Það getur vel verið að það sé eitthvað ábótavant hjá þessum bílstjórum en það eru bara alltof margir bílstjórar sem eru svoleiðis og ef löggæslan væri sýnilegri þá myndu þeir kannski hugsa sig aðeins um. Mér líst stórvel á þessa hugmynd með hraðamyndavélarnar og áberandi skilti sem sýnir hvar þær eru. Núna er það í raun komið svo að það eru bílar í umferðinni sem eru ómerktir lögreglubílar með hraðamyndavélar. Þessir bílar keyra um og geta náð ökumönnum sem keyra of hratt, hvort sem þeir koma á móti eða aka framúr lögreglubílnum. Mér finnst það alveg stórsniðugt en það mætti láta fólk vita af þeim þannig að allir séu meðvitaðir um að hvaða bíll sem þeir mæta eða keyra framúr getur verið með hraðamyndavél á sér.

Ég er á því að eina leiðin til að ná til ungra ökumanna (sem valda óneitanlega flestum slysunum) er að þyngja verulega refsingar við brotum. Ég veit allavega með sjálfan mig, að þegar ég var sautján ára, nýkominn með bílpróf var ég ekki hræddur við neitt, dauðinn átti ekki eftir að heimsækja mig, heldur aðra. Enda var ég betri bílstjóri en allir (að eigin áliti). Það eina sem ég hugsanlega var hræddur við, var að missa bílprófið…en….það var bara í svo stuttan tíma að ég var aldrei neitt verulega hræddur. Hver getur ekki lifað af einn, tvo mánuði án bílsins? Ef ég hefði horft fram á lengri tíma án bílprófs hefði málið horft öðruvísi við. Hér stend ég ellefu árum síðar og hef aldrei lent í neinu óhappi, en það er ekki færni að þakka. Það veit ég í dag. Það er heppni, ekkert annað. Því ég keyrði eins og fífl, sérstaklega ef það voru flottar skvísur í bílnum með mér.
Eflaust eru margir andvígir því að herða refsingar við þessum brotum, en ég veit fátt hryllilegra en að heyra af bílslysi þar sem bílstjóri með ,,overdose" af töffaraskap veldur því að farþegar í bíl hans látast. Þvílíkt tilgangsleysi.
Varðandi löggurnar, þá ætti að rannsaka hvaða aðferð virkar best og nota hana, burtséð frá því hvaða aðferð það er. N.b., við getum ekki kennt lögreglumönnunum sjálfum um lítinn sýnileika, þeir vinna sína vinnu samkvæmt skipunum frá fjársveltum yfirmönnum, sem reyna vonandi sitt besta þrátt fyrir lítinn áhuga stjórnvalda á að bæta úr þessum þætti.
Kveðja.

ég er sammála um að löggann mætti vera sýnilegri. það skiptir helmingi miklu meira máli heldur en að hún sé að fela sig, því þá eru ökumenn ekki meðvitaðir um að hún sé að fylgjast með.