rebel sko, þetta er bara rétt hjá þér. Ég held svo innilega ekki með USA í þessu stríði, ég má ekki til þess hugsa að þeir sigri þetta auðveldlega. Ég held ekki með Saddam og hef engar hlýjar tilfinningar til hans, ekkert gott álit og fyrirlít hann, en ég er harðari andstæðingur bush engu að síður. Hann er að steypa heiminum í glötun og ég gamli ísraelsmeðhaldarinn er virkilega áhyggjufull fyrir hönd palestínumanna núna, við fáum ekkert að vita hvað er að gerast þar og ja, verðum bara að bíða eftir að Bush klári sig í Írak og sjá hvort eitthvað verður eftir af Palestínu þá.

Ætli þeir endi ekki á því að sprengja upp allt nema v-evrópu og önnur slík “siðmenntuð” lönd til að koma í veg fyrir hryðjuverk.

Leiðtogi stjórnarandstöðunnar í Írak, svo lítil sem hún er, er núna staðsettur í Tyrklandi vegna þess að ef hann myndi snúa aftur til Íraks væri hann drepinn eftir fimm sekúndur….ég er alveg sammála því að það þarf að koma Hussein frá völdum…því það sem hann hefur gert við Kúrda sem búa í Írak er ófyrirgefanlegt…hann hefur notað Kúrda (saklaust fólk) í tilraunir á efnagasi. En það sem meira er að það þarf einnig að koma Bush úr stóli forseta USA, hann er að gera nákvæmlega það sama og pabbi hans gamli gerði fyrir rúmum áratug síðan. Efnahagurinn er að hrapa niður í vaskinn í USA, og hann fer í stríð til að reyna að halda sér vinsælum innan USA og til að draga athygli frá efnahaginum. Einnig er Bush að reyna að hafa stjórn á olíuverðlagi í heiminum með því að ráðast á Írak. Síðustu tölur sem ég veit um, þá kostaði þetta brambolt Bandaríkjamanna í Afganistan um 300 milljarða dollara, ekki skrýtið að efnahagurinn er á niðurleið.
Og svo er oft verið að halda því fram að Bush sé að gera þetta í nafni kristinnar trúar, ég er alveg til í að trúa því, því að kristin trú er hvað ofstækisfull í Bandaríkjunum, spurning hvort sé verra, kristinn hryðjuverkamaður með kjarnorkusprengju eða múslimskur hryðjuverkamaður með nokkra molotov-kokteila?

Garafar heldur því fram að lífsskilyrði undir aðstoð Bandaríkjanna hafi farið batnandi, ég gæti ekki verið meira ósammála þessu…sjáum Afganistan, 1979 ráðast Sovétmenn þar inn, Bandaríkin styðja Afgani óopinberlega, Afganar hrekja Sovétmenn burt með aðstoð bandarískra vopna, Afganar halda áfram að fá ýmisskonar aðstoð frá USA, matvælaaðstoð og annað, Afganar verða háðir matvælum frá USA, mjög takmarkað ræktunarland í eyðimörkinni. Eftir að hafa fengið matvæli og annarskonar hjálp frá USA í um 4 ár, hætta þau að berast, það litla sem Afganinn fékk var nóg til að forðast hungurdauða, ekkert meira, svo er því kippt undan og hvað gerist? Barnadauði og hungursneyð snarhækkar í Afganistan og á öðrum svæðum þar sem matvæli einu sinni bárust.
Og svo eru það vopnin, Afganar fengu ýmisskonar vopn til að berjast gegn Sovétmönnum frá USA og þjálfun til að nota þau, nákvæmlega sömu vopn voru notuð og nákvæmlega sömu þjálfun var beitt þegar Talibanar náðu völdum í Afganistan, 2 árum eftir að styrkir hættu að berast frá USA.
Bandaríkin fjármögnuðu meira að segja uppbyggingu íraska hersins á sínum tíma þegar Saddam Husein var bandamaður þeirra, og hann var í baráttu við Íran.
Og svo er það Nicaragua, Bandaríkin senda inn leyniþjónustumenn til þess að þjálfa Contra-skæruliða og til að leiða þá í skæruhernaði gegn LÝÐRÆÐISLEGA KOSINNI vinstrisinnaðri ríkisstjórn, og fremja í leiðinni nauðganir og morð á saklausum borgurum í sveitahéruðum Nicaragua. Leyniþjónustumennirnir komu meira að segja fyrir sprengjum í aðalviðskiptahöfn Nicaragua, þar sem frönsk, bresk, argentísk, brasilísk, rússnesk og kanadísk flutningaskip lentu í mikilli hættu. Bandaríkin voru fundin sek fyrir stríðsglæpi í Haag fyrir athæfi þeirra í Nicaragua og voru sprengjurnar í höfninni sérstaklega áhrifarík sönnun í þeim réttarhöldum….


ég þakka þeim sem lásu, varð bara að koma þessu fram í dagsljósið til þess að tjá þeim illa upplýstu að Bandaríkin eru ekki boðberi ljóss og friðar eins og þeir segjast vera…

Sokrates

“Svo ert þú að njóta afraksturs ameríska hersins á hverjum degi.
Margt af ómissandi dótinu í kring um þig,
er þróað af ameríska hernum.
Internetið.
Teflon.
GPS.
og svona mætti lengi telja.”

jeiiii
hérna eru nokkrar tækninýjungar handa þér og haltu svo kjafti

lífsskylirði fólks hefur þá væntanlega snarbatnað á kostnað þess fólks sem ekki býr undir þeirri regnhlíf og gleymdu ekki að með nýrri tækni má finna nýjar aðferðir til að kúga fólk

Ábyggilega hafa leyniþjónustur allra ríkja framið einhventímann hryðjuverk.
En ég veit ekki um nein hryðjuverk, sem ameríski herinn hefur framið.
Ég veit bara um stríðsglæp ameríska hersins.

Clinton og Mubarak gerðu allt sem þeir gátu til að semja við Arafat um Palestínu, hann bakkaði af því að hann fúnkerar bara sem fórnarlamb.

Tricia:

„ef þeir virkilega vilja heimsfrið frían af hryðjuverkum þá myndu þeir (fyrir löngu)vera búnir að leysa deiluna sem er hjá palestínumönnum og ísraelsmönnum“

Það er nú meira en bara að segja það, að leysa þá deilu. Allir þeir sem hafa verið forsetar BNA síðan átökin hófust þarna gera sér alveg grein fyrir því að ef þeim tækist nú að koma á friði á þessu svæði þá eigi þeir eftir að fá stórar og fallegar greinar um sig í sögubókum og að þeirra verði minnst sem góðra forseta. Það eru, held ég, fleiri forsetar sem vilja fá sæti við hliðina á Franklin Roosevelt (sem var forseti á meðan verið var að lumbra á nasistum) heldur en t.d. Calvin Coolidge (sem sumir vilja að vísu meina að hafi verið vanmetinn forseti, en hann er nú samt ekki einn af frægari forsetum BNA, sem stillti hvergi til friðar né var mikið í utanríkispólitík, ef ég man rétt).

Ég þykist a.m.k. nokkuð viss um það, að forsetarnir í BNA vilji helst fá einhvern heiður af friði þarna, sem felur ekki í sér að einhverjum aðilanum sé einfaldlega eytt.