lhg:

Hvernig væri það annars; ef einhver nauðgaði, fer inn í endurhæfingu og það allt, fer út og nauðgar aftur - myndi hann fá lengri vist í seinna skiptið (þ.e.a.s. í kerfinu þínu)?

Sá sem var drepinn á líka fjölskyldu og ég get ekki ímyndað mér það að ættingjar hans myndu sætta sig við að morðinginn væri bara ráfandi um göturnar eftir örfá ár. Fólk verður að hugsa um afleiðingar gjörða sinna. Ef ég lem einhvern mann þá veit ég alveg að það er rangt og það þarf enginn að reyna að troða því inní hausinn á mér. Ef ég myndi snappa og stinga einhvern og drepa hann þá þyrfti enginn að segja mér að það sem ég gerði var rangt. Auðvitað þarf að segja einhverjum það, t.d. einhverjum sem eru ekki alveg í lagi í hausnum. En margir sem drepa eru bara einhverjir klikkhausar sem vita alveg nákvæmlega hvað þeir eru að gera og þá á að loka inni. En auðvitað hefur þetta slæm áhrif á fjölskyldu morðingjans en hvað er hægt að gera ? T.d. ef einhver myndu drepa náinn ættingja minn og losna svo út eftir kannski 5 ár í fangelsi þá get ég alveg lofað þér því að ég myndi steindrepa hann eftir að hann kæmi úr svona stuttu fangelsi. Maður væri ekki búinn að jafna sig eftir 5 ár og það myndi versna meira ef maður sæi svo morðingjann úti á götu eftir svona stuttan tíma. Sumir eru ekki mjög fljótir að jafna sig eftir að ættingi þeirra deyr t.d. úr krabbameini eða eitthvað en það væri sennilega miklu erfiðara að sætta sig við það og komast í gegnum það ef ættingi manns hefði getað lifað mörg mörg ár í viðbót en gerir það ekki því einhver drap hann. Það á ekki að hugsa um hag morðingjans heldur hinna aðilanna. Enginn bað morðingjann að drepa og hann verður bara að taka afleiðingum gjörða sinna.

Ég er alveg sammála þér með að fangelsi eigi frekar að vera endurhæfingarstöðvar en refsibúðir og mér hefur alltaf fundist það. Alls konar veslings smákrimmar og svona strákgrey sem voru að smygla inn dópi og svona, fólk sem var í dópi og fór að stela út af því og allt það lendir þarna inni og kemur út verri glæpamenn en það fór inn, því menntun þess og framtíð hefur ekki verið sinnt nógu vel í fangelsinu.

Ég hef mikla samúð með föngum almennt og vildi óska þess að fangelsin væri staðir þar sem þessu veslings fólki yrði hjálpað að koma undir sig fótunum og eiga góða framtíð….En ég er víst mennsk líka, og hef ekki samúð með kaldrifjuðustu morðingjum eða nauðgurum á sama hátt og ég finn til með einhverjum veslings þjófum og dópistum sem gera mistök.

Mér finnst að það þurfi meira fjarnám á Íslandi, gera það aðgengilegra, og tryggja föngum einhvern veginn vinnu að lokinni afplánun, en já, samúð mín á sín takmörk og ég óska þeim sem drepa af yfirlögðu ráði, eða mönnum eins og þessum Steingrími einskis annars en æfilangs fangelsis, allra vegna. Ég veit ekki hvort það er rétt, en ef ég þættist hafa mikla samúð með slíku fólki væri það einfaldlega lygi býst ég við, og ég sé það í allt, allt, allt öðru ljósi en veslings fólk sem framdi einhverja smáglæpi og lenti á villigötum. Slíku fólki ber að hjálpa eins mikið og mögulega er hægt, meðan á fangelsisvist stendur og eftir að henni líkur að mínu mati og það á alla mína samúð. Dómskerfið hérna virðist hins vegar ekki vera sammála mér, og barnanauðgarar fá liggur við svipaða meðferð og fólk sem ekur of hratt einu sinni, og morðingjar eru settir við sama borð og þjófar og einhverjir veslings dópistar og smásmyglarar. Talandi um óréttlæti. Ég vil harðari dóma fyrir þá sem hafa sýnt af sér illsku í sínu versta formi (með harðari meina ég BARA lengri fangavist, finnst reyndar fínt að láta þá vinna fyrir henni líka, í ek. verksmiðju eða eitthvað), og mildari meðhöndlun og markvissari fangavist sem myndi aðallega vera til að hjálpa fanganum að eiga gott líf í framtíðinni fyrir þá sem frömdu skiljanlegri glæpi og hafa ekki sannað sig sem algjör ómenni.

ThuleSól

GunniS:

Hvað með það þótt það yrði hlegið að þér? Ef þetta skiptir þig virkilega miklu máli, þá ætti hlátur smámenna ekki að bíta á þig frekar en mannshráki slekkur þorsta fíls.

GunniS.

Þú segir það ekki vera í samræmi við karlmennskuímynd karla að tilkynna að þeir hafi orðið fyrir heimilisofbeldi.

Því miður veit ég um dæmi þess að kvörtun á hendur konunni var til þess að breiða yfir aðferðafræði sem ekki þoldi dagsins ljós af hálfu karlmanns en kom til sögu eftir að konan hafði leitað í viðtal við Kvennathvarf.

kv.
gmaria.

GunniS:

Enda er þessi “karlmennskuímynd” einn af lélegri bröndurum sem heyrst hafa í háa herrans tíð. Þetta er jafn ógurlega ófyndið og t.d. brandarinn um að “við” höfum náð að komast á ólympíuleikana 2004, eða önnur birtingarform þeirrar áráttu manna að líta á sig sem hluta af þjóð.

Ef karlar þykjast svo merkilegir að geta ekki tjáð sig um það að hafa orðið fyrir ofbeldi af hálfu maka síns, þá er það þeirra vandamál og ekki annarra. Ef þeir eru svo aumir að geta ekki horfst í augu við vandamálin, þá getur enginn hjálpað þeim.

Flestar konur eiga það til að geta verið rosalega tíkarlegar, bæði við hverjar aðra og okkur. Ég hef samt ekki heyrt um neitt dæmi að kona hafi kært einhvern fyrir kynferðislega áreitni saklausan bara af því henni fannst hann ljótur. Reyndar man ég bara ekki til þess að neinn hafi verið kærður fyrir kynferðislega áreitni á þeim stöðum sem ég hef verið að vinna á. Reyndar var ég að vinna á einum stað þar sem var frekar gamall og subbulegur kall sem var stundum að klípa í stelpurnar og þær ekki par hrifnar en ég held að þær hafi samt ekkert klagað, bara haldið sig frá honum.

Það er alveg rétt sem Elín Hirst segir, en það hefur ekkert með það að gera að segja frá öllum smáatriðum. Það bætir engu við umræðuna nema fyrir gluggagægja og slíkt fólk.

Þeir sem nauðga eru ekki að gera það vegna greddu; þetta er ósköp einföld líkamsárás. Þetta er ósköp líkt því að berja - nema niðurlæging þolandans er meiri og sjálfsmynd gerandans fær smá “búst”.

Nú veit ég ekki hvað er verið að gefa í skyn með þessari auglýsingu þar sem ég hef ekki séð hana. En ætli það sé ekki einfaldlega verið að benda fólki á að velja vini sína vandlega?