Vel mælt, keesha.

Varðandi umhverfisverndarsjónarmiðin í þessari umræðu, þá eru þau gjörsamlega fáranlega heimskuleg.

Nú er það þannig að þessi væntanlega raforkuframleiðsla með vatnsafli mun á endanum koma í staðinn fyrir orku sem framleidd er annarsstaðar í heiminum með mengandi orkugjafa, þ.e. kolum. Langsamlega stærsta umhverfisvandamál samtíðarinnar eru gróðurhúsaáhrif, og sem kunnugt er stuðlar kolabrennsla mjög að þeim, líklega meira en nokkuð annað. Það þarf varla að tíunda afleiðingarnar ef gróðurhúsaáhrifin verða stjórnlaus, það er á allra vitorði að þau yrðu svo stórbrotin að ekkert í mannkynssögunni kemst í hálfkvisti við þá vistfræðilegu eyðingu. En þeir sem eru á móti virkjuninni af umhverfisástæðum finnst þetta skipta minna máli en að einhverjir sandar og grasstrá lendi undir vatni! Er ekki allt í lagi heima hjá ykkur, þið svokölluðu umhverfisverndarsinnar? Viljið þið frekar sökkva plánetunni heldur en einhverjum sandi uppi á öræfum?

Að fyrstu vil ég segja að ég tel mig heldur hlyntari virkjun en hitt svo að það sem ég skrifa verði ekki rangtúlkað.

Það er ekki fáránlegt að mótmæla virkjun við Kárahnjúka þó að maður hafi ekki komið þangað eða muni nokkurntíma gera það. Það er nóg að hafa séð þá í sjónvarpinu eða vita um lífríkið þar. Það er til fólk sem metur náttúruna ekki einungis eftir því hvernig hún lítur út, heldur einnig eftir því hvernig hún virkar, þrífst og þróast. Sjónræn fegurð er ekki eina fegurðin. Að vera með þetta eilífa aðkast að mótmælendum af því að þeir skuli ekki tjalda á Kárahnjúkum 2-3 á ári er bara fáránlegt. Íslendingar mættu mótmæla virkjunum Viktorífossa í Afríku, jafnvel þó að þeir komi aldrei þangað, vegna þess að þeir eru hluti af náttúrulegum arfi heimsbyggðarinnar. Að sama skapi geta náttúruverndarsinnar, já, eða hverjir sem er, mótmælt Kárahnjúkavirkjun á þeirra eigin forsendum hvort sem þeir hafa hugsað sér að kaupa þar sumarbústaðarland eða ekki.
Svo má ekki gleyma því að það er ekki bara virkjunin sem skaðar umhverfið, heldur einnig álverið. Mér er alveg sama þó að þar séu bestu hreinsigræjur sem bjóðast, eins og tuggið er í sífellu, álver skaðar umhverfið. Þar er önnur ástæða sem ofurvirkjunarsinnarnir eru tilbúnir að líta fram hjá.

Því segi ég sem semi-virkjanasinni, allavega við Kárahnjúka, leyfið mótmæli litla mannsins, án hans falla umhverfislegar forsendur í gleymsku. Ég skil heldur ekki af hverju þið látið mótmælendur fara í taugarnar á ykkur, það er öruggt að það verður virkjað, það verður byggt álver o.s.frv.