga þeim fyrir hvað?)

-Það er meiri olía og meira gas í Kaspíahafi en er í Sádi Arabíu, en til þess að ná því út þarf olíuleiðslu í gegnum … Afganistan! Er það ekki skrítið?

-UNOCAL, bandarískt risa olíufyrirtæki, vildi fá að reisa 1000 mílna langa olíuleiðslu frá Kaspíahafi, í gegnum Afganistan. Er það ekki skrítið?

-Áðurnefnt UNOCAL eyddi $10,000,000,000 (tíu þúsund milljónum dala) í jarðfræðirannsóknir fyrir nefnda olíuleiðslu og gekk með grasið í skónum á eftir Talibönunum til þess að vinna stuðning þeirra. Er það ekki skrítið?

-Allir hæst settu Talibanarnir voru í Texas (heimabæ Gogga) að semja við UNOCAL á því herrans ári 1998. Er það ekki skrítið?

(Ætli þeir hafi skellt sér saman á hestbak og skálað í Jack Daniels?)

-Á árunum 1998 til 1999 skiptu Talibanarnir um skoðun, spörkuðu hinu bandaríska UNOCAL úr landi og létu Argentískt fyrirtæki hafa olíuleiðslusamninginn. Er það ekki skrítið?

(Þetta er þeirra land, þeir hafa fullkominn lagalegan rétt til að ákveða svona hluti alveg eins og þeim sýnist. Ja… eða þá kannski bara svo lengi sem ákvarðanirnar eru BNA að skapi…?)

-John Maresca, varaforseti UNOCAL, bar vitni fyrir Bandaríkjaþingi og sagði að enginn olíuleiðsla yrði reist fyrr en Talibanarnir væru farnir og nýrri stjórn komið á kopp. Er það ekki skrítið?

-Á árunum 1999-2000 urðu Talibanarnir ‘vondustu kallarnir’ í öllum heiminum. Er það ekki skrítið?

(Bíddubíddu, voru Talibanarnir ekki frelsisbaráttumenn og hetjur? Hvað gerðist?!? Ah… já… þeir voguðu sér að reyna að ákveða sjálfir hverjir fá að byggja hvað í þeirra eigin landi! Þvílík frekja!)

-Fyrrum utanríkisráðgjafi Pakistan, Niaz Naik, fékk um miðjan júlí (fyrir 11. september 2001) þau skilaboð frá háttsettum embættismönnum innan Bandaríkjastjórnar að hernaður gegn Afganistan myndi hefjast um miðjan október. Er það ekki skrítið?

(Var ekki ráðist á Talibanana VEGNA 11. september? Hvernig var þá hægt að ákveða hernað FYRIR 11. september…!?!? Svei mér þá ég held að Goggi hljóti að eiga kristalskúlu…)

Hörmungar 11. september - Árás á World Trade Center

-Bush fer í stríð við fátæka þróunarlandið Afganistan þó svo að ENGINN af flugræningjunum sé þaðan. Er það ekki skrítið?

(Sagt er að Al-Qaeda gæti verið í allt að 150 löndum. Bara 2 hafa þurft að þola stríð af höndum BNA. Þau 2 lönd hafa einn samnefnara: “olía”)

-Bush kenndi Osama Bin Laden um árásina, en hefur aldrei boðið upp á sönnunargögn þess efnis. Hann segir að þau séu “secret”. Er það ekki skrítið?

-Talibanarnir buðust til að semja um að láta Bin Laden af hendi - ef BNA sýndi þeim einhver sönnunargögn. BNA neitaði, lýsti yfir stríði og tók Afganistan með valdi. Er það ekki skrítið?

(Einhverjum gæti dottið í hug að í raun vildi BNA ekki hryðjuverkamennina, heldur stjórn yfir Afganistan svo blessuð olíuleiðslan yrði tryggð… Ekki hafa þeir haft fyrir því ennþá að hafa hendur í hári Bin Laden. Ef þeir ná Bin Laden og draga hann fyrir dómstóla þarf væntalega að sýna eitthvað af umræddum “leynilegum” sönnunargögnum í réttarhaldinu… kannski hentar það ekki alveg ráðamönnum bandaríkjastjórnar að þurfa að láta af hendi öll “leynilegu sönnunargögnin” þannig að þau komi fyrir sjónir fáfróðs almennings, sem skilur ekki svona leynilegt dót…)

-Bush sagði sjálfur: “This is not about nation building. It's about getting the terrorists.” Er það ekki skrítið?

(SPURNING DAGSINS: Eftir sigur BNA á Afganistan færðist áherzlan yfir á:
a) að halda áfram að ná Osama Bin Laden?
b) nýtt ríki, með risa olíuforða?)

-Það er komin splunkuný stjórn í Afganistan. Er það ekki skrítið?

-Leiðtogi þeirrar stjórnar vann áður hjá margnefndu UNOCAL. Er það ekki skrítið?

(fínt, þá þarf hann ekki að hafa fyrir því að hringja í UNOCAL til að spyrja þá hvað hann á að gera í Afganistan - þetta fyrirkomulag er líklegast til komið til þess að spara símareikninga…)

-Bush tilskipaði sendimann fyrir hönd BNA sem fer með það verkefni að skipta við nýju “Afgönsku” stjórnina. Sá var áður æðsti ráðgjafi olíufyrirtækisins UNOCAL. Er það ekki skrítið?

(Hann og leiðtogi stjórnarinnar eyða þá væntanlega a.m.k. ekki miklum tima í að rífast um mismunandi sjónarmið)

-Vellauðuga Bush ættin auðgaðist á olíu. Er það ekki skrítið?

-Innanlandsráðgjafi Bush var forstjóri olíufyrirtæis áður en hann fór til Washington. Er það ekki skrítið?

-George Bush eldri vinnur nú hjá “Carlysle Group” og sérhæfir sig í risavöxnum olíufjárfestingum á heimsvísu… Er það ekki skrítið?

(Áreiðanlega engir hagsmunaárekstrar sem skapast þar! neee…)

-Condoleezza Rice, þjóðaröryggisráðgjafi Bush vann fyrir Chevron (olíufyrirtæki) áður en hún fór til Washington. Er það ekki skrítið?

-Chevron skírði einn nýjasta “supertanker” fyrirtækisins eftir Condoleezzu. Er það ekki skrítið?

(Ætla mætti að þeir væru þakklátir fyrir eitthvað, eins og til dæmis aðstoð við að græða peninga!?!)

-Dick Cheney, varaforseti BNA vann fyrir risaolíufyrirtækið Haliburton áður en hann varð varaforseti. Er það ekki skrítið?

(Svo virðist sem þeim sem halda um strengina í Goggadúkkunni finnist starfsreynsla í olíufyrirtækjum einstaklega gagnleg þegar kemur að því að sitja í ríkisstjórn)

-Haliburton gaf Hr. Cheney $34 milljón dali í “kveðjugjöf” þegar hann fór frá Haliburton. Er það ekki skrítið?

(Þakklæti risavaxinna olíufyrirtækja til starfsmanna ríkisstjórnar Hr. Bush er að hræra mig til tára…)

-Haliburton fæst við að reisa olíuleiðslur. Er það ekki skrítið?

(og hverjum hefði dottið það í hug!
Haliburton fékk það starf eftir fyrra Persaflóastríðið að laga olíupallana sem Írakar skemmdu og/eða kveiktu í. Haliburton græddi MORÐ fjár á þessum samningi.

Það eru komnir margir mánuðir síðan Haliburton skrifaði undir nýjan samning þess efnis að laga olíupallana sem koma til með að skemmast í stríðinu sem ‘enginn vissi’ hvort kæmi til með að verða af. Fyrirséð er að fyrirtækið muni hagnast duglega í þetta skiptið líka, sem er nauðsynlegt svo að það geti haldið áfram góðgerðastarfsemi sinni við varaforseta BNA…

Reyndar hafa löngu verið undirritaðir samningar uppá alls 900 milljónir USD sem lúta að uppbyggingu í Írak eftir stríð - allir samningarnir voru gerðir við bandarísk fyrirtæki. Ástæðan fyrir þessu var sögð sú að einungis bandarísku fyrirtækin hefðu uppfyllt kröfur. Ekki var sérstaklega tekið fram hverjar kröfurnar voru… Kannski var ein krafa: Fyrirtækið verður að vera bandarísk og forstjóri þess meðlimur í briddsklúbbi Gogga…?)

-Olían í Kaspíahafi er $6 trilljón dala virði (þ.e. 6.000.000.000.000, eða 600 þúsund milljarða dala). Úff! Er það ekki skrítið?

(það sem meira er; er ekki alveg einstaklega skrítið að allir þessir peningar detti inn í umræðuna þegar bandarískur efnahagur stefnir hraðbyri niður í pissuskálina? Ekki nóg með það heldur eru forsetakosningar í Bandaríkjunum á næsta leiti…)

-Bandaríkjastjórn tilkynnir hljóðlega þann 31. Janúar 2002 að hún ætli að styðja byggingu Trans-Afganistan olíuleiðslunnar. Er það ekki skrítið?

-Forseti Pakistan, Musharref og forseti Afganistan Hamid Karrzai (fyrrum starfsmaður UNOCAL) , tilkynna hátíðlega að þeir hafi náð samkomulagi um að reisa gasleiðslu frá Mið-Asíu til Pakistan í gegnum … Afganistan! (Irish Times 02/10/02). Er það ekki skrítið?

Heimurinn er fullur af skrítnum tilviljunum, er það ekki???
“When in doubt, follow the money…”

(heimild: greinin er byggð á “It's the Oil, Stupid” eftir Joseph Clifford, James Town, Rhode Island, USA)